呢間餐廳好多人食，平日都要book定位！同2位同事去左呢度食晚餐，食到我好掛住泰國！而加去唔到旅行，唯有搵d好食既餐廳感受下先！我地點左以下既美食，3個人呢個份量岩岩好，係夠哂飽！味道不錯！

1.  炸物拼盤（魚餅/蝦餅/雞翼) 新鮮炸出，又大大舊！好正特別鐘意食個蝦餅
2. 泰式炒飯
呢個份量都好多，炒得d飯粒粒分明
3. 乾炒河粉
夠乾身，份量一樣好足夠！

4. 芒果糯米飯
到甜品，佢係用紫糯米，口感好正，同埋d芒果都好甜，加埋d椰汁，好好食！
下次帶屋企人黎食，試下唔同既野！

o係黃竹坑返工返左咁耐，食左呢間既海南雞飯都好多次！真係好正，加上佢地既汁醬(除左個飯跟既海南雞飯汁外，佢地每張枱都會有1罐醋，非常推介加d落去個汁到，會更加正），真係5分鐘就可以吞哂成個飯佢地有餐，仲有埋野飲，對比起出面既海南雞飯平好多啦！同埋佢地d雞都好滑，女士黎講，食哂成個飯都夠飽，飲品除左有汽水咖啡奶茶檸茶檸水果d之外，仲有椰汁冰龍眼冰等等！我好鐘意飲佢地既龍眼冰！飲完會好爽最後建議平日Lunch黎食既話，要搵人早少少黎搵位，呢個時間都好多人！同埋係冇冷氣的，所以夏天會熱少少，但飲個凍飲就一定會涼返哂！

第1次食呢間素食餐廳，環境好舒服，員工服務都好好，有禮貌。我地入到餐廳，首先叫我地坐係門口睇住菜單，揀定有咩食。門口位都有d包裝小食賣。等左10分鐘左右，就可以入座喇，先係櫃台買野食，佢地就會送到客人座位。我叫左個黑椒素牛扒意大利粉，食落口唔會好濃味，加上少少蔬菜粟米，個口感好FRESH，唔會話好肥膩，岩哂正在減肥既我。呢個係套餐，所以會有個是日靚湯，今日係南瓜湯，好足料，好正！而飲品係我最愛既cappuccino，雖然唔會好似出面用鮮奶咁滑身，但飲完一d都唔會話好滯，很好呢！午餐黎講，價錢就會比較貴少少，不過係值得1試既，下次都會再黎食其他野。

同老公o係新世紀睇完戲就行左過去先達呢邊食十六座車仔麵。我o地都幫襯左好多次，今次真係要黎寫下食評！呢間車仔麵有2層，而加疫情關係，每一枱都有圍哂板，唔洗驚同d陌生人有面對面既情況。食物方面，我鐘意佢地既撈麵，夠大碗同埋每樣餸都好入味！其實湯麵都好好，唔洗驚話好淡，都夠入味！最鐘意食佢地既蘿白同辣魚旦，一定要揀辣魚旦，夠哂辣，如果你唔食得好辣，個麵底可以唔洗揀辣汁，只揀辣魚旦都會有辣味！好惹味！個蘿白就真係最入味又甜又大舊，好正！飲品方面，果陣去揀4餸，飲品就可以半價嫁喇！我都會揀佢地既自制檸檬汁，碗麵咁大碗，飲返d酸mei mei飲品，開哂胃啦！佢地既樽仔奶茶咖啡都好好飲，同埋都有涼茶揀！

母親節帶媽咪黎食燒肉，早一日book左位，可能節日關係都幾多人食，再等多15分鐘就入座，有員工會走黎講解有d咩可以升級，like佢地fb就可以有個免費壽喜燒。講解完就開始點得肉及其他野食，我地每人加左錢升級食澳洲M5和牛，其實我覺得都唔洗加，因為都唔係特別好食！同埋我地胃口比較細，所以佢原來果d都夠食！除左肉，蔬菜，菇之外，佢都有其他小食，飯同埋烏冬！我地覺得個鰻魚飯都ok既，咁當然一定冇出面日本餐廳咁出色啦。烏冬就普通，唔會話有咩特別！而個免費壽喜燒，真係都係普通，見佢免費送就可以試下既！飲品方面，佢有個雪櫃，而你想飲酒，都係要加錢先可以任飲！同埋想講個爐板既窿位太大，有幾次d比較細既食物都飛左落去！總體黎講都係普通，價錢方面都唔太抵食。

