今晚想搵新餐廳食嘢。自己唔係好鍾意食韓國嘢，但上網見到呢間餐廳都幾多likes。一於嚟試吓。 餐廳環境都幾舒服，幾寬敞。 1.韓式炸雞$178 冇乜特別 。味道尚算正常。 2.火山泡菜炒飯 樣係幾靚嘅。叫做影吓相啦。 食落真係唔得。 飯好似隔夜飯。 比較乾身比較實。 唔掂呀 3.提子芝士奶蓋$48 有少少提子味。唔特別。can skip。 4.砵仔綠茶慕絲蛋糕$78 又係得個樣。 個蛋糕好乾身。冇乜味。 最後埋單。兩個人要$497。 唔會再嚟啦。

今日放假。自己一個人食 午餐。 上緊OpenRice搵吓新餐廳啦。 見到呢間新嘅牛肉麵。 食評好似唔錯。 加上我一般對牛肉麵冇乜抗拒能力。 即時出發。 時間大概下午一點半。去到門口竟然要等位。我排第五。不過好快就有位喇。 餐牌。 感覺價錢都偏貴。不過牛肉麵嘛，我通常都唔會計較嘅。 第一次食當日係食最大路嘅紅燒味啦。 1.紅燒招牌三合一麵 個樣望落唔錯。 首先講湯底。叫做勉強合格啦。對我黎講，味道唔夠濃。 材料。份量都算多。牛肚偏林。牛肉算係幾好食。夠林。牛肉味還可以。牛筋正常。 2.蜂蜜檸檬茶。 味道都唔錯。 整體來講。 餐廳食物質素合格。但如果講餐廳地點位置，加埋食物質素嘅整體評分。我覺得價錢算係偏貴。所以個人未必會再返嚟。

來自韓國嘅雪糕店品牌。 牛奶係用有機牛奶。所以據說味道比較濃。 之前尖沙咀首先開咗第一間舖。 今次終於過嚟香港島。響希慎開。 想試左好耐終於有機會啦。 今晚我同朋友只有兩個人。 望住個Menu。好多口味都想試。 冇辦法啦只係得兩個人，既然第一次嘅話先試咗最平同最熱門嘅選擇先。 牛奶味同埋豆乳牛奶味。 1.牛乳味$48 估唔到真係超級好食。牛奶味好重。質感比一般軟雪糕硬淨。 好鍾意佢個質感。個牛奶味好香。 2.豆乳牛奶味。$48 味道都OK。但個人會比較覺得牛乳味會好味好多。質感比純牛奶味冰一點。凍一點。 。 整體來講感覺都幾好。 前幾日先食完，今日已經想再食。 想試阿薩姆奶茶味。朱古力味。濟州抹茶味。 好想食呀！

我自己超鍾意食潮州菜。 一見到有新餐館開咗當然即刻黎試啦。 1。滷水鵝肉。 味道不錯。 如果鵝肉再多少少會更加理想 有滷水豆腐放底。 2。韭菜炒鹹豬肉 都幾好食。 韮菜幾爽。 3。 煎豪餅 呢個非常之好食。蠔好新鮮。煎得脆口。 火候啱啱好。 4。花膠螺頭群翅湯。 呢個就真係麻麻地喇。不過價錢比較平＄68。都唔會有太高期望。可以skip。 總括嚟講呢間新嘅潮州菜館質素還可以啦叫做合格。 當然佢冇一般出名嘅潮州菜館咁出色。而菜式嘅選擇亦都唔多。但叫做多個選擇。都可以一試嘅

食燒味嘅選擇有好多。 基本上大部份嘅香港人都會鍾意食燒味。 但係提供燒味嘅餐廳質素可以好參差。 無論質素上啦價錢上啦，分別都可以好大。 蛇王二。 我間中都會嚟食佢個燒味飯。 其實佢最出名應該係蛇羹， 尤其是響冬天，你食飯往往都要排隊等位。 蛇羹足料又好味，大家要試。 不過今日我想飲湯。 佢嘅燉湯選擇亦都有好多。價錢亦都唔貴。 今日我揀咗: 1。燒鴨胸拼少肥叉燒飯 2。陳腎西洋菜湯 雖然佢係用燒鴨唔係用燒鵝。但係燒鴨燒得好香。 燒鴨皮有脆又香。 同師傅講叉燒要小肥。啱啱好。你嘅叉燒脂肪度正合我心意。叉燒亦都係燒得非常之香。 我揀咗要燒鴨胸 因為鴨胸比較多肉正合我心意，你哋自己亦都可以選擇亦都可以加錢食鴨脾。 西洋菜陳腎湯。 好香嘅腎味。分量亦都適中。 $78 ， 有好味嘅燒味， 有一碗燉湯。價錢非常之合理。位置可能會有少許逼夾，但食物嘅質素非常之高。 當大家想食燒味飯又想飲一碗靚湯，真係可以試一試蛇王二。

今日突然經過灣仔。 見到呢間餃子店門面幾靚。所以入嚟試下。 有午餐Menu。 你揀一個前菜、 一個主食，同埋日本餃子。 我揀咗涼拌芽菜做前菜。爽口，好食。 主食揀咗鰻魚飯。原本冇乜期望因為諗住都係黎食餃子。估唔到佢個鰻魚都幾好食。 餃子我揀咗最簡單嘅煎餃。 都幾好食喎。 佢嘅餃子偏細隻。但都好好味。 餐廳入邊唔大。但環境都幾日本感覺。 價錢唔算貴。 我會再返嚟食。想試明太子餃子， 同埋辛味餃子。 貼士: 大家可以來試食午餐因為感覺午餐比較抵食。逢星期一至五先至有午餐。

