一聽到蛋黃哥做主題，我就決定要黎呢間點心代表試一試。 雖然係星期五朝早，但其實都已經差唔多full, 幸好我都係唔駛等位就有得食，否則就要等多等啦。




雖然店子細細，但鋪面有哂蛋黃哥既畫，好可愛

點心紙有蛋黃哥特色既點心同甜品，但留意番唔係全部都有得供應嫁，要試哂既朋友要等到9 月中先有呀！ 左下角既香茶係比一般茶位貴10 蚊，因為會送埋蛋黃哥既杯墊，想收藏既記得要叫啦。 由於我已經有左蛋黃哥杯墊，所以專注叫點心。

呢個蛋黃哥奶皇飽，相信好多人都會叫黎食，因為有得玩，但其實我自己試左，發覺又唔算話好流心，只係有少少汁係入面咋，有d 失望，但味道係一般酒樓質素，又唔算話差既。

呢個炸蝦漢堡，比我想像中好食。面頭既蛋黃哥樣係米紙做，可以食得，大約10-15 分鐘就開始化，所以相機食先啦如果想留念。 個包面食落幾脆，唔硬，仲有流心蛋，芥末醬，芝士，蕃茄，炸蝦 一齊食，味道幾好。 仲有旁邊既薯仔，雖然唔係脆，但咸咸地幾好食。

之後仲有呢個奶凍，有塊薄荷葉係面，鐘意mint 口味既一齊食都不錯。蛋黃樣個個原來係芒果味，賣相幾可愛，但食落我覺得唔太重奶味，亦唔算好滑，味道一般。

額外有點到蝦餃同呢個兔子棉花糖。 我覺得咁多樣野入面最好食就係蝦餃，皮很薄，好食！ 仲有呢個棉花糖，樣子幾cute, 唔太甜，但口感唔係好鬆軟，都係一般。 整體黎講，為左蛋黃哥朝聖係可以一試，但服務麻麻，點心未夠齊全，味道一般，所以唔好抱咁大期望啦。

之前一直想試既outdark , 今日終於有機會去啦。由於冇book 枱既關係，所以我6 點鐘到就到左。 結果可能係太早既係，唔駛等就有枱。 一到步，覺得好暗，但幾有韓國既味道，事關係門口已經掛哂d 愛情鎖係度，好似去左南山塔咁，幾得意。 坐落地方都算係幾舒服，唔算太迫，落左order 食炸雞同飯團，之後就有侍應俾枝marker 筆同愛情鎖你寫，寫完就可以掛係門口個位度，寫完之後一陣，碟炸雞就到啦

呢碟炸雞，我只係叫左半份，但再加埋薯條，我覺得份量真係幾多，算係幾抵食。 炸雞係醬油味，初初以為係唔辣既，但原來都係有韓式炸雞醬，由於我朋友唔食得辣，所以都唔係好食到。如果想點唔辣既炸雞，記得要叫原味/蒜味，咁就唔駛驚辣啦。 但我自己就覺得其實唔算話好辣，但每塊雞都好入味，雖然唔係我食過最好食既炸雞，但呢間都唔錯，肉質唔算乾，再配埋芝士粉既薯條，其實都幾好食。佢仲有幾隻醬俾你點黎食，好似有芥辣，韓式辣醬，豉油，仲有隻甜甜地不過唔記得叫咩名。 食食下其實自家製既飯團都到左，份量又係唔算細份，好多紫菜同蟹籽，仲俾埋手套整飯團。

記得oppa 問我整定想佢整，我梗係想oppa 幫我整一個啦。 於是佢好細心咁幫我地拌勻哂d 材料，教我地整，仲話要用掌心俾d 力去整先好食！ 的確我覺得個飯團真係好味既，蟹籽同紫菜我本身就鐘意食，加上食落有d 麻油味，覺得幾香，同埋邊食飯團邊食炸雞，可以幫我朋友減辣添！ Oppa 同佢既侍應由頭到尾都好細心，問我朋友食唔食得到，仲不停幫我朋友加水，仲問我地覺得味道點，食唔哂仲有得包走，一d 都唔浪費。 到左結帳個陣，oppa 拎左個盒黎，打開個盒有一枝筆同有張memo, 係俾我地寫comment, 仲附送埋朱古力，最後當然有張單啦。 整體黎講，食物不錯，服務態度好好，而且我覺得燈光暗暗，仲有埋愛情鎖玩，都幾適合情侶黎試呀！

