呢間人氣空中花園的Cafe 位於旺角上海街618號頂樓，有室內同室外露天茶座，坐得舒服，同埋而家天氣又唔係好凍坐戶外幾有feel，有個雀籠打卡位同埋就嚟聖誕節🧑‍🎄，有聖誕🎄同聖誕燈飾幾有氣氛。 一汁三菜便當 🍱 $150 Cafe 的招牌菜式，見差不多每枱都有order 。 有開胃前菜、慢煮蛋、鰹魚昆布茶高湯、日本穀米杞子醬油炊飯，熱焙茶（烘焙過的綠茶🍵） 主菜有六款選擇，有雞，鯖魚，漢堡扒，鰻魚同蔬菜類可以選，我哋就揀了大板燒風味黑椒烤雞塊配牛油野菜同高野豆腐豆乳野菜卷配櫻花蝦。 大板燒風味黑椒烤雞塊配牛油野菜 黑椒烤雞味道香濃，好juicy，大板燒野菜餅正，mix 埋一齊食，好夾呀。 野豆腐豆乳豚肉野菜卷配櫻花蝦🦐 豆乳香、豚肉、野菜帶來了豐富的口感，加了櫻花蝦增加了海鮮風味，令整個便當更加豐富。 店員送餐的時候會送上小木牌，教我哋要點樣食係最佳食用步驟，好貼心，先吃一口杞子醬油飯，感受一下飯的味道，之後再將高湯倒一半進飯內同開胃前菜及慢煮蛋倒進飯內品嘗，味道真係very good ，最後再將剩餘的高湯倒進飯內，配以主食一齊食，味道同層次都非常豐富。 不過菜式配搭較輕盈，女生吃的份量剛好，男生的話可能會略嫌不夠。 伯爵茶班戟 🥞 $108 班戟底用了伯爵茶去做，有淡淡的伯爵茶的味道，同平時食落有空氣感的班戟有些不同，口感比較結實，但切落去pancake 夠曬鬆軟，中間有麻薯 ，好煙靭，配埋雲呢拿雪糕同新鮮香蕉🍌同生果一齊食，好perfect ，重點唔甜的，賣相都唔錯👍，份量就一般同價錢偏貴。

呢間位於尖沙咀K11 附近的泰國餐廳，口味好地道，餐廳有唔少泰國人員工，地方又夠大，裝修都好有泰國風味，座位舒適，價格不太貴，性價比高，又大大份，岩晒一大班人黎食。 泰式春卷 $88 炸得唔錯，入面有粉絲肉碎幾香口。 泰國街邊豬肉串 $68 推薦必點的豬肉串燒得很香，嫩滑多汁，肉質Juicy 😋，配埋開胃泰式醬汁一齊食，超級正。 馬拉盞炒通菜 $88 好地道的馬拉盞炒通菜，小小辣又有大量蝦乾仔，足料，炒得很香又惹味，好味道👅。 越式蟹肉炒粉絲 $98 粉絲炒得好有鑊氣，又大大碟，蟹肉份量都唔少，配埋小小辣的札肉，豆芽一齊食，真係好有泰國地道feel 的炒粉絲。 菠蘿🍍同芒果🥭沙冰 $55/杯 大大杯的菠蘿🍍同芒果🥭沙冰，味道唔錯唔太甜，飲完透心涼。

呢間大埔人氣滷水店由兩個九十後情侶接手，以新派經營方法去演繹傳統滷水美食，價錢不算太貴，食品質數高質，高性價比👍。 有全日套餐同散叫，全日套餐都幾抵食，又多款式選擇，有雞，滷水鵝/鴨，豬，牛同滷肉套餐，重有四款小食可以揀 - 糖脆炒花生魚仔，川椒蓮藕丁，家鄉甜酸菜同爽脆醃蘿蔔，真係梗有一款啱你。 招牌滷水獅頭鵝定食套餐 （$65） 可以叫揀配白飯，潮州白粥，鮮鵝油撈麵或手工雞湯麵🍜 我就揀了配手工雞湯麵🍜同川椒蓮藕丁，個手工雞湯麵🍜都幾大份，湯麵爽滑又彈牙，川椒蓮藕丁都幾麻香有少少辣同爽脆，個人幾喜歡💕。 招牌滷水獅頭鵝，鵝肉肉質嫩口，滷水汁調味香濃又鹹甜，連骨都滷得非常入味👅。 滷水鵝腸 （加$19） 滷水鵝腸一樣滷得非常入味，有少許銀牙，鵝腸好爽口，正👍。 百香果清香烏龍茶 （加$8） 略甜同味道一般。 師傅刀工好犀利，見到佢切得好輕鬆😌。

