立体派嘅拉麵出晒名好食 由日本冠軍級拉麵大師林隆臣創立 近排推出期間限定拉麵 見到每日限量20碗 所以每人叫咗一碗試下 明太子豆乳雞白湯拉麵 之前都食過呢度雞白湯拉麵，今次加埋明太子同埋豆乳，湯底好濃厚，由柚子白味噌+Style林秘製鹽醬汁調味，飲到淡淡嘅豆乳香，試完個湯再加埋明太子，又有另一個味道。 火炙豚肉擔擔沾麵 呢個麵超特別，紅色嘅沾汁係擔擔麵嘅味道，有白雞湯仲有花生醬辣椒油，入口辣辣地幾過癮，麵條亦好掛湯。火炙豚肉燒得好香，肥瘦均稱。 食完再加埋[湯割]，飲埋啲湯好正

上次食過沙田EaT燒肉好好食🤤🤤 而家又開咗分店，今次嚟咗好近我嘅將軍澳❤️ 有好多平靚正嘅燒肉套餐🫶🏻🫶🏻 將軍澳分店好似進入咗外星世界咁 入到去感覺好科幻😍 最得意係佢個智能送餐服務 只要掃QR code下單 宇宙飛船UFO就會將餐點送到你眼前🥰 大人細路見到都好開心🫶🏻 跟餐可以揀湯、沙律、仲有白飯 宮崎和牛關西壽喜燒 呢個套餐好特別，有兩種食法 仲有QR code教學點樣煮 壽喜燒有特製嘅醬汁 可以先食咗燒肉版本先 然後再落埋其他蔬菜加上壽喜燒醬汁 食埋壽喜燒嘅版本 跟餐嘅紫菜溫泉蛋飯都係我最愛 好開胃，令我食勁多飯😂 宮崎A5和牛（肩胛肉眼心、上等牛肩胛、肩胛腋板） 一次過試到三種口味，勁豐富！ 材料好新鮮，可以見到和牛油脂分布均勻 輕易就可以煮熟，入口充滿和牛香 油脂滿溢，而且鮮嫩多汁 實在係愛牛者必點 店內有提供好多唔同醬汁，可以根據個人喜好自由配搭，不過我除咗鹽之外就冇乜用其他，因為啲肉已經好新鮮，唔使點其他醬汁 富士蘋果地雞肉 雞肉鮮嫩多汁，燒完都係好Juicy 入口有蘋果香，好特別呢 盛岡冷麵麵 食完熱辣辣嘅嘢再叫返碗冷麵 冷麵質感Q彈，入邊有泡菜同埋西瓜 入口冰涼清爽，酸酸令人好開胃 白桃烏龍冷泡茶 玫瑰荔枝冷泡茶 食燒肉咁油膩，飲番杯冷泡茶好舒服 兩款茶都好香濃 焙茶奶凍 最後仲食埋奶凍~茶味好濃郁 焙茶味好香甜

將軍澳南好多美食，今日行完Donki攰攰地，見到樓下有間餐廳個名幾特別，而且價錢幾親民，就入咗去試下。 原來山打根係東南亞嘅地方名，餐廳菜式多元化，有印、星、馬、泰東南亞風味，而且仲係由前高級酒店主廚主理。 菜式主要油量較少，味道較清淡，不過就落咗大量香料，如芹菜、芫荽、芽菜、南姜、蔥、辣椒等，所以全部都好惹味。麵底可以選擇：河粉、 粉絲、銀針粉或摻摻等等，都好多選擇。 招牌海蝦煎蛋湯銀針粉 好香濃嘅湯底，蔥油則是用新鮮的青蔥、老抽及生抽豉油、乾蔥、青蔥頭、芫荽頭、八角、肉桂、老抽、豉油和冰糖等多種調味料熬製而成，每啖銀針粉都嚐到香濃嘅湯底，仲有來自泰國嘅新鮮大蝦，非常美味。 香茜胡椒花甲蜆湯 一上枱見到好多肥美嘅花甲，聞到湯底有濃濃嘅胡椒味，湯面仲灑滿了乾蔥、薑絲、芫荽同辣椒絲，新鮮嘅花甲好香甜，同湯底胡椒味好相配，仲有粉絲吸收花甲嘅鮮甜，好有層次感。 美祿恐龍西多士 邪惡嘅食物—西多士，外面已經有美祿香氣，西多士炸成金黃色，每一口都嚐到美祿以及糖漿的味道，有幸福的感覺。 美祿鮮蛋 好特別，係美祿加雞蛋，甜甜嘅美祿配上滑溜溜嘅雞蛋，口感特別。

