屋企附近新開左呢個商場第一次去，帶埋BB去食晚餐。餐廳環境很舒適。他們亦都有Baby friend嘅high chair. 服務亦都很好。 我們叫了一個海南雞飯，油飯味道很好。海南雞的份量兩個人吃剛好，雞皮好似啫喱咁樣爽爽滑滑很好吃。 另外叫了一個咖喱雞飯，咖喱汁很香濃，配上白飯和薄餅很好吃。 咖喱裏面還有秋葵茄子和其他配料沾上咖喱汁很搭配。 最後不得不介紹，就是這個黑醬油炒鮮蝦蘿蔔糕。好惹味。裏面仲食到一絲絲嘅蘿蔔。

朋友帶我去食台灣野，一入到去已經覺得個裝修好有台灣嘅感覺 朋友最鍾意食滷肉飯，又驚滷肉飯會太洗碗唔夠飽，所以叫咗一碗大，點知嚟到真係好大，味道亦都做到台灣食咁樣，啲滷肉肥瘦適中！ 鹽酥雞 而我最鍾意就係食牛肉麵，佢啲牛肉炆得好淋又入味，個湯底好重牛骨味，加埋少少酸菜調一調味，令到整體冇咁重口味。 而成餐飯最好食嘅一樣嘢就係呢個芋泥蛋餅，芋泥好香，唔會太甜，中間仲有啲肉鬆添，成件事夾埋真係好好食會好想再食多一次！

今日朋友想食burger, 去左佢番工附近食左一間想試好耐嘅burger 我地叫左雞肉Cesar Salad, 雞肉好juicy 鹹蛋黃雞煲，我覺得佢地嘅雞做得好好，香脆嫩滑 美式芝煲，中間仲有層煙肉，好夾 肉汁芝士薯條，好邪惡🤩

今日遲左收工，唔想煮飯但又想飲番碗湯就去左屋企附近間二少廚房食。 最鐘意佢地有燉湯飲，我同老公每人各一款 花膠瘦肉雞湯， 個湯好清唔油，同埋舊花膠好好味 酸菜胡椒豬肚雞湯，胡椒味好重，豬肚都好好食無岀面有時食到嘅豬臭味，同埋無味精 之後我地各自叫左一個手撕雞飯，啲雞好滑 特別係我個招牌客家鹽焗手撕雞飯，雞好入味，同埋佢有啲鹹雞湯汁撈飯超正。 另外我老公就叫咗泰式酸辣手撕雞，呢間都好滑但係嗰張就比較普通我個人鍾意招牌客家鹽焗雞多啲。 最後我哋仲加咗個餃子豆漿豆漿，都很不錯。個豆漿好滑好有豆味！

中環lunch 搵食記

最近中環又開左個好chill 可以飲野食飯既地方H Code, 入面有好多好似好正既餐廳。今日就去試下呢間人氣 chicken Bar。鋪頭半開放式好開揚但亦都唔洗驚會好熱, 因為入面其實都有冷氣同陰涼位, 所以就算炎炎夏日我唔覺得好熱。
我地叫左兩杯draft beer, 坐係呢個半outdoor既地方, 好有lunch break get away 既感覺
Okonomiyaki Bun - 入面有一塊厚雞扒, BBQ sauce and dashi mayo and cabbage。雞扒雖然炸, 外面好香脆, 但仍然好juicy, 加埋小小酸甜既青瓜同菜帶一點清新   
Fried Chicken and Hot Fries, 同塊雞扒一樣好juicy, 雞肉一D都唔老, 而且好入味。
hot fries對於我地黎講就有小小辣, 不過好彩有啤酒飲
整體The Chicken Bar 係一個飲野同食小食都好唔錯既地方!! 

