入左院5日，唯一娛樂就係電視機，手提電話同埋枱面本餐牌。 因為前2日禁食，到有得食嘅時候梗係要叫好少少啦 第一餐 芝士素吞拿魚法包 $88 超級好味 香香脆脆 南瓜豆腐蛋花粥 $63 南瓜非常蓉 容易入口 第二餐 黃金豆腐磚 $48 正常 密椒薯角炒肉丁 $98 因為肉丁係素肉，個人覺得味道怪怪地 百合雲耳炒勝瓜 $98 廚師將勝瓜切至好細粒所以容易入口 淮山杞子姫松茸蟲花燉湯 $82 非常足料好好 第三餐 北方早餐 $108 包括鹹豆漿，上湯餃子及粢飯 上湯餃子好味，其他一般 自製香蕉蛋糕 $28 一般 第四餐 淮山粟米蓉粥 $68 淮山切到比較大粒個人覺得有口感 炸薯條配黑松露醬 $58 黑松露醬勁香成個病房都聞到 香橙焦糖燉蛋 $68 個人覺得超級好味 第五餐 芝士素吞拿魚法包 🥖 $88 太好味，所以叫多一次 卡邦尼意粉 $98 可能係素食，同平時食開嘅有少少分別，但個人覺得係好味嘅 越南米紙卷配芒果牛油果 $68 非常一般 鮮奶燉蛋 $88 燉到超級老唔好味 節六餐 芝士蕃茄奄列 $70 幾好味 皮蛋瘦肉粥 $52 個人覺得比頭兩餐嘅粥差少少 我可以出院啦 希望大家都身體健康

真心講，我未去過法國，我唔知所謂既正宗法國菜係點，只知我叫左6個菜，但我只係食左1.5個鐘就賣單閃人~2個人，openrice 訂枱有75折，人均HKD$400
6個菜，紅酒白酒係買一送一，叫左一杯都只係$79，人均400，所以我只可當佢係快食既西餐
焦糖鴨干鴨干配法包  HKD$168 鴨干一啲都唔腥，法包加一大舊鴨干再加小小醬，好正，唔會over  但多士可以多幾塊就更佳囉~

火腿提子沙律 HKD$148係冇咩驚喜既沙律，屋企自己整都得，法國菜係咁嫁咩? 
日本鮮帶子檸檬汁初榨橄欖油意粉 HKD$188個人覺得帶子一般仲有小小over cook, 食到最底好多汁，代表咩?  唔掛汁未好似健康小小，冇咁肥囉~~~
鴨腿 肉腸 巴馬火腿煲仔飯 HKD$208最驚喜係有飯焦，又冇咩味，飯係煮足，飽肚，但我真心講，個人覺得好一般般
酥皮蘋果批配雲呢拿雪糕  上枱幾靚仔，係好靚，但未到驚喜
我唔知有幾多打手/餐廳比錢谷人氣，但我食過一次就算，都唔會介紹比朋友。

西貢有條泰國街，入面有好多小店，價廉物美，如果黎西貢想食平啲，絕對可以入嚟搵嘢食。 門口有黃秋生同老細合照，應該都唔差得去邊。 入去去，地方好細，冇裝修，五張枱，一眼睇哂，因為防疫條件，感覺好逼。 叫左兩個飯，一個小食 海南雞飯 完全冇其他配菜，簡單海南雞加一碗飯，青瓜片都冇，但不得不讚，雞好滑好嫩，我成碟食哂。 豬蹄飯 豬蹄味好濃郁，個汁好好味，配飯一流，同樣地又係食晒成個飯。冇乜特別添加，就係簡單主題加飯。 魚餅 冇乜特別，好細塊，多油，最好食係個汁。 後記，其實全場五張枱，3點幾入座，都全班爆面。另外，好多西貢人黎門口叫外賣，可見西貢坨地人最愛，絕對有佢價值。好味的海南滑雞🐔

