Friend 約咗呢度食飯，貪佢有室外位置，可以食煙🚬而且交通都尚算方便，地鐵、巴士都容易去到 Weekday 仲有happy hour 買一送一，難怪差唔多成8:00，餐廳平日都坐滿人，睇返都係外國人居多，侍應全部講英文，亦都幾 friendly 仲問我哋要唔要上台唱歌 朋友同我都係屬於細食之人，點咗兩個 appetizers ，主要都係飲嘢為主，一路坐一路傾偈，傾到差唔多成11點先走。 場內live band 亦都唔錯，注場歌手唱歌真係幾好聽，總括今晚氣氛真係唔錯，下次要揀星期五過嚟，可以夜啲先走最重要係性價比非常高

很多人都說這是一間打咭cafe，原來是真的這麼chill! 從門口的聖誕樹。 以至室內的燈光、裝修，全都有種很好的氣氛，令人坐得舒服。 Cocktail 的選擇多。我為了打咭，當然要點一杯！ Cocktail 的煙霧效果，打咭一流！ 整體賣相超靚的「愛麗絲夢遊」，係芒果base的cocktail，酸酸甜甜易入口。 免費的麵包都好出色！預了每人有三款，加埋自家製的蒜蓉牛油和南瓜醬，我哋食清！ 我的主食係紐西蘭海螯蝦配譏燒鮑魚忌廉醬時令海鮮意大利飯，海鮮堆到高高的！勁滿足！ 朋友在離開前已立即訂了枱星期日來食brunch!一來話支持小店，二來佢話以這種質素，在洒店或大集團食要起碼貴五成，所以是絕對物有所值。

無論何時來到，都被這裡的日式佈置吸引，就像日式魚市場內的佈局，滿滿的日本情懷。 朋友常說，見到門口要放櫈，就知是信心的保證，證明要等位，即是受歡迎！ 話明是水產店，當然要食海鮮，帶子、鮑魚極新鮮！ 靚女店員幫幫我們燒，不用自己動手！好過我們自助多多聲，海鮮始終過熟不好食。 然後是這個蟹味噌甲羅燒，眼見差不多每枱都有點的這道菜，果然好味！ 店員把所有配料拌勻，香濃的蟹膏，燒香了，很好味！ 連炸雞都高水準！ 真的是外皮脆而內多汁，抵食，送酒一流！

同事買蛋糕，貪這裡款式多，價錢又不是超貴，又近地鐵站，方便食飯前可攞蛋糕。 因為尚欠幾十蚊就可以成為會員，可享九折，而且係立時有九折。我於是自告奮勇幫忙買了兩塊麻糬曲奇凑夠數。 首先，要讚的是他們的包裝精美，自創的卡通正正就是麻糬拉開的畫面，cute! 每件曲奇再有硬卡紙裝的獨立包裝，方便進食！ 酥脆的曲奇，伯爵茶味有淡淡的茶香與茶味。內有麻糬餡，軟軟糯糯，而且有咬口的麻糬，為曲奇餅增加了層次。 原來麻糬係不應放入雪櫃的，全靠店員再三叮囑，以及包裝上節提示我才知道！

見到 iSquare 開咗新餐廳，裝修都唔錯，特登lunch time 過嚟試吓 Lunch hour 除咗可以叫 A la Carte 之外，仲有少少碟頭飯同午市二人餐，第一次嚟食，店員推薦午市二人餐 之後好快就上咗前菜 - 烤麩，第一次食暖嘅烤麩，幾特別 午市二人餐包括左： 五顏六色嘅蝦餃燒賣 流心南瓜🎃點心，食落似煎堆 魚子醬凍魚拼蝦棗 - 個凍魚唔錯，值得再 encore，蝦棗炸得好鬆脆 因為個拼盤實在太好食嘅關係，又再特登叫咗一份凍烏頭，好適合我呢啲懶人，啖啖肉 沙嗲和牛煎腸粉 - 食落唔油膩，值得一讚 之後食完好似意猶未盡，店員推介佢哋餐廳嘅獅頭鵝，喺香港唔係好多地方可以食到獅頭鵝，所以即刻order咗一份獅頭鵝頭頸，因為要解凍嘅關係，所以都需要等一段時間，不過唔緊要，慢慢食傾吓偈 等咗大約半個鐘左右，獅頭鵝頭頸終於搞掂，第一次喺香港食，估唔到有驚喜，個皮好似食緊花膠一樣，下次決定叫多啲人嚟，可以食埋獅頭鵝鵝片 順帶一提，餐廳仲有一間可以坐到16人嘅房間，仲可以唱K

