為左興祝母親節，一行１４人今晚來到位於鴨脷洲大街既Ocean @ 132晚餐。

一入餐廳，的確有眼前一亮既感覺，餐廳內的裝修模擬船內的感覺，牆上掛滿不同的船上用品，鏡子就好像船艙內的窗一樣，感覺十分特別。
先講一下今晚既餐單，總共有五道菜，其中前菜、小吃都是指定的，而主菜就有６種不同選擇，比不同口味人士都可以選自己喜歡的食物。在母親節四周都大幅加價下，這間西餐廳的價錢也只是大約每位＄３００（包加一），其實已經十分超值。不過其實更重要的是味道，因為每個人都希望今日可以同母親一同吃到一個美味的晚餐，以報答母親既養育之恩。首先黎既係前菜係三文魚香梨他他配黑魚籽醬，食物既擺設有心思，而且味道好。三文魚加上甜甜酸酸既醬，十分開胃，係前菜既最佳選擇。本人對湯一向興趣不大，不過Ocean @ 132既湯的確是水準以上。栗米湯是自家製的，你不會每一口都食到大量既栗米，反而味道十分濃郁，會有飲完想再飲既感覺。主餐前還有一份小吃，有牛肉法包+蟹餅+栗米條。本人特別喜愛Ocean既蟹餅，食下去是濃濃既蟹肉味，感覺就好似食緊真正既蟹一樣。本人覺得比尖沙咀某間蟹餅出名既餐廳有過之而無不及，各位黎到一定要試試。牛肉法包同栗米條都不錯。其實食完前三道菜，已經不覺得餓了。不過仍然十分期待主菜既味道。來到主菜了。是６oz的香燒肉眼扒，份量比普通的餐廳小，不過我估計原因是用上了好的肉眼作為材料。肉眼扒是半肥瘦的，肉和肥脂融合起來，味道剛剛好。而且扒中央有一塊大油花，相信喜歡肉眼扒的人必定會吃得津津有味。到了最後的甜品焦糖燉蛋。份量很大，比正常的size大了大量1/3。味道方面，是不錯的。但個人認為下層的燉蛋不夠凍，影響了整個甜品的味道。

總結：
總括黎講，本人對Ocean @ 132既評價十分高，很推薦大家去試下。
Ocean作為一間新開的小餐廳，而且位於位置不便的鴨脷洲，依個係佢既缺點。不過餐廳既認真態度我相信會成為佢既一大賣點。餐廳不計成本，用料認真，而且份量十足，比很多位於旅遊區既大餐廳都更好。餐廳既宣傳將會成為一大難題，本人希望餐廳可以成功刻服，做更多好既食物比大家。

可能一提到華星冰室，大家自不然會同澳洲牛奶公司比較。對於本人而言，我比較喜歡華星冰室，原因係我認為，每一餐食物都應係一種享受，能令客人食得開心自在，是最為重要的

相信黎得依到，有８成以上既人都係選擇常餐。女仔比較細食既可選擇營養餐，只係小左個意粉，但價錢方面又只差４蚊，其實係唔低食的。
常餐包括以下既食物：
叉燒意粉　（可轉牛肉）
火腿煎蛋　（可轉炒蛋）
牛油多士
咖啡或茶今次叫既食物亦不例外，同女朋友要左叉燒意粉、火腿炒蛋、多士同凍奶茶。我曾經試過牛肉意粉（這裡的牛肉說明是用清真牛肉），不過牛肉只係一般般，缺乏左最重要既牛味。相反，依到既叉燒整得出色，加埋意粉後好味好多，所以自此我就每一次都叫番叉燒意粉了。以下每一樣食物都講下啦

叉燒意粉：適中既湯底，不會太咸，亦不會無味！個人最鍾意食法係加入胡椒粉，帶胡椒味道既湯底更加惹味；另外，叉燒十分淋，味道很好，份量亦十分多一碗有成５－６舊；最後係意粉，硬度適中，very good！

火腿炒蛋：炒蛋係常餐既靈魂。蛋十分十分滑，而且唔會太熟，大家仲可以見到有小小蛋汁，好味道；火腿無特別，係正常野。

牛油多士：牛油足夠而且十分香。本人最鍾意係食法係加入火腿炒蛋，有小小三文治感覺，比較好味。最後黎既係凍奶茶。依到既凍奶茶係我既最愛，奶茶放係鋼杯內十分夠凍，每一口都有冰既感覺，奶味同茶味亦十分足夠，係水準以上之作。最後要讚一下就係環境加服務。環境方面算舒適，雖然都係需要同人share枱，但位置上感覺比較澳牛闊，坐得比較舒服。服務更係好，侍應們唔會比你有好趕既感覺，有時更會同你吹下水，走既時候更係到唱歌（有點兒嚇一嚇），總之整體上就比你一種好快樂既感覺。食完後，我同女朋友都坐左陣傾左陣先走。依樣就係我一開頭所講既，希望每一餐都係一種享受，能令我感覺到開心自在加油加油

