之前都幫襯過歷山酒店嘅下午茶同自助餐，覺得都ok,之前未開始寫食評，所以今次見到K xxxx做緊歷山酒店嘅High Tea下午茶HK$390 蚊兩位咁就試下。 先講下環境，環境乾淨衞生，裝修感覺都豪華，以金色為主調，想打卡都係一個唔錯嘅選擇。 飲品方面佢嘅下午茶包左每人一杯紅酒，白酒，氣泡酒或橙汁。另外仲包一杯茶或咖啡 。 我叫左一杯紅酒同橙汁，普普通通冇乜特別，另外佢嘅茶係用WG茶包。另外叫左個杯咖啡，我覺得杯咖啡唔錯都幾好飲，但就缺乏左少少誠意，連個簡單拉花都無。 跟住到咸點： 煙三文魚烏龍茶慕絲：味道唔錯，但就食唔出有茶味 龍井蝦窩巴：隻蝦燒得好香，個窩巴都夠脆，如果能提供d醬料點下窩巴就更正，因窩巴冇味。 宇治綠茶炸芝士：食落似薯蓉，但味道ok 洛神花鴨肝慕絲:食唔出鴨肝味道，酸酸地，下面個格仔餅腍左。 泰式紅茶忌廉芝士雞肉三文治：普普通通 最後到甜點： 普洱茶英式鬆餅配草莓果醬及牛油忌廉：鬆餅原味ok,d醬就一般啦，草莓醬可以酸返少少 檸檬茶瑪德蓮蛋糕：造型設計唔錯，可把檸檬茶打入蛋糕，原味最好味，加左檸檬茶就麻麻地，因我唔鐘意濕嘅蛋糕。 珍珠奶茶奶布甸：面頭珍珠怪怪地，奶茶布甸就唔係好夠味。 之後這3款都麻麻地 抹茶清酒義大利起司蛋糕 香片青蘋果慕絲蛋糕 百爵茶拿破崙 整體黎講，咸點都好味，甜點就差左D， 這個價錢這個環境食物質素都還可以

買了套票，千多元2個人，所以去試一下。 環境高尚，服務也很好。 晚餐是半自餐，可選一個主菜，我們選了牛扒，一份7成熟，1份5成熟，比較下5成熟會好些。 出面自助區，有生蠔，鮑魚，小龍蝦，長腳蟹。。等海鮮，生蠔同鮑魚都好新鮮。長腳蟹就一般般。 其它熟食都唔錯。 甜品方面就覺得比較差些，最好味的是大劇院蛋糕。雪糕都偏甜。 整體海鮮質素很好，其他就一般啦。 紅酒，白酒，氣泡酒，橙汁，西柚汁都是任飲的，我自己就覺得紅酒，西柚唔錯。 如果要水就要畀錢買

有個外國朋友海外回港，話好想食泰國野， 所以就選了這間餐廳。 我地8個人，有預約，唔使等位，但係利無台就要笠，都幾長龍。但都好快，5分鐘左右就入左電梯。 可能係星期一，餐廳唔多人，超過一半吉位。 我地叫左生蝦，苳陰功湯，燒猪頸肉，菠蘿炒飯，蒜蓉包。。。 燒猪頸肉燒得好好味，切得好簿，可惜切唔斷，一片黐一片。 蒜蓉包好軟熟，蒜蓉味好香。 個菠蘿海鮮炒飯就一般，有d失望，個菠蘿好靚外觀，但面頭d海鮮好假，條蟹柳顏色好假好紅，好似擦膠咁，見到都驚，個炒飯底係ok無問題。 埋單每人HK350,覺得有d貴

因為入住迪士尼探索家度假酒店，佢個plan包左2位成人自助早晨，所以就係果度食自助早晨。 先唔講食物，但就佢嘅自助餐限時一小時，我就覺得好唔滿意，佢個價錢都唔平，酒店包2位成人，小朋友就要另付，連埋加一，小朋友都一位都要HK$350,又鬼死咁多人，一d受歡迎嘅食物排隊拎食物都無左2，3個字，仲要限一個鐘，真係好唔低。 跟住講下環境，都乾淨企理，但就迫左少少，如果計五星級酒店餐廳黎講就真係迫左d。 食物方面，都好多種類，比一般酒店早餐算唔錯。味道不過失，但d煙肉，炸野就有d炸過籠，d蒸點心都唔錯，不過蝦餃皮就厚左少少，味道唔錯。 最值得推介就係個師父即煮嘅粉面，牛腩正。另外即煎個奄列都好味，加左芝士，食果陣都有拉絲 D水果都新鮮。 另外食自助可憑入座卡可與迪士尼人物合照一次，相信最可心就係小朋友。不過唔知係米會轉人物，我果日就係高飛。

