👍👍👍疫情之下無得去泰國食泰國菜🇹🇭係香港周圍捐窿捐罅⁉️終於揾到一間正宗泰國菜👍價錢合理。 開始整個金坊柚子沙律🥗少少辣又酸酸地都幾開胃😋 燒大蝦好考師傅手勢🧑‍🍳無燒到過火蝦肉重好彈牙🦐 有蝦點可以無燒魷魚🦑肉質柔嫩😀跟個香辣汁帶出魷魚鮮味😋（如果可以大隻啲再厚身小小就完美） 露荀炒蝦球不過不失😛 一向食開聖子都係蒜蓉蒸或者豉椒炒🔥第一次用泰國香葉炒再加多少少辣🌶️又有另一番風味😁 我等足成晚最期待咖哩炒蟹終於出場🦀蟹蓋超級多膏🥰蟹肉豐滿又鮮甜🤟咖哩汁好香😍靈魂就係加左椰汁🥥提升到整個咖哩去到另一層次💯我好想大叫一聲『好好味吖』再跟個蒜蓉麵包條加埋咖哩汁『無得輸』 今次食完之後我會再來👍👍👍

今日帶您去飲杯咖啡食個包😋聽聞係中環有一間最好味三文治『Zenon Café』等我踩上去試下味係唔係真係咁好味❓ 叫左一杯Latte☕️味道正常😀好過連鎖咖啡店先💪到主角（jumbo Reuben ）本來係燒牛仔肉嗰靚女店員同我講太好生意巳站賣晒😂幫我轉煙肉🙏先講賣相都幾豐富 麵包有兩層每層都有放唔同食材，由底開始「煙肉、自家制黑松露沙醬」第二層「蔬菜、煙肉、芝士」味道都算好味👍值得一讚就係沙律配黑松露係好夾👏 食到一半已經滯滯地😨好彩跟埋個沙律🥗清清喉嚨👍認真底食夾大件🎊 建議（煙肉再焗到脆身）就更加好味囉🥳 又係評分時候總分5分 味道4分 環境3分 性價比3.5分 服務3.5分 上菜速度3.5分 Zenon Café (中環) 中環威靈頓街86號地舖 電話☎️3425 4488

前兩日收到中環S2 Kitchen樂師傅電話，我係佐敦開左一間S2鐵板燒，今日放左工帶埋我另一個同事去試下，中環同佐敦有好大分別，中環係食魚生多，而佐敦係熟食為主，一踏入佐敦S2鐵板燒裝修好有日本感覺，打開餐牌見到香蒜和牛套餐，一向牛魔王嘅我當然唔會放過，平時去食日本餐都係食綠茶同玄米茶，今次好有驚喜飲花旗參加一粒青檸，聽樂師傅講食鐵板燒比較熱氣，用花旗參來抵消，又唔想杯茶咁孤單所以加一粒青檸仔，樂師傅你真係好貼心，先來個沙律用杯上，沙律菜青新，然後刺身3點（牡丹蝦超大隻，刺身帶子鮮甜，三文魚切得好厚），主菜出現西京銀鱈魚我食得多，今次樂師傅用一個焦糖麵鼓做法，另到我喜出望外，好味到無法形容，牛脷平時我食開都係串燒，今次用鐵板煎比起串燒更香更好味，我再其待牛肉終於出場，原來選用美國安格斯肉眼，牛肉味特出，肉身比較霖，入面夾住葱花同蒜片令到牛肉去到另一層次，食到牛肉巳經飽飽地，本來想唔食嗰炒飯，但係樂師傅話食鐵板唔食炒飯點得架，就比面樂師傅飽都要食，見到飯還飯，雞蛋還雞蛋分開炒，平時我食開鐵板炒飯都係所有材料一齊炒，樂師傅你炒飯好特別，最後加埋我最愛黑松露，令我無辦法唔食，我見到樂師傅用個膠袋入面有湯，原來係西蘭花蜆湯，我心諗個湯係唔係就咁飲，二話不說樂師傅就放個膠袋係鐵板上面，嘩⋯⋯嗰膠袋點解唔會容，原來嗰膠係特製可接10到230度高溫，樂師傅你真係多諗頭，一個平平無奇湯都比你諗到咁特別，我比你十個，最後食埋炒菜就完，樂師傅都唔想我走住，做多個焦糖多士比我，多士真係好好味，今餐9道菜只係450一位平均每道菜只係50大洋，重要有8折抵食到飛起，下次我必定叫齊晒所有朋友一齊來

