其實媽咪真係一個人自私食係好選擇 第一次食呢間所以完全按照佢嘅落單 嗌咗招牌鹽味全蝦湯拉麵要幼麵 首先黎個秋葵 調味其實幾好食 但可惜啲秋葵太老 有啲完全咬唔到有啲失望 招牌拉麵反而都幾有驚喜 個蝦湯非常之香同埋濃郁 啲麵質亦唔會太淋太硬 不過個湯食耐左會有少少膩感 So far都感覺良好 店員好friendly 仲會主動推介招牌菜

咁啱喺附近做完嘢 成九點先去食都仲好多人下 佢係手機落單 每人落自己嗰個一次 好多野都可以tailor made 諗咗好耐要櫻花貓定係黑貓 最後都係揀咗櫻花貓 佢有得揀葱嘅多少同埋面嘅硬度 上到嚟見到有一堆櫻花蝦炸蓮藕片竹筍同埋糖心蛋 糖心蛋係有完整一隻分開咗一半 聞落去好香蝦味 不過個人認為個湯底可以再濃郁少少 就會再好食啲 個叉燒個味道都OK 另外加咗幾個小食 有鐵板豆腐，一個鍋嘅青口同唐揚炸雞 最好食應該係青口 其他都OK嘅 正常發揮

呢間沾麵位於food court入面 真係好有驚喜！ 本人嗌左廣島蠔龍蝦沾麵 無特別備註之下個麵都比較硬身 飯到尾都唔會話太淋 個汁仲好夠熱上枱仲滾架 個龍蝦湯都好好味 係高級龍蝦湯既味 雖然無一般沾麵汁咁杰身 但唔會太稀同太咸 我唔小心飲晒個湯 加上本身唔喜歡個汁太杰身 所以好符合個人口味 廣島蠔唔識評 不過都好食 而且唔算厚粉無奇怪味 另外既魚介豚骨都係一樣滾住上 個味道都係好適中 唯一美中不足可能係無熱麵揀？ 不過唔算貴 呢個質素呢個價錢絕對對得住良心！ 下次試下佢既拉麵

呢間嘢嚟咗兩次 第一次嚟食lunch 覺得門面好靚坐得好舒服 本身嗌咗個意粉但我冇食到 個牛油果pancake好好食 牛油果味都幾重 上面仲有煙三文魚 另外有新鮮拆出嚟嘅粗薯條 咖啡都幾好飲 整體感覺唔錯 疏乎厘都好好食 好有空氣咁同埋好香 個人覺得焦糖疏乎厘好食啲 不過朱古力都好香濃 第二次過嚟食早餐感覺有驚喜 買咗一個牛角包同一個all day breakfast 再加一個豆腐咖啡 首先個炒蛋嘅調味好好食 個牛角包都好鬆軟 煙肉唔會煎得好乾 都係牛油果好好食仲有煙三文魚 另外腸仔茄汁焗豆煎蛋等等 反而最驚喜係個多士 烘得好好食仲有上面嗰塊芝士 其實整體來講都好食嘅 不過同牛角包相比之下就略嫌普通咗少少 豆腐咖啡嘅咖啡好香濃 另外加上類似豆腐花嘅質感都幾得意 不過如果腸胃唔好嘅話就唔好試啦

個環境唔錯幾靚坐得都舒服 不過啲食物真係一般般 我哋嗌左煎魚，牛柳 溝通錯誤之下嗌左海鹽焦糖咖啡同水蜜桃茶 仲有白酒煮梨 個牛到左 5成熟 但都幾難咬 而且份量有啲細 感覺200幾蚊應該再好食啲既肉 或者差唔多質素然後大份啲？ 本人食魚 個魚肉係鮮甜既 但可惜個皮淋咗 得個邊有少脆 有啲失望 薯蓉唔係嗰啲落好多cream好多牛油嗰種 反而係真係薯仔味 睇人鍾唔鍾意 本人覺得ok 個咖啡黎到見到個花笑左 不願置評 最最失望係甜品 本身跟餐有兩份雪糕/蛋糕 但之後店員話追加左白酒煮梨要少一份 都唔緊要 不過明明寫追加唔係on top加既咩🤔 點知個白酒煮梨先係最唔好食 個梨切左兩半浸左喺啲糖水入面 甜到得得糖味無酒味梨味 然後個梨既質感好似日本嗰糖漬咁 變左一patpat 咁 好失望完全浪費quota🤦🏻‍♀️

喺OR見到千幾個好評路過就諗住入去試試 入到去第一下嘅感覺係啲員工都幾友善 而且有個類似經理嘅物體仲好客氣 我哋唔該完佢之後係咁不停同我哋講唔使客氣唔使客氣 可能我哋星期日啦 其實唔算好多人 入到去就點左兩個set 嗌左角魚生飯加蕎麥麵 另外一個石鍋牛肉飯加兩件三文魚壽司 最先嚟到嘅就係三文魚壽司 睇落略瘦 食落就係食得出嘅瘦 魚生飯嘅魚都係比較瘦 無乜油脂既香 但唔腥 個人認為普普通通不過不失 分量上來講啲飯略多 但整體而言唔算好大個可以食得晒 我哋冇諗到個蕎麥麵係熱湯 個麵質有啲淋 唔係我哋喜歡既口味 個魚生飯仲送多咗個小食 我哋揀咗炸芝士 但都係普通啦 略油 但又唔算重芝士味 麵豉湯就比較hea 基本上就係葱同麵豉嘅味 石鍋牛肉飯係相對上比較惹味嘅 牛有牛味 但都係無乜油脂感 本身想話都冇啲負皮講得咁差啊 環境又算OK態度又唔係差 一咁樣諗完就見到一張完全冇人坐過嘅枱有張紙巾🤦🏻‍♀️ 咁嘅時勢又真係要小心啲好嘅 始終而家都係衛生啲好 至於整體而言 我覺得唔難食嘅 不過比較hea 希望之後會做得好啲啦

