早一日預約，成人價， 平日星期一至五， 可早十唱至下午四點， 每人99蚊再加一， 包主菜及飲品一杯。 三人行，唱足六小時，都足夠呀 主食選擇都多。 焗豬扒飯-熱辣辣送上，火喉夠，汁同洋同飯都好夾，都好味，但豬扒就乾柴UN左少少。呢款有食開，以往其他分店整得好D。 點心拼盤-份量好足，珍珠雞，馬拉糕，燒賣，牛肉球各兩粒，朋友說味道幾好。 籠仔䒱咸旦飯，來時時都熱，肉餅同蛋皇味道都OK，但好快已放涼唔熱就無咁好味。肉乾又係乾柴左D。下次唔會再點呢款。 房間都OK，如果再有間大D房就完美囉。 朋友相聚談天説地，唱吓歌鬆一鬆，寫意人生

第一次幫襯亞龍是廿幾年前， 跟舊同事兼好友嚟呢庶食，因自己一向食唔到辣，初頭只是陪佢嚟食嘅心態。每次齊齊小辣跟飯，好友定必揀牛腩。我就咖喱雞/魚/魷魚等都試過。試過幾款都係覺得牛至好味。通常我地兩個都食到呻晒鼻水咁。在我而言，自己只食到bb辣，每次嚟幫襯都覺係食同好友之間嘅開心回憶，咱們都是念舊嘅人。 呢幾年疫情，好友坐隔離監時，都一樣咁掛住亞龍，牛腩小辣跟飯，係佢嘅至愛。試過觀塘走落佐敦買亞龍再運去荃灣俾好友，响疫情中食到自己喜歡嘅食物，幫佢打氣，真係可充滿力量，所以亞龍都係好好嘅打氣美食之一嚟人終需要一些關懷喔 今日就陪好友亞仔嚟，幾歲嘅靚仔可愛小朋友，今天長得比我還高大囉，時間真係飛逝。今天好高興可以齊齊相聚進餐。對我嚟講是世紀見面嚟 亞龍之約-點返靚媽嘅口味一份。 另一份點左，咖喱牛筋，小辣跟薄餅。再散叫左兩份甜薄餅同罐可樂。 咖哩牛筋我鍾意，亞仔鍾意咖哩牛腩。咱們都覺得散叫嘅甜薄餅好正 亞龍咖喱今天重屹立响佐敦， 依然咁鍾意佢嘅咖喱，希望有日可以同好友一家四口就嚟幫襯 嘆完亞龍，再行左落果欄睇水果，蔬菜，買埋椰青飲，大滿足 相信好快又嚟亞龍

幾年前，旺角街坊帶左我去食1蚊雞，之後呢幾年每年都必去食，早前嘆左1蚊乳鴿。觀塘新開張，就腳方便，開張三天，已第二次幫襯。 店舖位置- 搭地鐵觀塘站出apm, 响Dior 及Armani個庶條通道行入去就係鱷魚恤中心，左邊老麥，前方右邊就係搭lift位，襟九字直達，超方便，上到去跟手嘟埋安心及打針紀錄。 快速入座，真的爽呀！ 530p, 二人先行到達，嘆住等 鮑魚瑤柱冬瓜氣煱湯 至愛，喜歡佢細細煱又足料。 冬瓜有三小粒，無咩所謂，每次飲呢個都大滿足 鮑魚舞茸丁香菇氣煱湯 同上邊個款，食材上，就咁望，有少量油份，分別在於有兩粒小菇。喜歡前者多d. 1蚊雞 二人可叫一隻，熱辣辣上枱，皮脆肉juicy, 咸度適中，觀塘店整得好好味。 另外兩位朋友六點幾， 點多兩煱湯及一隻雞， 後上呢隻雞再大隻d好靚仔喔 龍躉兩味 碧綠炒球＆清蒸頭腩,前者炒西芹，後者清蒸，兩碟也幾好味。 茶葉要左壽眉＆鐵觀音，整左兩小壺茶慢慢飲，以往飲開普洱多，又試吓稻香嘅其他口味茶葉 埋單每人大約130蚊，良朋歡聚，好坐舒適，食物樣樣都做得幾好味。相信好快又再嚟幫襯，希望佢一路keep住水準 另外，觀塘店有邊爐， 邊爐食物係睇餐牌散叫嘅 5：30p-8：30p 七折 8：30p 五折，店收11p 二人同行又係可叫隻1蚊雞， 超正喇，搵次都要嚟試吓邊邊佢 。 祝稻香。茶居，順順利利，生意好好好