喺沙田返工嘅我都唔知原來帝都酒店開咗間新餐廳，今晚約咗一班朋友來食飯，店舖前身係一間日本菜，而2+2 café & bar就由3樓搬咗落嚟，由以前嘅buffet轉成自選餐牌。 全新嘅餐牌嚴選本地新鮮食材，有本地飼養嘅有機粟米雞、海花鱸魚及本地有機蔬菜，亦有來自世界各地的優質食材，如日本鹿兒島A5夏多布里昂和牛柳及澳洲M6和牛斧頭扒，海鮮仲有日本松葉蟹、波士頓龍蝦、南非鮑魚、北海道甜蝦等等。超級多選擇呢~ 餐廳仲有多款唔同Cocktail，齊齊飲番杯chill一chill 2+2 Signature 呢杯桃紅色嘅Signature，有Bombay Sapphire Dry Gin, Campari, St Germen Elderflower Liqueur, Sparkling Wine，雖然係香檳，但係酒味都好濃郁。 Gulfstream 綠色幾特別，內有Wodka Vodka, Grème de Peach, Pineapple Juice, Grapefruit Juice, Blue Curacao，帶少少薑嘅味道，比較容易入口。 海鮮拼盤 $888 好豐富嘅海鮮拼盤，內有波士頓龍蝦、生蠔、南非鮑魚、北海道帶子同埋虎蝦。 海鮮好新鮮，特別係龍蝦同埋生蠔，帶有海水味，入口爽身，虎蝦亦啖啖肉，帶子鮮甜不過比較細片。 仲有多款醬汁配搭，鮮辣根汁、辣根茄汁、青檸欖油、泰式酸辣汁、香辣蛋黃醬、南美香辣醋青醬，總有一款啱你口味。 鮮番茄松葉蟹櫻花蝦方形意大利麵 $258 好有心思嘅意大利麵，廚師自家炮製方形意大利麵以取代傳統的圓形麵條，原來可以令麵條更容易掛上醬汁，麵條口感比一般意粉煙韌，仲有豐富蛋味，蕃茄醬汁配上松葉蟹亦都好惹味。 火焰龍蝦干邑濃湯 (1/2隻新鮮龍蝦）$218 即叫即製，會燃點干邑酒，仲有半隻新鮮龍蝦，龍蝦湯味道超濃郁，而且龍蝦彈牙爽口，仲有酒嘅香味，奶油令到湯更滑。 黑松露泡沫野菌湯 $108 第一次吃到整片黑松露，可見用料十足，還打成泡沫，增加湯的口感，每啖都飲到野菌的香味，以及黑松露的味道。 火焰海鹽焗原條海鱸魚 $328 好大條嘅海花鱸魚，以鹽焗方式烹調好特別，亦都保持到魚肉嘅嫩滑，點上冧酒仲有火焰嘅效果，入口鹽味不算濃郁。 鹿兒島A4厚燒和牛肉眼(200克) 配烤虎蝦 $628 和牛肉眼油脂分布均勻，入口充滿和牛味，肉汁伴隨油脂喺口腔滲出，充滿飽足感。虎蝦被烤過，香氣四溢。 榛子軟糕 $98 有啲似食緊布甸，不過質感更加軟，榛子味道香甜，中間仲有脆脆榛子粒粒。 朱古力心太軟配香草雪糕 $98 外脆內軟，中間流心，再配搭冰凍嘅雪糕，一冷一熱超好吃。 意大利咖啡芝士朱古力 $108 打卡一流的甜品，一打開朱古力波好吸睛，容器好似月球咁樣，打開好像進入仙境，Tiramisu好幼滑，球狀朱古力少少煙韌，好有口感。 其實餐包都好好食，仲有好多款可以揀，上枱暖笠笠，不過唔記得影相。 由即日起至2023年9月30日 每日首5位預訂之顧客可以優惠價HK$588*享用海鮮拼盤 (原價HK$888) *另收加一服務費 (以原價計算)