星期六去咗試新開尖咀Cafe, Cafe 以歐陸田園風設計，有不少綠色植物作點綴，幾有大自然風格，cafe 以全透明玻璃設計，加上高樓底，可以飽覽維港海景，無論中午，黃昏同晚上都係打卡一流，聽職員說Cafe 有提供籌辦婚禮宴會。 Lunch set 有包頭盤＋主菜＋甜品＋餐飲，價錢由$168 至 $328 ，有八款main course 比你揀，梗有一款啱你。 我哋叫了兩款Main course share ，味道都唔錯。 重有朱古力牛角包同小方包。 頭盤有蘑菇湯同煙三文魚凱撒沙律（當日改了Parma Ham 凱撒沙律） 蘑菇湯 - 很creamy 的蘑菇味道，很香。 Parma Ham 凱撒沙律 - 沙律菜新鮮，簡單沙律汁配搭。 燒法國黃油春雞、泰國蘆筍、焗新薯、雞汁 （$238） 燒全隻法國黃油春雞，肉質嫩滑，不嚡口，味道偏淡，要點雞汁一齊食，配菜泰國蘆筍，新薯，番薯同翠玉瓜燒得啱啱好，幾乾身。 海鮮意大利飯、鮮茄醬 （$228） 意大利海鮮飯🥘有驚喜，海鮮飯吸收了海鮮的味道，很鮮又好吃😋，帶子，蜆同蝦🦐很鮮甜。 飲品 🍸 （加$20 可以叫無酒精飲品） Virgin Mojito🍹 加了薄荷葉，味道很清新的青檸梳打水，好醒神。 Free Breeze🍹 酸酸甜甜的味道，有西柚mix 菠蘿🍍味道。 甜品 原本係Tiramisu 或Opera ，當日突然說冇Opera轉了Cheese Cake 非常失望，因我不吃Tiramisu 同芝士，之前一日reconfirm table 有問過職員是否有Tiramisu 或Opera兩款可以選擇，職員回答是。 點知昨天職員話中午廚師才通知𨍭了甜品menu ，送多咗餐湯比我地，感謝職員🧑‍💼特別安排（加分）。 朋友話Tiramisu味道唔錯，賣相都幾靚仔。

以前叫大埔官立中學，而家叫大捕藝術中心，裡面有一間以木系 🪵 x 花花為主题的Cafe ，尼間Cafe 由之前係上水，之後粉嶺法院到而家係大埔新開的Cafe 都一樣咁高質，Cafe除咗食物高質，手冲咖啡都唔錯，因我唔飲咖啡，所以冇試過，朋友飲過都話唔錯。 大埔新店充滿藝術文化氣息，除了有嘢食，有手冲咖啡飲，重有唔少本地homemade 醬油，調味醬，手作產品同乾花寄賣，Cafe 有室內同剛開室外，下午的時候加埋自然陽光同樹影，真係好治療，重有兩個好正打卡位，一個牆畫了棵以樹幹為主題的畫，加埋棵真樹真係好正，另外一個牆畫了大❤️係cafe 以前在上水的創作的概念標記，好開心大埔都有咁有藝術文化氣質的Cafe。 室內環境都一樣咁有文化氣息，有幾張木枱木凳都係老闆同木匠人用心翻新同磨成的，木枱木凳🪵的天然木紋、裂痕都很有大自然感覺，每張枱面都放靚靚乾花，坐喺度食下野，飲下野都感受到大自然氣息。 白洒蜆意粉🍝 $148 呢個意粉，無論蜆同意粉都份量唔少，個蜆又肥大又新鮮，配上白酒煮好鮮甜，意粉軟硬度1適中，加埋牛油同香草味同淡淡的白酒清香，真心好食，推介大家要試吓。 蘋果🍎🍏塔 $78 蘋果塔賣相好掂，同平日食蘋果tart 有些不同，用了30層青蘋、红蘋焦點化做成，蘋果味道特別焦香，上面加了焦糖拖肥醬，餅底脆卜卜，配了香滑雲呢拿cream，個cream有粒粒果仁碎，mix 埋蘋果塔一齊食，又match 又好食，哈哈尼個蘋果塔真係不簡單。 蜜漬愛玉凍 🍹$42 酸酸檸檬🍋的味道，重有桂花淡淡的清香，很fresh 。