老公目標係要一路試永光中心嘅所有餐廳，知道13樓開左，梗係要試吓 一出𨋢門口已經放咗特價嘅二人餐餐牌，但我同老公一早已經諗住散叫，所以冇特別留意內容 入到餐廳店員好快咁幫我哋安排咗位置，又問我哋飲水定係茶，之後俾我哋推薦食物 最後我哋點左： 日落 - 好靚嘅名，其實係薯仔沙律，但係上面有放咗櫻花蝦，食落有驚喜 松葉蟹凍 - 好新鮮好開胃，冇諗過松葉蟹可以 整 太刀魚汁燒 - 油分勁多，燒得好香 之後店員再推介吞雲吐霧 - 實質係炸紫菜加芝士，用嚟送酒一流 最後我哋嗌咗好多唔同類型嘅串燒，食得好滿足，下次帶朋友再去

尖東噴水池一帶一向較旺，有好多餐廳（就算是茶餐廳）都會有露天座位。想不到在南洋中心向麼地道這邊，原來有這樣高質素的酒吧，更驚喜的是，午市有set lunch供應。 Set Lunch 價錢由$95起，食物種類多元化。 餐湯是雜菜湯，足料，雖然是加了茄膏那類紅湯，但起碼感覺清新。 主菜我點了炙燒吞拿魚脆黎麥胡麻醬沙律，很出色！半熟的吞拿魚很有水準，而且六大件豪不吝嗇，原來黎麥炸脆了可以這樣用，有口感！要回家參照這方法做一次！ 這酒吧餐廳的食客全是本地客，應該是在附近的上班一族，是一間無被國內遊客霸佔的食店！

因為韓國人老闆娘的熱情介紹及招待，感覺是充滿愛的一餐！ 前菜當然有泡菜！ 韓式海鮮煎餅要做得好，最重要是足料，看到滿滿的海鮮和菜，便知好食，配合煙韌質地的煎餅，好味！ 近來新派的韓燒都是以這種大堆頭，全盤上的形式，最適合打卡用！一大盤多種類的肉，最愛是牛肋骨。 帶點甜味的牛肋肉，肉汁多，成為我每次吃韓國燒烤必點的食物，這個combo 內已包了一件，絕對抵食。 另一要推介的是醬油蟹，感覺特別的是加了生雞蛋一起吃，令本身咸香鮮味的蟹，口感更creamy 。 用心裝作的一間小店，在美食雲集的紅磡區應該可以長做長有，店員和老闆娘的熱情款待令人很窩心，最重要當然是食物的好質素，和合理的價錢，絕對是一間會再幫襯的食店。

今日入東涌做嘢，唔想去商場食，同事介紹了這間有露天座位的餐廳。 主打東南亞食品。最鐘意有Set lunch，有前菜、主食和飲品。 Set Lunch價錢由$98起。 屬頭盤的印式薯仔沙律，濃濃的醬汁，滿滿的香草味。 柚子豬肉碎沙律，集咸、甜、酸、辣於一身，開胃好味！ 主菜牛油雞，既有烤餅，也有印度飯。 咖喱羊，同樣是配了印度飯和烤餅，滿滿的印度風味，味道絕對異國風情。 入秋以來，終於有點涼意，坐在露天座位，十分寫意。

我成日都話呢間舖係年青人嘅食店，今日經過見人唔算多，就攞張飛等一陣。 午市有set lunch，價錢屬中上，但食物水準甚好，而且有open kitchen，我哋坐高枱，睇住我哋嘅食物即叫即整，就知道新鮮好味！ 餐湯係忌廉紅蘿蔔湯，幾特別，淡淡嘅紅蘿蔔味，出其地清新。 All Day Breakfast有兩種，我揀咗有肉版本，有三文魚同香腸，個乳酪配cereals都好好食。 朋友叫咗個白汁三文魚意粉，好creamy，但較heavy，好味，但細食嘅佢打包咗一半！ 我哋在K11這分店食仲可以賺埋商場積分，一舉兩得。