點解會講大鑊呢？ 原因係因為啲食物真係好食。 先叫咗個 藜麥羽衣甘藍沙律 我本身都唔係食得好酸嘅人，但我覺得ok 因為係開胃同新鮮嘅☺️ 之得嚟咗 黃金特色薯條 頭號通緝犯，係一定要消滅 因為佢實在太邪惡了！ 佢有薯仔同蕃薯兩款 外邊果層係鹹蛋黃炒成，好香口，食唔停🤤👍🏻 個人覺得蕃薯果款好味啲，個味會平衡啲！ 我哋仲叫咗個 和風鰻魚牛油果薄餅 第二個通緝犯 我見佢有個公司logo響個名隔離 叫佢就應該冇死了 點知……係好食到我要死 我食咗兩塊，啲鰻魚汁同鰻魚味好濃郁 而牛油果同個芝士又唔會被人搶咗 值得一試！😍👍🏻👍🏻 之後主菜有 烤西班牙黑毛豬鞍拌香濃燒汁 第三個通緝犯 我切咗一條嚟食，真係好香濃 肉味脂肪濃、肉質細嫩，兩樣剛剛好 細問之下，原來係slow cook…… 咁難怪會咁好食🥺👍🏻👍🏻👍🏻 食緊個豬鞍，就上埋 黑松露牛肝菌意大利飯 本身都未聞到黑松露味 一分，陣味就嚟啦…… 食落口仲好 creamy 至鍾意 creamy 嘅嘢 而佢係第四個通緝犯😫👍🏻👍🏻👍🏻👍🏻 因為我同個fd都唔飲酒嘅 最後叫咗兩杯意大利朱古力 一杯凍榛子味，另一杯係熱伯爵茶味 榛子個味較伯爵茶明顯 整體上係10分入邊有8分嘅