提早幾日book咗枱，waitress都打咗2次電話來confirm，是日去到餐廳，都唔算多人，似乎得2-3枱，燈光昏暗，可能想營造浪漫氣氛，不過就過於冷清，maybe系因為長假之後的星期一的緣故吧~

之前在網頁上都見到當季dinner set，於是乎同朋友都達成共識要試一試8-course set！

Waitor亦都幾pro咁介紹D嘢食，我地開咗枝sparkling，然後便有幾款廚師特製麵包上來，麥香暖濃~waitress都好心提醒我地唔好食太多飽，因為個set真係好豐富！餐前小食，一個似蛋撻的甜品，裡面有些許海鮮，佐以青瓜，一口落肚，是為開胃~餐前小食之二，兩粒包裹黑豚肉的炸丸子，佐以沙律醬，是俏皮的感覺~course 1來咯~~~是沙律~名曰Sea Urchin and Russian Oscietra Caviar ~~裡面包含咗King crab,celeriac emulsion, tomato, avocado, lobster oil~~~ 我太鍾意蟹腳的鮮味，番茄的清新，還有幾款小物交織在一起的爽朗~ course 2 造型別緻的冷盤，Lobster and Mango Terrine ，材料包括Bresaola, lobster and smoked salmon mousse,cantaloupe, green pea, vanilla oil ~~ 已經看不出食物的原來面貌，想必廚師應該享受這創作過程course 3！signature dish! 大名鼎鼎的52°C Salmon！材料自然是有Confit salmon, cucumber, granny smith, smoked caviar……侍應會幫手徐徐將上面的透明蓋打開，氤氳的煙霧撲鼻而來，完全籠罩在“煙熏火燎”中，落叉一試，又一整口煙熏的味道，不過鬆軟到牙齒完全使不上勁的三文魚真的令人驚呼！滿滿當當的魚子醬，令人幸福！course 4 ~ Pan Fried Foie Gras ~ 內有“a la dragee”, fruit marmalade, caramel grapefruit sauce 我最愛食鵝肝醬，不過朋友就覺得太過肥膩，鵝肝上頭鋪蓋了一層杏仁糖，是廚師獨具匠心，不過可能甜+油，都不是太過討好一些口味清淡的朋友lu~course 5 ~ Mushroom Consommé 清燉湯品匯聚了好多珍貴的食材比如黑松露Black truffle,scallop,cepes, baby spinach, truffle oil ~ 朋友就非常欣賞，我個人覺得原生的黑松露有點苦，但是中間的帶子就實在美妙，微煎之後的香嫩，讓我在黑松露的苦味之間找到了甘甜！course 6~ Red Kinmedai 海鮮主食，材料有Lobster and bottarga emulsion, braised celeriac,
orange, star anise powder，金目鯛的魚背被炸成了厚厚的外殼~ 西式烹飪的另一個樂趣，或許就是擺盤的藝術吧，至此，我已經開始覺得有點飽脹，之前的麵包真不該食多course 7~ 又是我最推崇的和牛，不過是澳洲和牛M8 Wagyu，食材包括Onion confit with balsamic vinegar, trumpet mushroom dust, gratin“Dauphinois”montpellier butter, truffle beef jus……還好分量不是很多，太貼心~不過質量就是一點都沒有打折，生熟程度median，嫩紅之中的肉汁呼之欲出，切下一塊放進嘴裡，完全不失和牛的柔軟，脂香四溢，今餐無悔~course 8 ~ Pink Lady“Mille Feuille”，甜品，材料是Chocolate sponge cake, vanilla chantilly, pistachio , apple sorbet，蘋果蓉有一些酸酸的，還好有甜滋滋的雪糕搭配~甜品的第二個選擇是 5 Kinds of Seasonal Cheese Platter by “Xavia“
對我們傳統東方人來說真是一個欣賞不來的芝士味道！ 或許也從另一個層面證明了大廚是個非常地道的西方廚人吧！一個持續了3個幾鐘頭的晚餐，在這樣古老的大宅里，昏暗的燈光和吱嘎作響的木地板，令人恍惚，廚師的造詣無需贅言，食材的挑選和再創造，色澤和造型的創作，都凸顯心思，如果燈光能再明亮些，周圍能再有多點觥籌交錯的人氣，或許真回到100年前的夜場生活~  而源於食材中的不少奇特滋味，是平時在粵式酒樓或者已經遷就本港人口味的西餐廳里難以尋覓的蹤跡，不禁令人聯想到萬里之外的法蘭西，是何種搖曳生姿的活色生香~

