見到有好多狗狗係餐廳，我又帶左我隻去食，仲可以坐入面。 Pancake 好吸引，仲有正餐食。 三文魚芫荽青醬意粉 意粉軟硬適中，份量好足好大碟，醬汁好creamy，芫荽味好突出，煙三文魚係一卷卷，幾精緻。 蜆肉意大利粉 蜆肉分量多，味道鮮甜。蜆肉嘅鮮味滲咗入啲意大利粉度，幾清新。 香蕉海鹽焦糖班戟 嚟到一定要食班戟，即叫即整，班戟有三舊，陣陣嘅蛋香搖落去動L動L，好梳乎。配料亦都好豐富，一定要試下。 蜜桃柚子茉莉綠茶 茉莉綠茶帶陣陣的果香，酸酸甜甜，味道清新。

去觀塘工廈食新開嘅餐廳，見到佢dinner勁抵食！ 一入去見到勁大又有飛鏢玩又有Beer pong 兩個前菜及餐湯 烤鐵板吞拿魚沙律 吞拿魚有3片，調味剛剛好，仲有好多沙律菜。 意大利黑醋配巴馬臣火腿沙律 巴馬臣火腿有2片，加大量沙律菜好惹味。 餐湯粟米蘑菇忌廉湯，南瓜湯。 粟米忌廉，超濃郁。南瓜湯好滑。 主菜 紐西蘭頂級肉眼，+78 切開都幾香，有着勁。都好大塊幾抵食。 阿根廷虎蝦蜆肉番茄意粉 虎蝦大大隻！係超級大隻呀！仲要幫你整走咗蝦嘅屎，加蜆肉。 仲有是日甜品，熱情果芝士蛋糕。 面頭的熱情果啫喱與芝士蛋糕味道好夾，食完甜品好飽。 另外，叫咗兩杯cocktail。 特色調製，一個係用烏龍茶整嘅另一個炒米好香濃如果你需要嘅話都可以叫bar tender親自為你調整一半。

來到紀念日梗係要食好啲！ 同老公兩個撐枱腳要食海鮮！ 海鮮拼盤 任選三款，我地揀左鮑魚4隻、龍蝦半隻、帶子4粒，醬汁揀左蒜蓉牛油。拼盤性價比高，鮑魚爽口，龍蝦多膏，帶子煎到金黃色。 兩個set dinner 燒紐西蘭肉眼扒 我哋叫咗七成熟，火候掌握得非常好，無overcook，肉味香濃，肉汁豐富 牛油忌廉汁蘆筍野菌雞胸意粉 意粉醬汁creamy，軟硬適中，雞胸嫩滑，同個汁好夾，推介！ Set dinner有餐湯、水牛芝士車厘茄沙律，仲有餐飲或甜品 成個set好多嘢食，性價比好高。

今日去左大角咀，又係要趁六點禁堂食之前食個下午茶。 老厝邊既下午茶只要$38就有一道台式料理加台式飲品，都幾抵食。 滷肉飯係我每次去台灣都一定要食既台式料理之一，肥美既豬肉加上香濃醬汁，超好餸飯！ 老厝邊既肉燥用左手切豬肉面，口感好好，而且醬汁好多。 塔香鹹酥雞係每個台灣夜市都有得買既小食，呢度既鹹酥雞外皮脆卜卜，雞肉肉嫩且多汁，加埋鹹鹹地既香料，勁惹味。 另外點左一份炸物拼盤同埋一份蛋餅。 炸物拼盤最特別就係有炸甜不辣，口感煙煙韌韌 蛋餅勁多肉鬆，醬汁帶微辣，幾香。

