今次都係上網訂枱,但table map最唔好就係如果你想改時間,改完之後佢唔會通知餐廳
月頭已經book定,到月中餐廳已經whatsapp定個menu俾我,呢個安排好好因為揀左食物先餐廳就唔怕買多左料,客人落左訂先(每位$100)到時亦唔怕會甩底店內裝修簡單,燈光偏暗,似乎都幾適合情侶
正式上晚餐之前,先黎一個小食;疑似老闆(?!)介紹話呢個係意大利菜餐前通常都有o既小食細細半粒車厘茄配上芝士(唔記得左係邊種..),同埋酸青瓜大人o既前菜係帶子同煙三文魚,擺盤非常精美
帶子稍稍煎過,切開入面仲係好鮮我呢個仲靚,塊煙肉係脆架~~!
咁大個都未食過石榴,微酸加上好似爆珠咁o既口感,加埋爽口o既蘋果,成個組合都好新鮮等緊餐湯期間有熱辣辣o既麵包,加黑松露醬忌廉湯望到已經覺得好濃好香,份量比想像中多主菜時間~~~
牛肋可以林到好似牛腩咁,真係切都唔洗切,一拉就開
紅酒汁都非常唔錯,不過就算冇汁都一樣好食上枱時四眼叔叔親切地講解,先試一口原味淨係落左d海鹽o既火雞,乜野都唔好點
之後試下點燒汁,最後試埋個金巴利汁(微甘)
第一口已經嘩一聲,得少少海鹽都已經咁好味!咸度剛剛好
燒汁相對之下就太咸,金巴利汁有少少甜,四眼叔叔話會有d苦味,吞左落去先feel到
最喜歡都係完全唔點野o既原味火雞,又唔鞋,係最好味o既火雞~
伴碟o既所有野都好正,尤其是薯塊
最後餐飲要左一杯檸茶一杯奶茶~

最近想食返D上海野,但最近屋企都冇邊間好,今晚回家途中一落車就見到呢間家庭式小店,試得過喎~
全店都應該係上海人,上菜好快,家庭式得黎好有禮貌~
雖然有少少唔係好聽得清楚個婆婆講乜,因為佢口音好勁
素什錦炒飯
雞絲粉皮
蒜泥白肉
炸饅頭
雪菜肉絲炒年糕
原味豆漿

雖然係上海野,但呢度唔會有小籠包~都冇大人鐘意食o既豆沙鍋餅
不過整體感覺唔錯,比起其他店舖算少油,就算炒年糕都唔會好似油浸咁
蒜泥白肉唔太辣,就算食左咁多蒜蓉都冇特別覺得口臭
呢度有好幾款口味o既豆漿,不過跟飯/麵就會係原味
會再去食過~~~

自己一個人食飯,梗係要食好西啦
黎到駱駝漆個地下永遠都一堆人排隊等lift,揀啲位處低層嘅餐廳,行樓梯就到,又唔洗凍冰冰喺樓下等
餐廳門口有主廚個紙版,忍唔住笑左
其實好多款意粉都想試下,畢竟外面好少有咁多唔同種類嘅粉可以揀.唔同形態嘅粉口感唔一樣,所以即使係製成之前佢地係同一件野都好,切好哂變左樣就唔同講法餐前麵包應該都係自家製?好香口,但係只得一小件,好想食完再食 忘記左個湯係咩野,淨係記得店員拎左枝望落好高級嘅黑醋即刻加落去 因為唔係好想食肉,要左個菇麵,店員會即場加芝士,錦上添花呢 係彈牙嘅闊條麵呀,好正超正超好食,能夠喺度獨食呢種美味真係冇得頂飲品要左店員推介嘅自家檸檬汁,可以見到有檸檬榨,唔酸又飲到檸檬香,唔識形容,都係喺其他地方飲唔到嘅 甜品我就冇考慮太多,因為黎呢度重點都係食意粉,點知呢個tiramisu同樣出色 成餐飯由頭到尾都冇一樣野係唔好食,幾耐冇試過咁滿意餐飯

已經好耐都冇喺大角咀呢頭食飯,今日正好有事要黎呢邊處理七點左右搞掂,正好晚飯時間
呢間西餐小店好的式,店內座位好少,起初見佢一個客都冇係有少少淆
不過見佢咁平,都唔會高期望,都試下啦

set dinner都幾多選擇,只要唔係太偏食都梗有一款揀到套裝除左有湯,仲有墨西哥粟米片 脆口野搭配牛油果醬,我呢啲平時唔會食牛油果嘅人都點唔停因為唔係好想剧扒,所以要左個肉醬意粉 呢度用嘅係扁意粉,my favourite~
肉醬份量適中,味道算係淡口,番茄味都唔會over,真心覺得非常唔錯大人要左呢個係豬,雖然唔係超大塊,不過絕對夠飽 好易切得開,亦都唔會重口味,大人對個意粉都係讚不絕口
最後仲有兩杯飲品
埋單先三舊水,有咁嘅質素已經值得喇