喺大圍整完頭髮去咗之前一直已經book mark 咗日系小店，無論門口及店內裝修都係以日式木系風格𤔡主，店铺面積唔係好大，但有一個超正的榻榻米打卡位，真係好似去咗日本🇯🇵 尼間主打日式定食，有甜品🧁🍰同咖啡☕️為主的日式cafe ，Dinner 有便當組合：飯/麵＋料理＋配菜 + 餐飲給客人選擇。 醬油蛋🥚拌飯 🍚+$8 醬油蛋拌飯，真係好正，正接撈🍚食已經很好吃😋。 醬烤起司🧀蘑菇漢堡 $92 估唔到漢堡整到咁好食，肉質好鬆軟，入口溶化又多肉汁，加加上蘑菇洋蔥🧅同烤芝士配搭，用嚟撈飯食，真係無得輸。 烤明太子章魚肉串🍢 好惹味燒章魚串，幾彈牙，有章魚香味，加埋鋪了明太子同芝士又juicy 又香。 桂花烏龍茶 +$8 雖然是茶包，但都很有桂花味又有烏龍茶的味道。 原來佢哋甜品都好出色，不過有點飽，所以冇叫，下次去一定要試吓戚風蛋糕，梳乎厘同窩夫。

去咗新地方圍方睇戲🎬，睇完戲就去食飯，呢個新商場好多人，好彩之前上OpenRice book 定位，如果唔係睇完戲都唔知幾耐先有得食，去咗食Shake shake 海鮮拚盤，海鮮拼盤有套餐同combo 自選套餐優惠。 店舖面積都幾大，海洋風裝修同設計都幾吸引，座位夠闊落，坐得舒服。 我地就叫了一份Shake Shake 套餐同意大利燴飯 貝類三食拼盤 $368 （蜆8隻，青口8隻，翡翠螺4隻，粟米，豬肉香腸及新薯） 每個拼盤都可以揀唔同醬汁，我哋就揀了最SIGNATURE CAJUN 小辣味道，海鮮放入個藍色透明厚身袋度，waiter 哥哥就拿著海鮮袋在你面前用手shake shake海鮮，搖勻打開之後已經聞到很香，蜆賣晒𨍭了扇貝，重有青口，翡翠螺，粟米，豬肉香腸及新薯仔🥔，海洋鮮嫩又多汁，海鮮同配菜mix 咗自家製的醬汁都十分若味同match ，味道真係唔錯，喜歡吃辣的朋友應該幾like ， 手拆蟹鉗蟹膏意大利燴飯 ＄158 味道都很creamy，蟹肉都唔少，加埋蕃茄仔同青瓜粒粒，食落有D咬口同埋唔會太膩。， 小分享： 當日國𪊴日去食dinner ，order 完海鮮拼盤隔了3-4 分鐘，店員就話冇蜆就轉了扇貝，之後隔4-5 分鐘，又有另外一個店員話冇蜆，我哋就再回覆已經轉了扇貝。 食完手拆蟹鉗蟹膏意大利燴飯，等了30分鐘都未有海鮮食，以為假期人多，咁就等多陣，隔咗一陣，發現遲過我哋來的客人都上枱了，於是就問店員，店員查完回覆因無蜆就取消咗張單冇再落單，兩個店員問完以為大家處理了，我估溝通不足，唔知係咪因為假期，店員都好醒目就話10分鐘之內幫我地搞掂，送咗兩杯嘢飲同打九折優惠，雖然來遲了，但shake shake 海鮮係好食的。

