筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！

最近女友有d值得慶祝嘅事，我當然要搵間餐廳同佢食餐好獎勵下佢。上openrice搵餐廳見到CHEF STAGE de Eddy Chu都好多好評，性價比亦都好似唔錯，最緊要仲有埋個靚景，即刻book檯！一出lift已經見到老細好多獎係門口，大有來頭！入座前做足防疫措施唔少得，量體溫+搓手液消消毒！ 餐廳位於19樓，可以睇到尖沙咀靚景當日有幸得到老細招待，非常有禮，亦都十分詳盡咁介紹餐牌同推薦時令食物 乳酪鮮蝦芒果沙律
顏色鮮麗，有紅有綠，入面包括一般沙律出現嘅菜、大蝦同芒果！特製醬汁配上芒果，甜甜酸酸好醒胃。蝦肉結實！ 海鮮盤
呢個海鮮盤真係不得了，加唔洗300就食到，整體新鮮、有鮮味又夠凍，最正係女友有得打卡呀嘛！Eddy仲特製左兩款醬汁俾客人自己點黎食，香葉檸檬汁，有檸檬嘅酸又有少少辣；冬陰公汁，有d杰身，有好香嘅香茅同檸檬葉味。
帶子：配白麵豉蜜糖，鹹香帶甜！帶出帶子嘅甜度同鮮味！
南非生蠔：大隻，creamy有海水味
蜆：鮮甜無沙
大蝦：夠凍，同質結實，似酒店食嘅頭盤凍蝦
鮑魚：事前有用調味煮過，鮮甜厚肉！ 黑松露磨菇湯 十分足料絕無欺場，每一啖都食到菇肉，有松露香氣但又無蓋過哂其他味，呢個唔係creamy style，唔會用好多忌廉，無咁肥，啱哂女士！清酒蟹肉日本年糕 呢個我勁鐘意！年糕有四舊，煙韌掛汁！個汁有d日式西餐feel，creamy，中間有d蟹肉提鮮！ 特選雜扒
全晚我最期待呢個，無計啦我係食肉獸嘛！上檯已經聞到燒烤嘅焦香同肉嘅脂香交疊！
牛肉眼：較薄身，牛脂好香，唔鞋口
黑毛豬：厚切，油脂好足
黃油鷄扒：食到同出面冰鮮雞扒唔同，有雞味，
羊鞍肉：羊味較重，做到半生熟，嫩滑
燒牛脷：一大條咁食，無so味，夠淋！
配菜：第一次食到紫薯蓉，比較黏身，好香甜，同平時嘅薯容唔同！紅蘿蔔超甜！鮮鱸魚柳配日本帶子 鱸魚煎得皮脆肉嫩，選用冇骨部位啖啖肉。帶子煎到半熟 食埋個精美甜品就結束美味嘅一餐，渡過一個愉快滿足的晚上。今時今日做老闆唔易，開餐廳更難，從店內各個微小地方都見得到老闆用心經營！值得支持！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！