＜稻香.茶居＞終於嚟到觀塘， 真心等左佢好耐好耐， 呢幾年落九龍灣、tko、mk飲早茶＆貪過癮嘆一蚊雞、一蚊乳鴿 終於有返間近嘅，今天真的很高興 營業首日，早上七點半開門，沒有預料中嘅人山人海，真正等佢開閘，咁神心等開門，算係稻香鐵粉，八個咁多。夠鐘升閘時，有秩序入座，職員友善 呢庶空間感超足夠，地方好大，單邊有二人對坐位。沿邊有廳房及四至六人梳化位。 個人至喜歡及欣賞稻香有成座茶几，入座職員問左要咩茶葉，俾包茶葉後，自己慢慢舞，最重要唔駛好似以前飲茶咁，無晒茶要叫職員加水，因至怕攪著職員。加上座位同枱空間夠大，坐得舒適，呢個係我選擇稻香飲茶嘅主要原因 至於嘢食方面，還有好大進步空間。 今天一支公來飲早茶，第一天營業，預左會混亂, 可能客人唔多，入座後，職員跟得貼，有跟進茶客識唔識攪個茶几，雖然都見到職員未必個個都好熟茶几個制，我地茶客又何況唔係，雖然响鍾菜館飲開，有時都篤唔掂個茶几制，自己怕攪到人，通常自己左篤右篤又掂左。今次見職員咁好，又再聽講解，感覺相當良好 點食物要嘟膠板上方個枱號個code, 點左五樣食物。 1)像真冬菇包 -外型好趣緻，好夠熱，包身都好味，個餡係菇類但就一般味道。一試又無妨嘅。 2）鬼馬牛肉腸 -呢個標明即整，要耐用等候，腸粉類嘅食物要點吓，雖然塊皮都做得幾厚，好處係夠晒飽肚，新鮮熱辣辣上枱跟埋碟豉油，入邊有脆口，似係包左切片嘅炸油條片，至於牛肉就唔多，同埋無咩牛肉味，始終即做，又覺得幾好味 3）鳳爪排骨飯 -排骨瘦唔會過份肥膩，鳳爪兩小隻，米飯又幾好，呢個幾好味，只是份量細左少少。 4）稻香蝦餃皇 四粒一籠，大粒，幾好。 5）懷舊豬肚雞紮-腐皮就麻麻地喇，包住嘅食材都ok嘅，試一次夠。 是日星期六，早上九點前落單，九點半前埋單，全單有六折，呢餐百二蚊有找，一支公入嚟靜靜地嘆壺杯普洱，食返幾籠，自備盒打包一半點心俾家人幫手食，所費無幾，坐得舒適，所以折後真心係抵食超值嘅 最值得讚賞-員工好多都好好，可能今早幫襯嘅客都真係好有心嘅稻香熟客為主，經理及職員等人都密密巡吓各張枱有咩需要，始終新開張要做好口碑。 最驚喜-單邊二人位個行，會有部電動＜自動行走嘅運餐機＞幫輕吓員工. 部機有幾層託盤，食物運到職員企嘅位置，接左再俾客。响稻香就第一次見，茶客們都話咁得意，八掛係咩嚟，職員又簡單講解兩句。 查實有返開內地嘅人都知，內地現在好多嘢都好先進，走得好前，香港還在追緊落後，要加把勁 好在有稻香，將內地飲食文化帶嚟香港，期待有日香港嘅稻香响天花行路軌，從天而降食物嚟，咁又好玩，因內地某d食店進化到從天而降，都好期待香港將來有。 對我嚟講，飲啖茶，嘆幾籠點心， 食個早飯就係大滿足嚟。 ㊗ 大家都身體健康 祝觀塘稻香生意興隆

今天真的很高興 早前接穫師姐升職好消息， 十分之高興達至燒爆*仗*級別。 有幸相約在此處用餐。 避過餐廳繁忙午飯時間， 訂1：30p用。 呢庶响潮觀城酒樓對面。 戶外座位嘅空間較室內寛敞， 有瓦遮頭，商場外落著微雨， 通風良好，坐得舒適 純粹坐住戶外等師姐期間， 突然聽到播放生日歌， 又佔吓六月之星嘅開心先 餐廳怖置簡潔而有心思， 如置身一個迷你嘅 歐洲小花園嘅地方用餐一樣 咱們都選擇左戶外用膳。 門口畫作及餐牌是類似醜化左嘅白雪公主嘅模樣，沒有深究，但反而覺得幾特色，鍾意喔 揀餐方面，反正第一次來幫襯， 集中揀大家都啱食嘅， 5號＆8號餐跟熱檸茶 餐湯蘑菇湯及飲品，味道ok. 菠菜羅勒醬雞柳意大利飯 ，擺碟色鮮艷，色香味俱全，飯好味，濃杰度恰當，咸味適中，一口接一口，好快ko左。 澳洲和牛烤大菇漢堡配沙律薯條，味道ok. 經open rice訂座消費滿二百蚊可額外俾$18加一份嘅pancake, 還可以四選一，呢個優惠真係十分正。 訂座時講埋碟邊寫句祝福語，Good Luck to u(喻意：事事順心）. 職員十分好，安排妥當 十分寫意滿意嘅一餐 多謝晒師姐嘅好介紹，感恩

