一年一度嘅母親節又到了，雖然政府剛剛放寛食肆措施至8人一枱，我哋最後都係決定買外賣返屋企慶祝，小心駛得萬年船吖嘛！父母喜歡吃中菜，見屋企附近嘅「新福記名軒」有做外賣，仲可以成圍攞走，十分方便！
我哋揀咗個6人晚飯套餐$1,888，預早訂購減$100, 即係$1,788。是晚同兩個細侄女去攞外賣，估唔到酒家相當貼心，安排咗一個紙皮箱裝曬成圍晚餐，方便客人捧住走！(糖水及魚翅另外用袋裝開。)返到屋企，晚餐仲熱呼呼的！
高湯焗澳洲龍蝦(1斤)送伊麵：識食一定係揀澳洲龍蝦🦞餐啦，皆因啖啖肉，好過波士頓龍蝦！咪睇少得一斤，但斤両十足，件件爽口㗎！平時啲酒樓送嘅伊麵好少，但呢度居然有咁多伊麵喎，啱曬大家！鴻運乳豬拼盤：乳豬皮薄，肉鬆嫩，夠酥脆！叉燒厚切，肉質軟腍好味！油雞及燒鴨都不錯！翡翠炒明蝦球：蝦球好大隻呀，咬落去爽脆彈牙，配西芹、菇、甜椒嚟炒，好味美！紅燒竹笙雞絲翅：兩大個碗仔翅，啖啖足料，口感順滑！清蒸沙巴虎斑(1斤)：肉質嫩滑！鮑汁玉環瑤柱脯：美味可口！慈母蟠桃🍑：迷你壽包有8個，細細個但餡料足，仲食到蛋黃添，蓮蓉唔會太甜！紅豆沙湯圓：陳皮紅豆沙清熱又唔甜，芝麻湯圓煙韌好食！

其實7個人食6人餐啱啱好，爸爸怕大家唔夠食，先叫我哋外賣多兩碟斬料咋！
整體來說不錯👍，不過價錢略貴！

靚女好友問我今年生日想去邊度食飯，平日工作忙碌疲憊，唔想不停打卡咁攰了，只係想去一間簡單而悠閑舒適的cafe，坐低食吓飯輕鬆一下! 「Cafe Zense」係一間樓上cafe，位處銅鑼灣鬧市，咪睇佢細細間呀，估你唔到有室內及室外座位，入到去自自然會感受到嗰份舒服寧靜，就係呢個百分百感覺了… 🍴Zense雜錦拼盤$138: 呢set拼盤都幾豐富，有3隻雞翼、一串燒雞柳、兩條香腸、脆薯條及沙律菜🥗等等。雞翼一人一隻啱啱好，甜甜地幾好味。燒雞柳一人一件，好香口。肚餓食香腸特別滿足。薯條十分脆，yummy 。沙律菜🥗夠fresh。 🍴香煎北海道帶子墨魚汁意大利飯$148: 個墨魚汁夠濃，帶子亦大大粒，十分爽口。但飯粒較為生及硬身。始終我哋係亞洲人，都係食唔慣啲意大利飯！ 🍴黑松露野菌忌廉意大利麵$118: 個汁好creamy，只不過麵質比較結實，硬身咗啲！ 🍴蒔蘿煙三文魚pizza$138: Pizza 餅底薄而脆，口感鹹香豐富! 🍴德式班㦸伴冧酒脆糖香蕉.朱古力碎$88: 生日唔一定要order 蛋糕🍰的，成晚嘅靈魂所在就係呢個香蕉🍌班㦸！靚女車車特意為我安排，個班㦸薄薄地，非常之香脆，初初第一啖入口會覺得比較甜，之後就會發覺越嚟越好食，溝埋啲雪糕，真係好鬼正，仲有塊閃吓閃吓嘅生日牌呢！ 整體來講都算唔錯，可惜餐廳有限時，差唔多1.5小時便催促客人埋單了，真係唔夠hea⋯⋯

