唔知大家有冇係DiningCity App/ 網站訂位食飯呢！今年有65間餐廳於2024春季餐廳參加， 由即日起至2024年5月5日上 DiningCity App/ 網站用HSBC 信用卡💳就可以午市低至$148及晚市低至$298的優惠價錢，享受精選的美味體驗， 今次去咗「Wooloomooloo Steakhouse」食三道菜（Lunch)，$198 有三個菜同麵包，呢個價錢真係幾吸引🤩，前菜同主菜都有三款選擇。 👉 餐前麪包 麪包好香rosemary味，外脆內鬆軟，加埋黑醋一齊食，幾好味。 👉 Starter Crab Cake (加 $30） 份量都唔小，滿滿的蟹肉煎成厚厚的蟹餅，外皮香脆，一切開爆多鮮甜的蟹肉，配埋他他醬一齊食，超好食，推介大家試吓。 👉 Main course Pan Seared Salmon 三文魚煎得幾香，底部有creamy 的牛油薯蓉很match ，重有開邊豆做配材。 Grilled Beef Tenderloin 朋友叫咗Medium Rare話烤得啱啱好，不會太生又幾JUICY同有牛味。 👉Dessert 🍨 Rich Chocolate Cake 以為朱古力蛋糕會流心，切開後冇流心，有啲失望，味道有點甜。 送餐茶（coffee or tea)

觀塘其實好多工廈同樓上cafe 都好好食，早幾日係觀塘做完嘢就去咗一間工業大廈地下的cafe 食咗個下午茶，真係估唔到超有驚喜！ 下午茶時段做緊全單七五折優惠，更加抵食😊。 原味梳乎厘配蜂蜜糖漿 $98 嘩嘩嘩，真係要講3 次，超大份量，比平時食開的size 大一陪，真係有double size ，新年鮮焗出嚟，暖淋淋，超級鬆軟又有蛋香味，重有香蕉🍌同士多啤梨🍓，再淋上蜂蜜糖漿，唔會話好甜又幾好食😋。 芒果菠蘿🍍沙冰 $48 又有芒果味，又有菠蘿味大大杯沙冰，飲完後清涼，爽。 最後埋單$124 好抵😊，下次試吓其他主菜先。 Cafe 以簡樸風設計，座位之間幾闊落，坐得舒服。

呢間台灣料理每次經過都見見到有人排隊等位，剛巧平晚經過無人排隊就試吓。 必試招牌菜： 手打牛筋丸麵 /百頁豆腐/白桃鳥龍茶 呢間主要係食台灣牛肉麵店，不過都有其它台灣小吃， 哈哈😂，其實我不吃牛肉，但能吃牛丸，我就試了手打牛筋丸麵，估唔到咁出色，牛骨湯底，濃湯但唔鹹，手打牛筋丸好多肉汁又彈牙，配咗粗麵食🍝好掂。 加咗百頁豆腐同涼拌小黃瓜🥒 （半份） 百頁豆腐 - 味道清淡，但調味甜甜地都唔錯。 涼拌小黃瓜🥒 - 用了白醋整的小青瓜，酸酸甜甜幾開胃🤤。 白桃鳥龍茶 - 很喜歡💕這個無糖白桃鳥龍茶 ，淡淡的白桃味道，很清香。 想讚個濃湯底，服務員話湯底絕不落味精，我渴完後都冇口喝，抵讚。

尼間來自名古屋手打烏冬店，烏冬打是人手製造，門口玻璃窗可以看到師傅整烏冬製作過程， 烏冬有3款湯底可以選擇，有鰹魚清湯、老店傳統味噌、招牌咖哩，我哋就試咗招牌咖哩。 黑豚肉煮烏冬 HK$98/美國安格斯牛肉煮烏冬$108（ 招牌咖哩+HK$10） - 手打烏冬很新鮮，麵條屬粗偏身，店員送上砂鍋上桌時會問你喜歡烏冬淋身定係有咬口，我就選擇有咬口，所以店員就隨即將個砂窩蓋打開同拿走，烏冬有咬口同彈性。招牌咖喱湯底濃郁但又不會好咸，原鍋已經有溫泉蛋，腐皮，同蔥，無論配埋黑豚肉同美國安格斯牛肉再撈混雞蛋一齊食都好啱。 燒地雞手羽 $48 - 外皮炸得酥脆，外層再灑上厚厚黑芝麻同辣椒粉，肉質鮮嫩多汁。 炸雞皮餃子 🥟 $38 估唔到有驚喜，雞皮炸到脆脆又帶些彈牙，入面有豬肉沙葛餡，有口感，好味😋。 和風沙律🥗 $28 沙律菜同番茄仔新鮮，mix 埋和風汁都唔錯，同埋都算大份，