長期都間中嚟堂食嘆點心 對上一次堂食係2021年除夕， 那天即慶同個朋友嚟左嘆茶， 緊接去到開年訂左個盤菜， 朋友都滿意。 疫情嚴峻，蓮香居停業一輪， 四月一號重開堂食， 疫情第五波未完，隨時又嚟第六波。 呢幾日都有朋友去街堂食鬆一鬆先。 今天重開，早上六點幾就出門口，街上少人，七點幾嚟到買外賣， 鴨腳紮至愛，又食吓雞球大包，蝦餃，叉燒腸，豬肚燒賣。 水滾茶靚 太耐無得食，買回家路途唔近嘅，但食物還暖暖地，味道幾好，大包回家有再蒸返熱才食。 水滾茶靚都好想堂食，不過始終飲茶要慢慢嘆，除下口罩堂食有一定風險，買外賣家人又可安心在家齊嘆，也有好處。 傳聞強檢攪到香港人無奈地與病毒共存，沒完沒了的檢測，不知那天才可過返上年十二月望月樓事件前嘅生活。 希望有奇蹟出現！ 暫時，市民都係見步行步。 食得是福，飲啖茶食個包， 輕鬆一吓先

幫襯多年，間中要食吓 呢庶嘅懷舊點心才安樂 糯米包每次都必點， 因都唔係太多地方食到。 鴨腳紮就更加難有， 好多酒樓都無做鴨腳紮， 買少見少，重有得食，份外珍惜。 香港疫情仍然嚴重， 大環境改變唔到。 唯有嚟搵啖食，開心一吓先 特登九龍搭嚟堅地再行嚟呢庶，就係為左買四籠點心，好開心佢重有開緊，收銀伯伯有禮貌 買左要帶住D點心，再搭叮叮落老同買埋其他嘢，回到家下午兩點幾再蒸返嚟食， 就係太耐無食過，特別好味 美食振奮人心 多謝新興咁正嘅點心 絕對要多多支持

好姐妹相聚， 放暑假當然帶埋小朋友呢。 呢庶幫襯左幾年，食慣食熟喇。 平凡嘅食材，廚師用心製作。 77蚊一位半自助餐， 跟每人一杯雪糕或 指定款式甜品。 持某D職員証有折，70蚊位。 三至八歲幼童大約收40蚊位。 真係大人細路都超級超值喇 至愛呢庶嘅炸饅頭(必點練奶)、蒜蓉多士、中湯、西湯、粥、卡邦尼意粉(超好食，遇唔遇到佢要講緣份)。 飲品就喜歡清減D嘅鮮檸檬熱紅茶。 限時九十分鐘，專心食嘢慢慢嘆坐吓。呢庶室內、戶外都係好坐 職員一向都好喔

良朋相聚，二人嚟唱K。 以往唱開老同，觀塘，宋皇臺，MK。 第一次去荃灣CEO， 大鴻輝中心呢個位置都算方便， 以往都嚟過行街但就唔知原來樓上有K唱。平日唱早K，跟一份主食同飲品， 散叫碟菜心，埋單加埋一，大約$216.每人百鬆D蚊好抵玩喔 食物同飲品都OK呀 飲品點熱奶茶同普洱，夠晒熱。 職員服務就是讚 原本想一開門就嚟唱，有D事攪晏左，大約十一點半才到，好似係唱到下午三點完，兩個人食嘢，聽吓歌，唱吓，快樂不知時日過 喜歡聽歌睇MV，期待好快又有伴再去唱K，是日點左炎炎嘅 <沒有你還是愛你> 三次，因難得大家都識唱，舊歌新唱就是 英文歌、國語歌、廣東歌都有唱。 好歌不厭百回聽，新舊歌都聽吓唱吓

第一次嚟元朗總店幫襯， 下午茶時間，下午一點九去等位， 排第四個，等左十分鐘就入坐。 點左八樣食物，米粉賣晒，生菜唔肯定係家人畫漏左定酒樓漏單。見無菜到，我地無追。所以嚟左六碟嘢。 六款食物都係好味呀。 鴨腳紮：好多酒樓都無賣，時時都恨食，逢响酒樓見到有都必點 蝦餃：四粒大大粒有兩粒爆開左，賣相衰D，但味道依然咁好味。 沙薑雞腳：沙薑汁和雞腳超正，食唔晒回家再蒸翻熱食，更加好味 五味雞：以為係有五個味道，食到豉油味，唔錯呀。 薑汁雞飽仔：熱辣辣，係中間嘅包嘅位置濕左D味道OK。 奶皇馬拉糕：夠熱甜道可以，香濃幾好味。 美食滿意呀，期待好快又再嚟晚飯或嘆吓其他點心