當朋友間事業開始有成的時候, 再不會像往時為買波鞋而找最平的午餐, 甚至罷食。今次與多年的朋友相約, 除了聚舊, 就當然為我們準備開的一門小生意相討一下。地點朋友選, 日本料理一向大愛, 這裡環境好, 坐位不多, 要一早book, 地點於地鐵及西鐵中間, 交通算方便。餐廳在商廈頂層, 夜景不俗, 入店時已有兩對情人入座。不知是否日本人愛潔淨，或愛用手食壽司，令這店會不時給予熱毛巾，每款食物上前都會換碟，雖多工序但顯得細心。

點了一個set, 只知有刺身, 壽司, 燒物等, 但完全不知有什麼魚類海鮮, 對每一樣食物都有一份神秘的期待感。

******冰菜沙律******從未食過的菜，感覺好爽脆翠綠，加芝麻醬添味道

******刺身******愛日本料理但見識少，唯有聽聽職員講解。刺身七款，分別有剝皮魚，粒貝，油甘魚，銀雪魚，針魚，生蠔剝皮魚原本無味，師傅薄切後用魚肝及蔥卷起，入口方便，魚肝唔腥又滑，魚油香由此出。針魚漂亮地用魚肉做成一塊葉，粒狀魚肉頗彈牙，魚肉味偏淡。油甘魚最出色，厚切之餘又大片，啖啖肉，而且好新鮮，色澤又光亮，吸睛度好高！銀雪魚刺身咁大個仔都未試過，灰色的魚皮配合進食，魚肉滑香，魚皮爽口，兩者之間充滿魚油，特別而有驚喜。吞拿魚腩又稱Toro, 日本人至愛，雖然我係香港人，有香港人口味(愛食三文魚), Toro真係少接觸。今次一見就知執到寶，見到時如見油花分布平均的肥牛, 師傅慕求令我地食到最滿足既刺身，厚切Toro, 出面可食到2至3片的分量切出，好落本，我地又食得好滿足！完全無筋，一咬出油，又鮮！！！
至於粒貝就有另一種口感，爽脆又濃濃貝香，建議最後一款進食，避免貝味蓋過其他刺身的魚香。厚岸蠔為後上刺身，厚隻連殻上，沒有其他調味，亦沒有法國蠔的重海水味，我反而食到蠔邊的爽，蠔肉又脹又圓的肚，完全不腥，不需外加檸檬汁僻腥。師傅處理得好，食不到任何蠔殻。

魚油食完都已有少少膩，是時候食壽司。壽司5件，有大家都熟悉的帶子及海膽。

******壽司******一見有海膽，今餐完全抵食，師傅放海膽的分量絕對比飯多！雖然尺寸屬細海膽，但好食的程度爆燈，甜味先到，軟滑又香鮮味，沒有澀或腥味, 一食就知比平時食過的高幾班！師傅找食材真厲害。池魚壽司，無疑被比下去，入口魚油不俗，鮮味都足，師傅厚切，食時口感十足。
帶子鮮香味濃，入口幼滑，沒有水汪汪，師傅處理帶子的刀工了得，平均完整，唯帶子尺寸略小。侍應在我們入坐時有問過我們會否怕wasabi,我們都一致回答冇問題, 原來是為我們的壽司加上少量的wasabi,跟足日本壽司師傅做法。燒左口魚邊壽司屬後上之作，食得多凍的壽司，這件入口好舒服，暖暖的！眼見完整的一件，但入口即化，壽司飯都有少少暖，咬時只咬到飯粒，好神奇期間就有幻彩詠香江上映, 見到咁靚既景, 人都開心D。