美登利慶祝五周年紀念，推出了壽司放題之夜， 就book 咗去試吓， 可以無限食各類壽司，可任食三文魚、吞拿魚、大赤蝦、油甘魚、帶子、海膽等壽司，超過80款單品，無限暢食100分鐘，入座後即送上刺身盛合，壽司盛合，茶碗蒸，白味噌湯。 刺身盛合有油金魚，三文魚，吞拿魚，甜蛋，壽司盛合就有油金魚，三文魚，吞拿魚、帶子，吞拿魚碎軍艦同三文魚子軍艦，全部都幾新鮮唔錯。 之後就可以任叫嘢食，先叫了牛油果海鮮沙律🥗，天婦羅，味道ok 。 壽司就叫了火灸帶子，帶子，赤蝦，油甘魚，魷魚，鯛魚，三文魚等等，都算新鲜，個人覺得帶子肥美有鮮味，赤蝦彈牙鮮甜最好食，其他壽司味道可以，不過三文魚有啲筋，明顯同頭盤盛合相差都有距離 😕。 海膽手握軍艦，蟹膏蟹肉手握軍艦，炸蝦卷同鰻魚卷就有點不及格，蟹膏明顯不新鮮，有點腥，海膽上台見到顏色同色澤、就已經知道唔新鮮，重有點腥，冇食過咁嘅海膽，炸蝦卷同鰻魚卷，D炸蝦淋身，鰻魚又係有腥味。 最後送上單球雪糕一客 ，吃了黑芝麻味道、味道濃郁。 雖然係$388 ，但係質素就麻麻地，試過就算了。

尼間係之前book mark咗想去嘅Cafe ，Cafe 以簡約風灰白色設計的雲朵Cafe，D 雲重會升高升低，升降的浮雲配埋可愛仙人掌🌵做back drop ，加埋肥胖胖貝殼型白色梳化椅，重有鋪上灰白的石春，坐係度真係好療癒，同埋真係好啱打卡。 Cafe 以甜品出名、天氣凍無食到刨冰同埋雪糕，叫了鹹食食物，質數都好有水準。 蒜香明太子櫻花蝦配珍寶帶子意粉 $138 煎香了帶子，大粒又嫩口，加埋明太子櫻花蝦同少少煙肉配搭，惹味又帶蒜香🧄，口感夠曬豐富，擺盤都好打卡feel 😃。 酥脆鹹蛋黃雞翼 $72 炸得好脆的鹹蛋黃雞翼好食，好惹味鹹蛋黃味道👅。 竹炭鮮奶咖啡 ☕️ $42 朋友話咖啡都幾好飲，竹炭味夠又畫得好靚 。 芒果梳打🍹 $40 粒粒芒果梳打味道唔錯。