齋睇地址會搵唔到,差啲兜左個大圈,原來餐廳門口喺志和街,starbucks轉角行前少少就係喇因為book左比較夜嘅時段,店內嘅人客比想像中少
見到有向牆嘅自閉位,所以book枱時都指定話想要呢種枱,因為覺得坐側邊易啲傾到偈一開始都係見到個拼盤先想黎試下,最鐘意就係一個價錢食到幾款唔同嘅野 睇下啲脂肪,少食多滋味 入口即化咁滯,喺出面冇幾可食到呢啲牛,亦都證明一分錢一分貨牛舌係大人食燒肉必叫嘅,當然呢度都唔會令佢失望 食左咁多肉都要平衡返下.... 最近我就好鐘意食豆腐沙律,份量都好夠,豆腐好滑

過年前已經book定枱,擔心新年後會好多人;當日中午餐廳仲有打黎double confirm 7點入座仲有好多吉枱,唔夠半粒鐘全場滿哂咁滯,仲有好多walk in客
menu好大本,相簿咁重,封面仲係疑似acrylic,依家好少見咁用心嘅menu喇
選擇困難左一輪,因為好多野都想試幾位朋友都有叫飲品,不過我唔想飲凍野,飲水算,以上圖片俾大家參考先黎燉魷魚,賣相雖然一般,不過裡面d料都好多一人一塊法包覺得唔夠喉!微酸好開胃~緊接住有炸飯團!睇menu已經覺得一定要試,好睇又好食切開左入面仲有芝心!!撈返個底d肉醬一齊食,雖然係炸,但係唔覺得好熱氣,仲有少少想叫多一個意大利飯少少地,白色好似係乳酪?冇深究,因為幾個人一人食少少轉頭就冇哂.牛肉超"林",一口一粒我淨係記得自己叫左個千層,仲懶醒切開幾份,先發現入面係長通粉.所以其實係以千層方式整嘅肉醬長通?形式係其次,多芝士係重點~重頭戲pizza餃子!!!店員特登提我影左相先,佢再幫我地切開5份,好公平架~又一味好睇又好食,原來pizza摺埋左都可以咁好食!仲要切開左之後每份入面都好多料,唔會分到邊皮位就變左淨食包 不過落單時問佢可唔可以走洋蔥,望過去廚房就見到入面擰哂頭,佢地話個sauce一早整好溝埋哂喇;其實佢d洋蔥都切得好細粒,幾乎係食左都唔會察覺,但係介意某d材料嘅人就可能要考慮一下喇又點少得甜品,為左唔好選擇困難,一人揀一款 店方好貼心地幫我地擺埋哂同一碟,我就概括d...cake方面對我黎講甜左d,可能我食開d野都冇乜味,個朱古力配返入面蘋果餡幾特別
唔開心就係個panna cotta失敗左,凝固唔到最期待嗰樣反而冇得食兩個mousse cake切開之後係咁嘅樣跟住換左tiramisu,今晚最好食嘅甜品!雖然細細杯,但係好滿足,奶味同咖啡味好平衡,對比之前嘅mousse cake佢唔係太甜,又係令人想叫多一杯 埋單唔洗千五蚊,認真抵,多人黎食就可以share試到多幾款野;如果兩個人都可以坐喺近廚房嘅吧枱,邊飲野邊望實(誤)廚房

有人請食飯,又點可能唔去食好西~
其實之前公司party都有訂過呢度,但一直未曾入黎食過
book定枱,當日朝早都會double confirmset lunch都幾多唔同類型嘅野可以揀 先黎一人一個南瓜湯我問左海鮮有d乜野先決定,聽落係每日有機會係不同海鮮配搭,入面有蝦(切粒),魚,蜆,墨魚同三色椒 d蝦食得好放心,因為切左粒,蝦腸有挑走;蜆唔多,4-5隻,冇沙,一拉就離殼蟹肉意粉望落都ok多料 同事要左肉眼7成,厚切!好容易就切得開,而且真係7成熟,唔會上到枱就冇啦啦變左well done 不過覺得薯菜可以俾多少少最後先到比目魚,同樣都係薯菜問題,睇下望落幾dry.... 不過條魚係好食嘅,煎得夠香,汁又唔會勁多,剛剛好
店員都幾留意客人食到咩程度,差唔多食完就上飲品,食完就好快收碟,但唔會覺得有壓迫感
下次可以同其他同事再黎食!

