可能是夜晚的8點幾9點既緣故, 所以唔使等位
好開心呢....我同朋友2個都係第一次黎呢度食
因為實在太攰喇, 知道isquare有好多餐廳, 但唔想再搵

餐廳唔算大, 大約容納50人左右
我地坐既唔係梳化位, 檯既size比較細
想叫多d野都唔得

由於時間不早, 大家已經唔想食咁多野lu
只係叫左一個招牌吉烈豬柳+吉烈蝦set (白飯+菜絲可以任添, 不過白飯一定要食完先可以添喔)
另加牛油雜菌, 同埋一客明太子釀雞翼

order後waiter比低d"混醬"工具
同世貿果間一樣
menu後頁有教點樣自製混醬, 呢d咁粗勞既野等我朋友做喇

晚餐黎到喇.....d豬柳好嫩呀, 一d都唔鞋同唔痴牙
蝦都好大隻好新鮮
雜菌正, 用黎撈飯又係一流呀~
至於明太子釀雞翼就麻麻地喇, 同埋咸左d囉

waiter個個都好似趕住收工咁,
做野急得滯囉, 感覺好似想趕你走咁
有檯有個小朋友唔小心將雪榚上既紅豆粒掉哂落地下
見到有個阿嬸年紀既waitress用不友善既眼光望住佢地囉
勁唔得呀

朋友突然話想食buffet, 搵下有無d平平地, 又抵食既
我只可以搵到呢間酒店式既buffet
其實我好耐好耐佢o岩o岩開業時食過, 覺得無問題架
但今次去到 (其實遲左好多, 8pm先到)
打黎訂位時, 佢都話無近食物bar既檯, 都無問題
去到....好似街市咁嘈, d野都幾亂
唔係即時有張吉檯比我地, 要企起一邊等waiter執好張檯先囉

開始食喇....um...望落去, 真係唔多野食咁
雖然唔會話無哂, 但唔吸引囉
d刺身切得好求其, 厚切, 三角型都有...奇境haha
平時我唔會食粉麵, 實在無乜選擇下...一於試下
只得牛丸同生菜2款, 朋友話最好食竟然係呢d生菜同牛丸呢
我都食左一粒, 又真係唔錯喎

我自己叫左個即煮意粉, 蕃茄醬頗酸, 麻麻地
甜品賣相都麻麻地, tiramisu同木糠布甸尚可接受

唔會再有下次
waiter清潔得太慢, 環境真係好似去左茶樓
隔離檯果一家人, 果位bb食野食到周圍係, 地下超多垃圾...救命...係酒店嘛?
我諗呢度只o岩一家大細同埋d自由行內地人士黎囉

預早訂位, 所以唔使等
lunch time都人多架, 不過無人起出面等位

望下menu, 好多日文字, 但都有英文翻譯既
我地見有個天婦羅蝦井 (松) $140
同天婦羅蝦井 (竹) $90
就問有咩分別, 原來松係多一隻蝦, 但就貴成50蚊, 最後我緊係揀左竹黎食喇
其實都好夠我食, d飯都食唔哂添喎
我覺得佢既味道咸左少少, 所以一定要夾埋d飯一齊食
同埋都幾熱氣, 全部都係炸, 感覺有d油
不過未試過, 試下無妨既

完餐後, 侍應遞上咖啡給各人
我地都唔知原來係包左呢個指定既餐茶添

可能去既時候係平日加上夜晚9.30, 所以無乜人, 得一檯生意
我地當然唔使等位喇, 本身諗住上8樓, 但我地八掛, 想間間睇下
點知去到5樓, 即呢度...見到有sofa位, 我最鐘意坐得舒服
又唔嘈唔多人, 一於入黎試下
第一時間幫襯左個洗手間先喇, 得一格, 但入面無廁紙供應, 差左d

本menu都幾用心去整, 真係好似地舖既餐廳咁grand
我order左份海鮮碎蛋袋包+士多啤梨朱古力奶, 本身叫香蕉朱古力奶, 但是日無香蕉
碟包黎到, 有意外驚喜, 諗住cafe做得好求其, 估佢唔到side dish有沙律,
仲整得好靚咁上檯, good
杯士多啤梨朱古力奶都好靚, 面頭有層cream, 不過唔夠士多啤梨味, 比朱古力蓋過左
但整體都覺得好滿意

cafe入面仲有間房仔, 但我無入到去望可以容納幾多人
可以黎做私人派對

set dinner貴左d, 差唔多$100, 有飯有意粉, 但唔係包甜品, 仲要自己加錢, 所以我order左份包算

朋友建議黎呢度食飯, 佢訂左位, 我上黎睇過又無人寫食評, d相只係得個門口, 都唔知究竟起邊個位入, 後尾朋友話帶我去, 原來佢係起1881英皇珠寶門口入, 再落地庫就見到呢間餐廳架喇, 真係非常之隱蔽呀~

是夜好似包左場咁, 無人, 中途有幾個國內人士黎飲過杯野就走喇...