朋友和我都很喜歡食天婦羅, 知道朗豪坊開了從日本開過來的天吉屋, 當然急不及待去試一試。
有牛蒡漬同羅白漬都是可以自助任加的, 做飯前小吃很開胃 而且沙律菜配柚子醬汁很好食, 也是無限添加的。 我跟朋友都叫了天幕御饍, 這個餐是有3食的, 天幕御饍內有黑虎蝦, 海紅鯛魚, 軟殼蟹, 什錦炸物, 茄子, 南瓜, 炸紫菜及四季豆, 飯是無限添加的 食物材質方面都很好, 天婦羅不油, 皮薄脆, 配上醬油跟飯一起食很滿足。

喺尖咀行完街, 就去左朋友話好好食嘅棋哥度. 朋友講到好誇張, 令到我好想知道燒味到底可以有幾好食.. 我地點左個4餐, 有燒鵝, 乳豬, 一個單拼燒味, 油菜, 4個飯/瀨粉/米粉,仲有老十火湯或野飲 是日例湯- 花生眉豆雞腳豬骨湯, 寫到明不加味精，飲落足料，非常住家湯feel 燒鵝味道也很入味，肉質鬆軟，加上有少少肥膏和又香又脆嘅鵝皮，燒鵝有微微嘅茘枝木煙燻味，肉汁同鵝油嘅油脂香停留在口腔內久久不散. 同出面一般食嘅燒鵝分別頗大, 果然名不虛傳. 燒肉味道剛好，唔太咸，唔單止皮燒得夠香脆, 肉都夠嫩,而且女士最愛唔會太肥膩 乳豬,雖然皮都十分香脆, 不過有點太肥. 但係整體都唔錯啊~

之前都已經食過一次渝味曉宇, 見到佢最近做緊8月午市火鍋八折優惠, 同D同事就lunch 去食下啦~ 我地叫左麻辣加豬骨湯底, 食菜既時候就唔洗吸哂D油啦 我地叫左蒿荀, 佢有分薄片同厚切, 我個人鐘意食厚切多D, 夠爽口 曉宇茗粉, 食麻辣必叫既, 好似薯粉咁 脆晥魚片, 新鮮咁鮮味同爽口 桶肥蠔, 隻隻都手掌咁大, 又新鮮 安格斯肥牛, 質數OK不過份量就少左D 紅糖慈杷, 口感好似年糕咁, 配埋紅糖食好正 墨魚滑夠爽口彈牙 整體質數不錯, 麻辣夠香麻, 會再黎食呀!! 

同一班朋友想食日本居酒屋, 朋友推介左0係不嬲多野食既棉登徑既一間日本居酒屋- 平成 我地同朋友各自叫左唔同味既乳酸飲品, 分別係巨峰, 荔枝, 士多啤利同百香果 芝士蔥蛋餅, 好多芝士, 蛋0岩0岩熟, 蔥好香, 三者夾埋一齊食絕配 芥辣八爪魚, 餐前小食 海量蔥月見牛肉井, 月見即係半熟蛋, D蛋汁撈埋個牛肉飯好好食 海鹽燒牛舌 明太子雞翼 三重芝士火山鰻魚井, 超重芝士, 有3串鰻魚, 分量好大, 鰻魚燒得好好, 皮脆肉滑 味噌茄子 燒雞皮 燒雞翼 燒免治雞肉捧, 要點生日本雞蛋食, 雞肉捧內有D脆骨好得意 冰鎮秋葵

今日想食中菜, 朋友搵左個好坐D既餐廳名館,
餐廳好闊落唔會似同隔黎台傾計咁

我地叫左好多款菜式

泡椒魚皮絲, 魚皮好爽脆, 用左花椒油同麻酒撈, 唔錯
特選三精品, 當中有青瓜, 黑醋海折同埋蜜汁叉燒, 青瓜同海都好開胃, 而叉燒亦好入味同好淋
手工蔥油餅, 自己比較喜歡食薄身同埋多D蔥既蔥油餅, 但呢個都不錯既
石窩鮑魚雞粒炒飯, 炒得好好夠乾身, 入面好多料, 有好多隻鮑魚仔同埋雞粒
魚仔蒸娃娃菜, 金銀蒜魚仔好惹味加埋D菜清清地好夾
姬松茸爆炒豚肉, 味道好好, 份量亦好足
蝦球蟹籽銀絲煲, 味道可以再濃少少, 蝦唔算好鮮味
砵酒脆炸廣島蠔, 蠔味好重, 炸得亦恰到好處
整體地方坐得舒服, 出菜快, 食物唔錯, 係朋友聚會好地方。