大部分女孩子都喜歡花，如果你是，請進來！ 銅鑼灣鬧市中有一間樓上cafe，名叫「White house白房子」。白房子一點也不白，因為整間房子裡佈滿花草，嚴如一個私人小花園。好朋友「陽光小姐」生日，這個花園可謂跟她十分相襯，便訂枱了！ 是晚準時6點入座，掃過安心出行後，侍應提醒限時75分鐘😲，如果客人唔多，可以繼續坐。齊人後，我哋二話不説，爭取時間，掃QR code點餐先… 🍴清新袖子煙鴨胸沙律$84: 呢碟沙律果然好清新，酸酸甜甜的，沙律菜十分爽口，搭配軟嫩嘅煙鴨胸，可口開胃，適合炎夏進食！ 🍴金箔黑松露什菌蝴蝶粉$116: 有金箔+碟豆花襯托下，碟蝴蝶🦋粉好鬼靚啊，質感唔會太厚身，配上creamy 黑松露醬，唔錯唔錯！ 🍴冬陰功蜆肉炒意粉$129: 估唔到冬陰功幾辣㗎喎，唯有將啲意粉搞落啲沙律度中和下啦！ 🍴海鮮釀蟹蓋$76: 入口香甜，唔油膩。 🍴香草忌廉什菌意大利飯$118: 個飯熱辣辣，有香濃忌廉芝士味，好好食！ 🍴紅絲絨蛋糕$86: 侍應話生日要點甜品，才會寫上生日祝福，兼有一小束乾花送。望來望去，得呢個紅絲絨蛋糕比較吸引，個朱古力蛋糕🍰有少少濕潤，唔會好甜，幾好呀！ 整體份量較少，價錢略貴(三個人埋單$670)，味道可以。 適合喜歡影相呃like嘅女孩子，不過一次夠了⋯⋯

大侄女9月份生日🎂，我哋決定午餐食西式，晚餐食中式。 近近地試吓屋企附近嘅「當下」… 經典卡邦尼意粉$98: 呢碟意粉比較乾身，汁好少，芝士味道並唔濃烈！ 黑松露雜菌手打闊條麵$98: 同樣價錢，闊條麵好食😋多了，醬汁creamy 可口，黑松露醬十分濃郁惹味！ 炭燒原隻法國春雞$138: 隻雞比較乾身，而且冇乜雞味！ 岩鹽燒法式羊架$158: 未打開錫紙，就已經聞到香噴噴嘅味道，羊架入口嫩滑，帶有鹹鮮羶香！ 澳洲M8和牛漢堡$188: 和牛扒厚切，肉味香濃，夾雜咗蕃茄、洋蔥、沙律菜等等，非常之酸香惹味！ 慢煮加拿大無激素豬扒$148: 豬扒好厚身，估唔到口感嫩滑，肉質仲好鬆軟添！ Lunch set包埋餐飲及餐湯/沙律(M8和牛漢堡除外)，但侍應卻執漏曬啲餐飲！雖然餐廳近屋企，但大熱天時，都費事再落街去補返！ 餐湯係蔬菜湯，味道都okay 。沙律爽口好食！薯條亦好好味！ 唔使加一，埋單$828.-(略貴)，但整體來講算唔錯呀，只是lunch 嘅食物選擇款式十分少，部分款式只於晚市時段才供應，其實係咪應該考慮吓全日供應呢？！

老豆8月生日，剛巧遇上政府派發消費卷，真係派上用場呢😆！ 老豆鐘意食中菜，尤其是海鮮🦞，咁啱見屋企附近嘅「百滙軒」有做外賣生意，一於試試看⋯⋯ 上湯西澳龍蝦🦞1斤伊麵($298x2份): 龍蝦伊麵賣相十分好，估唔到肉質非常爽脆彈牙😋🤤，伊麵口感爽滑，配上湯很味美，令人食指大動！ 清蒸沙巴仔1條$118: 呢條魚蒸得火喉剛好👍，肉質十分滑溜清甜，好食到停唔到口呢！ 貴妃雞半隻$58: 隻雞肉質超滑嫩，眨吓眼就比大家ko掉！ 菠蘿生炒骨$68: 呢碟生炒骨實情無乜骨，似咕嚕肉多啲，不過外脆內軟好好食，餸飯一流！ XO象拔蚌小炒皇$78: XO醬唔太辣，象拔蚌煮得好爽口，算唔錯的。 $918埋單，認真抵食！