******和食--燒物******上燒物，見旁邊枱有燒竹簽魚已好吸引，誰知侍應上一條更大條的龍利魚，肉的份量好多，師傅燒得剛好，夾下有魚汁溢出。龍利魚魚肉較碎，難夾得起一大件，但魚肉好滑好滑，熱食的燒魚，吸引得連皮都可食清光。燒白子為男仔鱈魚的生殖器官，初時以為係內臟，侍應無刻意介紹，明白的，未入口就標籤它，好多人會打退堂鼓。今次我地無理，直接整件入口，入口溶溶的，似溶左既魚腩，有少少黏口，夾時拉出黏黏的汁，似食納豆！

******吸物(湯)******魚湯真係叫得好適合, 食如此多食物, 都想飲一啖湯, 但其實魚湯都做得好出色, 味道漲而有甜甜的魚香, 加上金菇, 整碗乳白色的湯真係令人回味!

******水菓子******蜜瓜又甜又多水, 而且好夠凍, 一流! 



白桃雪葩, 店提供幾款, 另有紅豆雪糕及海鹽雪糕, 款款都好吸引, 不過自己特別喜歡雪葩, 所以選白桃。令人好驚喜, 濃濃的白桃味, 不會太甜, 雪葩質地好滑, 完全沒有大冰出現, 店的一大優點---凍的食物都會用雪凍的碟或碗, 非常用心, 所以我慢慢食都未溶。

整體而言這店的質素非常之高, 從師傅選食材, 到處理食材都做得好好, 令我和朋友食得好舒服, 當然傾計都愉快, 希望這類的食肆會愈做愈好, 下次去完日本, 想解解思念日本的美食, 都會考慮到這一間再回味

前排工作比較忙，趁忙完一輪星期日同老婆過港島學人懶浪漫搭下叮叮，實質係去捉精靈。難得過開港島，梗係問下朋友有甚麼好吃，有住港島西的同事就介紹我吃信州，話食完還可以跟老婆在海旁散下步，聽落不錯。雖然信州係晚市價都不算便宜，但午餐都可以接以接受。午餐可以選天婦羅、刺身/壽司、燒物或魚生飯，全部跟野菜沙律、茶碗蒸蛋、白飯、麵豉湯和甜品，價錢由$88至$168。由左至右是蒸蛋、沙律和麵豉湯，蒸蛋熱辣辣辣，要放一會才可食用，入口都幾滑，入面還有冬菇和日本魚蛋。沙律都新鮮，上面淋上日式芝麻醬，微酸幾開胃。麵豉湯鹹度適中。燒牛肉伴溫泉蛋($108)白飯上面鋪滿燒牛肉，中間還有一隻溫泉蛋。溫泉蛋生熟度剛剛好，好滑好流心，燒牛肉不會太乾，醃得夠味，白飯是珍珠米，入口不會太腍，整體味道都不錯。最後甜品原來是荔枝味雪米糍。

