上次嚟食完蝦蝦燒一直都想再返嚟再食但一直冇時間，早排終於的起心肝同朋友一齊去食餐勁😍 我哋咁岩又坐正喺流水蝦旁邊，方便我哋一路燒一路夾蝦😂水入面嘅蝦隻隻都好生猛，保證新鮮～肉質仲好彈牙，啖啖肉👍🏻另外仲有四款調味可以俾你落！除咗蝦之外，仲有肉類、蔬菜類同埋海鮮都可以任食！而且款式仲好多添😍我哋燒咗一轉肉，再燒咗一轉海鮮，同埋燒咗幾轉蝦已經覺得好飽😂2.5小時絕對可以慢慢食😌最後仲燒咗個窩夫做甜品，好滿足🥰

早排約左朋友晏晝去左極尚大喜屋食放題，價錢抵又多野食，仲有3個鐘頭慢慢食😋 凍飲櫃除左有啤酒汽水，仲多左d冷泡茶可以幫助消化👍🏻而且格離仲有個暖飲櫃，非常貼心~ 落單無耐大大盤既刺身就到了！d刺身都切到好厚，一d都唔孤寒😂d赤蝦連埋頭上，好新鮮蝦頭仲好多膏！ 食左生冷野就到熟食喇～芝麻雞翼外皮香脆，上到枱仲熱辣辣😋一口牛柳粒好淋唔會韌👍🏻炸天婦羅新鮮炸起，細細舊咁食多幾舊都唔會咁易飽👍🏻花膠燉鮮奶有驚喜，燉完出黎好滑😋蟹粥煲得好綿，不過份量就有d多，食唔哂🙈最後仲食左燒菠蘿，好甜唔酸😋

最近朋友介紹咗我一間銅鑼灣新開性價比高嘅串燒店～早幾日就去咗試吓，點知真係唔錯喎👍🏻😃最特別嘅係佢會俾個爐你熱住d串燒，慢慢食都唔會怕凍哂，好貼心！ 錫紙粉絲花甲 花甲份量都幾多，啲肉都好大粒～啲湯辣辣地都幾惹味，粉絲索晒啲湯超正😋 燒蒜心 本身都好擔心燒蔬菜類會好油，點知又唔係好油咋喎👍🏻仲要唔會燒到乾晒🤩 招牌牛肚串/直男肥腸/雞軟骨/猛男豬頸肉/孜然雞肉串 牛肚同埋肥腸都燒到脆卜卜😍雞軟骨就好爽口惹味😋豬頸肉都幾厚身又唔會太肥膩👍🏻雞肉串都燒得唔錯，好juicy👍🏻 粒粒粟米串 見到Menu都估唔到原來佢係將一粒粒嘅粟米串起😂煙煙韌韌又幾特別喎😆 新疆羊肉串 啲肉唔會燒到好乾而且又冇乜臊味，有驚喜👍🏻 虎皮青椒 燒青椒都唔會燒到好乾身，好食😋 之前朋友介紹佢有個$1嘅冰粉都唔錯，不過可惜呢日去嘅時候已經賣晒….希望下次再去嗰陣可以食到啦～

有番晚市堂食之後都未食過放題，今次就約左朋友黎到銅鑼灣既極尚大喜屋，$200幾蚊可以食到2個半鐘都算抵👍🏻 坐低落轉單就出去自助區拎轉野食😜前菜、沙律、炸物都好多款揀～飲品就有大大個雪櫃，汽水啤酒茶果汁都有👍🏻 夾完番到位無耐大大盤刺身就送到黎喇😍刺身睇落好新鮮，大大塊食到好滿足😌仲有手卷同壽司～細細舊咁食多兩舊都唔會咁快飽😆鮑魚軍艦超特別😂 食完刺身壽司就開始食熟食喇🤩炸芝士年糕即叫即炸，熱辣辣！入面仲好多芝士，正😋焗蠔雖然唔係連殼焗，但係粒蠔都幾大粒，好肥美👍🏻最後仲食埋燒菠蘿，好甜好多汁😋食完真係好滿足🥰

閉關一排，終於可以去晚市堂食💕每次想食日式居酒屋，都諗起南瀛水產，裝橫充滿日式風味，環境寬敞，坐得非常舒適，同朋友邊食邊傾，特別享受🥰 蚧味噌甲羅燒 $78 每次必食！食幾多次都唔會厭🤤軟滑蟹膏混合卜卜飛魚籽，一定要趁熱食！ 活貝盛合 $428 專人即席燒嘅扇貝同鮑魚都好厚肉彈牙💕蜆同蠔都肥美新鮮，好味！ 什錦天婦羅盛合 $198 一向喺香港食天婦羅都不敢抱期望，呢度要另眼相看！咬咗一啖，非常驚喜！外層炸粉極鬆脆😍即使凍咗食，都仲係脆！呢個質素，咁嘅價錢，好抵食！ 花魚一夜干 $188 第一次食😋非常厚肉又嫩滑，沾上最愛嘅日式酸汁，停不了口😚 青蘋果乳酸 $68 酸酸甜甜加上雪咗做冰嘅青蘋果粒，悶熱天氣飲返杯，特別清新