好耐無三個閨蜜一齊過生日聚會了，趁疫情緩和，出嚟見吓面！ 我哋對食物無乜特別要求，最緊要坐得舒服，環境又夠靚就已經okay，「Sean Cafe & Lounge 」剛好附合大家心意，加上經OpenRice 網上訂座，可以享有全單8折優惠，即刻落booking ！ 是晚準時到達cafe，掃一掃安心出行才入座，雖然我哋無緣坐喺美麗嘅櫻花樹下，但當你置身於一間充滿少女味嘅餐廳，又有一班好似「MIRROR」咁上下年紀嘅男僕served你，夠曬賞心悅目！ 回過神來，食神歸位…… 黑松露忌廉雜菌帶子扁意粉$158: 加咗黑松露醬嘅意粉，點煮都無得輸👍，除非地獄廚神！帶子大大粒，夠爽口！ 芝士忌廉蟹鉗肉燴飯$168: 芝士忌廉唔夠濃郁，好少蟹鉗肉，無乜料，個飯一般。 烤雞柳蘑菇pizza🍕$168: 餡料豐富，pizza🍕餅底十分鬆軟好味！ 雜莓鮮忌廉梳乎厘班㦸$108: 壽星女🥳生日🎂，點少得甜品🍮呀！呢份pancake🍮有三塊，三個人剛好一人一件！雜莓pancakes 甜度適中蛋味夠，入口鬆軟兼且充滿空氣感，一啲都唔覺heavy! 蝶豆花茶$52: 呢壺茶賣相幾靚但味道太淡，溝埋啲蜂蜜先好飲少少。 彩虹梳打$38: 杯梳打顏色非常之吸引，味道甜得嚟好似果汁味雪條。 整體食物質素okay ，環境煞食，happy gathering !

我的頑皮小狗🐶6月份1歲生日，兩位小侄女一早就已經話要來參加小寶貝🐶的生日會🎂！其實係佢哋悶悶哋，想趁機過嚟開🙄party🥳🤡🎊之麻，明嘅明嘅🤫⋯⋯我呢個姑姑，又點會托手踭呢😜！ 今次揀咗位於北角明園西街的「小城鎮」，行過見到門口有menu ，翻開見到有好多唔同款式嘅嘢食，價錢又親民，簡直係開派對🥳之選！ 🍴煙肉火腿卡邦尼意粉$76: 碟意粉十分creamy好味😋 🍴意大利香草雞肉意粉$73: 基本上呢間cafe嘅意粉都唔錯，不過呢碟雞肉意就一般般，因為啲雞肉唔多滑嫩！ 🍴巴黎牛柳粒意粉$75: 黑椒味意粉好好食，但係牛柳粒就較為粗硬。 🍴蕃茄手工肉丸意粉$73: 蕃茄意就好食嘞，肉丸亦夠入味，只係質感比較鬆散，唔夠彈性！ 🍴焗意式香草芝士海鮮飯$79: 有蝦、魷魚圈等，雖然海鮮唔算多，不過個飯夠香濃重口😋。 🍴西班牙海鮮飯$108: 有蝦、魷魚圈、青口等海鮮，個飯煮得太腍，仲要係好似茄汁撈飯嘅口感！ 🍴黑松露烤西冷扒飯$76: 啲西冷扒煮得過火嘞-太韌，唔多覺有黑松露味，結果無人食！ 🍴香煎比目魚扒$128: 魚扒啖啖肉，口感適中😋。 🍴香烤德式豬手配酸菜及薯蓉$188: 個豬手太咸，咸到似係食緊金華火腿囉！ 🍴招牌豬肋骨$168: 全場至正，豬肋骨啖啖肉，非常之juicy味美！ 🍴燒香草法國春雞配魷魚圈$138: 隻燒雞夠香口，肉質唔太滑嫩，味道比較淡。魷魚圈唔好食。 🍴慢煮羊腿配薯蓉$168: 羊腿肉味香濃，帶有羊羶味，肉質剛好有嚼勁，適合嗜羊者！ 🍴地中海海鮮pizza$98: 估唔到個Pizza 相當鬆軟好食，餡料亦算豐富，侄女們大愛！ 價錢親民，加埋外賣盒$26($2x13)，咁多嘢食都只係合共$1,474.- 唔要求高的，整體來講算是不錯的。