根據政府防疫措施，六點後堂食又開始。 為咗紀念一下所以今日食牛，石燒牛肉其實好多選擇，但就絕對比佢價錢吸引。因為佢做緊優惠，凡惠顧所有石燒牛扒，都會送薯條，嘻嘻。 牛扒選擇有六至七款，最後決定300g牛肋間隔膜同200g牛柳 300g牛肋間隔膜 肉味濃郁，肉汁豐富，完全唔嚡 200g牛柳 肉色紅潤非常新鮮，完全做到鎖住肉汁效果，有驚喜，牛柳少脂肪但同樣一啲都唔嚡。讚 最後真係要讚下個熱石，非常熱，唔會好快降溫，將個仲放咗啲薯條上去，烘到脆卜卜

荃灣海之戀多餐廳就係人都知，成日見佢門口成間雜貨店咁，入面有得零售賣扒同酒又確實幾得意。環境好似去左外國咁，好有feel 凍凍地都要求坐岀面，因為環境好chill，對住個大暖爐，成個人暖哂😌 揀左個人頭448牛扒餐，當初以為一個頭盤一個主菜加一個甜品，以為唔夠食，每人叫多一款配菜，點知448係勁豐富。 因為食扒，所以叫兩杯紅洒 睇個人口味，我就鍾意果味重加輕身而我朋友就鍾意厚身 第一個前菜，牛肉乾 依塊牛肉乾唔洗320，軟身幾好味，牛味重，唔會乾巴巴，配紅洒吹水一流 第二個前菜 又長又幼嘅腸，羊腸😂😂😂 羊辣肉腸，羊味好出，咬爆中間噴少少辣汁出嚟幾得意，好味 又肥又短嘅腸，豬肉腸 依個一般，唔差，只係個人喜歡羊肉腸多啲 扒，煙燻味好重但唔會掩蓋肉味，要讚一讚 第三個前菜，脆皮豬腩肉 邪惡嘅象徵，豬皮燒到博博脆，切起中間好多肉汁別出嚟，完全做到張住個口嘅感覺，最底做咗南瓜蓉，減少罪惡感。 食完三個前菜，已經飽左，好豐富 主菜終於上枱，牛扒五成熟，簡單煎香配上海鹽，醬汁揀咗佢哋特製嘅牛油醬，完全鎖上肉汁，真心好好味😋 配菜叫左芝士西蘭花同埋薯條 配菜正常發揮，係好味嘅 最後，甜品係布朗尼，真心有驚喜，食食吓入邊原來係爆炸糖，朱古力加爆炸糖，少量花生碎，估唔到甜品都咁有驚喜。好開心 最後，叫多左杯咖啡，一個完美嘅句號。 埋單每人人頭650，650食到咁高質，環境好近海濱，食物質素高，我絕對會推介俾朋友同我一定會返嚟再食。正😄

今日朋友約咗嚟荃灣飲酒，就咁睇似玩飛鏢吹水飲酒嘅酒吧，不以為意打開菜單，叫左幾個串燒小食先知原來係隱世串燒店 雞軟骨，牛舌心，雞腎 上菜熱辣辣，真係即叫即燒，平均一串有4至5舊 雞腎爽口，辣味適中，牛舌心可以大塊啲 燒魷魚🦑 小辣，非常惹味，送啤酒一流 燒雞泡魚 燒到邊邊位有焦糖化程度，甜甜地又脆口，咬落有質感，好味 燒菠蘿🍍 話說女孩兒應多吃菠蘿，多汁，做到乾身但入邊勁爆汁效果，讚 燒豬頸肉 非常惹味，小辣好香，串燒最重要係燶邊位唔苦，佢做到，世一，唔係講笑 炒粉絲 中辣，粉絲乾身，唔會食到成咀都係油，好味 燒翠玉瓜 正常發揮，冇菠蘿咁正 整體來講我估唔到荃灣區原來有一間隱世串燒舖頭，豬頸肉世一，真係要多多支持依啲小店。有心有誠意，抵讚！

