每年生日都會同媽媽一齊去慶祝母難日, 報答佢每年既照顧, 呢間餐廳幾年前試過一次, 一直都好想同佢黎, 今年終於可以達成到 上次經驗講俾我知, 2個人係食唔曬一個2人餐, 所以今次點左一個單人餐, 加散叫其他食物, 無謂浪費食物 首先黎左乳酪鮮蝦芒果沙律, 蝦夠新鮮彈牙, 而沙律配用乳酪好開胃 食仲未食完沙律, 海鮮盤已經黎到 生蠔好新鮮及creamy, 媽媽覺得本身個味已經好足夠, 但我都係愛加上檸檬既味道 大蜆配上蜜糖麵豉汁或香草汁, 香草汁比較似泰式既味道, 好特出到蜆既鮮味 帶子刺身係爽口和鮮甜 鮑魚非常之彈牙, 本身煮到已經好入味, 唔需要再加其他醬汁 大蝦都係鮮甜, 彈牙 另外餐廳都做優惠, 每位食滿HK$450 會送2隻生蠔, 我地就加埋有4隻, 其中一隻我試過唔落任何調味/檸檬, 真係好好食, 蠔味超夠 之後黎左前菜 - 清酒蟹肉日本年糕 個汁係非常夠味, 但年糕有D煮唔熟, 令到個汁入唔到味 到上湯啦 黑松露湯 - 黑松露味濃但唔會搶曬成個味, 磨菇粒粒好有口感 鮮蟹肉濃湯配生蠔杯  - 個蟹肉湯濃到好似湯羹咁, 初初飲係好鮮味, 但飲多2啖就覺得好鹹; 根據侍應教咁飲一半湯壐食個蠔, 真係起左化學作用咁, 變得更好味 上到主菜, 我地點左美國牛肉眼, 肉既生熟啱啱好, 唔會好鞋, 肉味重, 個汁鹹度剛剛好, 呢個亦係媽媽食過都贊既牛之一, 平時佢係好難會贊出面D牛煮得好 尾尾以甜品作結, 紅桑子味唔會太甜帶酸, 令到甜品唔會好漏, 口感足夠濕潤
全餐飯都令到媽媽好滿意, 侍應服務亦都好好, 令佢叫我俾貼士都要手鬆D

一年一次紀錄日，今次就來點特別d，唔再食中餐，西餐，日本餐；同老公食下中東餐，一黎特別d，二黎老公都鍾意食 入到去環境好舒服，除左平既餐桌外，仲有2邊唔同梳化位，一邊係2張2人梳化組成，另一邊係由長梳化組成。 因為我地5點半去到，基本上係任我地坐，因為想打卡同hea坐，所以選左長梳化位，我地仲要坐L位，好舒服 有d人會覺得唔舒服屈住唔坐，但hea坐之下伸直對腳其實幾好 不過坐坐下再有人黎，職員要求其他人坐我左手邊張枱好似搭枱咁，而唔係坐另外分開既枱就好奇怪，一黎疫情問題啦，二黎我同老公係到二人世界，但搭二另一對情侶或者一個家庭黎做咩呢 我地一黎就點左飲品先 呢杯荔枝同玫瑰味都好重，好易飲口，連平時唔太飲酒既我都鍾意，平時叫都係為左個名😂 呢杯老公好鍾意，奶味同梅味好重，我就真係接受唔到 飲品黎無耐，我地既前菜黎到啦 如果第一次食中東菜，可以選擇呢個，有齊4款既混醬俾你點，乳酪醬係最清，適合第一個食，最愛係鷹咀豆 到上主菜啦 慢煮燉羊肉，個味係好羶，個醬汁都索曬味，撈飯食一流 牛肉串燒，d肉好嫩唔會over cook，好香燒烤味，而且好多菜，可以中和到肉既濟 其實好多菜都想試，可惜2個人胃有限唔可以點咁多，疫情後一定要再同翟企人朋大友黎食

好耐無試過同老公拍拖, 難得佢放假, 我又請到假, 當然要去搵野食啦!!!

係團購睇到呢間做緊優惠, 安格斯牛頸脊可以任食, 緊係試下啦~~

地方都算大, 梳化唔算好坐, 環境乾淨, 整體都OK

坐低後叫左個鴦鴛湯, 一邊人參雞湯, 一邊雜菌清湯
人參雞湯: 參味重, 令到大部分食材都被蓋住左個味, 當普通湯飲係OK
雜菌清湯: 湯頭鮮甜唔太濃, 食材鮮味出曬黎

叫完湯底出左去睇, 有好多熟食, 火鍋料, 飲品
熟食: 雞/ 魚/ 炒菜/ 炸物, 有D似平時韓燒個D熟食, 味道唔差, 可以一試
火鍋料: 丸/ 響鈴/ 菜同菇, 因為太多食物, 所以只係食菜為主
飲品: 推廌菊花蜜, 係店鋪自己煲, 唔太甜; 另外仲有汽水/ 檸茶一般出面有既 (團購仲可以飲啤酒/ somersby)

首先上左安格斯牛頸脊, 海鮮同刺身
仲有個魚滑同墨魚滑, 不過無影到
食左差唔多個半鐘, 飽到不得了, 轉食甜品
有布甸, 啫喱, 雪米糍同雪條, 因為太飽, 只食左啫喱同紅豆冰
啫喱淡味, 而同因為無於雪櫃, 所以有D溶
今次體驗唔錯, 可以again

是日小妹生日及結婚記念日，難得第一次真正慶祝，老公搵左間高質靚景既地方~~

今次真係不得不寫，平日係CD既我，都忍唔住手

老公一早訂左枱，所以唔使等已經入去最終決定叫一個2人餐，因為散叫太多選擇，唔使諗咁多而且都有個海鮮拼盤，包2杯酒，但我地兩個都唔飲酒，所以加錢轉特飲菠蘿薄荷，比較清新士多啤梨 藍莓，比較甜，好少女feel

好快頭盤就黎到，都唔少野食，有蠔，蝦，鮑魚，帶子，全部都好新鮮，唔需要任何調味料都得黑松露湯，夠濃味，creamy，唔會太杰連殼田螺，個汁比較咸，配薯蓉啱啱好，殼由面粉做成，好有心思黑松露年糕，年糕夠冧，配個汁非常夾，食完呢個已經六成飽主菜終於上場，烚龍蝦同肉眼（4成熟）
龍蝦-夠原汁原味，肉彈牙，好甜，蝦膏美味
肉眼-四成熟剛剛好，夠嫩滑，牛味夠

兩個配上蕃薯蓉，無一般配薯蓉咁悶
但真係好飽，所以食唔曬最後上甜品，因為老公比較低調，無同人講係任何記念日，所以甜品無特別加上蠟燭，但已經夠曬好味道做成一個凍心太軟感覺既朱古力旦糕我地走時都好夜，老闆浪子走出黎同我地傾計，佢人好nice，而且都會接受客人的意見，有機會下次再去