第一次食到雞扒得半塊既飯，價錢都唔算平，成70蚊， 本人已經算細食，但都覺得飯量不足，
都唔知咁係咪正常，定係新常態，
大家見到可以唔洗叫呢個伏飯，
香港而家食個飯慘過做乞衣。 

近幾次黎食已經開始飯同餸都冇之前咁足，今次食個豬扒炒意粉更離譜，$67食咁既野，
豬扒分開三舊，每片薄過食豬肉乾，
充滿著油味，食完返屋企即刻開始肚痛，
懷疑係豬扒唔新鮮。
間野價錢已經愈來愈貴，又愈來愈唔好食，
如果唔係將軍澳咁少餐廳選擇都唔會再黎食。

見到下面有評語話塊扒衰過大X樂, 大X活, 真係要出返張圖比大家睇下呢間整左D咩質素既扒出黎。
雖然$98唔係貴, 但都唔算平, 加多幾十蚊自己買塊扒煎都好食過佢。
另外新開張果陣, 樓面得兩個職員, 個經理見有菜都唔出, 另外一個就忙緊第二樣又唔出,
見住幾碟野放左o係度成5, 6分鐘凍哂都未上菜比客, 食完呢次之後都冇諗過再黎。

返新工喺九龍灣搵食，第二次去呢間野。 見其他食評燒味相望落幾吸引，試左個六寶飯。 賣相同味道都唔太好，雞冇雞味，叉燒唔入味。 另外叫左干炒牛河，過左七八分鐘d姐姐先黎話冇河粉，轉叫上海粗炒，等左接近三十分鐘，中途吹左三次，呢度既侍應個個都唔理其他侍應落既單，問第二個係完全唔會幫你跟進。櫃檯收銀一味話整緊，最後差唔多九個字，飯都食哂仲未黎唯有起身走。埋單仲要一句對唔住都冇，仲要收你正價凍飲錢。 呢度服務真係垃圾到九流，一定唔會再黎！

食晏諗唔到食咩，入左呢間野， 點知又中伏。 餐牌寫黑椒汁豬柳扒飯，黎到係兩塊漢堡扒。 問阿姐個飯點解唔係豬柳，佢同你玩食字 ，豬柳扒即係漢堡扒， 埋單45蚊食個價錢幾蚊既飯。 唔知叫其他會黎d咩精彩野。

作為一間茶記，連茶走都唔識沖。 仲同你解釋茶走係點樣沖，好似好清楚咁， 換過第二杯依然是淡奶溝茶。 d侍應態度非常惡劣， 見d人岩岩食完就想趕人走， 野食已經一般般， 油雞好un，燒肉似滾水煮， 真係唔會再返轉頭食。

尋日一試中大伏，價錢唔算平，但冇預到水準咁差，衰過食頹韓燒。一黎就上刺身，我未試過帆立貝會有陣番梘味，三文魚正常，疑似吞拿魚既紅色刺身口感奇特。之後開始燒，個爐完全唔夠熱，叫職員幫忙加大火候，第1位職員話公司規定冇得加大火d, 當堂嚇一嚇，燒第1粒牛燒左幾分鐘都仲係見紅。再問第2個似熟手d既員工先話有得教大d, 如果唔係真係燒到天光都未食得。講返d牛，擺到碟牛好似之前d reviews講打風一樣。無論鹽牛定汁牛，都已經分唔開。每舊牛基本上都係同一陣味，就係一d牛味都冇，肉質好鞋。試叫哂其他唔同款既牛，最後結論係全部一樣，好難食!
可以話係我食咁多間最差既一間，最後頂唔順，未夠鐘埋單走人，唔知咁既質素仲做得幾耐

今日lunch諗唔到食乜, 諗住試新野, 點知一試就中伏。 出面門口menu 同入面menu都冇標到要加一, 叫完野望下4圍先見到貼住要加一, 咁做法都幾唔老實, 一般要加一都會寫在menu上。 叫左個角切魚生飯, 根本成碗都係得三文魚, 食咁多次魚生飯, 每次都一定係自己落醬油, 但呢度食竟然一黎已經落左料, d汁酸, 又多汁, 搞到個飯勁難食!! 而且d三文魚好唔新鮮, 有些發黑一點點。 另外叫左個烏冬又勁耐先黎, 起碼等左25分鐘。 黎魚生飯就溜筷子, 黎烏冬就溜湯匙。 講真咁既價錢都知一定伏, 但呢度既性價比完全係0, 呢間野真係可以唔試就千萬唔好試。 最尾埋單, 加一完之後係再round up, 變相加二。

訂位準時去到，冇預留位置，咁咩叫訂位? 問大概要等幾耐，完全答唔到比客人? 咁同冇訂位有咩分別? 加上完全冇想留住你既意思，冇人理會，新開張咁既服務唔知可以做得幾耐。

叫了兩個外賣, 兩隻蛋都加左料, 
應該是廚師別有用心的圴衡分配, 
每咬一口都有蛋殼, 加強食家的口感, 卜卜脆,
一款最普通的煮法, 也能煮出這種極品,
食了一次之後, 還敢吃第二次嗎?