最後送上一張餐廳小小裝飾。依間係一間明星餐廳，所以牆上可見有十分多明星黎過。

無論如何，我更希望佢係一間用心既餐廳，能一直keep著依個水準，或做得更好。

女朋友本身極鍾意食雪糕，咁岩又係團購網見到依到既coupon，二話不說就買黎試下。我地用左$15買左$30 coupon，由於兩個人share食，所以最後決定加多$15要Jumbo size，有210g又有3種味可以試。所以其實整體黎講我地係用$30買$45既雪糕，平左$15已算不錯去食之前，特登上黎openrice睇下評語，抄低左想食同評語好既味道。點知去到時，發現網上提既大部份味都無，當中仲有十分多空箱（共有１０個箱係空的）。女朋友當然十分失望，我地又唔係一開店既時候去，而且當時已經係下午，我唔期望一間已經開左幾個鐘既雪糕店，竟然係有咁多味係無的，要扣分講番重點：雪糕。由於係Jumbo size，所以可以叫３種味，我地要左鮮牛奶，特濃朱古力同焦糖咖啡。有一點值得提提的，３種味既份量十分不平均，雖然雪糕係好難去計份量，不過相差真係太遠，焦糖咖啡食左幾下就已經無哂了

每隻味道都講下喇
鮮牛奶：牛奶味十分香同滑，而且不會太甜，唔錯！
特濃朱古力：個人最鍾意依個，朱古力味十分重。不過對於唔太鍾意甜的人食，可能會覺得太甜，而我就覺得ok，食完會繼續想食。
焦糖咖啡：三個中比較失色既一個。咖啡味不重，其實可以講係不足。我已經係食朱古力之前去試，但都仲係覺得唔夠味。另外，焦糖更係完全消失左，失望。所以我唔推薦大家試依個，寧願試下其他味道更好。整體上，雪糕係十分不錯的，係依家香港四周都係乳酪雪糕既時候，得閒可以有個地方食下日式雪糕係唔錯既選擇，更可以保持新鮮感。不過我期望佢下次可以係味道選擇上準備得更好，起碼唔好有３份１既箱係空的。I will be back

女朋友話原來10幾年黎佢都未食過煲仔飯，所以兩個星期前既星期五就帶左佢去食依間名牌煲仔飯。之前食過一次，已記低左心水煲仔飯，今次帶女朋友黎試，當然會再叫番啦！好彩，成餐飯都無令我地失望唔錯當晚我地叫左兩個煲仔飯share！當中我既心水就係麻辣海鮮煲。之前曾經食過，覺得比普通煲仔飯更香更惹味，而且女朋友鍾意食麻辣，所以今次一定要叫比佢試下。另外一個煲仔飯就係滑雞潤腸煲。黎得依到食，當然一定要試下佢出名獨家既黑醬油，最好既方法當然就係叫最普通既煲仔飯，咁就最容易試得出啦，而且滑雞潤腸人人鍾意食，依個煲無走雞喇

另外我地加左兩杯凍奶茶，每杯只係加$5，算係咁啦！

最先黎既係兩杯凍奶茶。奶茶放係鋼杯入邊，凍就好夠凍啦，但奶味甜度都十分不足。我期望的凍奶茶可以做得更好之後無啦啦有人拎左一碟醉雞黎我地枱。我同女朋友互望後，大家後都十分顎然。正想同佢講黎錯枱既時間，就有一個人走黎話：『送嫁，你地試下啦。』我同女朋友當然十分樂意，兩個人加埋食果$100野，都送碟醉雞比我地試，十分值得加分

講番碟醉雞，對我同女朋友黎講，係十分十分重酒味。由於我地兩個都唔識飲酒，所以唔識分係咩酒黎，只知應該係中國酒。其實成碟醉雞好香，不過因為我地都唔飲酒既關係（特別係中國酒），所以依碟野我地就唔識欣賞啦由於係送既，我同女朋友最後都食哂，係到要多謝佢地既心意今晚既主菜黎啦！一黎到時係蓋上煲蓋的，之後就會有人打開，幫我地加上黑醬油。加完之後，佢就會再蓋番個蓋焗多一陣先食。我同女朋友都好乖咁係到等，不過大家唔洗怕等到過時，因為佢地係會自己同你講食得啦，服務真唔錯。

