問咗半個月 終於有紫菜肉鬆雞蛋仔 其實冇嗰樣嘢嘅話 就唔該餐牌貼住冇啦 唔洗下下走去問 今日問過終於有就買啦 見作即整 等咗大約5分鐘倒 終於到我no. 音迫不及待隨手摵咗邊邊幾粒食 竟然一啲咗多多嘅紫菜肉鬆都冇 係冇 完全冇 我凸真係心裏講粗口 我再細心研究之下我發覺 30粒^嘅雞蛋 只係得中間範圍大約10粒以內 係有所謂嘅紫菜肉鬆 賣35蚊嘅貴價唔緊要 但！買到返離 比咁嘅內容我 完全感覺係呃秤囉！ 即係比喻 買3個蘋果 有2個都係爛嘅 咁嘅感覺囉 冇嘅 冇下次囉！！！ 食完邊邊幾粒再望望個底

如果唔計食物 哩度係好好 但作為一間食店 仲要哩個價位 真係唔多掂 入到去得一枱客 係位置偏僻定咩原因 自己諗 係嘅個環境係真係唔錯 又真係好多得意嘅熊仔 令人心花怒放 打卡一流 但食完佢個巨鰻飯 都令人“心花💢放” 食物九流 有史以離 我真係初嚐韌嘅魚肉😱 塑膠❓❗ 賣相係靚 但係係for display 唔係用離食 仲好意思收舊幾水 點離食嗰個 冇反枱 都算係咁 另外 點嘅刨冰 又係舊幾水 特別只在 熊仔形嘅一舊冰係面囉 味道就麻麻地 甜品離講 絕對偏淡 係杯菠蘿什麼什麼的 係幾好飲 已經特登飲咗幾啖先放舊熊仔冰落去 但都係瀉咗出離 好心個杯比大啲 滿晒咁 飲晒咁滯先放得入舊冰🤦🏻‍♀️ 算 都係一次過 唔會再離 又貴又唔好食 要離嘅人點嘢飲好了

我睇返上一篇 我打嘅食評 原來只係相隔一年 可能堆海鮮實在太刻骨銘心 所以覺得隔咗好耐 都未有機會再離食咁 天氣開始熱 又係離梅窩嘅時候 昨日星期四晚 專登過離想食返佢為個 Seafood bowl but一問之下 原來只限星期五六日提供 簡直晴天霹靂咁失望🫣 不過 有些少原因為咗食佢 我係度留多一晚 今晚係星期五 有得食喇 正當我興奮地坐低 等到個Seafoof bowl menu到手嘅時候 第二重失望感 深深咁打在我心頭 一年前食 個menu同依家 啲海鮮係斬咗一截去 過咗疫情時期 冇咁個800蚊以嘅Extra優惠 都明係人之常情 但 我最期待嘅鱈場蟹蟹腳 同 東風螺都冇咗 鮑魚又無埋 失望到我呢🥺 如果唔係我期待想食咁耐 我又會起身走 咁好啦最多咪只可以點少啲 平啲食😮‍💨 剩番點咗 虎蝦 小龍蝦 扇貝 蜆 至於有上次試過 八爪魚&魷魚圈 都麻麻地今次唔點 上到枱都係大兜到震撼眼球嘅 不過冇咗想食嘅 始終失色 仲有食落 哩次個男廚師冇上次離個姨姨廚師整得咁好食 而且啲調味醬 好明顯係咁堆埋一堆堆 好唔均勻 不過個Chjun味都算係好食嘅 但總之冇上之咁好 同樣地都係要自備多幾張濕紙巾 今次又點咗B E E R牌生啤 唔就得上次都好似點一樣？ 最後埋單先700幾 同上一次同樣咁多個人食千一蚊 差得遠 唉.. .食完哩次已經再冇興趣再離食😮‍💨 或者 佢有返原本啲海鮮 我會再離報到嘅