之前見好多同事都有推介這店，但主要在飲品上，今次想嘗試烤雞，所以選這店

原本想入內，因星期六五點幾仍然少人，但見除烤雞外，小食選擇不太吸引，所以決定外賣。

烤雞有好多口味選擇，今次選了檸檬汁配蒜蓉，屬新口味，$168，20分鐘左右已預備好，即刻9秒9返屋企食，沿途都聞到烤雞香味。

烤雞經過20分鐘時間在盒內，以為會皺皮，但整盒一開時仍滿滿分量，應該都足一隻雞分量，旁邊放一小會醃蘿蔔。

先食醃蘿蔔，夠酸，味道好好，爽口味美，但如果另外袋住，不與雞同盒而變熱會好好多。

要食主角啦，香氣充滿蒜香，入口一刻以為食炸雞，皮有少少脆，肉質嫩滑。主要味道在皮上。檸檬汁未有帶出酸味，反而有少少蜜糖味道，肉味香而有少少咸香。

分量之多，兩人食食到飽飽，下次可再試其他口味！

今次就與朋友一齊放肆一番, 選擇放題, 朋友初時聽到放題, 已考慮價錢問題, 我用一個好安心的回覆----平、靚、正~就解除佢的疑慮。旺角有好多間放題, 自問自己未能所有都試過, 但覺得好的, 已可以不停encore,這店雖然好多人都會預先book位, 但都會盡量安排walkin的客人, 而且講清潔只少要等多長時間, 不會刻意胡亂留客人。當然我今次是相約朋友同行, 而且有心想食, 就一早book位。七點左右到, 已經人頭擁擁, 我喜歡這店的時間選擇, 不是在設定的時間(即6點前、6-8等)內進食, 而是不論你幾點到, 由入座起計可食2小時, 設定的時間只在於你在那段時間入座, 就有不同的收費。二話不說就點餐, 見到柯打紙都有十多張, 種類真係過百款, 花多眼亂,

餐具一早就預備好, 只是筷子用竹筷子, 可能避免洗得不夠乾淨, 不過我覺得整體上都用可循環餐具, 算不錯。

開始就叫一些刺身試試吧~三文魚刺身—色澤油潤, 油脂分明, 入口有啖啖魚油香, 爽口有勁, 咬一兩口就油化了, 感覺不錯原隻甜蝦—非常開心有原隻甜蝦, 完整又美觀外, 更突顯貴價貨感覺。入口絕對比一般甜複爽口彈牙, 亦覺非常鮮甜, 口感好滑。

原粒帶子刺身- 原粒尺寸不大, 但比別的餐廳切件大粒帶子顯得大方, 鮮味亦十足。


燒三文魚件— 一見到是魚鮫, 是我最喜愛的部分, 肉質最嫩而又肥美的位置, 燒的時間又剛好, 魚肉肉汁豐富, 香噴噴的氣味配上少少鹽的咸香, 值得推介。燒菠蘿- 看到少少外皮釘, 就知道用新鮮菠蘿燒, 可能季節性食物, 超甜超香, 邊有少少燒過的痕跡, 味道好加上多汁, 超滿足。燒帆立貝及焗蠔--- 把兩種食物一齊討論, 目的都只得一個, 就是汁醬多。用沙律醬佈滿貝殼上, 可保護海鮮避免太乾, 但太多時候, 要食就一定要去走部份醬才食, 而且海鮮份量不大, 貝殼及海鮮尺寸比例不正比, 感覺有少少失望。炸物

炸物是最富罪惡感的食物，但亦是我在放題熟食類食得最多的一種，無他吧－香脆可口、炸香撲鼻的感覺，非常難抗拒。由於食蝦的quota放在刺身上，天婦羅蝦不多食，反而選擇了芝士年糕、少見紫薯粒粒和芋頭天婦羅。



紫芋炸球-- 頭先已提過這裡的炸物都熱辣辣送上, 這個亦不例外, 這個外層炸得香脆, 但又不失Q彈的燸米面層, 入面有流質, 甜甜的芋頭餡, 味道香口, 有脆有軟, 好易一粒又一粒, 不過會偏向放在近尾, 作熱食的甜品, 好滿足!芝士年糕—喜歡年糕的軟軟Q彈感, 今次不敢多食, 因為堅。易飽, 剛炸起的年糕外層鬆軟微脆, 內裡有少量芝士流出, 味道有咸香外, 有少少拉絲感, 味道不錯。其他

人蔘雞湯

0

人蔘雞湯

人蔘雞湯-- 雖然我這碗沒有渣, 但熱辣辣一碗好暖胃, 入口人蔘味的甘香好突出, 比雞味更濃, 有意外驚喜。
芝麻醬豆腐--簡單沒有難度的食物, 出水不多, 入口涼涼, 夏天食就最好不過。飲品選擇都不少, 有我愛的果汁先生(橙汁、蘋果汁都有), 罐裝飲品除了汽水, 又有健康0糖的茶, 又有康師傅, 紙包飲品都有提子汁及健康飲品, 不錯。甜品

甜品除了雪糕和雪米糍, 以自助形式外, 有兩隻甜品就是自家出品-- 360牛乳奶凍及芒果布甸。

滿足的一餐, 沒有蒸氣邊爐都會食得非常飽, 放題的心完美完成, 沒有浪費食物, 質素都仍然不錯, keep住!!

