做茶餐廳快係常識，叫外賣等咗4個字都未有，過咗20嗰號碼嗰啲都有，緊係要問吓，回覆就話就快等等，再等多陣都係唔妥，入去問，另一個就話無意粉，你唔早講？我白等黎做咩？到依家先叫我取消，買飯都差啲買唔切，以後唔會再黎！

今日諗住早啲食飯，所以6點去到，見只有3檯客，心諗快快食完快快走，點知係惡夢既開始... 落單後就等食物，點知過了半小時什麼東西都沒有，只有冷氣越來越凍，侍應只說盡快請等等，如是者過了45分鐘，才有第一樣食物，接著又是漫長等待，再和侍應跟進，回答說pizza 意粉等要等比較耐，最後才說要再多等15分鐘才有，可幸最後終於等到。 我們最後只用了15分鐘食完所有東西，但等了差不多一小時才有食物。 最後發現原來出面有長長的外賣員等待，怪不得沒有堂食客也要等這麽久。 其實，如果沒有能力接收這麽多訂單，可以先跟客人說，而不是認定客人入座便一定會白等。

預先訂座，到時間就可以入座，服務不錯，最怕就是訂了座但其實無特別留位，是要等上一桌食客食完先有位，這樣不如分時段。 食物方面，是雅緻的泰國菜，味道不錯，賣相吸引，所以舉目所見，都多一家老少幫趁。 點了串燒、漢堡和咖喱飯，串燒雞肉好吃，蔬菜串另上，賣相顏色分明，不過蔬菜串是沒有燒烤過的，是生吃的，要看你是否喜歡，尤其是生洋蔥，已不是太辣，但絕對不甜。 漢堡包味道不錯，多汁有肉味，泰味只出現在隨包附上有如生蝦刺身的醬汁上。 咖啡蟹肉飯賣相比另外兩款食物，其實不過爾爾，感覺有點像碟頭飯，但吃來味道不俗，惹味又不太辣，易入口又易送飯。 甜品叫了朱古力窩夫配朱古力雪糕，窩夫的質感如心太軟，配上朱古力雪糕，朱古力愛好者絕對要一試。

有時明白小本經營當然唔想人地霸住個位黎，最好一食完就走，等佢做多兩轉，但態度都唔使咁趕客架，家有老少，想落黎攞位先，咁話要齊人先可以入，明，但如果你唔幫手hold檯，一有位就入兩人，咁一世都入唔到，想問吓會唔會幫手hold檯啫，句句子都未講完，就一句得埋黎話齊人先好叫佢，既然係咁，睇怕我依啲小人物都係唔夠班入去食，唯有走人囉。

本想着吃個快飯，便來了這間舖。可惜，事與願違。 點了炸醬撈麵及混醬腸粉，等了四個字都無野食，但旁邊比我遲點菜的已在吃，追問下才知原來無落單，但連一聲抱歉也沒有。本身肚餓加上等了很久，人已變得不耐煩。 再過了一會，混醬腸粉先上桌。這碟混醬腸粉幾好吃，是加了油的感覺，不好油者可能吃不慣，沾點辣醬和甜醬一起吃，還不錯。 炸醬撈麵的麵都幾爽，但炸醬本身則麻麻，不好吃。 最後埋單，又收多了茶位錢，這間舖的服務真的靠不住。

我明白cafe 係比較悠閒寫意，但如果過慢到一個點，就會另人不滿意。 我們點了食物，但等了超過半小時都沒有食物上桌，催了又催，先看見他們捧著三份相同的食物出來，希望不是因為要儲單煮的關係才會這麼慢。 人肚餓時會覺得食物特別好味，但如果太過餓，就會令人情緒不滿，連食物的味道也難以享受。 話說回來，今次點了虎蝦帶子意粉，蝦和意粉還可，但帶子沒鮮味。 另外點了炸物拼盤，這個上桌時間更慢，真的不想等。味道就不過不失，因為炸物本來就比較會難食。 這裏另一缺點是太嘈，不知是因為樓底低還是大家都太暢所欲言，離開後我耳朵還是鳴了好久。

總覺得這間餐廳很神秘，可能是每次經過都好像關門似的，又沒有餐牌或侍應在門外，所以一直都沒有進去嘗嘗。 今午碰巧經過，又看見有餐牌提供，便3決定一試。 我點了最愛試的日替便當，因為每間餐廳的日替便當都不同，又可以一次試勻刺身、熱葷、炸物等不同食品。 今次的便當包括親子雞、牛肉葱卷、刺身及炸三文魚鮫，味噌湯味道一般，刺身薄薄的但還算新鮮，親子雞雞和牛肉葱卷味道不錯，是醬汁濃了一點，炸三文魚鮫最好味，脆而不油，味道鮮美。 最後有雪糕或餐飲提供，我點了芝麻雪糕，味道不錯，芝麻味濃，雪糕又挺滑。 連加一價錢$98，在尖沙咀來說還可以吧。

原來有好幾間元氣都裝修為高速線系列，賣點就係由廻轉帶變為電車仔輸送帶。 其實這個設計都幾好，因為平心而論，每個人都想揀好啲既野，如果價錢一樣，有得揀都會拎碟賣相好啲既，所以平時廻轉帶上總會有好幾碟，轉了數十回都沒人問津的賣剩蔗，放得越久就越無人要，難免造成浪費，所以即點即送都係好啲既。 講返食物，高速線話有高速限定食物，午後之選都同平時既分店有所不同。 我今次點了高速壽司盛，有三文魚壽司，吉列炸蝦壽司，槍魷魚壽司，蔥吞拿魚新香卷和芝士煙肉烏冬。 頭三款壽司都係平常食慣的，沒分別，但蔥吞拿魚新香卷就幾好，個飯入面有啲漬物狀的東西，和吞拿魚幾夾。 芝士煙肉烏冬其實就係卡邦尼意粉既變奏，芝士和烏冬幾夾，好香好滑，但煙肉太鹹。

和同事食飯，有人提議去這間，話食過午餐好豐富，咁大胃王既我當然要試吓 原來午市好爆，所有卡位都預訂了，好在雖然檯既數目較多，但都算闊落。 午餐選擇好多，我最鍾意食便當盒，因為款款都有啲，我點了其中一款。 份量真的不少，此款便當有兩款熟食，分別係炸豬排同燒鯖魚，份量不少，另有少少前菜，又有蒸蛋和湯，非常飽足。 豬排皮脆肉嫩，魚都唔乾身，好！不過所謂既刺身只係蟹柳和蛋，則麻麻地了。 但以此份量和質素，值得再光顧。

今日午飯時間經過，見到都企企理理，就入去坐。 由於一個人食，所以安排坐係吧檯位既單人座。但沒有放袋位置，所以如果拎住大袋物件既單身人仕可能比較麻煩。 午餐有前菜，餃子及飯/烏冬，個樣都有數款選擇。 前菜我點了漬青瓜，爽到有點硬，吃完個咀有點倦。 餃子點了一口chao chao 餃子，一餅上的，幾脆口味道不錯，但真的頗細隻，餃子汁偏鹹了點，不點好像還好食。 飯類則點了汁煮牛筋豆腐飯，牛肉好入味，配飯食很不錯，但吃掉整碗好像都沒有牛筋。 另收加一，今餐盛為$77。下次如果再黎會試吓其他餃子。