位於中環嘅立体派，由冠軍級拉麵大師林隆臣主理。 今日終於可以一嚐冠軍級拉麵嘅滋味，仲可以感受一下日本地道拉麵嘅文化。 店內裝修以木為元素，感覺親切而且舒適。 咁熱嘅天氣，有陣時都唔想食太熱嘅拉麵 食完大汗疊細汗 而店舖好貼心咁出咗一款冷麵 食完真係透心涼 #涼風紅楚蟹高湯鹽冷麵 每日限量10碗 湯底特別採用來自日本鳥取縣嘅時令紅楚蟹熬製 由日本新潟縣海岸的「笹川流藻鹽」及瀨戶內的「瀨戶內粗鹽」精華調配而成嘅花蛤鹽醬汁整成 湯底有蟹嘅清香，飲落去有一陣鹹鮮味 配菜仲有帆立貝、糖心蛋、芋蓉以及叉燒等等 上枱時，服務員會整一個泡泡造型用嚟打卡 當泡泡爆破之後，可以聞到清新嘅柑橘香氣，好新鮮呢~ 麵條好有彈性，配搭芋蓉可以當沾麵咁食，又或者直接以高湯食用，兩種食法有唔同感覺。 #特級白湯拉麵 好巨型嘅拉麵😍 湯底係日本京都有機飼養嘅丹波地雞熬製極濃雞白湯 仲有日本米鴨肉汁，同埋籠目昆布熬製 顏色係雪白濃稠，可見師傅落咗好多心機熬成 師傅以地道及天然的食材熬製湯底 所以絕無任何味精，濃而不膩，仲好有層次 拉麵有三塊薄切叉燒，叉燒肥瘦均稱 充滿油脂香，入口有溶化嘅感覺 仲有好味嘅糖心蛋 麵條掛湯力高，每一口都嚐到濃郁嘅湯味 #明太子章魚小丸子 好出色嘅小食👏🏻外脆內軟 吃到粒粒章魚肉，同明太子味道好夾 店內好多特色汽水，試咗木村完熟白桃汽水，山梨葡萄汽水仲有哈密瓜汽水，樽裝好靚，而且好飲。

喺沙田返工都有留意呢間壽司外賣店 除咗沙田同灣仔 原來七月仲開埋九龍站分店 聽店員講 寿司造大部份食材均由日本空運到港 確保食材新鮮度和品質 用「山形縣米」製作飯糰，食落去口感軟糯好有口感 慶祝九龍站分店，而家推出「夏祭」新品 我都試咗幾款，真係又平又好食 #夏の三味盛盒 由飛魚籽、 玉子、粟米等組合製作而成 西瓜造型壽司好可愛 好適合拎去野餐❤️ #三文魚壽司三文治 好豐富厚切三文治 上下兩層用紫菜粉包裹壽司米 中間係新鮮的三文魚刺身+牛油果 入口有點微辣，好清新 #蜜柑鯛刺身 利用柑橘皮中的檸烯成分培育出來 蜜柑鯛味道淡身，帶有魚油香 魚肉帶橘香好特別 令人對魚肉有另一番體驗 #特上壽司盛盒 有三文魚腩、原隻赤海蝦、海膽、吞拿魚蓉、油甘魚、帆立貝、吞拿魚、三文魚籽、魷魚、北寄貝 一次過滿足所有願望 三文魚腩厚切~ 口感滑溜 赤海蝦好大隻，入口彈牙 仲有帆立貝好鮮甜👍🏻 #刺身六點盛 總共有21片刺身 三文魚、油甘魚、吞拿魚、帆立貝、 赤貝、北寄貝 刺身肥美，而且新鮮 排列整齊色彩繽紛 吞拿魚充滿魚油香~ 超好吃❤️ #厚切挪威三文魚壽司 三文魚紋理清晰，比一般刺身更厚 入口新鮮好滿足 寿司造選用日本產香米「福井越光米」 入口甘甜，帶有飯香 而家仲有限時優惠 買多啲返去做晚餐先

我小朋友好鍾意整嘢食，每次見到有烘焙店都會話好想入去整嘢食，適逢聽日係公眾假期，今日放工就帶咗咗小朋友去炑八烘焙工作坊。 其實係炑八韓烤親子餐廳，入面可以食嘢可以玩，另外仲有一個小角落係烘焙工作坊，入面有齊各式各樣烘焙工具，可以睇返poster，每段時間都會有唔同嘅食物可以整。 今晚我哋係整Oreo布甸，導師一早就預備好所有材料，所有份量同埋工具都預備好晒。 清潔好雙手就換上圍裙開始整喇！ 老師一步一步咁教小朋友點樣做，都好鼓勵小朋友自己落手去整，玩得好開心！ Oreo布甸製作方法好簡單，係等待佢雪凍嘅途中，仲可以入餐廳嘅遊樂場度玩，超開心呢~ 工作坊仲有好多唔同甜品可以整，麵包、曲奇以及蛋糕等等，以後又多一個親子活動好去處！

