首先要讚一下，茶水夠熱，每碟點心都熱辣辣，應該是即叫即做。食野最緊要夠熱。 點心方面，最讚係個腸粉，塊皮好薄，但絕對不會散，用筷子吉開都有啲難度，真係大師級製作。 避風塘蘿蔔糕，好味，夠特別 蝦餃，馬拉糕，豆腐，煎粉果等等，全都正正常常地好味。 假日人流不多，可能因為地點比較偏僻。食過呢間富豪，同航天城富豪的中菜，都唔差。富豪品牌有保證。

2百幾蚊一個set lunch，仲衰過連鎖快餐雜扒。 1。加錢土68蚊要牛扒，塊牛扒薄唔緊要，叫medium（有單的圖），佢煎到110％熟，又鞋又乾（有牛扒圖） 2。三文魚扒叫medium well，都係110％熟 3。 個risotto 就正常，無咩特別 侍應態度： 1。三人食，枱上有4個位4杯水。見佢剛剛fill up 杯水，唔好嘥水，將第4杯水攞埋去飲。個侍應姐姐竟然開聲叫我比返杯水佢，啊。 2。食到尾聲，個餐包甜品，共3個餐3碟甜品。叫佢上埋甜品，等左10分鐘，上左一碟，3粒泡芙。我地奇怪係每人一粒放埋一碟，定係仲有兩碟未到。問侍應姐姐，佢好唔好老脾咁話「你scan code 落單時，兩碟入左叫起嘛。」我係想問你呢碟野係一人份量定咩，你唔洗賴我入左後上嘅。就算真係入左後上，咁而家咪叫你上囉

預祝父親節，去左Novotel Olea 食semi buffet。238蚊一位，沙律甜品自助，主菜自選及龍蝦湯就按人數送。龍蝦湯極濃，每位兩隻蝦，又有青口，帶子等等。好濃好好味。主菜叫了egg benedict, steak and fries 同sea bass。全部都好好味。

晏晝飲茶，點心超正：柚子蝦餃，帶子蝦白菜餃，XO醬腸粉，煎蘿蔔糕，蝦春卷。全部都好味。 柚子蝦餃好清新，好特別，柚子同蝦好夾。 蘿蔔糕用料足，蘿蔔夠多，不會只食到糕粉。 腸粉同春卷就一般地好味。 再order了濃蝦湯烏冬，啲湯好夠味，真的是「濃蝦湯」，蝦同帶子都好多。 壓軸出場嘅係11月限定士多啤梨凍糕，個造型似足肥牛，配士多啤梨牛油果汁，perfect。

朱古力香蕉班戟，超好味，雪糕夠冰凍，在暖班戟上都不會熔太犀利。香蕉夠多，加上忌廉同朱古力醬，剛剛好。不過一人食就比較多，兩人share 剛好。 咖啡正常地好飲，送杏仁餅比較甜。

今次第一次幫襯，食物很有水準。點了： 雞肉串燒：肉嫰多汁，好入味，燒得啱啱好，上枱時熱辣辣出曬煙 beef taco：牛肉燒得啱啱好，配牛油果醬好夾 mushroom burrito：好足料，菇菇好好味，點guacamole 好正 薯條：剛炸起脆卜卜，點千島醬，或guacamole 都好好味 仲有甜品churros：就咁食都夠甜，唔洗點caramel醬 全部都好好食。最緊要係夠熱，所有熱盤送到嚟都係出煙嘅。一定會再嚟。

在這分店吃早餐已有兩年了，一星期總會幫襯兩三次，每次都點同一款，因為我走肉的，選擇很少。係最近幾個月間，食物質素下降了。曾經3次向店員表示，煎蛋上面有鑊撈，第一次那位叫阿春的店員說厨房厨師請假，當日是替工。一星期後再來食，兩隻蛋，吃第一隻索索聲，以為有蛋殼啦，忍住食埋佢。第二隻見到成隻蛋都係黑色一點點，同店員講，她們只是叫我換過一隻。我婉拒了，都唔等住食佢隻蛋，又怕佢加料。今朝，第三次鑊撈煎蛋，真係火都嚟。決定以後唔再嚟。畀左意見你，唔當一回事。咁算囉。再見