限聚令之下，夜晚無得堂食，唯有早啲去食下午茶。 今日就去左旺角彌敦道726既麵麵，餐廳主打魚麵、魚烏冬，14:30-18:00提供下午茶，價錢由三十幾蚊起，算合理。 我點左一份白玉魚丸鴛鴦春卷花膠濃魚湯稻庭烏冬，另外一份蟹肉伴魚烏冬 白玉魚丸鴛鴦春卷花膠濃魚湯稻庭烏冬（$38) 由於轉魚麵或者魚烏冬要加$10, 所以我就照食返稻庭烏冬，其實味道口感都好唔錯，煙煙韌韌。湯底味道都幾重魚味，不過有啲油。另外白玉魚丸非常彈牙。 蟹肉伴魚烏冬（$56) 伴魚烏冬雖然價錢稍貴，但用料十足，而且配魚烏冬。魚烏冬口感彈牙，配埋醬汁同蟹籽口感好豐富。

對於常備飲管喺身既我，去到好多餐廳都會走飲管失敗，都明白既，因為好多餐廳都好忙，未必可以幫忙走到飲管。 但一去到Paradise Cafe, 就見到大大張No Straws 既poster, 客人需要可以提出要飲管，我覺得真係好好！為環保出一分力！ 我既餐飲黎到，自動走左飲管，唔係得個講字！ 講返食物，餐廳有set dinner, 不過經店員介紹下得知意粉都可以加錢轉餐，彈性夠大 套餐包左餐湯、沙律、飲品同甜品 主菜揀左蟹籽蟹棒忌廉意大利寬條麵，好creamy! 超多蟹籽！ 希望咁有心既環保小店可以繼續堅持啦！

今日朋友帶我黎到大圍食飯 最初見到呢度叫大飯糖，仲諗緊點解未食飯就食甜品 點知朋友原來推介係我食呢度既牛展麵！ 朋友話呢度既三炆三焗牛展麵好食，所以我就點左一份。 三炆三焗牛展麵$52一碗跟餐飲，期間限定可以免費轉腐竹糖水同埋大熱既黑糖珍珠鮮奶！（凍飲加$3)咁我就當然揀轉飲黑糖珍珠鮮奶啦！外面買一杯通常都要成$2x!! 朋友果然無介紹錯，牛展麵用左牛骨湯底，牛味好濃！另外仲有啲蒜蓉同酸菜，令個湯更加有層次，味道更豐富。牛展焗到好淋，入哂味！絕對推介！ 朋友試新野，肉燥雞排飯，佢話味道唔錯！ 仲有好多優惠！ 甜品有好多選擇

一直想搵間高質的日本餐廳食晚飯，聽過鉄人旨花的鐵板燒好高質，可以近距離睇睇鐵板燒師傅的手藝，一於叫老公book 黎試試。 餐廳內的裝璜幾高級，特別鐘意佢地鐵板燒的半圓型枱，具設計感又可以欣賞師傅的手藝。 menu 有多款鐵板燒套餐，經理同店員好細心會向你介紹，而佢地的食材係日本新鮮運黎。我地揀左伊勢海老鐵板燒，首先會有個salad, 食落好開胃，醬汁酸酸地帶甜，作為前菜十分正！👍🏻 海膽汁煮龍蝦 師傅好細心咁將龍蝦肉切開，向我地介紹此菜食的特別之處。原來佢地的海膽汁係由海膽加龍蝦膏製成，師傅將醬汁慢慢落係龍蝦上，再把剩下的放落碟邊。上碟時還加放了朵花作襯托。每上一道菜，店員都會向客人逐一講解菜式，更加了解到佢地的認真同細心。龍蝦肉肉質彈牙有鮮味，配上濃郁的海膽汁，味道極佳！👍🏻 汁煮白鱈魚 師傅製作依味菜時就如創作一件藝術品👍🏻👍🏻👍🏻佢幾魚皮同魚肉慢慢切開，成塊魚皮厚薄一致，魚肉同魚皮分開烹調，魚皮煎成金黃焦脆，魚肉就加入洋蔥汁同檸檬，再配上幾朵食用花上碟。 魚皮香脆而不膩，鱈魚味道鮮甜，肉質嫩滑！ 特別菜品 餐廳會以季節時令準備特別的菜式俾客人。而依加係蘆筍當造季節，師傅為我地烹調奶油蘆筍。用左法國奶油煮蘆筍，食落去奶油香甜配上蘆筍的爽口，仲去除左頭先海洋的濃郁鮮味，可以清清喉嚨，值得推薦！ 熊本縣a5和牛 點了5成熟的和牛，有多種食法！可先試原味唔點醬汁，和牛油香味濃郁，入口軟腍鬆化，真係超好味！再配一口加入岩鹽更突出和牛的鮮味，而配上酸汁或wasabi 可以減膩😍👍🏻配上蒜片爽脆味道又不同，正！ 和牛炒飯 將和牛加上日本味、蔥、蘿蔔碎炒成的炒飯，香味濃，飯粒粒粒分明而乾身，好香好好食！ 清酒雞湯 師傅話平時大家飲開都係蜆湯，冇咩特別咁。所以佢地就特意研究可以如何配搭，能帶到新的味道給食客。清酒雞湯就係咁而成。雞湯味清，配上帶子，好啱食完鐵板燒清清油膩感。 紅豆雪糕 食完仲有個冰凍的雪糕，正 餐廳好著重食客的氣氛同感覺，佢地希望當客人品嚐佢地料理時，可以有種家的味道。我覺得一間質素高的餐廳，除左食材環保吸引外，大廚的用心同同食客的互動都好重要。好欣賞佢地好鐘意同食客互動，會將佢地的溝思分享給大家，更重要係睇到佢地製作的認真同用心👍🏻👍🏻👍🏻👍🏻

