咁岩經過見到開左就落左去食 中午12點到 仲未到好多人 . 我地兩個女仔叫左 兩個cheese burger 兩杯奶昔 加一份薯條 👉🏻Cheese burger好大個 入面可以免費加自己想要既配料 我今次芥末醬 茄醬 同洋蔥 啲肉好juicy 芝士好香 👉🏻薯條好大份 個紙袋入面仲有好多 可惜最後太飽係食唔哂🥺 👉🏻奶昔 可以自己揀味溝 但因為怕肚痛 只要左雲呢拿味 有驚喜 好綿 口感好正 一啲都唔覺得太甜 勁喜歡💕 不過價錢略貴 $50 但係會想飲第二次😛 整體上都唔錯 不過佢無Set叫 兩個人食左$360左右 一個Lunch黎講 都幾貴 😚😚不過一次半次 都ok la

想食好耐啦！ 行行下街 勁即興咁就去左😛 . 排第一個 都等左大概半個鐘先有位 比想像中耐🙈 . 🍉招牌草莓西瓜蛋糕🍓 $68 蛋糕甜而不膩 中間有塊西瓜好正 士多啤梨有啲酸 係接受範圍之內 下次要再食😋 🥑牛油果奶昔🥛 $62 原本想飲Flamingo (香茅荔枝茶+荔枝雪條) 不過太遲去已勁無哂 😭 最後叫左牛油過奶昔 呢杯有驚喜 好香牛油果味!! . ❗️要注意返 堂食需要設每位最低消費$80(唔包括加一) 只食Cake的話 建議外賣🥡抵食啲

開左咁耐 講足咁耐終於食到 可能疫情關係唔洗排隊 店內都唔算好多人 安排了坐近門口位置 唔知係咪門位置 不停有蒼蠅’嬲’住 感覺上無咁衛生😅 . 叫左個黑豚香蔥拉麵 $112(未計加一) 勁多蔥！正！ 黑豚肉香 個味幾好食 不過煮得耐 好韌 有啲痴牙🙈 叫左淡湯 個入覺得都好咸同油 想像唔到濃湯係點 拉麵普普通通 勝在份量多 就無其他人講到咁好😛 . 另外 小食叫左雞軟骨同餃子 三杯酢炸雞軟骨 $45(未計加一) 一上枱 忍唔住哇左一聲 勁細碟！ Size係食韓國嘢前菜既碟😅 我覺得係完全唔抵食 . 餃子🥟$45(未計加一) 有驚喜👍🏻 好香好好食 好多汁 不過上枱時餃子時微暖 有點可惜 . 食哂野 諗住飲埋杯水先離開 已經俾人催左幾次走 但係出面係無人排隊的。。。 . 整體上覺得所有野都普通 但價錢偏貴 仲要有加一服務費 所以真係唔會再黎

終於食到😝👏🏻 每次見到長長既隊都會卻步 今日去到排隊前面都有十個人左右🙈已經想放棄 但職員話搭枱可以即入 check身分證 量完體溫 成功！💪🏻 . 餐廳內好光猛 位同位之間都有塊透明膠板隔住 睇落去好乾淨👍🏻 餐牌有啲名好特別 好多都好想食🤤 . 最後叫左蔥油雞扒煎蛋飯$63 再加$3凍飲🙈天氣太熱唔飲凍飲唔得 上菜速度都幾快 5分鐘左右就有 反而餐飲等左10分鐘😂 . 蔥油撈飯好正 大愛❤️ 雞扒可能整定 只係暖暖地 不過都唔錯 一啲都唔乾 . 下次試吓其他先😋

經過左幾次 都被門面吸引 今次終於入去食到啦😛 不過可能岩岩開門 有好多餐都未準備好未可以叫住😩 . 今次叫左雜扒套餐$88+$38有飲品,沙律,多士,餐湯 最後加左綠茶芝士蛋糕$40 (後面係香煎三文魚扒餐,都好大份👏🏻👏🏻勁抵食) 前菜沙律好開胃, 餐湯叫左粟米湯 好甜好飲 多士就細舊左小小 麵包控既我覺得唔多夠 . 到主菜🥳 份量都幾大 好岩大食既你 雞扒同豬仔骨有驚喜 好入味 意粉無乜特別😂 . 但係甜品我建議大家可以唔洗加 $40但份量有點小😛性價比唔高 不過就幾香抹茶同芝士

高質黃店😋😋 星期日大概2點半，等左大概5分鐘就有位 不過搭Lift上去好多人，係樓下等左10分鐘左右。 叫左手撕雞漢堡同黑醋蘑菇牛肉漢堡 餐包括薯條，餐湯(我係南瓜湯)，飲品。 一個餐只需要$68，好抵食 ，而且份量足夠！ 如果大食，可以加$20薯條轉意粉，一定飽！ 青瓜手撕雞漢堡 好香，好食！ 不過我食到有啲狼狽🤣😛啲餸係咁跌出黎 整體上都Ok!! 黑醋蘑菇牛肉漢堡 醋味無想像中勁，牛肉好Juicy，好夾 下次想試下半熟蛋牛肉漢堡😋

好耐未出過觀塘食Lunch。 今次試下對於我黎講既新餐廳😛 地點好方便 出左APM步行2分鐘就到了 因為今次12點就食 樓下唔洗排隊等lift 離開時見到滿滿長龍🙈 餐廳環境內都好舒服，位置寬敞 。 👉🏻花膠雞湯米線 一上枱 真係嚇親😂 米線同檸檬茶都好大杯同大碗。 碗米線好足料，花膠同雞肉都好多，好岩大食既人 湯底好好飲😍 。 $78 有齊湯加主菜加飲品 完全係抵呀👏🏻 ((環境同服務都ok，仲要無加一)) 。 真係一試難忘，再試無妨 下次黎試下晚上既火鍋🍲😋

地方好乾淨，環境不錯，可能是假日去的關係比較人多，有點嘈吵。平日去應該是一個很安靜 舒服的地方。 美國香炸雞翼-上面4件時新鮮炸的，而下面4件似炸了好一會兒才上台。 黑松露意大利飯-飯略有不熟，食了一半就放棄了😅。 另外，慢煮55度西班牙黑毛豬串燒配甜蕃薯條個人認為最好食😛 薯條很喜歡好香好食，黑毛豬略黏韌。 飲品感覺太貴，$8x 一杯，最後決定飲水。食完後，去買反杯鹿角巷算會比較抵🤭 整體上價錢略貴，就算無點飲品每人亦須過百元買單。

晚市去等三張枱就食得，可惜服務員態度奇差。不想被安排洗手間門口位置，卻遭受黑面🌚 內裡的環境不錯，夠安靜，我有點怕很嘈吵的地方用餐。 坐下後食了才知道枱上的被以為免費的小前菜是要收費，也要茶芥後再加一，價錢不太相宜，且無人添茶，要叫幾次才有人過來斟茶。 食物很一般，炸銀絲卷亦是放涼了才上枱，粗炒是暖的，唯一覺得不錯的是小籠包，特快，下單不夠五分鐘就有得食😂，湯汁好多，肉頂好香甜，只係層皮厚了點。 最後兩人買單過$350，如此價錢下次情願食小南國。