年末最後一日返工，收工之後同D同事一齊出尖沙咀聚餐！鍾意可以用TableMap book檯，簡單快捷！揀咗呢一間好似圖片睇來都幾靚。

7點準時來到，好有藝術氣氛的一間餐廳，空間幾大，檯凳，墻紙，油畫，傢俬，都仿佛置身於歐洲。燈光都幾浪漫feel，適合二人世界，亦都有充足空間搞十幾人聚會。

入座之後開始睇餐牌，有套餐，都有a la carte，價錢十分合理~由於有同事未到，所以叫咗碟薯條，都有質素，香脆熱，加埋sauce，好快俾大家消滅！ 軟軟麥包加埋欖油，醋，都好食開胃！

沙律就叫咗煙三文魚凱撒沙律，好大份量，6個人夠食！煙三文魚好味，菜蔬都夠新鮮！第一個main course系西班牙黑毛豬，七成熟，比起十成熟就軟身D，平時食多咗牛扒，偶爾轉一轉豬扒都別有一番滋味~第二個main course系烤鱸魚，份量唔算多，所以食唔到特別之處，可能海鮮呢一類嘢，都系用中國人烹飪手法整會好D~第三個main course系忌廉芝士意大利飯，雖然無乜特別食材，不過卻有陣清香，夾在圓溜溜的米飯之中撲鼻而來，不過就份量偏少~第四個main course系燴牛肉闊條面，個醬汁實在一流，麵身都Q彈，最快俾人分哂，未來得及品嚐牛肉的味道，全部焦點都系個麵度~餐後甜點~ 焦糖燉蛋就不過不失，裝飾就幾叫人驚喜~！心太軟一直系我心頭好，熱乎乎的朱古力漿溝埋凍冰冰雪糕球，好過癮，而且可以balance兩種甜味，反而唔覺得膩味~蘋果金寶都好特別，尤其是淋D花奶，好似真系好味D~

最後買單，人均200蚊，實在物美價廉，一定會再約d朋友仔來~~~~

多年前還在中大返學，與同學仔一起來盛記飲飲食食，無拘無束的青春回憶總是特別溫馨，如今再約舊同學，一定來盛記“重溫舊夢”。TableMap好方便，無需多言便成功預訂，星期六下午四點果陣有人電話confirm~得返兩條友，唔可以食多，所以叫咗胡椒豬軟骨湯底，手切肥牛，午餐肉，肥鵝腸，炸響鈴，皇帝菜，芝士墨魚。
湯底就好清淡，豬軟骨竟然嫩滑到好脆軟~

生意太好，無牛展，唯有手切肥牛，卻依舊新鮮濃郁不油膩，就算食到好飽都可以再來多幾片~

炸響鈴，除咗響鈴本身油炸香味，還吸盡湯汁精華，放入鍋中五六秒鐘撈起更是有種特別的夾心脆片口感！

午餐肉就好厚切，份量夠大，點都食唔完~

肥鵝腸，第一次嘗試肥鵝腸，膽戰心驚，驚煮耐咗捲曲成一團，完全食唔到味，煮得無夠熟又會太肥膩，試過之後先知喺多慮，因為有白花花肥油頂住，所以鵝腸唔會曲成一球，大可以放心煮，驚油膩就點火鍋豉油，蒜蓉蔥末辣椒，一中和便是人間美味！

芝士墨魚丸唔得多拼，所以有D食到厭，芝士好香，不過就比起普通芝士蟹子丸遜色少少，而且攝入太多蛋白質好似有D窒住添：P

最後落皇帝菜，撈起時候已經沾滿之前湯底里的油香精華，竟然連蔬菜都可以食得咁豐盛奢侈~2個人叫6碟菜，竟然已經食到爆肚，不過店內空間寬闊，冷氣舒適，侍應經常過來加湯，親切和善，多年之後，仍然是非常溫馨的感受室內獨具一格的裝飾在香港已經不多見。大家一定要得閒過來回味下舊時光~套餐都幾抵食！