無錯呀，繼續係解思鄉系列，無計啦，疫情關係都仲未飛得，不過都好嘅，可以同時間發掘下有咩高質餐廳媲美到當地嘅味道。漁獲浜燒係我一個住港島嘅FOODIE朋友推薦，襯住朋友生日，就黎呢度同佢食餐好嘅！一如以往怕等位，食6點，果然我地係第一檯客，店員幫我地量完體溫同提供搓手液俾我地消毒後，就帶左我地坐房。環境幾好，好有日本風味，周圍仲擺放左d海鮮嘅擺設同POSTER，我地張檯對住大街，有少少黃昏嘅光射入黎，好捨意！ 原來3-6PM仲做緊6點前離座7折優惠！ 成日心思思想接觸下日本酒，但係就無心機研究邊隻打邊隻，店員好好會根據我地口味推薦一D日本酒俾我地，最後我地叫左北鹿天祿光臨大吟嚷，幾啱我口味，清清地但餘韻回甘，有D開心果同李子嘅果味！ 剌身盛合五款 先黎個刺身先，五款包括三文魚、油甘魚、吞拿魚、牡丹蝦同馬糞海膽，魚生每款三片、牡丹蝦兩隻、馬糞海膽就一杯搭幾塊紫菜俾你包住食！魚生全部都勁新鮮，油脂重、魚味香濃鮮甜！仲要勁厚切，好幸福呀！ 牡丹蝦極甜，豐腴甘香的蝦膏，還有細綿帶爽的口感，無得頂呀真係！ 馬糞海膽味道濃厚甘甜，回甘強，海膽膏的瓣塊較小，極其鮮美食完海鮮後店員幫我地清理好檯面，端上燒烤爐同介紹醬料，左起海鮮醬油、胡椒柚子、七味味噌 二人前浜燒盛合(活) 主角出場，全部都係活海鮮！
時令活蠔浜燒：加左清酒同高湯去燒，店員燒野有一手，控制到半生熟，一咬開鮮味充斥成個口腔
活日本帆立貝浜燒：有兩種煮法，店員問我地想試邊種，我地話兩種都要試！第一種以清酒同木魚高湯燒煮帆立貝，口味清甜，鮮味較凸出；第二種係香草牛油燒，蒜味重，油脂香氣撲鼻，偏西式。不約而同我地都鐘意第二種煮法多D！
松葉蟹：肉質纖細，鮮甜
鮑魚：四邊邊到有少少焦香，肉身保持鮮嫩彈牙，仲好多汁！
珍寶大蝦：超大隻！燒到啱啱好乾身，肉質紮實飽滿富彈性，蝦味濃！生燒鰻魚飯 無D澱粉質落肚硬係覺得意猶未盡，見到個鰻魚飯寫住生燒就問下店員，原來鰻魚飯有兩個派別，分別係關東同關西風，生燒就係關西風做法，不會蒸煮而係直接燒，保留較多油脂同時較脆口！醬汁能夠突顯鰻魚的油香，加上鰻魚燒得香脆可口，鰻魚肉非常豐滿，滿腔滋味。 甜品：蕃薯需榚/香橙雪葩 見微知著，連雪榚都咁俾心機造，呢間餐廳都真係好有誠意！將蕃薯同橙縷空，再將果肉造成雪榚同雪葩，蕃薯甜而不膩，仲帶少少薑味，好似食緊蕃薯糖水。雪葩酸甜清新，起解膩作用！以呢兩個甜品作結真係大滿足！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！

我諗每個鐘意食泰菜嘅人係九龍城都必定有一間係食開食慣嘅餐廳，我都有，但今次想試新野，比較下！咁啱經過呢間小店，唔太起眼，但係OPENRICE嘅評價好高，就決定試呢間！同好多餐廳一樣，入座前店員會為食客量度體溫，提供酒精搓手液消毒，坐低仲有一大湯碗熱水俾你洗餐具，唔止呀，仲有提供消毒濕紙巾，驚你陣間會用手食野！好貼心，防疫功課做到足，我都食得安心！
鮮魷沙律
天氣咁熱叫個沙律先，鮮魷有好多塊，食得出係新鮮貨而唔係冰鮮野，塊塊都脆口有鮮味！配料有蕃茄、青瓜、甘筍、 西芹同蔥，味道以酸味為主，有少許辣！ 泰東生菜包
呢個生菜包標明泰東，但同我平時食嘅生菜包味道無分別，莫非生菜包就係泰東料理？唔理啦，總之好味就得！生菜包豬牛肉雞鴨揀，我地要左豬，作為前菜份量都幾大碟，生菜都有成十塊。好鐘意生菜包呢味菜，豬肉熱辣辣，生菜就凍凍地，而且豬肉斬淋淋，生菜就爽脆，成味菜嘅配搭都好得意！而呢度嘅肉碎好惹味有少少辣，夾生菜食正呀！ 蛋包鮮蝦金邊粉
淨係睇個蛋網就知小店出品不d都唔馬虎，旁邊配搭幾條香蔥同花生碎，食PAD THAI最緊要金邊粉煙韌彈牙，配埋羅望籽汁，酸酸甜甜好開胃！料都好多，鮮蝦豆腐乾唔少得啦！ 燒雞半隻
呢個係屬於傳統泰式燒雞，偏乾身，肉汁唔算多，但係搭配個酸辣汁食都幾好味，醃雞嘅醬料都好惹味，用燒嘅方法令到D醃料出哂味！ 椰汁珍多冰
成杯都係椰汁，呢鋪真係肥仔，但偶爾飲一次都OK嘅！ 如果你喜歡我的食評，請按推薦給予小弟少少鼓勵，謝謝！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！