平時啲拉麵店 求其一碗都i近一百蚊起 經過哩頭（都唔記得做咩標籤咗哩間想去食下 可能係想食下唔同店嘅拉麵 因為都周圍食過好幾間） 哩間店70幾蚊一碗 個價錢係幾抵 點咗一個豚骨湯拉麵 一個辛辣拉麵 兩者個湯底都名夠晒濃厚 又唔會得個死鹹或太杰 而個辛辣麵個辣度又啱晒我哩啲鍾意食辣 但又唔可以食變態辣嘅我 個麵底就一般般啦 片豚肉又冇話一大層肥膏 肉質剛好 冇好乾或好韌 調味亦適中 唔會冇味 另外點咗佢椒鹽魚鮫 食得鹹嘅我都略嫌佢鹹咗少少 其實可啲椒鹽另上比客人自己落 有支裝可樂點👍🏻 掛住食 食到一半先記得影下😅 哩間店啲位夠晒寬敞 唔會迫迫貢 同埋我食2點幾食嘅時候冇人 都幾舒適 但總括而言 哩個價位嘅拉麵 對得起個價錢 唔會食完啲得個貴字 食完皺晒眉 當然如果好有要求要高質素嘅 就要另覓一店 哩間做平民價 下次經哩頭 可以再試埋其他湯底👍🏻

公司聚會離哩度食火鍋放題 冇包鰻魚 一開波完全冇人叫的地要先點湯底，點完仲要等咗好耐都冇離 先知原來冇落單，要再點過。。。搞到拎完晒啲兼離晒啲甂爐嘢 都未可以淥... 火鍋大約有得點>> 鮑魚：食咗2件 可能我冇乜興趣 覺得冇咩感覺 但有人話好新鮮 蜆：有好多沙 即刻完全唔掂啦 扇貝：食咗2件 都係冇咩感覺 花膠：唔掂，食完都唔知自己食咗啲乜 其他配菜：都係平時啲菜呀菇 正常類 牛肉：手切澳洲牛千祈咪l點 嘩我第一件就落咗一片落個鍋度諗住試一片 一啖食落去 羶到不堪!!!最衰仲要搞到我個麻辣鍋都羶晒 之後淥其他嘢都..OMG 唯有唔用自己個鍋，其他牛就冇哩個問題 不過嗰陣羶味 都已經唔想食啲打甂爐嘢 炸物：芋泥波波 好吃 唔厚粉 唔太甜，榴槤波波 唔食榴槤嘅我 唔小心食咗佢外皮 oh NO!!!!，炸雞軟骨 我鐘意，日本紫蕃薯仔 都係平時食嗰啲來貨味 甜品：迷你朱古力火鍋 哩樣係好特別囉 其他放題的暫時未食過有哩樣嘢點 不過唔好抱咁大期望 玩下便好，芭菲 唔錯丫 啲雪糕都幾好味，但堆綿綿冰就..咪鬼點 一早畢定 仲要放碟 仲要冰都硬到冇可能畢到 仲要冇味，麻薯仙草甜品 得一粒好似鼻咁大嘅麻薯其他甜品食勻晒都一般般 最好係啲刺身 真係 超新鮮！激讚！ 飲品就冇出面啲放題多到花都花 等兩個雪櫃 同一部咖啡機 嘅飲品。 地方超級迫！ 總括離講 食其他嘢只不過會晒咗個胃 只要吃刺身便好。 如果只比刺身分數我比 加埋其他嘢評分就

經過哩間嘢好多次 因見佢門面幾靚 所以成日都想去試下 今次終於得賞所願 有時間又記得去食 拔，其實都.. .幾失望 其實佢餐牌選擇唔多 Burger 意粉 甜品 分別每樣一隻手數得晒咁多款 拱類更少 飲品係比較多 但哩間唔係飲品店牙嘛 其實佢少唔緊要 少即係每樣都可以主攻得到 咁主攻 每樣做出離嘅食物 就prefer係間店重點拿手菜會唔錯先係 仲要收咁嘅價位 牛扒好似成個餐牌有.. .2款？ 不過唔知點解 出到離啲懶係高級嘅餐廳 食牛扒都會中伏 食完永遠覺得 我比咁嘅價食啲咁嘅冇牛味嘅牛扒 不如去返大XX度食算。。。 但就唔知點解有人每次都心存希望 係都要點牛扒 食完又係 黑口黑面 然後話點點一舊垃圾收咁嘅價錢 可能我冇心存希望會合格 所以我咁大反應 另外點咗個窩夫 其實咁嘅一碟窩夫 我唔係話佢唔好味 但咁嘅味道周街都係 仲平啲添 係個擺碟有思 但為咗個心思而比哩個價 算把啦 最後就係杯奶昔 濃味得離又有過份係幾好 但哩個味道 哩個價位第二間店都食到 如果成餐得杯嘢係覺得幾好 不如我去啲飲品店度飲 絕對會好味兼平過佢 總結 得個貴 又唔係好食過人 冇特色 冇下次 Bye~