今晚約咗成班朋友食飯，揀咗呢間微辣大排檔，入面有齊港澳美食，好似置身香港同埋澳門一樣，好多童年回憶。 澳門微辣YouTube 頻道人氣節目 《 微辣大排檔》好受歡迎，店舖用呢個概念設計，集合冰室同埋大排檔，有澳門娛樂城區域、舊式大排檔、港鐵車廂同埋港澳渡輪，成間店裝修都好有特色，充滿玩味。 店內有好多唔同食物選擇，小食同埋米芝蓮小菜都有，另外仲有自創嘅食品，食物名都好有趣，又食得又玩得。 豬扒包 每次去澳門都會食大利來記嘅豬扒包，豬扒大件而且多汁，配埋鬆軟嘅麵包，吃得到澳門嘅味道。 冰鎮新鮮八爪魚 橙色嘅八爪魚，令我諗起香港街邊嘅小食，八爪魚入口爽彈，沾上芥辣同醬油更好吃。 椒鹽豬潤 第一次食以椒鹽炒嘅方式整嘅豬潤，真係別有一番風味，豬膶炸到金黃酥脆，椒鹽再加辣椒嘅味道，令到豬膶好香口。 何伯爆屎渠 呢款係微辣自家創食品，炸豬大腸入面放滿甜酸汁，只要剪斷大腸就會爆汁出嚟，睇得又食得，豬大腸入口香脆，個甜酸汁好惹味。 米酒雞 用咗乞兒雞嘅醃製方法再配合古法窯雞煮理，雞內釀有金針及雲耳，上枱時候喺旁邊淋上米酒，點火後好吸睛，打開薄荷葉聞到雞肉好香，侍應貼心提供手套同埋鉸剪，可以整個手撕雞，入面嘅雲耳好入味，雞肉好嫩滑，仲食到有酒香，真係睇得又食得嘅一碟菜。 鹹檸檬蟶子王 蟶子王好新鮮，仲加入咗九龍醬園嘅鹹檸檬，令到味道好清新，估唔到呢個配搭令到聖子嘅鮮味更加突出。 霍哥頂得住青檸樹 好大杯青檸冰，青檸汁配上沙冰，炎炎夏日清涼又解渴，食辣仲好解辣！ Yelo咖喱炒蟹 來自皇冠小館嘅咖喱炒蟹，咖喱大量香料再加上皇冠小館嘅蝦子湯，蟹肉選擇咗菲律賓肉蟹，啖啖蟹肉都好鮮甜！ 北角雞蛋仔 小時候，我就喺北角長大，呢個雞蛋仔用咗北角利強記嘅配方，雞蛋仔比平時食到嘅較為圓大，金黃色入口外脆內軟，好有雞蛋肉地，吃得出我的童年回憶。