今日玩優惠第三日，有$12一個板燒雞腿包，當然要幫襯吓。

1245到，已經有好好好多人，不過我唔趕時間，就慢慢，等4分鐘左右就買到，多5分鐘左右就拎到算快。

搵好個位就開包啦，之前對此包反感，因為有肉太薄之餘，更有一大片雞皮，不討好，今次食完全改觀！

包軟香甜美，平穩之作，雞腿紋理清晰，雖無太多肉汁，但勝在醃後味道濃香有少許辣，更沒有了那片討厭的雞皮，感覺非常好，而且有生菜和少許沙律醬混合，味道好夾，粗製濫造的感覺全無，好滿意2

是日星期六, 又一個雨天, 剛巧遇上第一個大家動身捉精靈的週末, 相約友人出外找找另類的小精靈, 決定入元朗走走, 總要餵飽自己先吧!友人推介食這間, 有格調, 食身款式多, 而且價錢便宜, 就這間。
餐應位於西菁街, 雖然地理位置上不有利, 但好多不同類型的食肆都選擇在此開店, 令你走一圈可找上好幾個國家特色的食物。
船長公仔大大顯示餐廳門口, 非常易找。
好!是時候上船!!!!餐廳佈置充滿船艙的特點吊燈用彷火水燈、燈與燈用鐵鍊相連、牆身掛滿水泡、船掌及魚的掛飾, 非常有氣氛。大部份位置都是卡位形式, 4人卡位坐滿都好寬闊好舒服, 燈光比平時的餐廳來得暗少少, 很有情調。入口剛好見到一個雨傘袋, 如果落大雨時職員更會放在門外, 方便入內的客人可先袋好雨傘, 免得地面太濕滑令人容易滑倒, 好貼心的一個設備。這是一間意法日餐廳, 一聽以為會好貴, 誰知價錢非常相宜, 午餐都只是$45-$52, 款式偏向日式, 有拉麵、照燒雞扒及鰻魚, 西式有焗海鮮飯、天使麵及德國腸意粉等。午餐已有8個選擇之多, 如果仍然未滿足, 可像我的友人, 點選主餐牌上我食物, 再叫飲品都只需半價, 靈活得多。我點選了醬燒豬軟骨拉麵($49), 加配了船長麥脆沙律($12), 轉飲檸檬菊花蜜(+$3), 友人告知我遲起身, 晚了食早餐, 那時不太餓, 而且這店的小食好多人會叫選, 所以叫了幾個和我分享, 有椒鹽魷魚鬚($38)、蒜香牛柳粒($38)、千島海鮮Pizza($35), 另點了一杯特濃朱古力。 船長麥脆沙律(+$12)
麥脆聽上覺得好特別, 原來是雜果沙律上加上少許粟米片, 從未食過這皇食法, 但發覺好夾, 因為沙律材料偏向淋身, 加了脆口的粟米片後口感豐富了很多, 而且都是一種健康的食物。沙律材料主要是紅蘋果及薯仔, 有意外驚喜, 因為多數會用罐頭雜果代替, 結果一碗有半碗都是糖水。蘋果微脆有汁, 薯仔淋而粉, 沙律醬適中, 味道好配合, 重點是夠哂凍!!!好滿足。

蒜香牛柳粒 $ 38

0

蒜香牛柳粒 $ 38

蒜香牛柳粒($38)
眼見用一個漂亮的裝飾碟, 感覺好淺, 但分量出奇地多, 一碟只少有8-9件, 每件都厚約一毫子的直徑, 好抵食。牛柳粒非外間日式餐廳慣常用的煎香法, 而是半炆半用汁醬埋茨。牛肉的紋理不太突出, 但勝在非法淋身入味, 粒粒厚的薄的都淋, 只是汁醬較多, 每粒都黏黏的, 味道再好都會扣一扣分。配上洋蔥更加味道層次, 不過一樣太淋, 如果微微炒後與煮好的牛柳粒拌勻, 效果應該會好好多。
椒鹽魷魚鬚($38)