和同事漫步上環PMQ，在煙雨濛濛的黃昏中，見到這樣一座古樸的小店，相信他能帶給我們溫馨安逸的夜晚。
室內幽暗，沒有太多客人，沒有喧嘩，我們要求入雅座，好似一個古樸的小雅間，只是冷氣在這樣一個下雨天，顯得有D勁。

贈送的開胃前菜，是番茄加上柚子醋，少酸少甜，豈能不開胃~八爪魚沙律，之前以為會喺漬物生八爪魚，所以略有失望，不過味道都無算差~記憶中最好吃的日本炸豆腐，浸入溫潤的湯汁中，脆卜卜的外皮裏面是幼嫩的豆腐，溫度夠暖，愛不釋手~海鮮湯，茶碗蒸，湯汁著實濃郁，不過茶碗就小D，加上室溫太低，好快凍哂，不過就好似一件藝術品~打開壺蓋，竟發現裏面有好豐富的海鮮食材！牛油果卷，一口一個，簡單好味！壽司雜錦，醋飯幾暖實，用的米粒好過普通壽司檔不少，每一件都保持一家優質居酒屋該有的水準~和牛實在是人間極品，嫩滑似豆腐，卻有牛香四溢，醬汁更是濃稠，好像叫碗白飯齋食~！今次得兩位女仔，未有容量再食多D串燒，下次再過來幫襯~！

朋友週末抵港，點名要嘗試城內頗負盛名的壽司，我亦借此機會享受下這世間最精緻的料理。
星期三致電餐廳留位星期六午餐，原來不夠人數未必能夠開張，不過侍應就好快手回覆我張reservation confirmation form，要我填低張credit card info俾住2000蚊“留位費”，不過星期五夜晚打電話來話會特別安排一次午餐，雖然得三個人，well...

星期六愉快來到位於灣仔內街的店門口，竟然一時間見不到入口。原來有一扇隱秘的門封住，行人完全見不到餐廳內部。侍應正好引領我們進入餐室，忽然就好像置身一個VIP會客室一番，氣氛寧靜嚴肅，讓人不敢作聲，只得畢恭畢敬上座，等待壽司師傅主持這料理儀式。

第一道開胃菜，安康魚肝，佐以辣蘿蔔，碎蔥花，柚子醋，我小心翼翼用筷子尖挑起一小塊放進嘴裡，綿密香濃的魚肝伴隨著酸甜的味道一點點在舌尖上綻開，我知道今天的午膳一定是個驚喜連連的旅程~第二道，墨魚，師傅在我們品嚐開胃菜的時候已經開始準備下一環節的食材，見他慢慢將一片墨魚切成細肉蓉，然後和醋飯揉捏在了一起，放上一點點薑末，呈放在我們面前。在這樣專業的食肆，我“入鄉隨俗”地用手拿起這件藝術品，無需點壽司豉油或者wasabi，就這樣放進嘴裡，沒想到卻是前所未有的感覺，墨魚的冷滑鮮嫩，醋飯的溫熱，融合在一起竟然產生奇妙的化學反應，唯覺得之前的壽司體驗都太過粗糙，未能有此等細膩情懷~第三道，甜蝦，師傅將甜蝦去頭去尾，三個蝦身好似扭扭紋趴在醋飯之上，我起手又是一口，和上一道墨魚壽司一樣，一如既往地鮮甜，我忍不住在這樣靜謐的氣氛中跟朋友抒發我心中無限的滿足感，好感謝他帶我來嘗試這樣零距離的料理藝術~第四道，火炙xx魚，觀賞壽司師傅嫺熟的手藝，輕柔優雅地在案檯上飛舞，絕對是日本料理文化中重要的一環，師傅細心地將魚背切成花，稍微加熱，樣子好似一尾遊動的錦鯉，在盤中栩栩如生~第五道，秋刀魚，壽司的口味逐漸轉濃，盤邊有些許薑片，腌蘿蔔可以用來去除上一款料理的味覺，秋刀魚搭配少量薑末，肥而不膩，至此，已經享受了5輪的驚喜，水準平穩，歡欣指數高居不下~朋友叫的是另一種刺身套餐，她享受到的作品，亦是美輪美奐第六道，不知道是什麽魚呢，因為是上個星期的回憶，門外漢的我，真是記不住，唯獨記得沒有一件有遺憾~第七道，金槍魚腩，驚豔的肥美，在嘴裡開出一朵繁花似錦，我的心理早已尖叫成了一團，我終於可以理解，為何日本女士表達驚訝的神情總是如此誇張第八道，又是忘記什麽魚，sorry~~~也許是太專注于欣賞師傅製作壽司，也許是掛住與侍應傾談，侍應會介紹每道菜的材料，做法，特點，態度專業~~第九道，昆布浸海膽，師傅特製的料理，將海膽置於昆布湯中浸漬，取食時才從碗中盛出擺放在心形的容器中，這樣大口大口奢侈地咀嚼香濃滑口的海膽，讓朋友們都大呼過癮，尤其是加入了昆布的清香，中和之後的口感更是爽口利嘴~第十道，某種深海魚，也是罕有的美味~第十一道，三文魚籽，一盞銅杯中放少許醋飯，再慢慢地撲上一層三文魚籽，再一次將今日的奢華味覺推上高潮，一粒粒魚籽在口中爆漿，竟然沒有半點腥味，食材的鮮度，終究是料理最核心的精神~~好可惜openrice圖片數量有限制，不能夠將餘下的壽司卷物，味噌湯，甜品還有師傅更多專業的表演圖片傳送上來~~~覺得比在日本吃到的高檔料理更加專業呢~~~ 兩個月後的聖誕，都考慮帶一家人來個特別的聚會呢~~~