每次返工放工都會見到大排長龍，一值心思思想試下，但見人龍長到有啲驚，今日又再次路過經竟然無人排隊，我當然第一時間行入去試下先，叫左一杯珍珠鮮奶蝶蘭，杯嘢真係好靚粉紅色，一定係手機飲先，飲第一啖嘩⋯⋯中伏啊，成杯味道係苦中帶澀，用左乜嘢茶來沖，茶無茶味，難飲到沒法形容，珍珠又硬又過甜，我都唔知道點解報紙上面講到飲嘢好好飲，又唔明點解日日都咁多人排隊，以後都唔好單夠睇外表，下次都係飲反歇腳亭同貢茶穩陣啲。

作為我中環人每日無論早餐定午餐下午茶都離不開中環，本來今日想去九X食牛腩麵，去到見到排哂長龍，肚又餓見到旁邊有間拉麵店二話不說就去試下，店內裝修好有日本感覺，個餐牌都幾特別但種類唔係好多，麵只有兩款沾麵選擇，一個係正常醬油沾麵，另一個係辛辣沾麵，我同朋友叫左每樣一碗，首先醬油沾麵，難食到無朋友，得個鹹味個塊肉薄到同A4紙差唔多，另外一個辣味沾麵比較好少少，但係都係好難食，到小食叫左個餃子無乜驚喜，入面啲肉少到幾乎係無皮又厚，炸雞軟骨竟然一啲味都無，整間店唯一值得一讚就係麵可多可少，由自己決定，但都無下次會再來食，真係可一不可再

今日心血來潮想食雞煲，即刻打比朋友約埋一齊飯，基本上雞煲加火鍋一定無衰啦！行過見到個招牌名幾得意，加上$168雞煲加任食火鍋一位又唔貴，二話不說就上去試試，坐左唔夠五分鐘就上左4件點心，皮太厚餡又無味道，心諗送末必好嘢，主角雞煲終於出場，好好地一個雞煲加酒放火有咩嘢用呢？個雞煲味道巳經唔掂檔加埋酒苦味走哂出來，先講反個煲，味道好普通只有個鹹味同勁多味精，雞就全部都係雪味，食左一兩啖巳經唔想再繼續食，打邊爐再基本肥牛同丸類包無衰，然後我叫左樓面加湯準備打邊爐，湯滾起當然第一件事就係食肥牛，另一番中伏又開始，肥牛有一個五蚊咁厚，剛好有個睇落好似經理路過，我就問牛肉咁厚點食可唔可以換過一份比我，對方好有禮貌同我講，唔好意思公司所有肥牛都係一樣，我無辦法之後只好接受就當牛肉味香口膠，我同我朋友食到四份一巳經叫埋單，然後去食碗雲呑麵。

同朋友係尖沙咀睇完戲，打算行去佐敦坐車，點知去到佐敦同油麻地交界巴士站個肚又打哂鼓，都成12點幾去邊行邊揾，行行下行到油麻地地鐵口見到一間粉麵店，望入去好似準備收檔咁，我同朋友係口門想入又唔想入，點知有個靚女姐姐問我幾位，問得幾位一定係未收檔，原來係收凌晨四點，唔洗講第一時間衝入去，坐底叫左一碗牛雜米，牛雜都算炆得幾好只係差少少先入到味，湯底還算緊緊合格，我朋友叫左一碗牛根河，牛根我食左一舊好好味，食到一半我又發現到新大陸，大大張海報貼係牆上面寫住『招牌魚蛋』，我又點會錯過馬上叫一碗，放入口真係幾彈牙，名不虛傳招牌魚蛋真係真材實料，之後靚女姐姐叫我下次來一定要試個炸魚皮，佢話前後做左幾日先炸到，食完之後一定無投訴，我同朋友第一時間講不如我地叫來試下，放係碗麵2秒後，聽到魚片卜卜脆聲音，用湯浸完後入口都好鬆脆，比起平時食開真係零舍不同，埋單兩個人都係＄132平均每人60幾，可以食到咁多又好味又有誠意食品好滿足啊！用良心小店形容係無錯。

