平日lunch 時間去，有set lunch 提供。 我揀左嗰個香辣吞拿魚泰式金邊粉。 等咗5-10分鐘，勁多蕃茄，啲蕃茄擺明係兜2兜上碟，微熱only, 肉仲係黐住皮。 個粉賣相不討好，用隻叉拮拮，啲金邊粉黐埋一舊，碟底勁油。 唔知佢嗰啲係咪油浸吞拿魚，連埋啲油一切撈，無錯係撈，唔係炒，食一啖，肥到成口油，口感黐埋一舊，吞拿魚同泰式金邊粉完全唔夾。抹一抹嘴，印到紙巾都有油。 味道有辣，但只有辣，唔係泰式嗰回事。 仲收加一，完全唔抵。

銅鑼灣咁多食店，可以屹立不倒總有原因，我諗係幾代人的情懷。 不少人係一家大小來的，就像媽媽小時候帶我來，我也帶我的小朋友來，一代一代幫襯下去。 每次，係每次，不論外賣定堂食，我一定一定一定（重要野要講三次）柯打鹵水豆腐豆卜。 由$1x味食到而家$20，係好貴，食完都會空虛，但偶一為之都可以嘅。 鹵水豆腐豆卜，鹵水是靈魂。鹵水唔係死鹹，反而有啲香甜。豆卜鹵到入哂味，係真係好好味；豆腐相對無咁入味，因此，食到豆味，嫩滑得黎紥實。

好耐無寫過食評，為左佢開筆寫個好評。 鐘意食米線要黎一次，唔係話特登黎，但黎開葵芳就黎食一次啦。 黎到門口好多人，攞飛就要穿過鋪頭去另一間鋪位，等左5分鐘到就有位。 柯打左個螺旋藻豬軟骨少少辣米線。等左好耐好耐，米線熱辣辣上桌。 試試湯底，正，濃郁酸辣； 米線正常，配合螺旋藻增加口感，正； 開頭以為豬軟骨唔match 酸辣米線，點知幾夾喎，亦入味。 味道都重口味，所以成碗食，食得耐有啲膩，加錢可加飲品，要左枝綠茶，解膩。

點了個$73外賣套餐，選了韮菜餃+炸醬麵拼熱豆漿，外賣盒收多$2，埋單$75。 等左10分鐘，拎得，返到公司大約5分鐘。 啲麵一餅野，啲餃子細細隻唔飽滿，同佢外賣餐牌簡直兩回事。 賣相差，味道係更差。食韮菜餃都唔知食左咩落肚，無韮菜味，無肉味；餃子皮糊糊地，成隻餃子軟腍腍，完全無口感。啲餃子咁難食，仲好意思叫「餃子駅」😖 個炸醬麵啲麵腍pat pat，啲醬一陣油yik味，惡劣。 啲食物質素連微波食品都不如，不知所謂。

素聞駱駝漆大廈美食林立，今日黎開觀塘又正值午飯時間，就揀間好評餐廳試試。 樓下排隊搭𨋢，已經好多人，好想讚賞一下管理員，佢真係把守住𨋢門，不容有人趁亂打尖。 好多人都係向11/F出，相比烏冬店排隊排到癲，牛肉麵店就無人等位。 主鋪位無位，店員安排我地坐另一邊。同時，有其他食客陸陸續續入座。我地係第一枱落單，之後陸陸續續第二、三、四枱落單，我諗前後都差5-10分鐘，但我地啲食物係同其他枱一齊用餐車推入黎。 我唔知係快餐關係，所有野現成所以唔夠熱同啲麵淋啲，定係因為要等齊柯打先一次過推入黎，所以已經放涼哂同浸淋哂啲麵，但啲野食係唔夠熱同麵真係淋到一餅野咁。 個湯底係果汁咁甜甜地，因為唔夠熱，真係有啲怪，好似果汁浸住啲麵咁。啲配菜亦麻麻地，但牛肉真係好食，夠淋夠入味。午餐小食，我點左鴨血，質素就唔好講啦，唔麻又唔夠辣。 返轉頭指數：0