朋友自外國返來，好掛住亞洲美食，尤其是豐富菜式及風味的泰國菜。一直以來對黃珍珍印象不錯，今次都打算再來幫襯，中午打電話book咗檯，二人晚餐。個位置都近之前佐敦分店，不過裝修就新凈好多，又寬闊，又高級左D。七點幾到，大概2成客人，好多張大檯，不過近8點之後好快full。。。

打開menu，樣樣嘢都想叫添，不過得兩個胃，都喺要取捨~
主食好早來到，喺泰式炒粉，超大份量。金邊粉一向喺我的最愛，條粉細細幼幼，一D都唔油膩，味道好濃，卻唔會好咸，反而有小小甜香，我好快食咗兩碗！泰式生蝦刺身又喺我去襯泰國餐廳必食。今次又來，果然夠酸夠辣夠爽！一入口就喺驚人酸辣汁衝擊味蕾，未幾就咀嚼到超新鮮滑嫩嘅蝦身，好似食緊日本壽司。廚師貼心俾咗D涼瓜片可以平復下味覺，不過我又喺連續食咗三件，這種刺激完全不能自拔！喺新加坡期間最鐘意食沙爹，今次終於俾我搵到可以相匹敵嘅好嘢。朋友一試邊大呼贊到唔朋友。我試咗豬肉先，醬汁一流，豬肉都肥瘦相間，口感豐富，少少肥油香味溢出，完全無燒烤果種乾身感，好似食緊豬頸肉~ 雞肉都好食，牛肉我最後食，不知是因為冷氣太勁吹乾or本身就喺咁，覺得稍遜色。（插曲是過程之中冷氣愈來愈大，對住個頭頂吹，影響食物溫度，是果餐最打折扣嘅地方。。。。）主角來到！來之前睇食評都話必點！果然超大一盆咖喱蟹！好肥好肥嘅蟹肉~完全可以單嗌一個餸食到飽！最贊喺咖喱汁，完全唔辣，裡面有大量洋蔥，蔥段，豈能不甜香，用D綿密嘅醬汁撈白飯都可以食到
乾乾淨淨！不過實在太多，2個人完全應付唔到，最後都凈返好多，sigh。。。。4個人食會啱D最後喺甜品環節，一心掛住泰國大芒果，所以叫咗芒果黑糯米。可惜之前食太飽，handle唔到咁大份黑白糯米。朋友就話唔喺太鐘意個糯米喺熱，同埋無的俾人選擇凍點熱，可能之前食慣凍甜品，所以有D愕然。不過芒果就好甜，滿意！最後買單有8折優惠，兩個人都700唔到，一定會再來幫襯！