天氣陰陰凍凍，又想打邊爐🍲 懶懶地又想食好味湯底，牛大人新出嘅火鍋湯包，夠晒方便，可以安坐家中慢慢嘆牛❗️大❗️人❗️☺️☺️ 🐮紅燒牛骨鍋 採用優質牛肉作原材料，配合台灣風味醬料及多種嚴選香料，以慢燉烹調能釋放牛骨中的營養物質，使牛大人紅燒牛骨鍋熱量低又含豐富蛋白質 食用方法：加入3000ML雞湯 / 開水，撕開包裝袋口，倒入鍋中，待煮沸後即可加入各種食材享用。另可加入紅棗、杞子、桂圓乾、薑、蔥、蒜，增添風味 今次同小朋友食揀咗唔辣嘅牛骨鍋😋味道濃郁，唔駛沾豉油都夠晒味，配埋喜愛嘅食材，喺屋企舒舒服服，真係大滿足🥰買多幾包喺屋企，隨時都嘆得😎

煮得太多食下外賣都開心🥳 台式便當價錢親民☺️幾十蚊一個餐有野食有野飲👍🏻 #萬華網烤牛肉便當 薄烤牛肉，微微黑椒香，仲有多款配菜：粟米、蓮藕、小棠菜、煎蛋餅、醃蘿蔔等等，顏色同味道都非常豐富 #士林鹽酥大雞腿 #手工湯麵 麵條同湯分開上，麵條彈牙☺️雞腿另外紙袋裝，外脆內軟👍🏻 飲品2款都好鍾意❤️ #日本焙茶 茶味濃，入口滑 #芙香蘋果茶 清新蘋果香，微甜 套餐仲可以加$12追加小食‼️ #九層塔雞翼 皮脆肉嫩 #梅香脆地瓜 梅香粉+甜甜地瓜，正😋

同好朋友食好東西❤️店員好親切又細心咁講解流程～紙巾、調味料都放喺枱下側邊，枱面可以留返多啲位擺食物👏🏻首先上刺身同燒肉拼盤，可以試咗喜歡邊樣再order，好貼心💕有高貴嘅金箔黑魚子拖羅蓉，刺身新鮮仲有乾冰煙襯托，燒肉拼盤又有紙仔寫晒每款肉名，感覺好高質☺️ 燒肉有幾款澳洲和牛～比日本和牛少啲油脂，肉質有咬口，牛味濃～胸腹肉比西冷同肉眼淋啲，同樣好食😋仲有米澤三元豚西冷同腩片，西冷一啲都唔鞋，腩片燒到又香又脆😋 另外仲有串燒、炸物、天婦羅都有好多款 雪糕有Dreyer’s, Movenpick等等，芒果益力多沙冰都推介😋酒水亦係任飲🥰忍唔住一路燒肉一路食一路飲😚😚 一路傾計，一路燒，慢慢食，2.5小時啱啱好❤️

終於抽到時間食期待已久嘅蝦蝦燒🥳我地食星期六15:00呢個時間仲有8折❤️like 蝦蝦燒社交平台 post仲可以任飲啤酒添🍻佐敦呢間店個場超大，入到去忍唔住「嘩」咗一聲🤣

店員安排我地坐流水蝦隔離嘅枱～已經細心咁預先幫我地燒住啲蝦先，仲剪晒鬚～
另外仲有一兜焗蝦～姐姐話：枱面有2個桶，1個用嚟裝殻，1個用嚟加冰同水，夾起流水蝦要先浸落冰水浸暈佢先😯 燒烤爐雖然細但有2層，上下都用得，聽完講解就可以開始拎野食喇～

每位客人送一串鱔球🥰非常厚肉嘅鱔加上秘製醃料，燒到微焦，皮脆肉嫩，非常好食🤤可惜每人只限送一串😮‍💨
食物款式非常多，海鮮有魚、蠔、貴妃蚌、蜆、沙白、魷魚（仲可以揀身/鬚）、帶子、扇貝等等，樣樣新鮮encore得最多係貴妃蚌同沙白，一啲沙都冇，肉厚又多汁😋
魚都食咗4條🤣🤣🤣🤣其他仲有勁多款肉類、蔬菜🥬、少量熱食、雪糕
3百幾蚊任飲任食，環境寬敞坐得舒適，通風系統又好，燒完個身都冇乜味，抵😙😙

同朋友行完街唔知食咩好，記得創興有間放題之前成日排長龍，一於去試下～原來係大喜屋系列～$228/位，晚市嚟講價錢都幾抵～ 首先scan QR code落單點啲刺身、壽司、串燒、炸物咁，等嘅時候出去自助區夾一轉食住先😆 熱食有咖喱魚蛋、波波腸、木瓜雪耳等等 凍盤有青口、蝦、蜆 甜品細細杯放晒喺雪櫃，好鍾意佢嘅份量～1、2啖食晒～可以試多幾款～ 飲品款式勁多，有酒有茶有汽水任揀～最令我意外嘅竟然係有得夾糖🍬🍬🍬🤩🤩 刺身新鮮，壽司🍣一啖一件唔怕食飯食飽咗，最愛炙燒牛、三文魚腩、迷你海膽手卷 燒物：蒲燒鰻魚暖笠笠，肉質又厚又軟可以encore☺️燒牛脷、羊鞍、雞軟骨😋必食！仲有比目魚西京燒、榴連波波、芝麻雞翼、蒜蓉粉絲扇貝都冇得輸❤️ 雪糕除咗自助區任拎外，每人限點一杯Haagendaz / Movenpick ，H記嘅季節限定係海鹽焦糖咖啡，入面仲有啲朱古力碎，即刻心心眼😍