其實呢間舖頭路過左兩次 第一次被吸引嘅係佢個舖頭名 覺得幾有趣 第二次再路過嘅時候因為唔算太肚餓 見佢啲嘢細細份就決定一試 但係其實佢餐牌上面嘅選擇都幾多 由熱狗到牛肉麵都有 而且仲有唔同嘅咖啡選擇 最後老闆娘（？）非常友善咁介紹咗我哋食啲乜嘢 最後我哋選擇左墨西哥熱狗同一個牛肉麵 墨西哥熱狗好快咁就到咗 都幾好食 但就冇我想像中咁辣 可能我期望高咗 不過我心目中嘅墨西哥菜就係辣得惹味 而且仲可能有啲Chilli之類 但so far佢就係一條辣腸仔加芥末 而且食得出係兩種芥末 不過撇開佢係墨西哥熱狗嘅話味道其實唔錯 無記錯39蚊 一杯cappuccino一杯熱情果蜜 正正常常啦 不過個人覺得熱情果個味有啲濃 分唔到係真定假熱情果 最後上嘅牛肉麵真係幾驚喜 啲牛肉炆得好淋 啲面唔會太淋或者太硬 湯底都幾好味 不過唔係台灣嗰種好重藥材味嗰隻 但飲落幾鮮甜唔覺得似味精湯 隨牛肉麵附送一個調味碟 上面有台灣榨菜蔥同埋一個辣椒膏 店員好細心咁講解點樣食法 個辣椒膏比想像中辣但香口 唔好落太多但絕對有驚喜 60幾蚊ok ge但份量少d 佢附設左唔少沙發同埋坐位 整體而言都舒服 四圍圍住係購物嘅空間

同朋友搵嘢食 見到呢間野嘅食物超級邪惡 即刻拖朋友上嚟一齊試吓 兩個都算肚餓於是帶咗二人餐 在嗌多咗一份牛 另加嗰份我就真係唔記得幾多錢 不過我哋落樓應該平均每人$200左右 個咖喱烏冬嚟先 係個白色泡泡下面係咖喱烏冬 啲烏冬好滑個咖喱都好味 溝埋咖喱感覺好特別 個人覺得幾好食 又滑又香 不過食到味就有啲膩 然後就係個吉列牛定食啦 老實說我個人唔太喜歡呢種牛 始終自己燒有時控制唔到火候 不過整體而言個味道都算唔錯 有牛肉味 唔好燒太耐嘅話都ok

邊間餐廳食過兩次 兩次都好滿意 第一次嚟食嘅時候食咗蜆肉意粉南瓜湯再加手工啤 個蜆肉意粉既蜆份量非常之充足 數埋應該有差唔多10隻左右 食落鮮甜唔腥 而且食得出係好食嘅橄欖油 但我最喜歡都係嗰個南瓜湯 佢係非常之濃郁嘅南瓜味 唔係人哋溝水出嚟嗰種 感覺得出係將成個南瓜煮完打成茸嗰種 今次再去食嘅時候就係粟米湯 相比較之下就冇咁驚艷 但都係誠意滿滿 然後就係蜆肉意粉 同上次一樣都係份量非常之充足 基本上成盤意粉除咗中間之外全部都係蜆 而且都係非常鮮甜 不過唔知點解今次食落有少少苦味 可能係d蒜燶左少少？ 或者係食完其他嘢返轉頭個口有化學作用 （第一啖冇苦味） Anyway都係覺得非常之好食同推介 蕃茄意粉我個人認為味道略酸 唔係我喜歡嘅口味 但整體而言都幾清新 最驚喜就係呢個明太子帶子忌廉意粉 上到嚟係滿滿嘅粉紅色非常少女心 個忌廉汁睇得出充滿住明太子 口感非常creamy 不過帶子就得兩粒係中間 但係三個意粉當中我哋都覺得呢個係最好食 加埋杯Latte就perfect ending啦 PS D staff態度好好 我哋差唔多喺佢就落場嘅時候入去 佢居然唔好意思咁同我哋講一陣間佢哋要食飯可能冇服務 好明顯就係我哋唔好意思啦點會係你地唔好意思 PS2 如果個抽風系統可以再做好啲就100分 不過真係非常非常非常之值得推薦💛💛💛

其實老實說已經經過呢間舖頭好多次 成日都話想試吓但係又驚會好辣 點知入到去發現原來辣同麻都可以選擇 保險一啲 所以嗌咗兩樣都係小辣同埋小麻 首先呢個就係味玉辣麻味噌拉麵 上到嚟個感覺就係非常之香 因為我哋坐係吧枱 所以見到其實每一碗拉麵都有用人手炒過啲料 呢個價錢都算係略貴 但都有手功費喺度 件叉燒略瘦左少少🤏 btw 個蛋咬開係偏紅的！ 靚蛋😍 但係就熟左少少 唔夠流心 有d可惜 特制既同頭先既比起黎 多左舊肉 個湯底甜過頭先嗰碗