自從公司搬左去中環後，一個星期有3到4餐都會去S2 Kitchen食飯，中午係中環都算合理，品種夠多夠新鮮，所以成為我的私家飯堂，今晚要坐老闆開會，一個人又去左S2食飯，個女樓面態度好好安排我坐吧枱，我問夜晚一個人有咩好食，他首推我食招版菜海膽杯，當是我第一個反應就係好怕食到海膽有陣臭醒味，女店員保證海膽不夠鮮甜就唔收錢，我就叫左一杯試下有幾好味，放上枱足足有11層有3層係海膽，外表好似一杯甜品當然手機食先，放入口財料夠新鮮，海膽好鮮甜用『幸福』來形容絶對無錯，之後我見到好多客人，怕麻煩到女樓面，我坐係吧枱所以我值接問過師傅有咩好推介，一路同師傅傾計覺得好熟口熟面唔知係邊首見過，傾傾下原來係德國寶其中一個代言人樂師傅，即係肥媽同陸6浩嗰個德國寶，之前好多報紙都訪問過，真人比上鏡更靚仔，之後推介我食三文魚夾餅寿司，脆卜卜寿司我第一次食，樂師傅解釋外面用鱈魚乾當紫菜包住寿司飯，三文魚加上秘制醬汁好好味，之後師傅介紹我食另一招牌菜鮑魚雞翼，雞翼骨全起放隻用清酒煮鮑魚，入口清酒一陣陣傳出來好特別，師傅問我食唔食蠔我話食之後不發一言去整比我食，嘩嘩嘩好大隻蠔好多海膽，師傅話係另一受歡迎菜式海膽蠔，海膽同蠔同埋芝士醬汁原來咁夾，好食到我唔識形容，其實我一值留意到個大電視不停播出食物照片，我係楊枝甘露粉絲，叫到有個叫楊枝甘露炸雞就同樂師傅講想要一個，雞炸得啱啱好唔會過火表面上有蜜糖，另外一個楊枝甘露醬汁配埋一齊，但太多食唔哂要打包，最後樂師傅送一份焦糖多士，簡單一片白麵包可以做到出神入化，樂師傅你係得嘅，下次我唔會一個人來食，我眼見重有好多好味菜式一定約埋幾個朋友一齊分享，今晚除左菜式有驚喜外，重要比我見到明星廚師真幸運

今日約左幾個從加拿大回港朋友聚會，整日除左吹水同食之外無咩嘢做，由早上飲茶，中午食日本料理，下午茶去飯咖啡坐到7點左右加拿大朋想食辣嘢，我平時去九龍城湖南少奶奶食飯，今日係香港嗰邊所以去左堅拿道西湖南少奶食飯，一心諗住兩間都係同一集團，點知就係差好遠，木耳醋味唔夠只得個辣字，辣蝦都算可以如果再炸耐少少加多少少味就更加完美，好好味辣豬潤值得推介，無得輸辣味大魚頭，味道同九龍城差唔多，我自己對辣菜式好喜歡，可能今日大家食得太多嘢好多都食唔哂，下次再食一定留定嗰肚，如果要兩間湖南少奶比，九龍城嗰間好味好多。

想當年係旺角返工差唔多日日都去食，無論午餐有時夜晚ot都係幫襯佳人餐廳，闊別左幾年今次從遊舊地，一開門就聞一陣陣臭味可能老店抽氣舊，再睇餐牌改變左好多，唔知道係唔係開係旺角，要迎接大陸人口味，加插一啲離哂地面菜式，先講食物方面，叫左個西冷牛扒味道無以前咁好味都唔算差，係唔係換左個師傅牛肉無感以前嗰種好味味道，以80蚊埋單重有湯多士飲品算係咁，食到近尾聲比我發現原來出左個pizza只不過係38蚊，我當然唔會執輸叫一個，出來效果超出我預期好，餅底味道好好啊！