食物全部都好大份好足料，材料好新鮮。 店員好友善。前菜3小碟，樣樣都好食，有辣泡菜，不辣有芽菜。 我地叫牛肉烏冬，個湯底清甜，烏冬爽滑。好多肥牛 海鮮餅，香口唔油，啖啖海鮮餡，大小朋友都讚 主角:韓燒牛肋條 牛質好鮮，醃料不會太重口味，個爐幾平均烤好耐也不會overcooked，追加五花腩，呢個正正常常，不過不失。 包生菜食一d同唔油膩，再加左蒜頭同椒片好正好正宗！ 另外芝士粟米同蒸餃都唔錯，叫俾小朋友食。掛住食忘了影相。

疫情前呢間餐廳旺到不得了，現在包埸咁只有我一台客的星期六下午，在這餐廳食飯慶祝生日，叫了3件cake, 同staff 講慶祝生日，佢地好有心仲寫左HBD ，其他野食方面不過不失。

我同男朋友第一次黎呢度食，唔識路由海旁Bluhouse雪糕牌入口，一入到去經過food hall 再去到正式入口。 餐廳不大環境開揚，廚房有個大窗，有啲似米芝連啲餐廳嘅設計，中環好難book 嗰間同電視劇木村嗰套都係咁設計。之後侍應安排咗一張小枱。 一坐低見礦泉水要30蚊杯，我地直接叫左mocktail, 有驚喜, 我果杯好好飲。酸酸甜甜有啲鹽巴夠殺菌。 男友叫了西瓜汁，佢話清涼。 之前見網上食評好壞參半，而且價錢比出面food hall貴，所以前一日研究左一下。原本打算叫一個set dinner 加2樣散叫，可惜set dinner 要叫兩份，所以索性全部散叫。好彩散叫，因為分量幾多，仲送咗好多野食。 意大利餐廳麵包唔少得，侍應介紹咗三種麫包同埋醋同橄欖油，不過不失。口感軟糯脆口都有。 之後頭盤叫左龍蝦沙律。個汁有芒果酸酸甜甜好開胃，龍蝦爽口彈牙。 主菜叫左海鮮窩配蜆殼粉 呢個味道層次豐富好好食，有多種海鮮，又有蜆殼粉索濃湯。 最後叫左甜品，BABA 火焰RUM酒蛋糕。 再送了個千層蛋糕，果仁朱古力，芝士酥皮批全部都好好食！ 完滿，埋單兩個人兩千蚊有找，跟我叫絕對不會失望。

觀塘工業區，巧明街寫字樓上4樓，我男友話好難揾。 落雨心情本來不好，book左坐出面但因為落雨closed戶外位失望，好彩都安排到坐近窗位，環境幾好。 之後用app 點餐，為左想叫招牌甜品而黎點知app冇，一問之下今晚只有芝士蛋糕...由於我唔食芝士所以冇叫到。。。又一次失望。。。 點左個所謂的rakuzaka set 只有碗西班牙伊比利亞黑豚丼，呢個餐普通嘢飲都要加$10先有餐飲，所以加$38，叫杯清新鳳梨特飲，不過不失。 以為呢個set 都有沙律同湯，點知係冇的。。。只一小碗瓜粒，雖然我見餐牌都冇寫有，但我男友話app 明明有，所以問waitress 證實係冇的，建議改下個app 有誤導。 而呢碗西班牙伊比利亞黑豚丼，唔好食，d肉好乾，又冇味。。。 但男友點的石燒肉眼牛扒佢話唔錯，早知rakuzaka set 冇跟沙律同湯我就跟男友食石燒。。。 另外加左兩隻吉列蠔都好食，由於太多失望冇心情影相。。。

前身The Pawn 幾年後因為朋友介紹趁住新開業再嚟。 熟悉嘅門口，但入去就加入咗中式古風。 坐露台打張卡一流，呢d天氣坐半室外最正。 打開餐牌，價錢都係偏貴。所以與男朋友兩人試咗個較平嘅餐先。 食物質素都很好。燒腩仔皮脆嫩肉。入口即溶嘅感覺。 叉燒酥造型特別中西合璧。 龍井蝦餃，好有茶香味。 當日嘅例湯係咸菜湯，好有廣東嘅湯水味道。 薑蔥鮑汁蝦子麵多汁唔乾麵彈牙爽口，係細碗啲，同埋冇其他料，加幾條肉絲仲正。 黑皮雞菌炒和牛 好有菇味啲牛嫩到呢，生熟啱啱好。 姜汁湯圓，熱辣辣。 再加咗蘿蔔絲酥熱辣辣好香嘅蘿蔔味，又係入口即溶。好好食。 另外了服務都好好，有心做好，會有時問下我哋嘅意見，我而且耐心幫我哋影相。 我同男朋友趁住午飯時間去歲然客人唔係好多。時間就有少少緊迫。可能係啱啱開業上菜有點慢，如果去要預多小小時間慢慢歎。 整體嚟講新開張，服務同埋嘢食仲有環境都一流。會再同朋友嚟。試埋其他菜式。