分別講下兩個煲仔飯啦！我地首先食滑雞潤腸煲，雞十分滑，有雞味，亦都唔太覺得有雪味；潤腸正常，沒有特別；最重要既黑醬油加飯十分好味，甜甜既醬油加落飯到，的確係會令人食唔停的！另外既麻辣海鮮煲，海鮮份量足夠，有蝦有墨魚（仲有其他，但唔記得了），每樣最少有兩隻，share黎食都足夠；海鮮味道不錯，詳細味道忘記了；麻辣味十分重，比滑雞煲多左一份濃濃既香味，食落去時，雖然醬油味會被麻辣味搶去不少，但整體黎講，成個飯都好惹味，係中上既水準！建議鍾意食辣既人可以試下，係煲仔飯既另一種食法。

如果真係要講不足，就係飯的確有炭味，如果本身對炭味敏感的，就唔建議你黎依到食啦。整體黎講，依到既煲仔飯係水準之中。無論你係咪煲仔飯既fans，都推薦大家都黎試下。雖然未必係最好味既煲仔飯，不過炭燒煲仔飯點都算係香港傳統食物，而且已經好少見。講真，身為香港人，一生人點可以唔試一次依個香港既特色。

在團購網買左$20五代同糖現金卷，今日行過旺角依間分店就決定入去食我最愛既楊枝金露雪花冰一直以黎都好鍾意食楊枝金露雪花冰，不過發現每一間分店既水準都好唔同，不但份量方面可以差好遠，就連味道都可以差天共地

由於係下午時間去到，所以店內既人十分少，只係得2-3張枱！我地被安排坐係卡位到，未食環境已經值得加分！地方十分大，另可能因為新店關系，所有野都十分新，總之就比人一種好舒服既感覺！如果想搵個地方同朋友坐底個幾鐘傾下計，下午既依到會係不錯既選擇今次只叫了一個楊枝金露雪花冰同女朋友share！一黎到嘩一聲，好大好高呀！相比起其他分店的確份量較多，雖然份量係多，不過唔代表好食既，所以立即試下先！
抵讚！因為味道都係水準之上，芒果味十分香，加上份量十分多的芒果汁後更好食！水果方面，全部都十分新鮮；更難得的是，芒果也十分sweet食過咁多次楊枝金露雪花冰，今次都算係高水準之作，所以真係值得比高分嫁如果真係要扣小小分的話，就係係楊枝金露雪花冰入面有幾粒綠茶味既雪花冰，應該係清潔得唔乾淨，如果下次可以改善埋就更好喇！
整體黎講，十分推薦大家去依間五代同糖既分店試下

相信好多人都係經團購既圖徑去認識依間餐廳，我都唔例外雖然依間餐廳既米線並唔正宗，但就好岩我同女朋友口味所以依家已變成我地去旺角時，成日去食既餐廳喇！都值得推薦比大家的今次食的是團購午餐，$19蚊有一碗兩餸米線加豆漿一杯，加$2可轉其他凍飲！我同女朋友要了凍奶茶，好快就黎到了！之前飲過幾次依到既凍奶茶都好一般，好多時都唔夠味；不過今次就好左好多，唔知係唔係請左人專整野飲呢，抵讚女朋友要的米線先黎佢要了特色重慶酸辣湯底，小辣；餸就要了芝心丸同豬潤！女朋友話，依到既重慶酸辣湯並唔正宗，似係雲南米線加左麻味落去！不過雖然唔正宗，但就好岩佢口味，好鍾意食我既好快都黎到我要了招牌雲南酸辣湯底，BB酸BB辣；餸就要了蟹子丸同包心牛丸！由於之前食過幾次，所以我已經搵到最適合我既酸同辣，就係BB喇今次既味道當然都好岩我既口味喇。所以話，有時餐廳都要同人夾，夾左就自然變成好味嫁啦最後想再讚下依到既服務。不論你係咪團購都好，服務都係100分的相信各位黎食過既人都一定會感受到，自然就會食得開心喇！ps.想提提大家，依間餐廳既辣都真係幾辣的。所以第一次食既人最好叫BB or 小辣試下先，否則太辣就唔好喇