講番食物先, 呢度係無set, 食物價錢我覺得都唔算平, 款式不多, 反面drink list好似多d

我地各自都叫左帶子櫻花蝦天使麵, 唔錯, 雖然份量不多, 但呢個確實係幾好味架, 入面有4粒帶子, size唔算細粒

另外朋友叫左個柚子帶子沙律, 帶子都係幾大粒既, 不過份量又係少, 味道一般喇

甜品叫左個cream brulee同埋士多啤梨脆餅,個brulee面頭果片糖太厚喇, 入面又唔夠熱, 麻麻地囉, 反面個士多啤梨脆餅有d驚喜, 初時望埋去,見到面頭隻色好淺色, 好似焗唔熟, 但一咬落口, 真係幾脆, 不過好似朕風咁haha

要講一講呢度既service, 我諗佢地既"服務生"主要係賣野, 而唔係侍應, 因為要講, 佢地先識比水, 要講先講加水, 不會主動的
但如果淨係for 飲野傾計, 呢度係一個好選擇, 唔多人, 環境寧靜囉

幾個同事話好耐無出街食飯, 之前我試過zentro, 覺得食物水準唔錯, 而且set lunch可以點fresh juice, 唔止蘋果橙咁簡單, 有提子, 西柚, 奇異果, 連蕃茄汁都有
雖然set lunch只得2款, 入面都有湯或沙律, 又或者加多少少錢,湯同沙律2樣要都得,不過我地女仔, 就食唔到咁多既, 我就叫左沙律, 今次係egg & cherry tomato salad, 好fresh, 其實食完呢個都飽飽地,仲有之前每檯都有既麵包籃
而main dish, 我地全部都揀左beef steak with onion gravy, 個牛就鞋左d囉, over cooked, 但佢side dish既薯仔真係好好味, 所以主菜食唔哂都唔緊要

生日主角食過番尋味，話指定黎呢度食生日飯，我地緊無異議喇，我覺得呢度好似變左我地慶祝節日既飯堂咁

黎到就緊係要叫招牌菜　避風塘炒蟹（小辣）唔使講，緊係好正喇，４個人捉左隻＄３６０既大肉蟹比我地，好多肉，ｙｕｍｍｙ
蝦多士　熱氣都要食，蝦爽多士脆，感覺唔似出面既吸哂油
椒鹽脆豆腐　呢個小食，我地研究左好耐，次次黎親都要ｏｒｄｅｒ，但次次都仲要讚，皮薄脆，豆腐滑但又唔散，勁
以上呢３樣一定要趁熱食，雖然係熱氣左ｄ，個個都叫住番屋企食粒”牛黃解毒片”
馬介休炒通菜，一ｄ都唔老
又係招牌菜既豉油皇炒麵，麵質幼細，條條顏色都好均衡

我會再黎架～

朋友生日訂左位黎呢度試buffet, 我係第一次黎既....入到黎環境, 感覺都幾古老feel, 燈光暗暗的, 我地坐既位置, 感覺好似坐緊走廊咁

講番食物先, 之前都睇過樓下d食家comment, 話呢度少熱葷, 凍海鮮甜品都ok既, 但夾食物時, 有個膠架頂住就真係好唔方便, 都唔知起上定下夾好, 雖然可能同衛生有關....但咁樣有d唔暢快

唔好生蠔既我, 比朋友游水我食左一隻, 都好新鮮, 佢地話分creamy同海水
長蟹腳就好多肉, 己切開一半, 方便客人食用, 呢樣幾細心既, 但我覺得味道咸左少少
其實同樓下既食家差唔多, 大頭蝦無味, 仲差過去左殼既凍蝦, 起碼去殼果d又爽又有味丫
刺生任拎, 唔使配給, 三文魚, 吞拿魚,(厚切架) 甜蝦, 北寄貝
仲有d壽司, salad咁....但我覺得一般喇

熱葷我只係食過燒牛肉 <----呢個都好好味
天婦羅蝦同蕃薯<----不是即叫即炸, 尾升再食時個皮已經有少少淋淋地喇
有個唔知係咪宮保蝦仁<-----ok la
炒飯<----咁飽肚就緊係無食喇
湯有2款, 只記得磨菇湯, 都ok架, 但如果佢多d磨菇茸會更好

甜品我覺得只得一樣好食, 其他果d好甜囉, 有隻食左一啖就令我非常難忘.....之難食, 係綠菜cream brulee, 勁唔好食囉, 最好味就係我既至愛, 麵包布丁
呢度係無雪榚架....差左d囉, 而家好多buffet都有高級雪榚食架嘛, 有點兒失望