疫情下的母親節，大家唔想分枱坐，唯有外賣自取啦！近近地就揀咗屋企附近嘅西餐廳-夏娃。 第一次試呢間餐廳，心情是戰戰兢兢🙄的，深怕🤔唔好食！因為爸媽慣咗食傳統中菜，對鬼佬嘢唔係咁識欣賞，而屋企附近嘅酒樓大多結業，自己又唔識煮大鑊飯，只可以硬著頭皮括出去吧......哈😆唔試又真係唔知咁好食😋喎😃 🍴炭燒雞肉串(6串)$35: 雞肉嫩滑juicy🤤，兩位小侄女話唔夠喉，下次要我order 雙份！ 🍴蝦兵蟹將伴田園沙律$98: 呢碟小食太普通了，直頭似係去超市買返嚟炸嗰隻，尤其是炸蟹鉗！薯絲炸蝦就好少少，但蝦唔新鮮。西班牙炸蠔嘅味道有啲腥。 🍴輕煎北海道刺身帶子配菠菜龍蝦汁意粉$128: 帶子十分爽口，意粉醬汁濃郁好好味😋，侄女們大愛！ 🍴煙三文魚配黑松露卡邦尼意粉$78: 煙三文魚口感肥美，有肉香。碟意粉超好食🤤，但略嫌無乜黑松露味。 🍴脆皮西班牙乳豬配傳統焗風腸西班牙飯$228: 呢個飯係侍應推介，果然無介紹錯👍，就連嘴刁嘅爸爸都讚ichiban👍，仲話下次必叫double!脆皮乳豬真係卜卜脆🤤，肉質鮮嫩，非常香口！ 🍴燒法式原隻春雞配蘋果燒汁，伴蜜瓜田園沙律$138: 隻雞烤得相當香脆可口😋，而且仲一啲都唔肥膩呢! 🍴傳統西班牙海鮮焗飯$258: 真係好多海鮮啊😃，大人就覺得個飯好好食😋，但小朋友就唔多buy嘞，皆因飯裏面有辣肉腸，小姪女好鐘意食腸仔，可惜唔食得辣😅，加上都真係幾辣🙄吓囉⋯⋯ 🍴醬燒原條西班牙豬肋骨配洋蔥圈$138: 呢條豬肋骨認真唔掂👎，可以ban咗佢！完全唔係我哋平時食開嗰隻風味！巧淡喎⋯⋯無喱味道！洋蔥圈墊底又係錯✖️，壓扁曬之餘又過淋，一啲酥脆都無😒！ 🍴慢煮法式澳洲大羊架配秘製燒汁配黑松露薯蓉燴時菜$228x2: 羊架非常香噴噴🤤，自取時就已經聞到，羊肉十分嫩滑，略帶少少羶味。薯蓉完全無黑松露味的。 🍴慢煮美國頂級牛護心扒配秘製燒汁，黑松露薯蓉燴時菜$248: 第一次食牛護心扒，口感軟嫩，肉質有彈性，個燒汁亦濃郁，但硬係有啲怪怪地嘅感覺，大家始終唔識欣賞！只有弟婦一個鐘意食，哈哈...無人同佢爭！ 🍴串燒蝦open food$88: 呢碟蝦又係侍應推介，不過真係唔多得👎，完全無驚喜！因為啲蝦唔多新鮮，自己平日買嘅仲正！ 加埋外賣盒$1，合共$1,894。 價錢公道，味道中上👍，小朋友食到舔舔脷😋，猛讚超級捧👍，大人細路都開心🥳⋯⋯母親節大快樂🌹

一直以來都好想去試吓呢間人氣極盛的cafe - Mamaday，疫情一直都反覆不停，約會也要不停推遲，直至呢一餐生日飯...

