每每經過都總會有人排隊，究竟有咩吸引力呢？ 親身經歷一次吧，第一次食排隊排左大約25分鐘，員工服務有禮，態度欣勤。下次再試其他菜式 。 豬軟骨便當有3大舊豬軟骨，見到係嘩左一聲，加上其他配菜，真係大滿足。 酥雞便當，3大舊雞又一個大滿足，食哂3件雞都已經飽。 甜大辣2大片，比起出面其他舖頭會剪成一條條，而呢度係畀2大片你，又一個大滿足。 魷魚足好好食，香趣，有咬口，唔會太淋或太軟，好好食，搽上薄薄炸粉，炸得香酥香口，送啤酒一流，夜晚返酒店當宵夜一流。旅行呀… 紅茶茶味好香，留係口裏淡淡茶香。 寒天好食彈牙，唔會太甜或太酸。 便當份量大到有點嚇人，眼見好多人都食唔哂，有點浪費。

鐘意角落生物應該都已經嚟左打卡影相食野，未既，記得預早訂位，因為都好full，大多數都係已經訂左位，walkin既你就要有心理準備等下啦。 變做主題餐廳後，之前星期六日係無酸辣麵提供，依家有啦。 酸辣麵 見到豬扒插左旗嗎 其中一個影相位

長期站於收藏餐廳同熱門餐廳，吸引之處應該係個下午茶set，又係打卡影相慶祝生日之選。當然我就唔係食tea set，係鬧市中享受fine午餐，唔係fine dining，因為當時仲未可以開夜市。 米拉麵比較少餐廳會選用，口感唔同意粉，有啲咬口，好似食緊米咁，八爪魚唔會好‘’銀‘’，容易切開，入口咀嚼後，有點鮮甜味，但有小小辣既。黑色塊野好趣口，配上米拉麵，感覺又提升一個層次。 灸燒吞拿魚只燒左一面，3塊白色野都趣口，但無乜味。

當日星期六，人唔多，整完啲安心野就可入座，舖頭空間感十足，坐近窗口望住藍天白雲，彷彿感覺去左外地咁，就當自己暫時去台灣一陣吧。休閒地品嚐台灣菜。旅行快嫁啦… 仙草茶同鳳梨苿莉茶 正常，手機落單可簡少冰 麻辣鴨血 正常，唔會有咩驚喜。 香麻豬手幼麵 口裏感到香麻，整體唔會好辣，對於我係可以接受，幼麵好滑配上辣汁，滋味無窮。主角豬手好淋，夠味，有點骨膠原，仲有湯同沙律。

紅磡感覺上有左地鐵後，餐廳種類日漸增多，各式各樣都有，價錢都相對吸引，性價比係相當高，而今次呢間日式fusions 菜有驚喜(我自己咁叫啦)，餐廳有定食建議組合“米+主+冷+温”，每款都有好多選擇，總有一款岩你。 拎飛後大概等左10分鐘到就已經有位，可能過左食lunch既高峰時間，身邊既枱都一一陸續離去。無影相，無相片提供，唔好意思，但總括今次叫左食物都無失望，尤其東坡肉，一咬落口就溶化，唔會覺得肥膩，再配上白飯一齊食，味道口感相當之好，再加上其他食物搭配，整體感覺很好，下次可以試下其他食物。 有個小插曲要讚下餐廳既做法，食物有問題時，即刻換過比你，再主動地free埋個甜品。員工有禮，見到佢地亦有立刻研究點解會咁，因為係本身個食物入面，上枱時係無問題好靚仔，你唔銳開都唔會見到。

係荔枝角想食台灣野，你或者會聯想到佢地既名字“程班長”，堂食或外帶都一樣水準。佢地自家制既台灣糭緊係好食都不得了，只要一有得訂就會火速售罄，可想而知個美味程度去到邊。 曠肉飯係用上比較瘦既肉去處理，有豆腐同蛋。呢個芝士蛋餅唔好睇佢好似好細嚿，但其實佢係好厚身，加埋個飯來食真係飽到上心口。加埋杯菠蘿芋㘣冰真係滿足一下台灣之情吧，畢竟台灣都係港人熱門旅行地點之一。

假日中午食飯時間竟然無乜人，去到2點後就開始多人。餐廳位置位於頂樓，窗外景色可遠眺跑馬地，香港仔隧道，馬場。 花雕雞腿刀削麵 雞腿散發花雕未味，雞肉都滑，刀削麵軟硬度岩我，唔會太硬或太軟。 麻辣鴨血冬粉 比起其他台灣食市佢本身比較麻辣。 土鳳梨茶王，茶味濃，清甜。 芋香拿鐵，唔會太甜，芋香味有，配上拿鐵有另一種感覺。 甜湯(大) 有芋圓，蕃薯，涼粉，2人份量。

餐廳位於誠品裏面，路過仲會見到有人排隊等候，上次無試到既鰻魚滑蛋飯今次有食到啦。餐牌上係沒有提及daily推介，只在門口位置可以睇到，下次排隊時可以留意，可以多一個選擇嗎。 芝麻雞翼 炸得好香趣，外皮趣卜卜，雞肉仍juice，唔會乾曾曾。 daily 意粉 賣相已經唔錯，味道更加唔駛講，好食。 睇落去都成條鰻魚比你，加上滑蛋全部舖滿整個飯，每一啖鰻魚蛋飯一齊食真係又香又滑又可口。

一層有3間餐廳你簡，仲有一間岩你既。電梯門一打開，Reception就會有職員問你訂左邊間餐廳，再帶你到餐廳同你既坐位。今次係食泰國，已經係第2次食，價錢真係好底，經openrice訂位仲有88折，都幾底食，位置就腳。 第一次食海南雞，金邊粉，蝦餅，芒果糯米飯 有胸，有翼，有脾，份量很足，可以滑啲緊好。 金邊粉比較濕既。 加錢小食，有啲細粒，所以下次叫左串燒。 芒果糯米飯，正常無特別，芒果香甜，糯米飯淋上椰汁好好食，飯軟硬度岩我口味。 第2次就豬手飯，小食串燒，椰青 豬手飯份量好足夠。 雞肉串燒好食，沙嗲汁有花生粒 椰青清甜，但好難挖到啲肉出嚟食。

我自己都比較常去揾觀塘工廈有咩食，有咩舖頭新開，有咩可以試下，但其實牛頭角都keep住有好多食市喺好值得可以試下，而今次就試下係商業大廈裏既法國菜 “Le Monde‘’，佢地提供Weekend Special Lunch Menu, 可以電話訂位，店內環境好寬敞，空間感相當足夠，夠哂社交距離，裝修簡單而優雅，係咪工業風我唔識，有情調fine dinning佢地係一個唔錯既選擇。 蒜蓉薯仔湯配沙律菜同麵包 (加15元升級至龍蝦湯） 湯入口好滑，好好飲，配上麵包來食更加入味。 烤法國黃油雞配芥末籽汁 估唔到係全隻黃油雞，全隻上，我以為係半隻，始終lunch set唔會比全隻你瓜。成隻雞烤得好靚，雞肉唔鞋，滑既，切開時好多汁流出嚟，雞脾位置更加滑同多汁，食完成隻真係超飽。 煎法國鯖魚配蘿蔔汁及炸薯條 食時小心魚骨，煎得外皮好靚，金黃色，魚肉唔鞋，都滑既。而薯條法律菜都正常。