困左係香港實在太耐，同女友都一樣十分思鄉，所以約好左一連三日都食泰菜，所以黎緊三篇食評都係泰國餐廳。今日第一間就係位於K11 2/F嘅阿閒泰，點解揀佢？無他，純粹係K11行街咁啱經過就入去，而我地一路都奉承泰菜無難食嘅宗旨，點知好有驚喜！阿閒泰絕對係一間有良心嘅食肆，會提供折扣俾香港出心出力嘅醫護人員，真係要俾個讚！
我地習慣早D食飯因為唔想等位同人迫，當日入座係6點，食客唔多，唔洗等就入得。入座前店員會為食客量度體溫，提供酒精搓手液消毒，最正嘅係佢地仲會提供埋口罩袋，好細心！
店內裝潢走懷舊工業風配搭樹林裝飾，半開放式設計，一D侷束嘅感覺都無，坐得好舒服！

餐牌設計唔錯，圖文並茂，諗唔到食咩？仲會推薦十大俾你揀！
自家手打鮮蝦焗脆香多士
初頭揀呢個以為會似蝦多士，點知原來成舊都係蝦肉，所以呢味叫蝦餅仲貼切。四大舊蝦金磚，即叫即炸，上檯熱辣辣，每啖都係蝦肉，肉質彈口，配埋甜酸汁勁開胃！
虎蝦卜卜蜆冬陰功湯新鮮手造金邊粉
食泰菜點可以唔叫冬陰功湯？呢碗粉大到根本兩個人share都得！側邊跟左青檸同椰汁，可按個人喜好加入，湯底鮮甜，應該係用蝦殻淆制，連我食得辣嘅都覺得味道偏辣，但配檸汁又酸又辣，停唔到口！配料有一大隻虎蝦，仲要剝埋殼，肉質爽口彈牙。卜卜蜆就正常，還有泰式茄子和蘑菇，非常豐富。
泰式青檸香草燒春雞配椰香糯米飯
全晚最精采一定係呢隻燒春雞，即叫即燒，當大部分嘅泰式燒雞都係又乾又柴嘅時候，呢度係可以做到皮脆肉滑，用刀切會聽到脆皮聲，一路切仲一路標汁！第一啖唔點汁，你就會食到脆皮嘅炭香，肉質鮮嫩，而且內裡仲用左D香料去醃；第二啖點埋個汁，有小小似燒汁但又有dd酸辣，真係番轉頭都係因為佢！
再配埋個糯米飯真係好飽！
楊枝甘露沙沙配自家製芒果雪條
見檯檯食客都會叫杯有雪條嘅野，又有得飲又有得食好似幾過癮，我地又跟住嗌左杯，造型係幾得意，打卡一流！底味係楊枝甘露但變左有d似沙冰，好涼快，支雪條話係芒果雪條，但我就覺得似沙田柚味，不過都係好味的，以呢個甜品作結好滿足。
順帶一提，成晚侍應服務都好好，唔洗我地舉手都知我地需要D乜，上餐時亦有講解，尤其係上甜品時我地諗住share，兩個人食同一杯，點知隔左陣侍應主動拎左兩個杯俾我地，服務好細心！
如果你喜歡我的食評，請按推薦給予小弟少少鼓勵，謝謝！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！


話左一連三篇泰菜食評，今日黎到第二篇旺角區，係朗豪坊睇完戲過黎食就啱啱好！當日食下午茶時段，食客不乏附近上班嘅Sales同化妝品姐姐，應該係朗豪坊員工飯堂之一！ 下午茶價錢超抵！ 一黎到唔好講野，整杯青檸梳打同泰式奶茶先！ 海南雞飯
勁大個油飯，都幾香雞油味，雞肉質正常，點埋個酸辣汁會更好味！青咖哩米線 女友話幾好味，青咖哩變湯底幾得意，bb辣，配料有豬頸肉、茄子、四季豆等，米線都算爽口！酸辣無骨鳳爪 酸辣鳳爪係必食之一，仲要去埋骨！配料好足，有芫茜、蔥、紅蘿蔔、蕃茄、青瓜洋蔥等，鳳爪肉質爽脆，酸酸辣辣好惹味。 西蘭花蝦球
去泰過有時都會食到d偏中式嘅菜，就好似呢個西蘭花蝦球，好有鑊氣，蝦又大隻又彈牙，菜都係脆嫩！唔錯！ 如果你喜歡我的食評，請按推薦給予小弟少少鼓勵，謝謝！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！