話說哩間店經常離幫襯 講真 食佢已經唔係好似人地咁講咁平 2個人 次次食都二三百 哩日點咗碟西蘭花 一上到枱 我望住碟嘢OL咗 我都知薩利亞啲嘢愈來愈貴 啲嘢愈來愈縮 但 喂 大佬呀 圖片與現實不符都算 碟嘢啲菜平鋪都遮唔晒個碟底之餘 啲西蘭花仲要粒粒超細棵 成碟嘢好似人地唔要啲菜頭菜尾煮好 再食剩 先上枱 想點呀 會唔會太過分呀 咁都上得枱 話唔滿意 可以另外上多碟補多返啲份量比我 WHAT?! 肯補即係自己都覺得好有問題 正常真係冇問題嘅 應該已經大我話個份量就係咁 吹佢唔脹 仲要話分開另碟補個份量 OL到冇朋友

因為想坐耐啲 見佢係另一間無限時任食 所以揀咗佢 可能係星期四嘅關係 半粒鐘前都book到位 7點倒到 一入就係最出最近抵嘢似同醬料嘅卡位 一坐低 我同表妹都未講到嘢 就已經有個女侍應走埋離 問：「有冇離過呢？」自然答咗「冇」 然後佢就一輪咀介紹個餐牌 點點點 壺湯點點點 就係終於等到佢介紹完 我覺得終於可以同表妹傾到偈之時 唔夠3分鐘 又有另一個男侍應走埋離 問候我地 有冇點餐問題之類 然後又叫的地可以出去出面拎咗嘢飲先 好啦 我地點點頭 再繼續傾偈 跟住！！唔夠2分鐘！！！ 又！係又！又有一個應該係經理款嘅 又走埋離問 同埋 又！好！積！極！咁叫我地 可以係出面攞咗嘢飲先 殷勤係好 但過於頻密係一種搔擾 講真 如果再離多個 我堅會嬲 坐位都ok寬敞 唔會話入到去覺得好迫好窄 哩度啲嘢食就 一般水平 如果唔係想坐 係想食嘢就唔會揀哩間 最出式反而係 佢送嘅嗰碟鹹蛋黃魚皮 乜都唔洗落 已經係超好味 出面嘅飲品竟然有無糖嘅忌廉溝鮮奶 的最鐘意嘅係山楂烏梅茶 可惜冇生果食啦 總括而言 其實都唔只佢有無限時 無特別突出嘅賣點

因為本身好鐘意食日式拉麵 哩間有撈麵 就離試試佢 上到離都唔洗排就入得 其實應該早已感覺不妙 但一心上來7樓吃 就衝入去食。 座位寬敞 舒適 價錢正常 還可以 沒有打刧的感覺 成個menu都係撈麵 得一款湯麵 鍾意食湯麵嘅朋友會冇選擇。 叫咗正宗東京麵 味濃 麵偏硬身 整體一般 冇食咗星星眼嘅感覺 個麵味道係ok, 但當我飲咗佢杯奶蓋抹茶latte 個侍應講所謂鹹鹹地嘅奶蓋 我本身滿心期待 因為個人勁鐘意飲奶蓋 仲要係鹹味 但我一飲 我只飲到成陣酸味 即刻成餐不可原諒

新商場開咗 錯中複雜 縱橫交錯嘅樓層 因為差不多一點了 一粒嘢都未落過肚 就是但搵咗哩間冇人排嘅店就衝咗入去食 心諗 冇人排實有啲問題 入到去 要坐高枱 吊住對腳坐 勁唔舒服 打開餐牌 價錢仲係偏貴 都算 真係餓 是但點個all day 食 見其中一個有咩 羊布丁 原來係羊肉碎波... .. 點完個餐 杯cap.好快有 但面頭個所謂嘅心 唔拉好過拉 然後等勁耐先有嘢食 係咪冇錢請人 仲有啲油係咪唔洗錢 啲嘢油淋淋咁 埋單 好趕咩 放係碟 我拎完硬幣 個光頭侍應 黎手就一嘢拎起 張紙幣連單比我 第次之找錢係咁... .. 總之 哩間店 下次有幾餓 我都會入去食 p.s.我唯一欣賞嘅 佢牆壁嗰一大幅3D畫