今日係我朋友生日，其實我之前已經食過呢間放題，覺得幾好食，於是推介俾我朋友

食呢間放題，要一早book 定位，因為呢間算係幾誇張，就算book 左位，都要準時去排隊入去食，不過呢間放題都算唔錯，佢地係你排隊既時候會免費派飲品。

呢間放題選擇都幾多，我朋友一黎就點左好多刺身刺身一大盤壽司我最愛的蟹籽壽司 隔離係海膽壽司燒雞翼 好好味呢度有芝麻雞翼(好味), 芝士年糕，炸雞軟骨最驚喜係呢間放題有馬卡龍食
雖然比唔上出面好貴個d 馬卡龍，但呢間質素都唔差，有幾種味，咬落都有d 煙韌，味道唔錯！

其實我地仲有叫到粥，甜粟米，芝士帶子，天婦羅…都好味，如果去既話大家都可以點

最後呢間放題會送每一位一杯哈根daz 雪糕，最新既奶茶味都有提供！

至於服務，雖然未到超好服務，但算係冇漏單，執野執得好快，亦會幫我地影左幾次大合照，態度算係唔錯。

呢度ge agnes b 甜品鋪可算係大間，位子多，但由於個日係除夕夜，所以都要等一陣先有位。 點餐方面，蛋糕牌子有d 冇介紹款cake 究竟係咩味道或用什麼材料，所以只能夠憑外表去揀心水cake. 我同友人各自揀左一款，我揀大一小熊樣ge cake, 而友人揀左焦糖味ge cake 熊仔個款cake 好重tiramisu + coffee ge 味道，入面仲有d 慕思，口感不錯，個人幾鐘意，而且外表真係好可愛！ 另一款，係焦糖味，餅底好脆但同個cake分開食，入面食落都有脆ge 口感，感覺幾得意，幾鐘意食多層次cake ge 可以一試！

一睇雜誌話開左kitty cafe, 就想第一時間去試，不過當知道係冇位子ge 時候，就等到依家先去。 呢間kitty cafe 得一張細細ge 枱俾堂食ge 客人，如果真係有有枱櫈俾客人坐低慢慢享受就好啦。 一行埋去，店員已經開始sale 佢地鋪頭最受歡迎ge 蘋果cake 俾我，我問佢地紅蘋果cake 同青蘋果cake 有咩分別，佢答我餡料一樣，只係出面層jelly唔同，咁於是我就叫左青蘋果cake. 青蘋果cake 外表好靚，有我鐘意ge jelly 做coating 就已經好想食，食落去，入面有幾層layers, 有cheese蛋糕，慕思，蘋果蓉，個人覺得配搭好清新，唔過甜，本人唔太鐘意重cheese 味，而呢個cake 正符合我ge 要求，有淡淡ge cheese 但唔濃，唔會蓋過清甜ge 蘋果味。 食落口感好好，層次分明，好食！ 鐘意kitty同馬卡龍ge 我當然有試埋呢度ge 馬卡龍($28), 呢度ge 馬卡龍比平時大少少，有好靚ge kitty/蝴蝶結圖案，令人愛不釋手，唔捨得食。今次我叫左橙味馬卡龍，食落去好脆，但冇煙韌口感，不過係我最鐘意食ge 橙餅味，好香，不過28 蚊係有d 貴，但味黎講算係ok! 下次會再試其他同埋cafe!

本人自問好鐘意食馬卡龍 ,最愛食尖沙咀個間名店ge 馬卡龍 不過既然有唔少人都讚呢一間好食，咁我就一於去試下先！

一入到去，間鋪頭真係幾細下，得一樣細細ge 枱同三張櫈，再睇下個櫃，吸引我ge 唔係馬卡龍，而係放係櫃入面ge 一個個creme brulee ♥
於是我同朋友都叫左一個黎食，不過當唔少得要試埋馬卡龍，我叫左荔枝味ge 馬卡龍，而友人就叫左薑味ge 馬卡龍。

creme brulee $40真係好正， 職員用佢純熟ge 技巧用噴槍整個脆脆焦糖面，整得啱啱好，一食落去，入面ge 蛋好滑，出面ge 焦糖好脆有少少甜，但唔會過甜，食落仲好香，原來入面有好多雲呢拿籽，一個字就係正！ 真係配合得好好，難怪咁多人鐘意食，$40 係值得的。

荔枝味馬卡龍$18，見到個樣都幾靚，聞落都好香荔枝味，食落去幾有清甜荔枝味，唔太甜，外表好脆，入面林林地，但個餡就冇尖沙咀個間ge "煙韌"口感，呢個係美中不足，所以我仍然覺得尖沙咀個間馬卡龍比較好食！

薑味馬卡龍$18，呢款係友人叫的，佢覺得薑味太重，佢個人就唔太鐘意，鐘意適中ge 味，一樣外表好脆，就是差左少少口感。整體黎講，creme brulee 最正，店員服務亦唔錯，有機會再試！