朋友同我講尖東開咗間大熱內地燒烤店 呢間店係大陸長期都要排隊 今日我哋早去食飯，去到唔使等位，真係好彩 餐牌上面選擇都好吸引 我哋選擇咗一個2-3人set 好多款肉都可以試吓 我哋覺得佢啲牛肉質素唔錯 特色肥牛，同肥瘦牛都好食 連牛瘦肉，肉味都好香，同埋肉一啲都唔鞋 佢仲有個調料配搭秘籍 跟住佢咁樣配搭啲食物係再惹味咗 雪花牛肋條一定唔會失望 食完之後會建議食返個金菇先 烤金菇辣辣地都好惹味 之後到食豬五花配辣醬同生菜好有韓式烤肉味道 佢仲有啲前菜可以任食 佢個芝士粟米都好推介 芝士好多拉絲好長 佢環境幾好，仲可以坐得幾舒服，服務都好好，啲肉可以店員幫手燒埋，通風幾好，食完個人唔會好大陣味 呢間燒肉都好推介，唔使返大陸食，又唔使排隊等咁耐😊

我最近去咗尖沙咀個新泰東南亞餐廳試咗佢哋嘅泰國菜，真係留低咗好深刻嘅印象喇。呢間餐廳喺K11商場隔離，位置好方便。佢哋嘅餐廳位於地庫，面積都幾大，裝修好舒服，整個氛圍都好放鬆愜意。而且門口仲擺咗部泰國特式嘅篤篤車，增加咗啲趣味。 我哋一點鐘到達餐廳，午間時間冇咩人，所以用餐環境都幾寧靜，服務員都好熱情地迎接我哋。我哋點咗一啲菜同埋飲品，其中食物方面嘅亮點包括飛天通菜、串燒、泰式炒河、米紙卷同芒果糯米飯。 首先，飛天通菜絕對係一個唔可以錯過嘅菜式。呢道菜以新鮮嘅通菜為主材，配合入味嘅調味料同香料，口感清爽，好回味。串燒都係我哋最鐘意嘅之一，肉質鮮嫩多汁，烤得啱啱好，再加上香氣撲鼻嘅燒烤醬，味道真係令人垂涎欲滴。 另外，泰式炒河同米紙卷都留低咗好深刻嘅印象。泰式炒河嘅醬汁濃郁，配料好豐富，有獨特嘅泰國風味，而米紙卷就輕飄飄好好食，內裡有新鮮嘅蔬菜同Q彈嘅米粉，再配上特製嘅沾醬，好開胃。 最後，我哋試咗一道芒果糯米飯，呢個甜品以香甜嘅芒果同糯米飯結合，口感綿密，真係一個完美嘅結束。 至於飲品方面，我哋揀咗龍眼冰，呢個係一種好受歡迎嘅泰國飲品，好啱配埋泰國菜嘅辣口味。 總括而言，新泰東南亞餐廳俾咗我哋一個舒適愜意嘅用餐環境，而且菜品都做得好精心，味道出色。佢哋嘅泰國菜選擇好多元化，每道菜都展現咗泰國嘅獨特風味同口感。如果你對泰國菜有興趣，我好推薦你嚟試下呢度。不論係地點方便性定係菜品嘅美味程度，呢度都絕對唔會令你失望嘅。

抓住暑假既尾巴，星期一黎郵輪碼頭親子餐廳玩 平日比週末少好多人，有唔同既玩法😊 小朋友有入場費，成人都有最低消費$150 佢有分開用膳區同遊樂區 上面係d 飛機裝飾，有符合到佢個餐廳名叫做紙飛機😝😝 佢有個煮飯仔區，蔬菜生果都好真，亦都排列得好整齊，除左小朋友，大人都覺得好好玩，仲有個收銀機可以玩收錢遊戲😍😍 有個適合小BB玩嘅區域，可以照顧到唔同年紀嘅小朋友😊 有小朋友BB車，可以俾小朋友玩照顧，亦有啲衫係俾啲大小小嘅小朋友Cosplay 有彈床，仲有d 小木馬 去playhouse 當然要玩波波池啦 波波池一定係小朋友最愛玩既野😍 食物方面係中式食物為主 我地叫左一個兒童餐，個包小朋友好鍾意 麵同其他食物麵係原味道，好岩細既小朋友，個餐仲配左個蘋果汁，係健康既選擇 我地仲叫左雞翼，菜同牛肉燈炒年糕，味道都幾好，親子餐廳黎講，味道算唔錯 呢日小朋友都玩得幾開心，環境都乾淨，下次都會再黎玩😊

