聖誕節朋友聚會，大家都建議食西餐，又想就腳，所以一致通過去旺角區✌️
電梯們一打開,紅色搶眼,一定係球迷聚腳地方, 餐廳好細心,門口有獨立包裝口罩,搓手液供應.

另外留意到牆上貼上兩個不同既2人聖誕餐牌,分別係海鮮餐$788(+10%) for 2 及肉食餐$688(10%) for 2.

入坐後,我地決地叫set +小食,因為叫set後可有5折點餐牌內小食,另外仲可以65折點餐牌內手工甜品. 

餐牌上好多set都好吸引,我地最後俾香烤美國熟成牛舌配青胡椒蘑菇汁及香燒美國1855 beef rib eye 拼鵝肝吸引左, 然後....再忍唔住叫埋個鹹蛋黃小食拼盤

Dinner set 會跟湯,沙律，garlic bread, 飲品 ( coffee or tea)
餐湯係南瓜湯,飲得出係自己打,仲有少少南瓜蓉

Garlic bread 好軟熟

鹹蛋黃小食拼盤出場,大大盤,好滿足, 有雞翼2隻,薯角,洋蔥圈,薯絲蝦,德國腸),每樣都沾滿鹹蛋黃, 邪惡但又忍唔住一口接一口,惹味,好味,如果加埋啤酒就無得輸,其實餐廳有手工啤同唔同牌子啤酒,但聽日要番工...所以忍一忍,下次再啤過

兩個主角出場喇,首先係香燒美國1855 beef rib eye 拼鵝肝($248), 牛肉眼扒外層煎至焦香, 厚身,點了7成熟,切開,對辦,試一口,肉質軟熟,牛肉及外層焦香混成一體,唔錯. 鵝肝份量唔算多,一口份量,但好厚身,如果將外層再煎脆少少更加加分

香烤美國熟成牛舌配青胡椒蘑菇汁($208),上枱有驚喜,係厚切牛舌,如果你係牛舌迷就唔好錯過,牛舌灑上少少鹽,蕉上青胡椒蘑菇汁, 很配合,醬汁有微辣.

食飽飽,想點甜品,但真係飽到食唔落

今晚幾個朋友食得開心,吹得開心,下次happy friday飲埋啤酒就更開心

在土瓜灣小巷發現左間西餐廳Forkers,門口放著小花，店內用灰色裝飾做主調，牆上放滿不同酒類。 首先上枱既前菜係24個月西班牙黑毛豬前腿（24月熟成），餐廳將黑毛豬片弄至微暖，上枱已聞到很香的咸香，非常精明的做法，很好👍🏿 另一個前菜係芝士白汁配上煎帶子，廚師用炒至焦香既洋蔥絲墊底，如果你略懂烹調，一定知道呢個配角唔簡單，因為要廢時去不停炒煮洋蔥絲，釋出糖分，令你吃到焦糖香 老公點了另一個前菜，香蒜西班牙黑毛豬臘肉腸炒鮮蝦，廚師巧妙地用左Parma ham的油去把蝦煎香，提升了整個菜式的層次及香氣 餐湯係鮮打蘑菇湯，濃濃蘑菇香 在Main course 前，送上沙律菜（配橄欖油及醋汁）及黑松露炸薯條，此兩樣都可以無限添食。沙律菜新鮮，配上醋汁，酸酸的，清一清味蕾準備食主菜 主菜係燒濕熟成美國牛肩扒配青醬，牛肩扒先用慢煮方法，然後再入焗爐把外層焗香及上色，肉味濃，配上酸酸的青醬，很夾，很清新 另一個主菜係燒濕熟成美國頂級肉眼牛排配紅椒牛油醬，我個人比較喜歡這個，牛味更濃，配上有少少咬口，食材本身很好，配上黑椒及鹽花，簡單好味 食到飽飽，份量絕對夠哂男人，而女士可以放縱一晚，絕對值得 由於餐廳剛開幕不久，甜品還在安排中，所以是晚送上Haagen Daz 既雪糕及餐飲咖啡，如果唔飲咖啡，可以選擇Earl Grey Tea. 在進餐中，我都有同店員Loki傾計，佢地餐廳主要專注在好既食材，而且佢地有很多計劃，想打破一般餐廳餐牌上既框框，係3，4月更可能會有Dry Aged 既牛，好期待。 有heart 又好食既餐廳，係香港見少賣少，呢一間，絕對係值推介