今日瞓覺瞓晏咗。突然間想食喜喜冰室。 錯過咗早餐時段。 唯有黎食下午茶。 位置舒服。 講左黎新舖，舖位大好多。裝修舒服左。有好多卡位。 用咗紅色小巴座位嘅設計。都幾特別。 舖入面亦都有好多懷舊嘅擺設。 茶餐有叉燒意粉火腿炒滑蛋同埋油多士。 佢嘅多士真係好好食。 滑蛋都好香。 意粉質素就正常。 不過逢公眾假期同埋星期日，就要加一。但位置舒服，我估大家都未必會介意比多少少錢。 食物質素可以，主要係食佢嘅環境。 大家不妨黎試一試。

最鍾意食海鮮。有殼嘅海鮮我一定唔會放過。 莆田係嚟自星加坡嘅品牌。有個米之蓮嘅推介。 一定要來試試。其實以前已經食過。 今日突然有想食蟶子。莆田係蟶子專家，所以揀咗佢。 可能由於有電話訂位嘅關係。所以侍應就帶咗我哋去圓枱。比較寬闊坐得舒服。正。 喜歡莆田入面淺藍色嘅牆身。有屋企嘅感覺。 最近去做緊一個優惠。$198有兩碟聖子。 可以揀唔同嘅煮法。你哋可以睇吓餐牌上面嘅相片。 我哋叫咗下面嘅嘢食。 1.酒糟聖子。 呢個應該係今輪餐牌新嘅煮法。係凍食。聖子有好香嘅酒味浸住。由於凍食嘅關係，唔好加太多調味。可以食返聖子本身嘅鮮味。唔錯。 2。蒜蓉蒸蟶子。 呢個係最大路嘅煮法。 冇得輸。蒜蓉味好香。 正。聖子嘅份量都足夠。我同朋友兩個人叫咗兩碟聖子。 其實食完仲未夠喉。 3.自製滑豆腐。 唔好睇佢個樣平平無奇。真係好好食。個豆腐真係非常之滑。送飯一流。 4.莆田荔枝肉。 其實一心諗住黎食蟶子。不過作為食肉獸。點都嗌過肉啦。都幾香。果肉有輕輕炸過。整法都幾開胃。有啲生果嘅鮮甜味。 5.扁肉湯。 湯入面加左醋會有一陣少少嘅 酸味。鍾意醋嘅朋友。會覺得幾開胃。但如果對醋。可能就未必會鍾意。不過佢好好。可以嗌一位嘅份量， 好細碗一個人絕對食得晒。 6.牛油果沙冰。 我自己對牛油果冇乜興趣。但我朋友係牛油果粉絲。佢話呢杯沙冰超級正。算係重牛油果味。 佢強烈推介。所以牛油果粉絲可以一試。 7.薄荷琵琶凍。 我哋只叫咗一個甜品。我比較鍾意薄荷又鍾意食枇杷膏見到呢一個幾特別所以揀咗佢。味道還可以啦。小小薄荷味。 小小琵琶味。算係一試無妨嘅甜品 。不過印象中上次黎叫咗個南瓜同紫薯嘅甜品比較出色。 大家可以留意下餐牌。 總括來講價錢合理食物質素幾好。隨時都會再返嚟食。 小貼士。可預早訂枱。可以要求坐完枱或者坐卡位。因為另外一邊嘅二人枱會比較擠迫。 希望幫到大家啦

之前已經同朋友你食過。 用eatigo 訂位會有折。 環境非常之好， 燈光暗暗地好有氣氛。 亦都幾浪漫。 上次黎食嘅時候。真係覺得個牛扒好好味。 所以今次同朋友慶祝生日， 我專登揀返再嚟呢間餐廳。 其實係我自己想食個牛扒。 遲點左下面嘅食物。 1.生蠔。 非常之新鮮， 好鮮甜， 價錢合理。我同朋友食完之後都想再叫， 不過最後揀咗留返個胃食其他野。 2.焗田螺。田螺味道唔錯， 田螺下面放嘅薯蓉超級好味。 最後我哋兩個將所有薯蓉食晒 3.牛扒。真係好好食， 同上次水準一模一樣。個牛本身牛味好重，四成熟啱啱好。朋友係女仔， 都食到唔停口。 4.鵝肝。呢個就一般般。 5.甜品我哋揀咗朱古力souffle，同埋apple crumble 。我哋兩個都超級鍾意食甜品。估唔到之前主菜已經好好味。黎到甜品一樣保持水準。個souffle啲朱古力味好濃。依家寫食評一邊寫到一邊掛住個甜品。一定一定要試。Apple crumble 有好香好好食。 不過如果你哋下次去， 有逼住要揀嘅話，我會揀souffle . 好鍾意呢度嘅環境。 服務亦都非常之好。 呢間餐廳。真係超級推介，大家一定要試。

今晚同友人食晚飯。 因為食得唔太飽嘅關係。 作為甜品迷，當然又要搵甜品食啦。 揀咗呢間 hesheeat。 聽聞之前都幾受歡迎所以要排隊。今晚呢度冇人龍， 唔使等候所以好開心。 甜品選擇嘅種類一般。不過相片影得好靚。 我同朋友都好鍾意食窩夫。 所以揀咗兩種唔同口味嘅窩夫。 1)抹茶紅豆窩夫。 一般。 窩夫質地好林，抹茶香味比較淡。 2)朱古力窩夫。 我自己比較鍾意食朱古力，所以我點左呢一個。 有少少期望。結果質地都係比較林， 而且朱古力味好淡 雪糕仲要係raspberry 口味。 比較甜。 加上我對raspberry真係冇咩興趣。 環境一般。可能樓底唔夠高，都算比較嘈。 試過一次就夠了。我之前嘅食評講到咁好食。 銅鑼灣甜品選擇比較多， 下次可能會去試第二間lu。