靚女車車為我準備的生日晚餐，由於座位有限，很早已經fully booked, 唯有在當晚walk in了。
是晚6點未到，我哋已經喺餐廳門外排隊，排第三張枱，也要到7:30左右先有枱，所以下次再嚟，一定要早一個月book定枱先得！

餐廳佈置非常有趣，充滿年輕人活力的感覺，十分適合後生仔女傾吓偈呢！

🍴溫泉蛋明太子意大利扁麵$112: 明太子辣辣地，撈埋啲溫泉蛋之後，碟麵變得滑溜兼少辣，再加上有幾條大大的蟹柳，又點會令人失望呢？！

🍴炸魷魚圈$68: 魷魚圈口感十分酥脆，點上沙律醬後好好食！件數挺多的，搞到我哋食剩兩件！

🍴黑松露野菌pizza$116: 黑松露醬味道濃烈，配薄批pizza very good 👍，yummy yummy !

🍴宇治抹茶窩夫$78: 窩夫蛋味十足，少少脆，少少抹茶味！之不過個抹茶雪糕球味道仲濃過啲窩夫啫！紅豆醬跟抹茶窩夫非常match 👍!

🍴紫薯蛋糕$48: 靚女話生日🎂又點可以無件cake 🍰呢？！更何況女仔有兩個胃吖嘛！估唔到件蛋糕一啲都唔甜，完全係零heavy🤫!

🍴德國水蜜挑花茶(熱)$48: 花茶甜甜地，帶有少許水蜜桃香味。

今年的生日願望🤫：人人身體健康，疫情早日消失🙏

一直都想去舊年係尖沙咀新落成嘅shopping mall - K11 MUSEA行吓，礙於社運及疫情嘅影響而卻步! 近排疫情緩和，決定date 靚女卡文shopping ，順道慶祝壽星女生日! 是晚準時到達餐廳，映入眼簾的是一間相當夢幻而rose pink 嘅cafe，餐廳牆上嘅裝潢滿佈深淺不一的粉紅玫瑰，著實惹人喜愛！ 🍴明太子釀雞翼$98: 帶微辣嘅無骨雞翼，唔單止啖啖肉咁簡單，外皮微脆甜甜地，非常惹味juicy呢！ 🍴黑松露意大利糙米飯$188: 我哋一翻開menu，侍應生即時通知話今期嘅海膽薏米意大利飯已經由黑松露取代了。轉得好真係啱曬我哋呢啲黑松露控迷！黑松露醬意大利飯或者意粉就食得多嘞，真正嘅黑松露都係第一次食咋！黑松露味道香而濃烈，口感特別，薄而略顯爽脆。意大利糙米飯粒有咬感，口感呈七成熟狀態。溫馨提士呢碟飯份量比較小，唔啱男士們呢。 🍴脆皮蝦三文治$138: 蝦堡三文治份量就較大嘞，十分飽肚。蝦堡大大件，口感香脆Q彈，配上沙律醬及生菜，十分味美。又香又甜嘅炸蕃薯條，必定讓小朋友愛不完呢！ 🍴仲夏野莓$88: 好戲當然在後頭，我特別指定嘅甜品終於亮麗登場，酸酸甜甜嘅士多啤梨蛋糕，份量細少，口感幼滑，甜而不膩！嘩竟然有金箔，而面頭緣色嘅係蛋糕嚟，成件甜品輕盈動人得如含羞少女一樣，氹得壽星女不停開心selfie 呢！ 🍴紙醉金迷$68: 呢杯芒果奶昔，口感十分之清新幼滑，跟紙醉金迷呢個名稱格格不入，我反而覺得自己悄悄地溜到仲夏夜之夢呢 🍴草莓熱情果果茶$68: 呢壺茶果香濃郁，酸甜口感，最適合夏天消滯去膩呢! 美麗時光總是過得特別快，讓這愜意燦爛的笑容，甜在心中， Happy Birthday 🎂🥳