今日去旺角行街街，想食湯粉果類，經過麻辣妹，入去試下先，由於我同朋友都有d喉嚨痛，所以向店員查詢，可唔可以走辣，竟然連口水雞都可以唔辣，俾個Like你🤣 朋友點左豬骨湯底米線配雞翼、豬皮、魚腐、牛丸、蘿蔔加唐生菜，湯底濃香，份量都唔細，唔錯喎。 我就點左熱拌紅薯粉配韭菜餃、雞中翼、芝士丸、金菇、菜心，熱拌會有炸菜、花生等配菜。 涼拌都有唔少選擇，仲可以有不同配搭，我地點左青瓜及蓮藕，夠味，好食。仲有點埋唔辣既口水雞。

既然放唔到假去日本，我就搵間好既日本餐廳止下我既日本引 平時去開嘅西餐廳樓下有間日本餐廳，今日嚟試吓先。 第一時間要試下佢地既刺身，帶子刺身鮮甜，好味！甜蝦、吞拿魚、三文魚都好新鮮，食完刺身，點左客天婦羅炸蟹沙律，天婦羅外層做得薄脆，唔錯 見到隔離枱點左燒蟹蓋，我地都點兩個蟹味噌甲羅燒，蟹蓋內有蟹膏、蟹肉、蟹籽、鵪鶉蛋、味噌，將所有材料混和，再放在爐上燒，香香的，濃濃蟹膏香 然後再點埋「活貝盛盒」，有2隻大鮑魚、2隻大扇貝、2隻大蠔，4隻蜆，有專人燒，全部都新鮮，鮑魚上枱仲郁緊 今晚食得好豐富，就作為我兩既團年飯😆

打開餐牌第一樣吸引我既係「塔羅特飲」，將塔羅牌上出現既化為飲品😍。可惜今日病病地，試唔到，下次一定要試下。 晚餐有10款選擇，我地分別點了芝士焗吞拿魚意粉（$94）及卡邦尼煙肉意大利粉（$98），同朋友仲每人加左$18配龍蝦湯 龍蝦湯先上，味道偏濃，都有濃濃既龍蝦味道，如果可以配一片牛油多士或小發包更好 飲品點了咸柑橘蜜，潤一潤先，呢排流感肆虐，個喉嚨都乾乾地。 芝士焗吞拿魚意粉 本身係配天使面，但個人比較喜歡意粉既質地及粗度，所以要求轉了意粉，份量剛好。 卡邦尼煙肉意大利粉 濃濃的卡邦尼醬汁掛在每一條意粉上，及充滿洋蔥香味。 提一提，最好先訂位，晚上7點半黎到餐廳都9成滿了

步入餐廳，昏黃燈光，用木及吊燈作餐廳的裝飾，好舒服既感覺 先點兩杯無酒精飲品，party rock，顏色好靚，藍藍綠綠，味道偏清。另一杯點了Full of passion , 靚靚橙色，帶有濃濃passion fruit 味道，唔錯。 Caesar salad with parma ham（$78）作starter,份量不少。 我個人係水牛城雞翼（$88）控，點左一客，一客6隻，每隻雞翼都沾滿酸酸辣辣的醬汁，如果有埋blue cheese醬就好喇。 主食就點了7成熟的羊鞍（$288），一碟3件，配上嫩口的露筍、薯蓉及栗米作伴碟，羊鞍肉嫩及多汁，唔錯喎。 老公食量唔細，所以點多個紅花煙三文魚意粉（$138）。