仲記得好耐之前第一次食覺得只係好一般既車仔麵，不過當之後再番去食多幾次時，就會發現原來榮記既車仔麵係愈食愈好味的

每次都女朋友去食都一定係叫三餸！大家可以見到湯底極深色，飲落去有重重既牛腩味。係難得我係唔洗加辣既情況下，都已經好鍾意飲既湯底，very good:我的必叫有牛腩同牛筋，加埋佢既牛腩湯底真係prefect match！另外，每次我都會睇心情去試下唔同既餸，今次就咁岩叫左墨魚頭。依個墨魚頭我覺得只係一般，可能因為本身不是本人至愛，所以只係過得去吧。下次會再叫過第二樣女朋友的必叫有豬紅，蘿白，雞翼尖。無錯，已經係三餸，每次都係依三樣，大家都可以想像到係幾好味，佢係幾咁鍾意食的。雖然榮記加過好多次價，由之前既$26加到依家既$28。不過以銅鑼灣黎講，佢都仲係好味，抵食之選。可能好多人會覺得食得唔舒服，因座位問題，不過其實佢係搬新店後已改善很多，再加上不錯的服務，我相信我會繼續支持榮記，食我喜愛的超入味車仔麵

對任何食店黎講，除左食物外，服務都十分重要！如果單計食物的話，我會比OK依間餅店，不過如果要計埋服務，我就一定比喊樣，因為真係極度差！！！

今天買左Mimosa最出名既芒果味拿破崙！單計餅黎講的確唔錯，每一層都好脆，脆到食落去都好困難，因為好易會散開！不過我覺得吉士味同芒果味都唔夠，相反餅既味道就太重，所以整體上都只係一般服務方面就真係差到令人唔想再番去！一入去到，老闆娘不但無打招呼，而且仲有一把凶惡加囂張既聲音問：你地要咩？比我既感覺，我好似做錯野入左去佢地方比佢話咁再落去，所有對答都係回你單字，完全比我感覺係唔想做生意咁真係唔明一位老闆點解可以咁對客人！如果各位唔想受氣的話，我就勸大家都係唔好去了

Yogo係我第一次食既Yogurt地方不過隨著Yogurt係香港既普及，我同女朋友就成日去唔同既新地方試新Yogurt，慢慢就忘記左Yogo！
不過就咁岩前排，Goupon做團購，所以我就買左兩張$40 coupon 番到回味一下依個地方

$40 coupon可以買大約266g。一入到去服務員就好好態度咁招呼我地，果日Yogurt有四種味：原味，士多啤梨，香苧同荔枝！我地因為想食隻唔同味，所以就mix左兩種味。士多啤梨味同香苧味(各要左100g多少少)加埋少少曲奇碎同椰果就成為我地既Yougurt喇
一直最鍾意依到既Yogurt味道。因為雖然佢有好多唔同味道，不過佢每一種味都能keep到一定水準，真係好正！唔似得好多地方都只得原味，就算有其他味都整得唔好食(一係好似雪糕，一係變左藥水味道)！

今次都唔例外，一食落去有淡淡既士多啤梨味同香苧味，match埋Yogurt應有既酸味真係prefect，我同女朋友都食唔停口！各位如果鍾意食唔同味既Yogurt，Yogo一定係你既選擇而且果到有幾張椅，有陣行過入去坐低食一食真係好寫意，我真心推薦大家可以去食下嫁

第二次食深水埗既山東餃子館，上次食過麻醬拌麵韮菜鮮肉水餃上海麵。見到水餃麵唔錯，所以今次再encore！不過好奇心發作，叫左兩種新既水餃試下，點知兩種都有我同女朋友唔鍾意既材料係入面

今天既晚餐我個碗係牛肉水餃上海麵。好唔好采，入面有好多西芹粒！女朋友本身唔食西芹，所以直接say no，而我個人都認為西芹味太重，反而牛肉味就唔夠，所以都唔鍾意！女朋友個碗係番茄鮮肉水餃上海麵。女朋友本身好鍾意食番茄，所以好期待試下依種水餃。點知一食就發現入面有某一種香料，所以佢又頂唔順同比埋我食。最後佢就得番啲上海麵食，好采個湯底同麵都唔錯！
而我就覺得依個好唔錯(個人無咁怕香料)，食到有肉味之後，仲有番茄既鮮味，比較開胃，唔錯的經過今次之後，我地決定下次要叫番啲最common既水餃黎食唔夠膽再亂叫了！
小小提議，由於依間野好多唔同種類既水餃，所以應該係餐牌上主動講番每種水餃包括啲咩材料，咁就可以避免到大家唔會叫錯左自己唔鍾意見既野喇！