今日朋友話約食新加坡菜，啱晒我胃口，最好一次過可以食到海南雞飯，肉骨茶仲有辣椒炒蟹，揀咗呢間米芝蓮食店，Tian Tian Authentic更加迎合港人口味。 來自新加坡嘅天天海南雞飯店，原來除咗海南雞之外，仲可以品嚐來自星洲嘅三間平民食店: 專門食牛腩麵嘅老街坊、食fusion菜嘅超好面以及50年代咖啡，全部都好正宗，真係食得到新加坡風味。 #黑松露墨魚蝦多士 蝦多士內加入咗墨汁、墨魚滑同埋墨魚粒粒，仲有沙律醬同明蝦球，好豐富呢。炸到金黃色嘅蝦多士入口香脆，大人細路都鍾意食。 #迷迭香火焰黑金叉燒 叉燒選擇西班牙豬腩肉，比普通叉燒更嫩，而且每舊叉燒肥瘦均稱，就連叉燒個醬汁都好吸引，酸酸甜甜令人好開胃。 #鮮大蝦冬陰功湯 冇諗到喺呢度都食到泰式嘢，新鮮大蝦喺上菜前先放入冬陰功內煮熟，好新鮮好彈牙，另外個冬陰功湯好出色，酸辣味好突出，令人開胃到不停咁飲。 #古法肉骨茶 肉骨肉身軟淋，湯底有胡椒香味同淡淡嘅藥材味，肉骨吸收湯底精華，非常入味，肉骨茶配搭辣味又幾夾，養生又好吃。 #「老街坊」牛筋牛腩煲 米芝蓮推介食物之一，用新加坡秘製黑磨豉醬炆煮牛筋牛腩，牛腩選用牛肋條，更加多肉，牛腩炆得好軟腍，入口即化。 #天天海南雞 嚟到當然要食佢招牌嘅海南雞，海南雞用每日新鮮到港嘅海南文昌鎮正宗文昌雞及白羽雞，食得到皮薄肉嫩，仲有店舖秘製嘅雞汁。 另外仲試咗燒雞，燒雞係採用三黃雞，雞皮脆口，可以配搭豉油，薑蓉同埋辣醬，令到雞肉更加昇華。 #南海青咖喱 好多海鮮嘅青咖喱，比一般青咖喱汁濃稠，微辣而且味道香濃，個汁用黎配飯好適合。 #新加坡辣椒炒肉蟹配鹹煎餅 好大隻嘅膏蟹，肉質結實，個醬汁味超濃郁，辣辣地好惹味，仲有鹹煎餅可以點埋啲辣椒汁。 #食神魚子海鮮炒雞油飯 中、日、新加坡fusion菜，滿滿嘅飛魚籽小朋友好喜歡，炒飯採用雞油飯，粒粒分明，而且好香，仲有帶子蝦米等配料，好有鑊氣。 #芒果三色糯米椰漿甜飯 一次過滿足三種願望，白色係椰子味，酒紅色係紅龍果肉，淺綠色係斑蘭味，仲有新鮮芒果同埋椰漿，食完好滿足。 #新加坡原味豆腐花 同平時食到嘅豆腐花口感唔同，質地比較水狀，好似飲緊豆漿咁，因為石膏粉轉為黃豆粉，令到口感更加順滑，超好吃！ #50年代南洋咖啡 咖啡迷不能錯過，原材料全部由新加坡每星期新鮮空運到港，咖啡味超濃郁，好醒神！

平時一諗起食蛇羹同臘味飯，就諗起冬天 因為食完好暖身 但原來其實蛇係好好嘅食物 蛇肉本身滋補不燥、低脂肪、低膽固醇 配合適當嘅烹調方法係養生妙物 一年四季都可以食 適逢「 #蛇王芬」83 週年紀念 黎到 #四季芬芳 推出全新春夏養生食療 邀請咗香港註冊中醫師將蛇肉結合唔同食材 令大家越食越健康 #燕窩蛇湯燉節瓜盅 好滋潤嘅蛇湯，加入左節瓜清甜去濕消暑 仲配埋珍貴嘅燕窩潤肺 飲落清甜可口，清補而不燥 #紫椰菜臘味粒蟹肉蛋白炒飯 飯粒爽身加上紫椰菜及陳皮絲 炒飯味道淡淡而帶有臘味香 感覺比糯米飯冇咁heavy #太史蛇羹酥 酥脆可口嘅小食 入面係將蛇羹湯水啫喱肉凍 酥皮脆卜卜，入面食到淡淡蛇肉 非常惹味 #翡翠蘆筍餃 翠綠色嘅餃好特別 加入咗中醫師提議嘅百合作為餡料 可以治療失眠多夢 蘆筍鮮脆餃子又多汁 #菊花蝦餃 菊花有助疏散風熱，清熱解毒 蝦餃皮以菊花粉整成 金黃色仲食到陣陣花香味 蝦餃蝦肉新鮮彈牙 #紅菜頭素餃 成粒都係紅色紅菜頭整成 紅菜頭有天然抗氧化同補血功能 好適合素食人士 #太子參帶子餃 加入左溫和平實嘅太子參粉 可以益氣健脾，生津潤肺 而帶子餃味道香濃 #橙皮蓉柑桔包 造型非常可愛~ 好似一個柑桔咁 鹹柑桔可以消炎止痛，而且維生素C多 而橙皮又可以促進腸道健康 食落去仲有橙嘅香味~ 好特別呢 #藥膳醉乳鴿王 藥膳味道超濃郁，令到乳鴿都好入味 乳鴿肉質鮮嫩 每一口都吃到花雕酒嘅酒香 #黑芝麻豆沙包 加入左竹炭粉，所以成個包係黑色 黑芝麻豆沙味道香甜 仲可以促進血液循環，同埋對頭髮健康 每一道點心都好有心思 以後可以多啲食蛇令身體更加好