天氣太熱啦，淨係想留係商場入面 K11 musea 連住地鐵站，非常方便 星期日餐廳都好多人同要等位，所以我地去左商場最底呢個food court 度食飯 入面既選擇都好多，今次我地選擇左bot noodle 呢間船麵餐廳 我同朋友都鍾情食麵，所以我地分別叫左招牌牛皇船粉同埋海南雞，魚片頭雙拼船粉，湯底就要左牛骨湯，另外我地都加左飲品😊 佢亦都有魚露同辣椒可以再自己加 2 碗都好多配料好吸引😍😍 仲有炸豬皮，脆卜卜幾好食，索埋個湯底，又有另一種口味🤤 牛丸都幾彈牙，牛肉都唔會鞋，再配牛骨湯底，同埋小小香葉，好好味，而且d 粉仲有好多，超級飽 海南雞就唔係去骨既，質地都滑，魚片頭炸得唔會好油，同埋都彈牙既 杯咸青檸梳打都唔錯，佢仲比左好多冰，岩哂咁熱既天氣 呢間船麵個湯底係幾濃幾正，同埋食完都唔會覺得好口乾，下次可以再試下其他湯底😋😋

今日出旺角睇戲，想搵個地方快食😊 所以旺角新之城一出，見到龍城冰室，就決定食佢啦😉 佢個位置方便，都幾多人，所以喺門口都要排一陣隊，好彩入面都好大，等左一陣就可以入到去啦。 佢食物嘅種類都好多，唔係淨得港式茶餐廳嗰啲，仲有台灣風味，韓式石鍋等等，仲有啲係推介食物同埋晚市小菜套餐。 我地小菜就叫咗個黑松露雞蛋炒蝦仁套餐，套餐有一個例湯，白飯，同一杯嘢飲，啲蝦仁都幾大隻，蛋都炒得幾滑，份量都好大。 去到茶餐廳，當然要試吓佢嘅菠蘿油啦，個菠蘿包係暖暖地，牛油係分開上，可以自己決定食幾多牛油，就唔使怕太肥。 我哋仲叫咗個瑞士雞翼拼薯條，雞翼好入味同埋都好滑，薯條食唔到停唔到口，熱辣辣幾好食。 呢個份量2 個人都好夠食，個奶茶幾濃滑，果然係一間唔錯既冰室。

今日約咗朋友去食lunch，一早心儀咗呢間餐廳，裝修係宮廷式，打卡傾偈好適合。 一去到門口，見到好多花卉擺設，我哋已經心心眼，我哋早咗少少去到，餐廳未開，咁就有時間俾我哋影下餐廳出面嘅擺設。 set lunch Menu啲食物都好吸引，另外仲有個all day Menu。我哋諗咗一陣之後決定叫牛扒同埋龍蝦包，天氣咁熱，當然要叫返杯Smoothies 黎透心涼一下🥰 我同朋友個各叫咗一杯chocolate banana 同mixed berries smoothies ，兩杯都感覺好足料，幾好飲 前菜我哋嗌咗一個甘筍湯同埋一個蝦沙律，甘筍湯都覺得佢係好足料，同埋蝦沙律個菜都好新鮮。牛扒我哋叫咗七成熟，煎得好好，牛扒表面都煎得好香，薯菜都好好味。 最後就係龍蝦包啦，我哋見到龍蝦包係佢哋推介嘅食物就試下，真係冇介紹錯，個包焗得幾脆好味，薯條係熱辣辣好好食，仲有啲沙律菜伴碟，唔會太熱氣啦。 呢個份量兩個女仔覺得好飽，同埋個環境唔錯，傾偈幾好，下次都可以再帶其他閨蜜過嚟一齊食啊😊