半價唔會再食，原價更加唔會食。 3個人食，埋單差不多$1200🤦🏻‍♀️ 去食自助餐仲可以食飽，食呢個金牌篜鍋好似食風咁。 嗰半隻龍蝦已是全餐最大份量的食物，嗰個套餐上啲海鮮同嗰「份」牛肉超級寒酸，全部一隻起、兩隻止，根本唔會食飽人，更何況唔係樣樣海鮮都新鮮，嗰條蟶子bb 腥到，但唔值我花$400🤦🏻‍♀️ 套餐上嘅熱食亦只係普通水準，燉湯亦唔夠火候，嗰粒龍眼乾仲有龍眼甜味，隻雞腳依然硬硬的，燉到夠火候啲料應該出哂味、肉亦要軟爛的狀態吧😥 環境都唔值$400...你行去個廁所睇下，啲罐裝汽水、炸魚皮就擺向廁所門出面，就算有包裝袋包住未開袋，你都覺得擺向廁所前面好核突啦🤷🏻‍♀️

唔知點解咁多好評😳 又唔知點解係好多人食，mud 灣仔無其他野好食？我純粹未試過，又見咁多好評試下，點知伏嘅。 我點了個四川擔擔刀削麵 + 淨食水餃+凍豆漿。 不知所謂，碗大湯多刀削麵少，醬已經融左落湯，除左鹹，咩擔擔味都無。刀削麵本身都煙韌，其實唔差，但湯底真係差。而且量少，正常一個男人食，唔會飽囉。 淨食水餃，湯鹹到呢，點杯豆漿浪浪口，杯豆漿完全無豆味，白開水一杯。水餃應該係人手包嘅，隻隻都有啲大小不一，個餡係菜肉，肉係有陣肉蘇味，就係唔好味。

小店理應要支持，所以附近周圍咁多餃子店都好，山長水遠都特登行過去棒場，但試過後，餃子質素確實有問題.... 韮菜餃（湯餃） 菜多肉少，健康之選👍🏻 韮菜雖多，但陣豬肉騷味已掩過一切味道... 真係好難入口。除左豬騷味，連鹹味都欠奉😖 我理解點解枱面咁多調味料了—醋、醬油、豆瓣醬、菜甫。我全部都落哂，都掩蓋唔到陣豬騷味，非常失望。 粟米芝士豬肉餃（煎餃） 比韮菜餃出色，起碼無明顯豬騷味，但也沒甚麼出色的味道，只係粟米豬肉煎餃，完全感覺唔到芝士味🤦🏻‍♀️ 一樣要落調味料，試過哂所有調味料，要數夾味的話，排名如下：豆瓣醬>菜甫>醬油>醋 雞絲粉皮 出色！相比餃子出色太多了！粉皮Q彈, 唔係一般透明的粉皮，是台灣冬粉嗰種。調味亦到位，醬汁足夠，而且濃稠，唔係溝水嗰隻醬汁👍🏻 檸檬薏米水（凍） 出色！$10大大杯，而且足料，有料到，真利尿😂 一次就夠，認真說，我不會因為雞絲粉皮及薏米水再來😅唔好計其他食店，餃子店向呢區競爭都好大，店主唔鑽研下味道及食材質素，真係好快就玩完😖

賣相好得，但腥味好勁。真正鮮甜的生蠔，大家唔駛加呢加路（加檸檬汁、加醬）食，因為加左反而畫蛇添足左，但呢度啲蠔真係好腥，唔知處理過程做左咩（利申：我唔係點$10平平蠔，係正價蠔一打）。 我究竟食左咩落肚。 另外柯打左個four cheese pizza.. sorry 係four cheese BISCUIT.. 餅邊硬到Kok kok聲，個餅底明顯就係超市買現成嘅餅底，面頭加cheese，然後拎去焗嘅質素，仲收$168呢個價真係搵笨。 PS 客服是貼心而且殷勤，解答詳細，值得加許。

星期五晚，晚飯時間，餐廳只有2、3桌客人。 點了黑松露雜菌焗意大利飯和鹽酥雞。等了又等，黑松露雜菌焗意大利飯上桌了，我和友人都呆了，心想「甚麼來的？」「都百幾蚊喎！」「主食是這麼「大」碟？小食碟黎渣喎==」有圖有真相（看圖） 味道是驚為天人？不是驚為天人的好吃，是驚為天人的普通。從未吃過乾巴巴的的意大利飯，只有面的薄薄一層汁，下午乾得像炒飯那小食盆「大」的份量，不用舀一匙已到底，大概5-6匙便吃完。 再等了又等，鹽酥雞上桌。又呆了，心想「炸雞卷黎嘛！」份量今次符合小食的份量，但味道.... 請想像一下，紫菜包著酒味醃過的雞去炸，跟鹽酥沒大關係，而且雞件相當肥膩，滿口都是油。隨雞附上的黑松露蛋黃醬，空口吃還帶淡淡黑松露味，點了雞則甚麼味道也沒有，浪費矣。 而且說認真，醬竟比雞好吃。