買左午連晚套餐，所以都係有限嘅餐廳選左這間，lunch食完這間，點晚餐又係度食？ 睇完個下午巡遊表演，唔想行，再周圍再找餐廳，經過這間餐廳，唔使排隊有位，所以就即刻走左入黎。怕再周圍走，越遲越多人，所以就照係度食 今次叫左Pizza,味道不過不失，但我覺得PDH，Pizzahut好食d。 之後叫左個兒童餐，個餐無咩特別，個曲奇唔脆，腍腍地，但還可以，但個低脂芝士蛋糕就特別難食。 另外叫左一籠叉燒包，個猪樣好可愛，味道都好味，似酒樓味道，值得推介。

3月9日星期六入迪士尼，買左佢嘅午晚套餐連小食，Hk$270一位。 入樂園時大概12點幾，即刻去醫肚，就揀左近近地嘅皇室宴會廳，都要排隊15分鐘先入到餐廳，但入度去仲要找位，找到位先買野食，等位又等左15分鐘，跟住去買野食，又排隊差唔多20分鐘，即刻攪左差唔多150分鐘先有野食。 我地叫人蔘燉雞套餐+鮑魚海鮮雞肉炒飯套餐，最後2個餐加埋都要補返Hk$50。 人蔘燉雞套餐 泡菜可以辣d,果日天氣涼，飲啖佢嘅湯就好暖胃好舒服，味道就不過不失，但跟主題樂園黎講算唔錯。 鮑魚海鮮雞肉炒飯套餐，真係有2粒好細粒鮑魚，果飯炒得都ok,d汁都好味。 整體黎講ok,係等位買野食體驗差d

今日同2個舊同事食晚飯，選了銅鑼 灣的牛大人食放題火鍋。 預約左7點半，一去到就即刻有位，其實walk in都ok,因為都唔多人，全場都有一半吉位。可能少人，環境都乾淨企理。 我地要左麻辣及牛骨湯底，另外即刻叫左澳洲和牛，蝦，蝦膠，蜆，魚。。。 d澳洲和牛味道ok唔un,蝦都新鮮唔霉，肉質堅實，蝦膠都唔錯，真係手打。其它咩就不過不失。 最後叫左個湯丸，花生味，黑芝麻2款我都覺得好好食，可能之前太油又重口味,食番d甜甜地嘅野覺得特別好味。 最後就係佢d樽裝茶，白桃烏龍白桃味都ok,清清d唔錯。洛神花茶就覺得無咩味一般般。手機叫嘅酸梅汁同烏梅汁都值得一試酸酸地，幾開胃。 最後價錢3個埋單HK$1005，人均每人HK$335 ,限時2個鐘就覺得有d貴，因唔食得好多，出面散叫可能可食到便好質素同可慢慢食

星期日中午同屋企去左新都城3期會館飲茶，都唔算太多人等位，等左20分鐘就有位。 服務都係咁上下，我地叫左海鮮炒飯，麻醬粉皮，蝦膠讓魚肚，酸菜魚腸粉，牛肉腸，紅油抄手，生煎包，一個拼盤，牛肉球。 最特別係酸菜魚腸粉，出面好少見，味道酸酸地，好少好少辣，魚就唔係好食得出。 另外就係個蝦膠讓魚肚，都幾好食。 海鮮炒飯都炒得乾身，味道唔錯。 紅油抄手唔夠辣。 蝦餃足料大粒多蝦，但蝦餃皮太厚。 其它就普普通通，整體都唔錯，價錢就唔算平

今日黎到北角匯GIOVANNI PINA HIGH TEA, 價錢唔貴，係KKDAY都係HK$258. 我地叫左玫瑰鮮奶咖啡，同椰子鮮奶咖啡，咖啡唔錯，玫瑰同椰香味都好夠。 最底層咸點個龍蝦迷你牛角包好味散化夠，牛油味又不太重，不過上面堆沙律醬就唔係好食得出係龍蝦醬。 個北海帶子燒迷你撻帶子燒得好香帶少許咸，但配落個撻底到就唔係好夾，但分開食係Ok嘅。 鮮果骰子火龍果同西瓜夠甜新鮮。 中間果層雜錦手工迷你撻六件，朱古力撻唔會太甜，沙芭絲泡芙就太甜，忌廉泡芙就好味，，不過不失 最上一層2件蛋糕，我地選了開心果吉士千葉酥及焦糖香蕉撻，焦糖香蕉太甜，開心果吉士就唔錯。 整體環境食品都ok, 咁嘅價錢算唔錯底食，都值得一試

2024年2月3日同老婆唔知食咩，行下行下去左景林，見到間牛奶冰室唔多人就走左入去。 入度去叫左個2個午餐星洲炒米，午餐肉流心蛋蔥油飯，熱奶茶，黑糖紅豆冰。 坐左陣都冇人畀水，不過服務都ok。 先講個厚切半焗流心蛋飯蔥油飯，這個配搭基本上都唔會難食，冇咩好講，個人覺得杯奶茶茶味唔太濃，奶就多左dd。 跟住就講下個星洲炒米，攪得值得推介，好多料，好多火腿絲，蝦係原隻厚肉，炒得都ok,又唔算太辣。最後就係杯黑糖紅豆冰，感覺有黑糖味，但就偏甜。