兩個人平時食野都係同朋友share啊，估唔到叫左壺茶，倒兩杯出黎，俾個女waitress話個茶唔suppose sharing, 態度好串，又唔係無限添飲，又冇得加，我叫一壺茶share 飲都唔俾？即刻冇曬mood, 平時去其他餐廳，例如去置地，知我兩個人就算叫一碗湯都會主動問需唔需要幫你分兩碗上，所以呢間法國菜店規矩同服務我唔buy,以後black list 唔再來。 食物味道就算ok 暖暖的包有軟有硬，好食。 呢個湯清清地好飲，清中帶牛鮮味。 造型特別，香濃配搭剛好creamy。 牛肉質感嫩，juicy, 醬汁調校夾得剛剛好，d伴菜菇都好香濃。 味道香口，但有點生，而且個龍蝦頭冇左，叫生煎龍蝦尾更適合。所以略貴。 甜口帶鹹，松露味出，幾特別。

以前聽電台阿蘇成日推介利寶閣，早幾年有幫襯開尖沙咀分店晚市，盤菜都幾好。最近見疫情緩和又在網上見到利寶閣芫茜系列，所以網上訂左食呢個點心放題。點知觀塘呢間芫茜系列一點也不好食，伏！
先介紹比較好食點心:

鮑魚酥和炸物，每人一件，味道雖好，但是室溫凍的！！ 

唯一熱辣辣的花膠灌湯餃 ，每人一客，不是任食，呢個最好食。

潮州粉果，size 較細，皮薄，相比其他劣食，這個味道不過不失，而且不是室溫，係熱的。

失望的芫茜系列:

芫茜燒賣 - 個皮沒有芫茜,只是在面上加芫茜, hea 到爆，芫茜燒賣製作求其，好難食！


粥凍，冇乜芫茜味，內裡排骨生的。

雪糕又係hea到爆
另一騙照，更加是無語。。。自我安慰起碼不是不知明的雪糕球，食左唔會肚痛。 
與網上訂購圖片完全不一樣！ 
芫茜蝦餃冇芫茜味 

還叫左其他等左好耐一直冇來，人手又不足！ 最後無奈埋單，網上俾左hkd134位，埋單再補hkd 3x 茶位連服務費。希望其他人唔好好似我中伏！

疫情關係，好擔心食野安全，好耐冇出外用膳， 今日因為全日出旺角辦事， 順便shopping, 出面又曬又熱，太餓，到tea time忍唔住終於要食野同抖一抖，所以揀左間樓上cafe, 食物水準唔錯， 人又唔係太多， 啱晒我。

朋友點左呢個青咖哩豬頸肉公仔面，佢湯都飲埋，材料新鮮好味 豬頸肉好嫩， 咖啡也好飲！炸蝦大大條，好脆，烏冬係手打好滑，個湯底清清地同炸蝦好夾。加埋杯好好飲冰凍桔仔茶，好fresh 消暑解渴！
cafe可以坐好耐，可以好好咁抖下！

前一晚經openrice訂位， 再whatspp confirm 溝通有段小插曲， 以為禁快訂爆，但最後都有位。新開仲有龍蝦送， 我係第2次食呢種自轉bbq, 上一次食過唔錯，好啱我呢種勁怕熱既人，因為有冷氣。 bbq食物種類都幾多，仲有甜品櫃，雪糕櫃，炸物櫃， 飲品櫃，同埋熟食bar有廚師製作海鮮，冷熱盤等等 等燒前先叫d冷盤熟食 mini 軟殼蟹漢堡包 和 薯條 包好脆好食 硯都不錯， 但蝦就得個頭大， 蝦肉好細太軟了，感覺可能燒唔熟或者唔夠新鮮。 芝士龍蝦好味肥美！ 其他海鮮仲食左多春魚同魷魚圈。可能太早到， 食唔到廣告見到的燒鮑魚，同其他海鮮，有點失望。 串燒方面， 燒菠蘿， 燒菇， 雞翼，各種肉類都好新鮮同好味，調味料不錯，有3個醬同埋不同味道嘅孜然粉 最後甜品，燒棉花糖，同埋食左紅豆批

今日同朋友去完工廈睇魚再黎試呢間工廈小店有驚喜！ 佢地主食都係即叫即整，熱辣辣有鮮味！ 店仔細細但有好多人serve , 好有heart, 服務唔錯！ 我地小食叫左個炸洋葱圈，唔會好油，食得出啲油新鮮，好食。 招牌漢堡好好食， 個芝士醬好特別， 牛肉好juicy, 仲有炸蕃薯條，唔係度度有，加上一杯凍茶，成個餐好夾，好食。 朋友叫左另外一set, 我地share 左少少黎食個莓醬好好味！ 最後加左個意式凍餅 呢個餅有d 硬， 所以一般般啦。 下次再黎要試下個金邊粉，我見都幾多人叫。