食評開首，首先同follow我嘅讀者講聲抱歉，因為社會事件加上疫情關係，實在無心情寫飲飲食食嘅post，所以小弟出產少左好多，黎緊盡情寫番多d啦。

我發覺搵好野食有兩種人，一種係完全唔介意服務環境，只要好食就得；另一種就係乜都唔好講，如果你環境污糟，幾好食都唔會去。小弟係前者，反而我未婚妻係後者。係香港要食好味嘅滷水同鵝肉好多時都係比較舊式嘅老鋪，環境衛生好多時都係一般，而今日呢間餐聽既可滿足我食好西嘅心態，又可以滿足我另一半對環境衛生嘅基本要求，因為今日食嘅呢間餐廳係連鎖經營，所有野都好有制度，店面光鮮亮麗，員工服務好，制服乾淨。

其實呢間餐廳開左無耐，但就一口氣係幾個貴地段開鋪，係咪疫情關係租金平所以開咁多間？筆者唔知道，我只知道佢對自己嘅出品好有信心，而我食完的確覺得好唔錯。

滷水鵝脾飯
先講價錢，以中環地段仲要食鵝肉黎計，呢間算平，有d飯餐六七十都有交易。我叫左個鵝脾飯，碗中除了鵝髀外，仲有滷蛋，豆腐卜，扎肉，菜脯同酸菜。鵝髀齋睇色水就知好靚，味道滷得啱啱好，肉質鮮嫩，滷水咸度適中，唔會話食到「確」喉，連皮也很入味，香滑而不油膩。值得一提係個飯，好綿糯，好有米香，唔係出面一般食到。 滷水鵝腸
呢個我真係要用痴線黎形容，係好食到痴線！一般大家食到嘅鵝腸好多時都係急凍貨，無肥膏好瘦，而呢個好明顯係鮮鵝腸，個d肥膏嘅甘香係真係冰鮮貨取代唔到，黎呢度一定要試，十分有驚喜！
如果你喜歡我的食評，請按推薦給予小弟少少鼓勵，謝謝！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！


同友人去紅磡做d野，事前去左黃埔覓食，上openrice睇下，就俾呢間拉麵大王嘅藍卵拉麵吸引，所以去試一試。一到步店員送上凍水，店面裝修好似睇日本漫畫嘅拉麵店，好有味道，好似真係去左日本咁。
比起藍卵，我更喜歡胡椒拉麵。胡椒係香料，一定要經過加熱才能完全散發其香氣和味道，用黎做拉麵湯底最適合不過。除左香濃胡椒味，師傅更鋪上一層芝士，既中和到胡椒嘅辛辣嗆喉感，亦能加添一陣芝士穌香。叉燒有3大片，正常。面底揀左偏硬，食落爽口d，係我鐘意嘅texture。
餃子係用烤焗方法製成，好處係減少好多油份，外層焗到香脆，亦保持到肉汁，食嘅時候要小心辣親個咀！
豚角煮$25份量都ok，做得非常之稔同埋入味，偏肥，但個份油膩同焦香好難令人抗拒，有D似居酒屋食到嘅味道！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！

最近購入了一台私家車，所以常常跟朋友在晚上出車吹吹風，剛好今晩大家都還沒吃飯，決定開車到大埔找吃的，經過一個寧靜的小區看到有雞煲吃就進去了。
店面小小的，是典型的小店，座位不多，牆上掛著一些酒壺，挺有趣。這裏是任吃的，價錢由$158至$198，先吃雞煲然後再任點生料。剛好今天天氣涼涼的還有點雨，決定點個藥膳雞煲暖暖身。
一上桌已經聞到一股酒香，揭開煲蓋就看到這個煲絶不馬虎，有大量的杞子、冬虫草、香葱等，香氣撲鼻！先喝一口湯頭，好喝無味精又暖身！雞肉亦十分嫩滑，量亦不少。吃雞煲同時點了一碟涼菜，涼菜也是任吃的，味道也不錯，特別推廌黃金皮蛋！點了兩轉生料，質素都還可以，特別推廌炸魚皮、丸類。
另外附費點了小份安格司牛肉，紋路清晰，鮮味十足！想不到這裏附費的響鈴是即點即炸，配上泰式甜酸醬，吃得一口接一口。 以小店來説，這家的雞煲確不錯，即炸響鈴更是亮點！