鍾意IFC搵位食飯，因為好大機會walkin 都得，不過得返壽司bar，好彩bar檯都幾闊。

燒牛脷，一般，下次都喺叫鐵板燒或者鹽燒會好D，不過材料是真新鮮。四點刺身，要360真喺算貴，如果擺盤可以再靚D或者我心裡會覺得balance D。Anyway，材料喺真贊，新鮮，豐厚，應該是日本直送，毫無長時間雪凍痕跡，值得一試，下次都會再叫呢樣。鐵板燒蠔，唔錯，不過驚喜不足，擺盤幾靚，我鐘意日本嘢嘅好大原因喺因為日本師傅真喺好重視事物賣相。鐵板燒牛肉厚切，有驚喜！最推薦！樣就靚，無嘢講，200g牛肉，7分熟，足分量，嫩滑，keep住牛味，好香好香，加上我最鐘意炸蒜瓣，今日有它已滿足！配菜都好靚，原本想食埋個麵包，點知侍者好快手收起。。。炸牛油忌廉餅點酸梅醬，好暖好creamy好充實，下次會再叫！天婦羅手打烏冬，好味道，烏冬勁道，湯汁鮮甜，天婦羅薄薄一層金黃表皮恰到好處，無奈店內冷氣太足，碗麵好快凍哂。

友人光臨香港，帶她去soho尋覓安靜小酒吧傾解，沿著半山電梯直上至轉彎處，見ayuthai裝飾simple but decent，便行落樓梯walk in，無book檯，就是我的風格，幸運的是每次都有彩，在臨近門邊的高圓檯坐下，sofa好軟好舒服，空間也剛好適合，侍者好sweet，問我是否覺得凍，并關門。Happy hour同menu價錢都幾合理，由於啱食完下午茶，所以唔算好肚餓，叫左一個starter，米通+自選2-3款自製醬，D sauce真喺好好味，形容不出的豐富口感，甜，咸，香，辣，又唔會太重口味，配搭米通真喺唔錯嘅選擇，由於好多sauce options，我交由店家俾意見。軟殼蟹，我的必點項目，不過不失，因為裡面有一味香料過甜，疑似牛油果，不是我鐘意嘅氣味，不過友人就最鐘意牛油果。出面有少機會見到椰菜苗，我又特別鐘意泰式炒蔬菜嘅風味，所以這碟幼嫩的椰菜苗被我一掃而光，味道不太咸，但好香。餐具我都特別鐘意，是高臺式的青花瓷pattern，好靚~~~ 泰式炒金邊粉又喺我的最愛，必點項目，不過呢間鋪整體都不會太咸，辣，等重口，反而多咗D甜味，不知道算不算泰式菜的其中一種流派呢，因為我曾經在其他餐廳試過好重口好辣嘅泰國嘢，大概喜好都是因人而異吧。