今次我哋嚟到深水埗VWALK商場嘅篤篤船麵，試咗佢哋嘅泰國菜，真係好正呀！ 餐廳嘅裝修都好有特色，以泰國街頭小食檔為藍本，座位亦都好舒適寬敞。今日我哋兩個人共點咗一個下午茶餐，同其他小食及甜品 其中嘅泰式海南雞撈金邊粉，海南雞夠滑口，雞味夠香濃，配上酸酸辣辣嘅撈金邊粉，真係一齊食好開胃！ 加$12追加兩件泰式蝦餅，唔會太油太膩。 再嚟一款泰式豬肉生菜包，豬肉炒得好香口，唔會太油膩，加上脆生菜，幾好食。 沙嗲雞牛雙併串燒，呢款都好好味，燒得啱啱好，唔會太乾，真係好正呀！ 配上SingHa泰啤，啤酒嘅大麥香味同泰菜好夾，仲有一杯青檸梳打，啱啱好嘅清新口感，真係好消暑呀！ 最後呢，我哋仲試咗佢哋嘅班蘭千層糕，配上耶汁，唔會太甜，真係好好味呀！ 總括而言，篤篤船麵嘅泰國菜真係幾抵食，值得大家一試呀！

Burgeroom 既burger 相信都唔會陌生 呢家店係尖沙咀都已經好多年 美式burger 既環境都係好熱鬧 播放住好快既音樂 個menu 勁多選擇， burger 都有好多款 天氣咁熱，又咁多生啤選擇，當然要飲啤酒啦 另外仲要左杯蜜桃🍑冰茶，都係好岩夏日 我地今日好想食芝士，所以叫左幾樣食物都係多芝士既 呢個芝士包真係好😈😈 熔岩芝士牛肉漢堡 倒d 芝士落去已經好興奮 一拉起個膠就全個burger 都佈滿芝士😍😍 入面有菠蘿，所以食落去都唔會好漏 食burger 點會小得叫薯條呢 呢個係黑松露芝士醬汁，勁多醬超級好味😋😋 鵝肝薯餅 勁勁勁😈😈 呢個都係😈😈之選 最後再加多個墨西哥脆片，配牛油果同芝士醬 呢個都係超級多醬汁，仲脆卜卜 食完呢餐，非常滿足啦😋😋

今天我們來到位於大角咀的一家新開業的小店，主打食川式串燒。雖然店面環境不大，食物價錢都抵。 我們進入店裡後，店員介紹了店內的特色。他們提供了一個小烤盤，讓客人可以自行放置串燒，確保每一串都能夠保持熱度。這個設計真的非常貼心，讓我們在享受美食的同時，也感受到了店家的用心。 我們點了燒茄子，燒雞翼，燒魷魚鬚，豬大腸，薯條和燒韭菜等串燒。每一串都烤得非常完美，香味四溢。其中最讓人驚艷的是他們的花甲，這道菜實在太美味了！花甲鮮甜，洗得好乾淨冇沙，再加上烤得恰到好處的川式調味，呢個好值得推介。 另外我都推介燒茄子，我地叫左小辣，好入味，幾好食。 最後，讓我們來談一下價格。這家川式串燒店的價格非常合理，絕對不會讓你的荷包受到傷害。如果你想試試新的美食體驗，這家小店絕對值得一試。總的來說，這是一家非常值得推薦的小店。

今天我去了位於大角咀的COBALT酒吧西餐廳，這家餐廳以藍色為主軸的簡約設計讓人一進去就感受到了一種舒適的氛圍。這裡主打歐陸菜，但也提供了一些亞洲口味的菜餚。 酒櫃入面，酒既選擇都非常多，花多眼亂。 首先我們叫左一個明太子蟹肉天使麵，這道菜讓我印象深刻。天使麵搭配上濃郁的奶油醬汁和新鮮的蟹肉，再加上香氣四溢的明太子，絕對是一道讓人回味無窮的美食。 接下來我們點了一份烤法式羊架配薯菜，這道菜是我最喜歡的。羊架烤得剛剛好，表面焦香內裡嫩滑，肉質鮮嫩多汁。而且餐廳的廚師還特別為這道菜製作了一種獨特的醬汁，充滿了清香的酒味，讓人吃了之後回味無窮。 最後我們點了一個甜品特濃比利時朱古力心太軟，這道甜品讓我完全陶醉其中。心太軟蛋糕焗得剛剛好，外脆內裡流心朱古力非常香濃，再加上真正的雲呢拿雪糕，讓人一口接一口地吃下去。 COBALT酒吧西餐廳絕對是一個值得一試的好地方。