放工同老公拍拖搵食漫遊油麻地，睇完玩具，個肚打哂鼓，老公提議食西餐，盲摸摸周圍搵，見到2樓有間幾特別既西餐廳，就去試下入到餐廳,已經有八成滿。 見到好多人點德國鹹豬手及豬頭骨，我哋兩樣都想食，然後坐下見到有唔同嘅dinner set, 太多選擇😋最後點左西班牙黑毛豬鞍扒（$208）及美國安格斯牛扒（$218） 晚餐有湯、蒜蓉包及一杯$34內的飲品，先上忌廉湯及熱烘烘既蒜蓉包。 美國安格斯牛扒，點了7成熟，配上灑了香草及鹽的薯仔球，熟成度做得不錯。 西班牙黑毛豬鞍扒，夠份量，一層薄薄的脂肪包住豬鞍的邊，連肉吃特別香口，亦配上薯仔球。 餐飲點了香香的熱的紅桑子草莓茶🍓

今日朋友搵到間烤魚，話帶我去試下🤗
原來係烏蠅館，之前一直經過，見到佢哋主打係食冒菜，未有機會試，原來佢地而家有得食烤魚
侍應介紹佢地既烤魚係源用三峽材料及煮法，好期待
因為係香港食過兩、三次烤魚，老實，食左乜野魚及味道真係好一般，係咁加紅油，加辣，一d層次都無
佢地烤魚可加6、8、10款配菜，侍應提示，配菜必須在落單前說好，廚房會在盤內預先放好，因為他們不會中途才加配菜。
我地點了香辣烤魚（微辣）配上8款配菜，配菜點少得豆卜、豆皮呢類吸收精華既好選擇呢。
順帶提一提，冒菜提供時間為開店至晚上八時，晚上六時開始至關店時就只提供火鍋
烤魚上枱，好大盤，份量十足，烤魚係用大大條多寶魚，少骨多肉，魚質好，醬料惹味，有微辣，配上白飯，食唔停口，個人喜歡麻辣，如果可以加上少少麻辣，就更完美
另外飲品點左玫瑰蜂蜜及茉莉蜂蜜，好香花味，蜜糖滋潤
試完佢地既烤魚，絕對相信佢地既冒菜一定唔差，下次要黎試試

放工。放鬆 去旺角行街shopping ,之前朋友提過有間上樓cafe 既二人套餐抵食，而且有特別註場嘉賓 上到去，門口貼心地有部鞋套機，另外，入內會有消毒噴手機。 當晚大概7點多，店內都差不多坐滿人，侍應帶我地兩個到窗邊位置坐下，細閱餐牌後，我地點左個二人套餐，另加28蚊，可以有個小食拼盤（法蘭克福腸、薯角及雞塊）。 餐湯及沙律先上，然後就上小食拼盤，飽了一半，然後就上溫泉蛋卡幫尼意粉及巴馬火腿水牛拉絲芝士薄餅，薄餅底香脆 我們不約而同點了百香果蜜糖梳打，酸酸甜甜，不錯。 本來想點甜品，但朋友已經飽到食唔落，唯有下次再黎過啦

尖沙咀經常有新餐廳，今日經過亞士厘道見到有新開拉麵店，睇完餐牌，見到有雞白湯，好吸引，因為之前係日本食過雞白湯拉面，做得很出色，所以立即去試試佢 我點左柚子雞白湯，先喝一口湯底，先嘗到清新柚子香，繼而是雞湯的鮮，兩者好夾，配上叉燒及雞肉叉燒，叉燒很大片，雞肉叉燒肉質烹調得不錯，配上新鮮甜粟米，又加分了，麵條煙煙銀銀，蠻好吃的。 老公喜歡重口味，所以選擇了辣味噌湯拉麵，辣味剛好，沒有很搶的感覺，湯底味道做得適中，如果喜歡惹味一點的，可選擇這一款。 餃子好吃，因為肉裡有我喜歡的雞軟骨，增加了咬口 這裡還有好幾款特別的梳打飲品，我比較推薦富士山柚子梳打，清清地，唔錯既選擇 餐牌上寫了定期會有新嘅拉麵推出，好期待下一次佢哋比我嘅驚喜到底係咩呢