椒鹽魷魚鬚 $ 38

0

椒鹽魷魚鬚 $ 38

最最招牌的食物相信是你吧!由於坐近廚房位, 每次上菜都會見到, 見到這個好受歡迎, 幾分鐘就出一次。友人都知多人點, 所以都跟風試試, 果然….即炸的魷魚鬚, 不太油膩, 香噴噴的炸香, 炸粉夠薄, 每條鬚都被粉漿包得好好, 入口更加不得了, 竟然有魷魚汁!!!由於炸粉包得好, 魷魚鬚的水份得以保留, 外脆內Q彈爽口。配上日式沙律醬, 真是食到不停口。順帶一提, 椒鹽味其實沒有, 但做得如此出色, 可改名為酥炸魷魚鬚!!
醬燒豬軟骨拉麵($49)

醬燒豬軟骨拉麵 $ 49

0

醬燒豬軟骨拉麵 $ 49

主角未到已經食到半飽, 不過都是自己想食的湯麵, 見碗大, 麵都不少, 豬軟骨就更多, 一份49大元的拉麵餐, 自問以為得一件豬軟骨, 誰知有3-4件, 好好好抵食, 大牌子的拉麵店都只得這個分量的一半。味道又如何?豬軟骨是靈魂, 每件可完整夾起, 但肉質好淋軟, 入哂味, 汁醬亦濃, 只是比軟濃味, 要輕輕在湯內沖一沖再食。拉麵彈牙爽滑, 有微微梘水味, 拉麵湯底一般, 食時不時會覺得像一丁的湯底, 莫非有cross-over?哈哈
千島海鮮Pizza($35)

千島海鮮Pizza $ 35

0

千島海鮮Pizza $ 35

6吋左右, 即叫即整, 熱辣辣。材料主要有魚肉、 蟹柳、蘑菇及芝士。觀感上好出眾, 好吸睛, 但口感比相像中簡單, 麵包底邊脆但味淡, 可能都是急凍產品, 沒有那一個材料帶出味道, 一般味道, 淺嚐不錯。

特濃朱古力 $ 9

0

特濃朱古力 $ 9

檸檬菊花蜜 $ 3

0

檸檬菊花蜜 $ 3

飲品的選擇有好多, 友人的特濃朱古力顏色都夠深, 可惜朱古力都偏淡, 但勝在夠平, 半價就可飲到($9), 我飲的檸檬菊花蜜 飲上喉嚨好舒服, 亦為我多食了熱氣的魷魚鬚解一解膩。滿足又不停落單食小食的一餐, 埋單仲要唔洗加一, 兩人200元有得找, 食到捧住肚走, 實屬難得。

話說我之前試過食扭扭粉早餐覺得幾好，又大碗又飽肚，不過那次在星期日食，唔有平餐(無薯片餐)。難得一次早上無買定包，就自然行左去麥記買個靚早餐先。

一見平餐有扭扭粉，二話不說就買左，只係17蚊，飲即磨咖啡都係多1蚊，抵啦，點知。。。。我睇漏左mini....