如果你喜歡我的食評，請按推薦給予小弟少少鼓勵，謝謝！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！


我倆都頗愛吃泰國菜，要吃好吃較正宗的要去九龍城，奈何位置唔太方置，有時在尖沙咀的話就會上I Square的新曼谷泰菜。泰菜其實基本上很少機會吃到難吃的，畢竟香料那麼多，怎樣做都會好吃。第一次來新曼谷泰菜是兩年前帶緬甸客人來的，那次的確很好吃，覺得不用特意去九龍城那種，但之後再去水準較飄忽，有時很好有時普通，今日剛好和女友在尖沙咀逛街，突然想念這裡的蠔仔蛋，所以便去了！
六點入座，餐廳客人只有幾個，由於我們不太餓，所以就只點了蠔仔蛋和海鮮炒粉絲。

我也不知蠔仔蛋是不是泰菜，在泰國也好像很少見到，反正好吃就叫了。或者可以當它是泰式蠔餅，但沒有加粉漿的，就是蛋和蠔仔。配料越少質素就必須越好，蠔仔隻隻肥大飽滿，重蠔味，吃得出是新鮮的，用鐵板端上檯已經吱吱響，蛋微焦，有鑊很很好吃！另附上是拉差辣醬，覺得不夠味可以沾。 海鮮炒粉絲都算可以，料都足，應有盡有，粉絲炒得乾身分明，加入一些類似櫻花蝦的東西，吃落去帶點鹹香。 這次食物水準中上，但我從來都不贊同吃飯要看運氣，一間好的餐廳要維持應有水準是必須的！

如果你喜歡我的食評，請按推薦給予小弟少少鼓勵，謝謝！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！


很多時候我和友人都在尖沙咀健身，但每次行經霸嗎拉麵門外都總是有條長長的人龍，剛好今天平日下午兩點多經過，決定跟友人來個cheat day。霸嗎拉麵這個名字很特別，整頓飯都在笑說「霸嗎？就是霸！」。

今天香港氣溫突然急升到三十多度，當然要叫個冰凍飲料啦！我點了信洲蘋果梳打，味道甜帶酸，喝完一口又一口，雖然太甜不解喝，但確是涼快，而且是飛機貨 (日本直送)，味道很新鮮，甜品也是飛機貨，待會介紹。 好像不用錢般點了很多東西
這是我的雞叉燒辛辣雞白湯拉麵 (中辣)，望下去湯頭紅紅的很像很嚇人，但其實還好，離譚仔的中辣很遠，湯頭做到掛湯的效果，白雞湯沒有因為辣而被蓋過其清甜濃郁的味道。第一次吃雞叉燒很有新鮮感，像中式的雞捲，嫩滑爽口。 雖然這裡拉麵是主打，但這個石鍋燒豚肉海老飯絕無欺場，出乎意料的好，一端上檯是熱呼呼的石頭鍋，蝦肉都算爽口彈牙，豚肉切成丁，有點像五香肉丁，但主角竟然是飯焦和炸蒜，鍋邊的飯焦剛剛好是焦脆，像在吃米通一樣，加到湯麵湯裡更能加添雞湯鮮味，建議大家試試！ 這個SIDEDISH炸雞也是出色，炸漿薄薄一層，鹹香酥脆，肉質亦嫩滑多汁，加上檸檬汁和沙拉醬，減低油膩感！ 最後是同屬飛機貨的米雪糕，白茫茫的雪糕，吃一口真的像極煉奶雪糕，而裡頭更有一粒粒白米，很好吃很有趣！ 如果你喜歡我的食評，請按推薦給予小弟少少鼓勵，謝謝！