啲野食係幾好，仲整得幾靚添

1. 炸物併盤，排得整齊，賣相一流！2．芝士薯條，好食！3．雞串，味道，正常味道啦！4．肉醬意粉，一般般咁，又係正正常常既味道！不過佢地既服務及做生意手法令人失望

1）入到去既時候沒有Dinner Set餐牌, 只比個PARTY餐牌（無乜選擇），要局住我地要幫襯佢個PARTY餐。我地要傾左好耐先比個所謂老闆娘Approve,可以比我地點Dinner Set。

2）明明個PARTY SET話有兩種餐飲任飲，但斟左兩round之後就收起左其中一JAR，無再發還

3）一夠鐘就想趕人走咁，係咁執執執，啲野未飲完都比佢收，本來只係唔想SIDE野，飲埋杯飲品姐，都比個傳說中的老闆娘黑面，話”我預左掉哂佢“，嬲到呢。。。。

總結：一班人出來都只是想開開心心吃一餐，雖然味道OK，但係要面對態度差的店員真會扣很多分。希望老闆同老闆娘研究下怎才算為良好的待客之道吧!

當晚同朋友包場慶祝生日，原本以這場只是通cafe，誰不知這晚充滿驚喜，值回票價

一般包場所食既野都是普普通通的炸野、意粉等頹餐

但因為大廚見到當天的海鮮很好，所以決定以私房菜形式，製作左兩份精美既海鮮餐比我地

我地食左:
1. 大大隻既田螺
2. 咖菲蟹 (3,4個人share一隻)，好味，可惜有D朋友唔食海鮮，side左
3. 好似叫蜜糖雞翼，唔係好記得個名，個個朋友都愛食
4. 炒意粉
5. 黑椒豬肉焗飯
6. 招牌豬仔脾 (正!!!)
7. 肉丸，呢個我好似無食到，又無影到相，所以唔評論 >_<

既然包得個場就緊係要搵下野玩，broadgame我就無玩到，但係就唱左K，呢到既唱K設備真係抵讚，好好聲，可以話係我去過咁多次cafe中最好既一間。但老細話要包場先可以唱K，都唔知以後仲有無機會咁大班人去TIM，可惜~~

好耐之前就想黎食架啦
到左今日終於完左我心願, 有機會食

話哂舖頭名有"海南雞飯"，咁我咪叫左個海南雞飯食

點知個湯勁味精, D雞無咩雞味....仲鞋鞋地....個飯又油
可能"泰式海南雞飯"同正宗既"海南雞飯 "唔同啦, 好失望

誤信食評(定我既問題?)，我諗下次都唔黎食啦

今晚看完電影後與友人到這裡用餐，但因為沒有訂位的關係而需要等位(那時大約8:20pm)
我們只好到附近逛逛，過差不多過30分鐘才有位呀~
不過晚了點，但等待是值得的!!!

由於我們只有兩人，所以我們只叫了小吃、主菜、甜品各一

小吃-----炸魷魚圈
肉質較淋，沒有平時食魷魚般靭，比較容易入口

主菜-----印度烤雞pizza
雞肉比較碎，吃不到烤雞的味道，但與薄餅內其他配料所配搭出來的味道很好，而且有點香料味道，很適合本人口味

甜品------Apple & Blueburry Crumble
下層以蘋果主(類似蘋果批的蘋果)，上層雪糕，上面還有士多啤梨醬
撇除士多啤梨醬(似士多啤梨味葯水)，蘋果十分好吃

其實有很多東都好吸引，但人數問題而沒有試，希望下次會叫多些朋友一起試菜!!!