尼兩日凍左，想吃碗傳統湯品，去咗尖沙咀韓國街搵食，去咗 「韓屋」吃家庭風味韓國料理，小店主打零味精、零防腐劑韓式住家熱湯🍲，估唔到又唔錯喎。 炒豬肉石鍋拌飯 ＄128 拌飯材料非常豐富，有紅蘿蔔絲，脆肉瓜，菠菜、芽菜、紫菜同炒豬肉同用了紅米、紫米為主，食得健康啲，石鍋保持飯的溫度，熱辣辣非常啱冬冬地的天氣，重有少少飯焦， 人蔘雞湯 🐓 $168 原隻人蔘雞 ，多種藥材，不少人參，幾足料，雞肉非常滑嫩，雞湯味道又濃郁，雞肉內釀入糯米飯，幾黏身，連埋雞湯一齊食，好似吃粥咁，雞骨又煲到淋曬，尼個真係好啱尼兩日咁冬天氣，飲完個湯暖胃又滋補😃。 下次試吓薯仔豬排骨湯同餃子🥟先。家庭風味韓國料理 尼兩日凍左，想吃碗傳統湯品，去咗尖沙咀韓國街搵食，去咗 「韓屋」吃家庭風味韓國料理，小店主打零味精、零防腐劑韓式住家熱湯🍲，估唔到又唔錯喎。 炒豬肉石鍋拌飯 ＄128 拌飯材料非常豐富，有紅蘿蔔絲，脆肉瓜，菠菜、芽菜、紫菜同炒豬肉同用了紅米、紫米為主，食得健康啲，石鍋保持飯的溫度，熱辣辣非常啱冬冬地的天氣，重有少少飯焦， 人蔘雞湯 🐓 $168 原隻人蔘雞 ，多種藥材，不少人參，幾足料，雞肉非常滑嫩，雞湯味道又濃郁，雞肉內釀入糯米飯，幾黏身，連埋雞湯一齊食，好似吃粥咁，雞骨又煲到淋曬，尼個真係好啱尼兩日咁冬天氣，飲完個湯暖胃又滋補😃。 下次試吓薯仔豬排骨湯同餃子🥟先。

去工展會行街前去食了Omakse ，去了一間開張兩個月左右樓上餐廳「信Shin」係一間高質日式同西式廚師發辦料理，不限於日本食材及烹調方法，烹調出多元化及創意美食。

食物質數唔錯，材料新鮮，坐得舒服，lunch set 有Omakase $399 同 $599 ，重有和牛同伊比利亞黑毛豬set ，唔食魚生壽司🍣的朋友都有多一個選擇。

我今次試了$399 lunch set ，壽司同刺身選材都係魚味濃及上乘的刺身，食得開心又滿意👍。

加上師傅用心整同介紹每道菜式，又同食客互動交流，擺盤又有心思，增加了視覺效果，CP值高，推薦大家試吓。

先附小品（3 品）
🔸水果蕃茄 - 師傅用了特調醬汁浸泡一日，味道酸酸甜甜甜，有些紫蘇葉香味，蕃茄又甜又多汁。
🔸福花 - 福花類似椰菜花，烘到乾身，加了
松露汁，福花爽脆清新。
🔸茄子 - 茄子🍆上面加了明太子/Cream Cheese又幾特別。

推薦料理（1品）
🔸醋酸墨魚🦑水雲 - 冲繩出產水雲，配了墨魚刺身同紫蘇花攪勻後入口滑捋捋，墨魚爽口鮮甜，最like 醋酸醬汁一齊食，很好吃😋。

時令刺身二點盛
🔸獅魚 ，五S帶子 - 獅魚肉質結實，清甜、最正係大大粒厚身帶子，又大又清甜，非常好食。

紫薑•牛旁漬
壽司系列開始之前送上漬物，最喜歡吃漬物，牛蒡漬爽口不太鹹，柚子蜜的子薑爽脆幾清新。

壽司🍣（5貫）
🔸赤木張 - 魚味鮮甜又爽口。
🔸銀雪魚（BB) - 日本出產的銀鱈魚BB🐟是細細條，烤過後很香，油脂高，入口即化。
🔸子持鯛 - 油脂很豐厚，入口魚油甘香細膩
🔸煙燻黑睦 - 師傅用了蘋果木去煙燻，當煙燻時🐟吸收了蘋果木的煙燻味道，入口軟棉同淡淡smoky 味道，油香又鮮味。
🔸大拖羅 + 海膽 - 大拖羅油脂高加埋鮮甜海膽，真係無得輸👍👍。