因為帶狗狗到附近剪毛，所以順手食個下午茶。結果，比佢門口嘅流沙包吸引，走入去試下。 山竹牛肉球 熱辣辣好味 唔重芫荽味 香陳皮 沒有鬆肉粉味道 佳 斑斕馬拉糕 鬆軟 好香斑斕味 招牌流沙包 哈哈笑流沙包 外型可愛 一咬即噴流沙做到效果 好味 西紅柚春卷 香脆 比平時酒樓春卷更加香脆 蒜香脆脆蝦餃王 口感有趣 好似炸燒賣咁 好咁煙靭 蜜汁叉燒腸粉 腸粉夠滑 埋單都係166，抵食，難得工廠區會有好食點心鋪，如果我再嚟嘅話一定會食春卷同埋腸粉，重點推介

行完南豐紗廠市集，當然要搵個地方坐低食個晏，見到全部都係文青咖啡店，大同小異，最後搵咗一間新派點心。 櫻花海鮮炒飯 89 賣相靚 多蝦 彈牙 飯 粒粒分明 正常發揮 酸菜鱸魚98 湯太多唔夠濃 味精好重 魚唔夠滑 仲有骨 星加坡炒蘿蔔糕 78 蘿蔔糕好實淨 煎到好香 同平時食嘅蘿蔔糕口感不一 甜底 有趣 紅油抄手五粒38 足料 多芝麻多紅油多麻油 等於正 飛機流沙包三粒34 絕對做到爆漿效果 奶黃味夠岀 好味 黃金香芒卷三件36 芒果好睇咪季節 我個舊就酸到爆 椰絲夠多 36蚊 3舊 抵 茶介$12但係用茶包 話晒都係茶樓 但用茶包 誠意略減

捐窿捐罅搵到依間居酒屋，座立黑布街非常易搵，坐樓上就要有心理準備冇得玩電話，因為網絡收得勁差。 冇得玩電話只好叫杯生啤，享受美食，飲杯盡興。 牛油果蟹肉沙律 沙律菜唔夠新鮮，見到有黃邊，牛油果蟹肉正常 申子三式丼 分別有海膽，魚子，蟹肉 全部飯都落咗好多醋，搞到啲飯又黏口又酸 海膽有幾板特別甜，有幾板特別腥 魚子同蟹肉都冇乜特別，最主要係個飯好多醋，三個小丼，價錢接近三百，唔值 鮟鱇魚 好好味，邊邊燒到好香脆，軟硬適中，好味 燒牛舌芯 必吃首選，牛舌彈牙，冇根多汁，好味 吉列蘋果豬扒 有少少失望，吉列皮簿，但炸完太鬆散，咬一啖即刻分開晒，蘋果味出，似食緊有肉版嘅蘋果批，個人認為差少少，冇我預期中效果咁好。 整體食物水平，好壞參半，價錢貴，但食物質素仍有進步空間

朋友搵到間特色居酒屋，當然要試試。 小店座位佐敦橫街小巷，唔熟路絕對要打開地圖左搵又搵，去到小街，旺中帶靜，幾好feel，本身訂左枱，但職員安排我地坐bar 枱，要知道居酒屋重點係吹水，講人是非，就梗係要你眼望我眼先會講得特別投入。所以，當有客走，店員就安排返我哋坐闊落嘅四人座位，貼心安排，認真抵讚。 打響頭炮，牛肝芝士配手指餅 撈起唔會太咸，口感似鵝肝，但手指條比多幾條會更佳。 鹿肉漢堡扒 個人覺得，其實同普通漢堡包冇乜特別分別，食得出漢堡手打，再壓制，再煎香，好味的。 串燒方面只係叫咗三款 第一個串燒係，牛舌 真心推介，牛舌大嚿彈牙，燒得好香，好味 第二個串燒，雞皮 雞皮燒得香脆，但好鹹，重手左少少 第三個串燒，燒白鱔 白鱔彈牙多汁，冇任何挑剔。 最後串燒再叫多咗一串牛一串白鱔 燒鯖魚，魚肉正常，但魚皮燒到超級燶！食到放棄。 白酒煮鮑魚 正常發揮，冇咩特別。比較欣賞小菊花 吞拿魚魚腩卷 賣相特別，上碟好靚，食落OK 叫咗兩個餸酒小食 兩款都好味，因為太好味，仲叫多兩杯 最後總結，餐廳位置偏僻，但係坐得好舒服，飲啤酒吹水度11點，開心盡興。食物種類多，質素較高，價錢中上。用餐體驗良好。