同朋友上星去咗食一間幾日式餐廳嘆日式high tea，室內設計同裝修好有傳統日式style ， 最正係全層落地大玻璃可以看到維港海港景色，我估夜景同看煙花應該好正，環境真係冇得輸，一定要同大家推介下。 而家國泰 @cathay 舉辦了 giveaway活動一連4個星期請食飯 - 到國泰夥伴餐廳吃飯＋寫食評就可以了！大家有興趣去國泰IG 八掛下，獎品都幾吸引，咁啱尼間係國泰夥伴餐廳之一！所以趁機參加這個活動。 下午茶有咸點同甜點可以選，用咗日本🇯🇵精美便當盒🍱盛載，如果唔太鍾意甜食又或唔係大食的朋友，可以從冷盤熱食和甜點 三揀二，咁就慳返$100 ， 權八和風下午茶 $498 冷盤 🥗🍱： 蟹肉飛魚子沙律🥗/枝豆/香蔥吞拿魚腩鍋巴/權八太卷/ 穴子牛油果卷 冷盤各有特色，自己比較喜歡香蔥吞拿魚腩鍋巴，新鮮又肥美的吞拿魚腩加埋脆卜卜的鍋巴一齊食，又香又好食，兩款壽司又新鮮，重有唔少配料包裹而成，口感很豐富。 熱食 🐔🐷🍢： 唐楊雞柳/炸鮮蟹肉餅/燒宮崎黑豚肉腸/燒雞翼/燒野菜魚餅 /燒粟米🌽/燒宮崎番薯 熱食全部都係即叫即做，熱辣辣上枱，全部都高質， 炸鮮蟹肉餅好鬼正，炸到金黃又酥脆，一咬落去就有滿滿的忌廉流出，好鬼邪惡👿。 重有最愛燒雞翼，燒至外皮香脆，好惹味。 燒粟米同燒番薯🍠都燒得非常好👍。 燒黑豚肉腸，燒到剛剛好，肉質鮮嫩又juicy ，好滋味佝香膓。 甜品🍰🍉： 椰汁南瓜白玉子/十勝紅豆牛乳奶/綠茶蕨餅大福/日式蛋卷/芝士蛋糕/時令水果 甜品款式各有特色 ，不過唔係全部都好食，有點太甜同味道一般，個人比較鍾意綠茶蕨餅同時令水果 飲品🥃🍺☕️🍸： 有咖啡茶可以揀，重有白鶴純米酒或啤酒🍻 第一次食日式下午茶☕️都滿意，咸點真心唔錯份量又多，個人覺得咸點比甜點更出色，服務同環境都好好👍。

自己住大埔都冇試過文昌酒家，昨晚同朋友試了，燒🦆真係好食、估唔到其他小菜都整得十分出色，特別喜歡冰梅醬燒骨。 粵式燒鴨 🦆 半隻 $109 果然是皇牌燒鴨，燒鴨冇乜肥膏，肉質juicy，鴨皮燒得好好，口感酥脆，食落很香鴨味道，加埋過特調醬汁一齊食，好正😊。 文興小炒皇 $128 配料都好豐富，韭菜花、蝦乾、腰果、魷魚同蝦球，材料新鮮，蝦球爽口又彈牙，韭菜花很多甜，加了些蝦醬炒，很惹味同幾夠鑊氣 冰梅醬燒骨 $119 肉質嫩口又多汁，配了冰梅醬的酸甜口感，非常出色同醒胃，尼個冰梅醬燒骨真心好食😋。 上湯時蔬 $88 上湯菜心都用了菜心苗，加了蒜頭上湯幾蒜香味。 舟山海蜤 $69 海蜇頭好脆口，很有以前媽媽的味道👅。

呢間大埔小清新文青cafe，食物質有驚喜，晚餐加$18 包餐湯同埋檸蜜，加$8 有小牛角包🥐。 南瓜忌廉湯餐湯 - 估唔到幾creamy 同飲到南瓜🎃的自然甜味，呢個價錢抵。 四個主菜同一款小食 慢煮加拿大豬鞍配烤雜菜 $228 呢個整得好好，必叫之選，份量都唔小的，豬鞍肉質鮮嫩又多汁，配埋青蘋果同檸檬醬，一齊食好Fresh ，烤雜菜的焗薯同翠玉瓜都好食， 泰式冬陰功海鮮扁意粉🍝 $94 呢個泰式冬陰功海鮮扁意粉，估唔到都幾有冬陰功feel，有些辣辣地但惹味，海鮮唔算太多。 傳統卡邦尼意粉 $98 幾creamy 的傳統卡邦尼意粉，味道唔錯。 三點🦀肉意大利飯 $168 廚師👨‍🍳推介，唔少蟹肉佈滿意大利飯，蟹肉鮮味配埋creamy醬一齊食，perfect match 。 招牌美式煎蟹餅 $78 蟹餅外皮煎得香脆，入面全部都係蟹肉，一絲絲好鮮甜的蟹肉味道。 全部都好好高質，特別喜歡慢煮加拿大豬鞍配烤雜菜同泰式冬陰功海鮮扁意粉🍝，兩個都好食😋。 下次再試吓甜品先，坐位唔多，記得打電話book位。