是日與友人行完西灣，浪茄，萬宜水庫，六個鐘無間歇，腳軟到癱，一定入西貢好好補償自己！不喜嘈雜的路邊環境，於是行入避風塘內里，一座古色古香的小樓躍然眼前，夥計都幾樸實真誠，裝修也嶄新乾淨無油煙，於是便行上二樓二人枱，好幸運無book枱都有嘢食！
~~~~~
餐牌有幾個套餐可以選擇，598都可以有個好豐富的二人晚餐，不過我向來鍾意自選菜色，不過又未有能夠分辨海鮮的能力，於是乎沒有自己落樓下親自挑選海鮮，便交由師傅處理。
~~~~~
首先要了一碗海皇湯，無添加任何味素之天然口味，純粹的湯色，暖暖鮮鮮的口感，令人放鬆滿足！BTW，店家特意準備的西式餐具用來食海鮮也很貼心~如果不習慣中餐的大快朵頤吃相，可以優雅地使用刀叉享受海鮮都幾有趣味，可以邀請西洋友人同來。美極豉油煎蝦~ 蝦是我的最愛，無論系屋企自己煮飯，或者去食日本料理，都一定不忘記叫蝦。蝦料理的方法有多種，美極豉油的香味最是令人難以抗拒，新鮮的蔥花，配上煎得金黃的大蝦，真是不捨得落下每一滴醬汁，怎麼能夠如此咸香~ 不過下次會試下叫中蝦，試多幾隻，就算送白飯都系人間食之幸事！傳統中式酒樓竟然有如此精緻之活魚刺身，真是大有驚喜！擺盤之亮眼，味道之新鮮，冰冰涼入口，是個絕佳的starter~心情瞬間加分三成！蒜蓉蒸帶子是我的最愛，不過勝記用的酒糟，好特別，但有點偏乾和不入味，似乎每一枱都有叫這款經典菜色，不過我就更偏向自己的心頭好做法——用豐富的蒜蓉入味和保留充足的湯汁。椒鹽鮑魚，米芝蓮的得獎菜色，名不虛傳，鮑魚Q嫩而不癡牙，證明足夠新鮮，淡淡椒鹽配上炸香的蒜粒，毫不掩蓋海鮮本身的美味又多了幾重味蕾的感受，下次要叫多幾隻才夠滿足呢！最後送上骨湯娃娃菜平衡下膳食，落單前期望不高，只是想要一餐飯食D素，沒想到竟然成為意外的點睛之筆，大大的沙窩捧上來的時候，真是令人兩眼放光，揭開蓋，濃郁的白湯冒著煙，真是無法形容這種滋潤的感覺，娃娃菜本身的清甜，加上番茄的鮮酸，還有一些粟米粒夾雜其中，相映成趣，互相出味，骨湯想必是經過長時間的熬煮，味道濃烈，作為最後的ending，我和友人竟然飲到見底，不留一粒粟米！店家最後送上甜品，都是特別的款式，一個傳統的桂花味，一個是蜂蜜柚子味，一個疑似益力多！雖然我不是很喜歡啫喱口感的甜品，不過還是多謝店家熱情的服務~從帶客上樓，入座，開茶，落單，上菜，分菜，換碟，收碟，服務都幾周到，令人滿意，環境乾淨，裝修企理，無油煙，真的令人舒坦。真的很喜歡西貢，週末時分約友人，情人，家人來次共度一個悠閒的夜晚，真的是人生最平凡的幸福~

超級大海景，好開闊，和在倫敦The Shard分店有異曲同工之妙！如果要請朋友吃飯或者慶祝浪漫的節日，Aqua真是個很好的選擇室內燈光昏暗，讓人不敢大聲講話，所以周圍的氣氛好好，冇book到窗邊位置，下次一定要更早訂臺！又或者9點后再上來，都有機會有窗邊位置，不過彼時維港燈光也不如華燈初上時候靚麗。AquaTokyo餐牌上的推薦菜色：炭燒拼盤。有雞肉，牛肉，帶子，鱈魚，羊扒，豬肉？？i'm not sure/ 品種豐富，可以滿足貪心的食慾，但個人覺得想食日料還是要去傳統日式風格居酒屋會比較正宗咯。不過帶子和羊扒是當中比較出色的，下次或許可以單點。整體燒烤少了東方人講的鑊氣，也沒有keep住原材料新鮮的質感，醬汁的搭配不是很適合，吃不出日式串燒的韻味，反而像happy hour時的下酒小食。Risotto一向是我的心頭好，這個濃郁海鮮味的意大利蕃茄飯讓我很滿足，很飽和，海鮮也很足料，有蝦有蟹鉗蕃茄醬汁也很入味，也是AquaRoma的推薦菜色。上來的時候還是溫暖的，米飯粒粒分明又不硬牙，分量很充足，我們兩位女生是吃不完的~下次和多D人一起去會再叫！煎鵝肝醬，友人話下面的麵包好食，鵝肝醬好軟綿，食落口成個融咗，連味道是什麽都未嚐出來，因此我會比較prefer原隻鵝肝較為柔韌的texture，並且能hold住鵝肝的味道。喜愛鵝肝的朋友需要分清餐牌上的foie gras與goose liver的區別，免得有小小失落~番茄湯超一流，夠酸！侍應將一份番茄湯分成兩份，幾貼心，附送蒜蓉麵包好贊好有味好松脆！如果不是我們人少，一定單叫一籃，一邊食一邊吹水睇夜景。