今日嚟到鬼金棒嘅姊妹店-鬼金棒辣麻牛骨拉麵！我一直都係鬼金鵬嘅dead hearts fans!所以梗係要幫襯佢嘅姊妹店啦！有品質嘅保證！ 一去到，裝修都幾簡約又光猛，雖然冇鬼咁咁fancy！但都幾舒服！ 呢度都係用QR code落單，今次就叫咗芫荽麻辣牛骨拉麵，拉麵底同鬼金棒唔同，係比較幼身，另外我仲加咗隻蛋，隻蛋好好味！流心蛋個蛋黃好靚！ 而朋友叫咗增量牛叉燒辣麻牛骨拉麵，第一次食牛叉燒，感覺都幾新奇，比叉燒薄身，但係肉味好重，好食好食！又加左隻蛋，蛋真係好出色，不得不再讚下！ 另外我哋仲叫咗碟餃子，一碟六隻，好乾身同埋脆口，不錯不錯！ 呢間同鬼金棒都一樣咁出色，所以姊妹分店都真係有啲質素保證！所以都推介大家一試！

今日係同老公嘅周年紀念日，咁梗係要食返啲好嘢啦，千揀萬揀，花多眼亂嘅情況之下，今次揀咗位於喺荔枝角嘅銀座炎藏燒肉，係未有去日本旅行嘅情況下，呢個都係一個好好嘅機會食嘆下日本美食！ 呢度環境都幾大，好多卡位，坐得好舒服，好彩我哋早嚟，所以都唔使點排隊！ 炎藏和牛極致六點拼盤，可以幾款牛肉部位都試吓，其中我自己覺得和牛肋肉係最好食，牛味夠重又唔會好肥膩！ 之後我哋仲叫咗個厚切牛舌芯，有三大塊，味道唔錯，但又未算好驚艷！ 之後我哋仲叫咗個石鍋和牛牛肉拌飯，賣相都幾靚！大大碗，好啱飯桶食！ 最後我哋嗌咗個3.5牛奶軟雪糕作結！整體嚟講成間嘢都好好食，特別日子過嚟食，真係一個唔錯嘅選擇！ 下次會再嚟食其他嘢！成個menu都好多選擇!好想試曬咁多樣！

去到沙田打邊爐，都有唔少嘅種類選擇，今次就揀咗日式打邊爐，位於喺沙田中心牛魔，呢個係一人一鍋，可以揀自己想食嘅湯底，一個辣湯底又得，揀一個清湯底都得！ 價錢都幾抵食，星期一至五晚都係$198！豬肉牛肉雞肉都係任食，仲有好多其他丸類菜類，一定食到飽一飽！！！！！ 我自己揀咗壽喜燒湯底，仲會免費奉送生雞蛋，而我老公就揀咗鰹魚湯底，各有各口味，兩個都食到舔舔脷！！！ 呢牛肉質素都幾唔錯，重點係上肉速度都好快，絕對唔會dum時間，完全可以食盡佢！ 呢度環境都幾好，又坐得舒服，唔會逼，有好多卡位可以坐，唔錯唔錯！！！ 唯一要彈嘅就係如果飲品有更多選擇會更好！絕大部份都係得汽水，唔太好汽水嘅人真係會得好少選擇呢！！

難得出咗嚟尖沙咀打邊爐，真係花多眼亂好多選擇，每次都要諗咗好耐先至決定到食邊間，而今次就食呢間叫旅鍋！ 呢度嘅裝修幾特別，全部都係以旅行主題為主，可能知道大家好耐都冇去旅行，裝修都用旅行主題去迎合大家嘅喜好！ 呢間打邊爐店都唔算開咗好耐，但呢度有幾間獨立嘅房間，如果一大班朋友過嚟嘅話，可以book間房，好有私人空間，仲有電視睇添！只要符合低銷就可以包廂！ 我哋叫咗一個火鍋套餐，都幾抵食，四百幾蚊有好多嘢，而我覺得呢度啲材料都幾新鮮，海鮮又幾好食！仲有好多唔同部位嘅牛可以選擇，都幾正幾吸引！ 三個人食都係食咗千五蚊落樓，平均每人$500抵食到咁高質素嘅嘢食，真係覺得好抵！如果食任食火鍋，一定食唔到呢個質素！

今日係沙田行街，經過見到原來新城市開左蘇媽蘇媽，之前成日見尖沙咀同埋荃灣分店都大排長龍，難得今日經過沙田分店唔係好多人，就走去試一試點解長期咁受歡迎喇！ 呢度裝修都幾靚，好多卡位坐，一啲都唔逼，唔錯幾舒服！ 首先，我哋叫咗個福建炒伊麵，好大舊魷魚同埋蝦，面嘅色水都幾靚仔！食落都幾夠味！份量都算幾好，兩個人食都差唔多！ 我仲叫咗皇帝骨肉骨茶，份量好夠，好大碗同埋好多肉，啲肉食落一啲都唔un，皇帝骨肉骨茶每日限量20份，所以想食就早啲嚟試！ 之後叫咗兩杯特色嘢飲，一杯叫做似水榴槤，令一杯叫做恐龍美祿，兩杯都好好飲，好特別，出邊好少有呢款嘢飲飲！呢度好多特式嘢飲，下次再要試其他！ 因為呢間都幾受歡迎，假日都成日排隊，如果想黎試嘅話最好平日先過黎！