拎外賣時只是一個袋包的袋，原來mini係以前出湯時的盒size, 內裡放扭扭粉外，就得少少雜豆及一隻蛋，食齋添。

味道更。。。上次都有d豬骨味不錯，今次係重口味，可能職員太累忙中加料，加雙份，口味都雙份重，又浸到肥哂(由餐廳到公司開餐之間只隔5分鐘)。蛋是比較好的一樣，煎得適中。

咖啡就仲慘，平時飲開熱咖啡，點解會飲到暖。。。。。。。由於職員一次過大量製作，放枱等人叫就即入袋，我懷疑我嗰杯咖啡早在一個鐘以上前就做好。。。失望！

早已聽聞葵廣小食多，食極都食唔完，依家就連本來是衣服店的地方都改為一連串的小食飲品店，今次要先開開眼界。

葵廣出現得最多的店竟然是壽司店，而且價錢亦好相宜，套餐組合的壽司，每件有些不用5元，款式亦很多，琳琅滿目，我行到這間，見手卷不斷做，人流極多，就試試。

目標當然是有半板海膽做成的手卷，見個個手卷上都有滿滿的金黃海膽鋪上，真係睇見都流口水，而且價錢都只需30蚊，係30蚊！！！一板海膽都要$89, 依家食兩個手卷都只需60蚊，真係超抵。

人流多，等是常識，但我都只需6，7分鐘左右就有，附近有一個吉舖放了壽司鼓油，更有一支是已混合芥末，非常方便及細心。

主角到！！！海膽手卷好厲害，真係半板海膽刮到手卷上，而且有青瓜絲及少量沙律醬，減輕膩感。

海膽口感夠凍，夠creamy, 雖然每隻尺寸小，但無苦澀味，海水味豐富，分量多亦增加口感。

飯不算熱，室溫，但不太黏，食一半時有倒塌的感覺，後半變得快食。紫菜相對沒甚味道，不過不失。

如果海膽食得慢會有微融和感覺，其實這樣更好，可更融入飯內，更好味。

性價比非常高，如果住附近都可不時一食
回看單據上寫29.9，但我一直覺得是30，因為付100元找我70，溫馨提示這店如果怕找1毫麻煩，就直接改為30元，不要不付商品說明。

難得去買早餐(平時整麵包), 就去一去麥記，原本想叫麥芝蛋包，點知見扭扭粉好似不錯，早餐為mini size, 起初看不到這個字，就配即磨咖啡，17蚊都好平，誰知。。。

碗粉只得平時茶記例湯份量，少得可憐。到寫字樓只需5分鐘，但已發脹厲害，入口幾重口味，配一件蛋同少量雜豆，蛋份量與麵包有的一樣。整體太淋，偏咸，為食飽已食。。。難享受

由於早上繁忙時間買，預先沖好大量飲品，咖啡都已暖非熱，雖然味道都沒大分別，但飲慣熱咖啡的我，對於飲暖咖啡不太喜歡，而且有少少苦澀味已出，下次都不選擇這個餐-_-#

星期六，食好野時候到，好耐無去沙田，原本想去食西餐，點知一點都未到，已有好多人拎飛等候，因收工出黎，已好肚餓，唯有近近地，揀你。

經常覺得這間價錢比老麥貴一大大截，一去二人都過百，但質素上無容置疑，二人就不點全餐，就兩個包，一個轉餐。

Original burger($50) +$25有薯條汽水+$11薯條轉芝士牛肉汁薯條
漢堡標榜百份百澳洲牛，肉汁豐富，肉質鬆軟，唯漢堡略薄，不大有口感。

薯條值得一讚，完全內脆內軟，雖不是非常厚切，但外表香脆有咸香，入口有不少薯蓉，軟軟可口，今次加11蚊，想試試點汁味道，牛肉汁味濃，芝士只有mozzarella, 而且靠牛肉汁及薯條弄熱，要放置一會才有拉絲感，芝士味欠奉，而且汁醬直接淋上面，薯條易淋，不太香口。

Beacon &Cheese ($60)
比較上，多了兩個配料，漢堡包高了一截，煙肉炸得脆口，份量多，芝士非一般片裝，而應該是原個切片，芝士尺寸大於包，份量十足，味道像Gouda cheese濃郁香醇，配上新鮮的生菜蕃茄，食漢堡包都食得健康又招積