卷物（1貫）
🔸左口魚手卷 - 魚味濃又甘香，入口即溶。

粉紅色的壽司飯
壽司飯是粉紅色的壽司飯，師傅話概念來自櫻花，材料料師傅祕方。

丼飯
細丼飯有魚子，吞拿魚中拖羅撈埋粉紅色的壽司飯一齊食很滿足。

甜品
豆腐黑芝麻雪糕🍦

在open rice book 位，而家做緊全單8 折優惠，真係好抵食，CP 值非常高，唔好錯過機會，店員會WhatsApp’s 問有什麼不吃。

呢間人氣韓式燒烤餐廳，之前已經book mark 想試吓，去開睇Movie 就順便book 定食韓燒，星期日都有lunch set，有燒肉，石鍋飯，豆腐海鮮㻛同其他韓式菜式，價錢都算抵食。 一坐低店員就送上五小碟前菜，有泡菜、菠菜豆芽、海帶絲，蘿蔔絲同係馬蹄糕條，加$40 仲可以任叫前菜，呢個必定要加，五款小菜，我最喜歡泡菜，因為微辣又帶點甜味，好食，蘿蔔絲辣辣地又好食，我地都添咗三四次。 今次叫咗兩個lunch set 包木槿牛肉蛋飯，雖然我不吃牛肉，但賣相相當出色，我就夾起D牛肉，生雞蛋加蔥撈勻後，再配埋啲前菜一齊食，其實已經好正🤤。 熟成韓式醬油三吃 - 主打牛肉，有和牛牛小排、慶州黑毛豬五花肉、水果醬油挑骨雞翼，份量都唔少，朋友話調過味道的和牛牛小排都唔錯，燒起味道香濃，雞翼起了骨燒好後幾香口。 黑毛豬燒肉特選 - 主打有汁燒豬皮、韓式豬腸、慶州黑毛豬五花肉、水果醬油豬梅肉 ，慶州黑毛豬五花肉肉質不錯，燒豬腸同豬皮好出色，最有驚喜是豬梅肉，豬梅肉是帶甜的韓式醬油醃法，口感柔軟，一啲都唔乾很好吃😋。 每份餐重有蓮藕片，南瓜片同冬菇，三款蔬菜都好新鮮。 朋友同我都覺得牛與黑毛豬都係有質素的，正所謂豬有豬味，牛有牛味🤣😂。 小貼士： 呢間係人氣店，記得係open rice book 位。

呢間人氣空中花園的Cafe 位於旺角上海街618號頂樓，有室內同室外露天茶座，坐得舒服，同埋而家天氣又唔係好凍坐戶外幾有feel，有個雀籠打卡位同埋就嚟聖誕節🧑‍🎄，有聖誕🎄同聖誕燈飾幾有氣氛。 一汁三菜便當 🍱 $150 Cafe 的招牌菜式，見差不多每枱都有order 。 有開胃前菜、慢煮蛋、鰹魚昆布茶高湯、日本穀米杞子醬油炊飯，熱焙茶（烘焙過的綠茶🍵） 主菜有六款選擇，有雞，鯖魚，漢堡扒，鰻魚同蔬菜類可以選，我哋就揀了大板燒風味黑椒烤雞塊配牛油野菜同高野豆腐豆乳野菜卷配櫻花蝦。 大板燒風味黑椒烤雞塊配牛油野菜 黑椒烤雞味道香濃，好juicy，大板燒野菜餅正，mix 埋一齊食，好夾呀。 野豆腐豆乳豚肉野菜卷配櫻花蝦🦐 豆乳香、豚肉、野菜帶來了豐富的口感，加了櫻花蝦增加了海鮮風味，令整個便當更加豐富。 店員送餐的時候會送上小木牌，教我哋要點樣食係最佳食用步驟，好貼心，先吃一口杞子醬油飯，感受一下飯的味道，之後再將高湯倒一半進飯內同開胃前菜及慢煮蛋倒進飯內品嘗，味道真係very good ，最後再將剩餘的高湯倒進飯內，配以主食一齊食，味道同層次都非常豐富。 不過菜式配搭較輕盈，女生吃的份量剛好，男生的話可能會略嫌不夠。 伯爵茶班戟 🥞 $108 班戟底用了伯爵茶去做，有淡淡的伯爵茶的味道，同平時食落有空氣感的班戟有些不同，口感比較結實，但切落去pancake 夠曬鬆軟，中間有麻薯 ，好煙靭，配埋雲呢拿雪糕同新鮮香蕉🍌同生果一齊食，好perfect ，重點唔甜的，賣相都唔錯👍，份量就一般同價錢偏貴。