想去尖沙咀度搵好嘢食，真係要易過借火，今次就嚟到食日本嘢-德美壽司，呢間日本嘢質素都幾高，性價比都唔錯，每次黎食都會好滿足咁離開！ 今次又再黎食其他嘢，試吓啲平時少食嘅嘢！首先我哋叫咗鰻魚朴葉飯，超級大碗，好抵食！大大舊鰻魚仲有碗麵豉湯！ 之後我哋再叫咗碗三文魚茶漬飯，味道淡淡地，都幾好食！ 我地仲叫左芝士鰻魚卷，呢個不過不失，味道不錯！ 之後我哋叫咗個特別啲嘅鰻魚班戟，好得意甜甜地，第一次食呢隻口味！幾有新鮮感！ 我哋仲叫咗鐵板牛柳粒，大大碟度熱辣辣上枱渣渣聲，好正好抵食份量都好夠！ 牛舌都唔錯，燒喉剛剛好，調味都唔錯！ 最後兩個人$600都唔使就可以埋單，性價比都算唔錯！下次要再試埋其他嘢先得！！！！！

一向聽馬鞍山係美食沙漠，但係近年商場大改革，有好多唔同嘅餐廳進駐，所以今日我同老公都特登過嚟馬鞍山食晚餐，見好耐冇食泰菜，所以就今次揀咗新泰呢一間泰國餐廳。 之前母親節嘅時候，已經見到有好多食客大排長龍，所以一直都好想試！而今次好彩我哋有book位，所以唔使點排隊就已經入到嚟。 聽日到餐廳裝修都幾好，有好多卡位可以坐，都幾闊落坐得幾舒服！ 睇到餐牌，都見到有幾多嘢食選擇！真係花多眼亂！ 而今次我哋就叫咗冬陰功，串燒，青芒果沙律！味道都幾好，份量又夠多，價錢真係幾合理！ 而最令我印象難忘嘅就係鴨胸生菜包，好少地方可以食！而呢個味道都幾唔錯！大家都可以一試！ 我哋都有叫馬沙文牛腩咖喱！呢個味道都幾特別，一啲都唔辣，又夠香，點印度烤餅食真係絕配！

黎到中環想搵又平又好嘅嘢食，都唔係好簡單，好彩今次捐窿捐罅，嚟到中環呢個地方食泰式串燒！價錢真係抵食又好食！ 由於太肚餓嘅關係，所以我哋嗌咗一個串燒飯，可以揀係牛肉串，炒飯好好食，好夠火候同埋好重口味！配合串燒醬食串燒，真係不得了！ 之後叫咗個豬頸肉沙律，呢個沙律比較特別，唔係用一般嘅沙律菜，主要用芹菜同埋蔥，第一次用咁樣嘅食法，都幾fresh！啲豬頸肉就比較辣，怕辣嘅人就唔好食喇！但味道係好好食嘅！ 之後我仲叫咗好多串少，雞串豬頸肉魷魚酥雞中翼同埋菠蘿，可以減額同埋唔辣，我個人覺得辣味更加好食！如果唔食得辣，泰式辣醬汁都幾好味！ 叫咗咁多嘢食，都係$300左右，真係好抵好正！一定會再嚟啦！!!!!!

上水日式拉麵舖唔係好多，喺馬會道十字路口見到一間日式拉麵店一鳴，一直都想試，但每次行過都見到好多人排隊，今次特登平一利息，好彩真係冇咁多人，如果假日嘅話就應該要排吓隊。 呢度坐得都幾舒服，餐廳裝修都幾精緻，上一大班朋友嚟吹水都OK，環境唔會話太靜，都可以傾得幾舒暢！ 首先梗係要叫返碗拉麵，由於今日好肚餓關係，我叫咗好多嘢食，叫咗黑蒜豬頸肉拉麵，仲嗌左芽菜同埋一隻蛋！超豐富好正！碗拉麵都真係味道唔錯，豬頸肉都幾淋身！ 我仲跟埋餐，加左份炸雞同埋抹茶波子汽水，抹茶波子汽水真係第一次聽，味道真係幾好飲，抹茶味幾重幾得意，下次會再飲！ 同埋叫咗個炸雞，熱辣辣真係好好食！唔算好厚炸粉肉質都算嫩滑！不錯不錯！！！

今日同老公嘅結婚周年紀念，所以要揀好食啲嘅嘢食嚟慶祝一下，當然唔可以咁求其，同埋咁馬虎啦！ 所以今次就揀咗佐敦呢一間有情調嘅餐廳！又有海鮮食，又有日本嘢食，有啲似日本居酒屋！每一台都有偽蠟燭，燈光係比較昏暗，所以都真係幾有feel！ 首先我同老公叫咗生蠔試吓，$60一隻，價錢中規中矩，識落又真係幾新鮮，海水味都幾出！ 之後我哋仲叫咗啲串燒，叫咗雞肉串燒同埋牛舌，味道都好好食，價錢又合理，特別係個牛舌，真係好Juice，又唔會好薄！唔錯！另外仲有雞翼都唔錯，酥脆香口肉質嫩口！ 質素咁好嘅關係，我哋今次叫咗牛扒，叫咗五成熟，真係剛剛好，幾好食！牛扒好大塊，配合蒜片好好食！全部嘢食都好滿意！下次要再來時其他嘢！