放假，同老公搵下有咩餐廳特別！係網上拉到呢間餐廳，即刻出左去尖沙咀。本身諗住打去卜，點知佢話只得WALK IN ，但去到話要等45分鐘左右。都冇計，唯有去下附近行下啦，到差不多時間，佢就會打黎話我地知就有位，叫我地上返去。一上到去就入得座，佢個MENU，間餐廳都見到佢地既心思，尤其是個MENU，每個食物同埋飲品都會改到好搞笑既名！令人好想樣樣都試下咩黎，哈哈。想講下佢地既冷氣都幾勁，我地坐左一陣已經覺得好凍，D食物都較易吹凍哂。除左呢樣要改改之外,其他都好好！值得一試嫁

好耐冇約舊同事出黎食飯傾計，搵到呢間好近地鐵站又出名既壽司店。我地大約7:30PM到達，拎左飛，等左10MINS左右已經有位。唔洗等太耐，很好！環境好好，好岩2-4位朋友聚會，傾下計，食下野。服務也很好，會周不時幫我地加茶，唔洗叫先郁！最緊要係食物種類選擇也很多。

我地2個人都叫左6 款壽司同埋1碗烏冬。

1. 烏冬 - 普普通通，沒有什麼特別，當天想食，所以叫了XD
2. 炸蝦卷 - 脆脆的，蝦也很新鮮，非常正！
3. 香葱呑拿魚腩軍艦 - 可能我自己食唔慣魚蓉的食物，所以我覺得麻麻地
4. 海鰻青瓜卷 - 普通的
5.  帶子壽司 - 好鮮甜 6. 大赤海老 - 蝦大隻 , 夠曬新鮮  7.  蟹肉蟹膏軍艦 - 蟹膏好正呀 ，仲有蟹肉 !! 成舊食真係不得了XDD
呢間壽司店值得再去！

爸爸生日，因為佢比較鐘意食小炒。今次就揀左呢間茶餐廳。有好多唔同既小菜，應有盡有。特別係菜膽雞真係好正，每次黎到都會叫。D雞夠哂滑又大件，D 介菜都好大條好好食。通菜煲就更加入味，好岩送飯！哈哈～ 而咕嚕龍鳳球就係雞球同埋蝦球，D汁夠哂味同酸酸的好開胃。今次叫左個聖子，好新鮮好好食。每次去到都會有糖水送,除非送哂。所以愈早食就愈好。服務態度也不錯，都會迅速落單同埋處理食客的要求。係有時急Ｄ，會燥少少。整體黎講都算很好，好岩一家大細去食飯。另外我地有預早打電話黎BOOK位，去到餐廳即刻有位。

約左朋友sss HAPPY FRIDAY食個飯吹下水，之前返工LUNCH食過黃竹坑分店，是不錯，所以諗住試埋銅鑼灣呢間啦。
食之前睇網上講話要排哂隊，點知果日去到冇人等，即刻入得，好好彩呀！
滿心期待Ｄ食物，但有以下不好的經歷。
朋友點左餐，點知黎到係散叫，變左佢冇得試個湯，墨魚咀小食又冇落到單＝０＝真係O左咀! 最後加返落其他餐到。
有野食喇，食物飲品都是普通的，又唔係話唔好食，只是比我地預期中差，係薑汁咖啡有少少驚喜，真係有一PAT薑蓉俾你加入咖啡。
另外，個MENU係用左D心思改名既，都令人好想試下咩料！
而環境係舒服既，好岩幾個人傾下閒計飲下咖啡，同埋行出去就可以行ＳＡＳＡ！XDD