龍版幾年前我帶大人黎呢度食生日飯,今次我生日佢同我黎返呢度食
事前已經透過whatsapp揀好main course,店家亦要求落訂先,其實呢種做法對雙方都好,人地又唔洗浪費食材,客人又可以確保有留位我同大人分別揀左蟹湯同番茄清湯,不過其實我係為左兩粒雲吞個湯清得黎淡淡番茄味,幾開胃餐前小食賣相精美,口大嘅朋友可以一啖食哂,唔多唔少剛剛好香草麵包要俾個讚,暖暖地又唔會太多,bread stick我本身就麻麻地呢個appetizer都唔弱,好睇又好食,龍蝦唔係一大舊,少食多滋味.而且食完一道先會再上菜,俾夠時間慢慢消化用墨汁製成嘅意粉唔會食到一口中毒咁款,當然亦都唔會好似出面其他餐廳咁煮到"林"哂,帶子都ok大隻份量少少地,所有意少都沾到汁,而且自家製意粉都已經贏左 唔記得左兩款main course係乜野....不過都係牛,要對餐廳講句唔好意思,我覺得伴碟菜好食過d牛(掩面) 可能因為我鐘意食菜多過肉,所以每次都係俾伴碟嘅野吸引左兩個甜品放埋同一碟,蘋果捲好正~

其實鄭師姐一路都喺個wishlist入面,但一直都冇機會黎,所以今次自己生日就預早兩星期book定,同屋企人黎試下泰式素菜會係乜野一回事 大廈門口都幾隱蔽,喺藥房中間,電梯仍然係舊式人手拉閘款
一層樓雖然好幾個單位,但完全唔難搵
被安排坐大廳,最大嗰枱大約8個人,其實呢度地方都好大,同時可以開到咁多枱
完全唔知今日有d乜野食,正所謂冇希望就唔會失望,都係食素唔會差得去邊嘅 先黎一大碗湯,分好之後其實一人只有一小碗,不過可以添飲嘅..飲到個底覺得太辣,所以大家都冇添到齋叉燒都算意料之外,我以為係中式齋菜先會有?對比之後出現嘅其他菜式算份量多,而且淨食都幾dry開胃雜果沙律,有火龍果,蘋果,梨,楊桃,芭樂,哈蜜瓜,菠蘿,大部分都係平時雜果沙律少見嘅生果,微酸,轉頭就清哂串燒當然都係麵筋偽裝出黎,個汁真係好味,夾埋d花生碎勁香椰子炒飯,雖然成個都白色,賣相黎講唔吸引,不過椰汁香,仲有一片片椰肉,我唔係咁鐘意椰味都接受到炒雜菜就係一般炒雜菜...春卷我都唔記得入面有咩料,唔係勁脆,但又唔會好油膩;食到呢一刻都飽飽地咯..點知仲有個米粉!真係不得了,個米粉好好食,咖哩湯唔辣,有薯仔呀素腸呀咁,如果唔係咁飽真係想食多幾碗終於到甜品時間,以為得糖水?又點少得芒果糯米飯,飽到

我食左三輪生日飯之後,今日就到我為大人慶祝佢大壽喇

都係習慣上網book枱,一黎有得儲分,二黎白紙黑字有哂紀錄

到booking當日餐廳打黎確認,都係好貼心嘅服務(因為有d真係唔會打黎,但其實都幾冇安全感)餐廳係L型,不過整體黎講都唔多枱;樓底勁高,感覺都幾高級都係決定叫二人餐,貪佢多個甜品最後要黎寫happy birthday~入座前已經有牛油擺喺枱面,所以麵包係基本盤唔係一入座就有得食,因為會熱返先拎出黎;香草味濃,或者唔係人人喜歡,但如果俾多一塊我都會食埋佢其實落完單已經唔記得個餐入面有d乜野所以沙律出現時見到pat白色諗左好耐,事後再睇返menu先知係蟹肉,不過老實講食唔出,可能因為我撈勻哂先食所以撈到唔知去哂邊黃色細細粒嗰d就係芒果,如果可以大粒多少少就好喇再黎係忌廉湯,本身菇味已經好濃厚,再加埋黑松露覺得似乎太強烈,不過都係好味嘅肉眼要左五成熟,厚薄適中,亦好嫩唔難切,就咁咬都係好易咬得開血水唔多,所以望落似七成薯蓉唔馬虎,蔬菜每樣一款食蝦最怕就係有腸,呢個意粉入面隻蝦已經去殼切開左,兩邊煎香意粉係忌廉汁,不過唔會好膩,兩個人share份量剛好先上飲品,我冇特別影相,又唔係飲d咩特別野不過杯檸茶唔加糖都飲到,我覺得係最好嘅熱檸茶最後梗係重點嘅甜品加錢可以轉其他甜品,不過就覺得唔係太抵,而且brownie都唔錯落booking時已經註明係生日飯,所以餐廳打黎時都有問到時需唔需要寫埋名上去,但我一時又諗唔到應該點寫,所以happy birthday就算唔知朵花係standard pattern定點,一個佬碟甜品有朵花都幾得意