間唔時都要食下火鍋，冇理由成日食任食，想食下自己嗌餸同想食下辣，就會諗起渝味曉宇！餐紙介紹餐廳以及餐紙選擇每人一條圍裙醬油及茶介 $18/位
店員會捧住乾辣椒、蔥、莞茜問客人需唔需要，枱面有麻油供食客自己調製，餐紙都有教點整油碟


餐前糖水—雪耳紅棗糖水　免費為食辣打定個底先！味道清清甜甜


重慶酥炸肉（可即食） $60/份想點個小食做頭盤食下，點左酥炸肉，之前都係食紅糖糍粑，今次試下新野～酥炸肉炸粉層比較厚，似少，調味亦唔夠，比較遜色

鴛鴦鍋(重慶辣湯配蕃茄魚頭湯)  $38/位都唔係第一次食(但之前好似冇寫過)，今次揀鴛鴦底配未試過既蕃茄魚頭湯！重慶辣湯依然係麻、辣俱全，加上用牛油烹調，香氣撲鼻，不過之前食既肉羶味好重，今日比較輕。而蕃茄魚頭湯除左主角蕃茄、魚頭之外，仲用左莞茜去煲，湯底清香，帶頗重莞茜味，有啲媽媽煲湯既味道，唔覺得熱氣，反而覺得滋補既湯底。

鮮黃喉（烚2分鐘） $99/份次次都會點，皆因好中意佢既口感，爽脆排汁，再點油碟，美味既火鍋料


美國安格斯優質肥牛（烚5-10秒）  $208/份
點可以唔食肥牛！一大片可以分做兩片食，放入辣湯索哂辣湯既精華，肉質鮮嫰厚實，放入蕃茄魚頭湯，清清地就可以食到本身肥牛既牛香鮮味



大刀牛肝（烚3分鐘）  $89/份平時唔太食肝贓，一於試下，每一塊都好厚實，但唔會嚡口，內贓味唔算好重，如果放入辣湯可以辟左股內贓味，我個人唔太好牛肝就唔係幾岩我食。

曉宇嫰牛肉（烚3分鐘）  $81/份嫰牛肉同樣幾厚實，比起肥牛更有質感，肉質鬆化嫰滑，仲額外比多碟乾辣椒你點，肥牛已經深得我心，呢款更加令我覺驚喜


曉宇苕粉（烚5分鐘）  $51/份食辣湯配粉類係更上一層樓，而苕粉比紅薯粉更大條，屬粗扁身粗條，熟透後會呈透明色，非常索湯底，原先覺得湯底唔太辣，但食苕粉時會食到比較辣既味道，而且口感煙韌，食完又會飽肚，必定要點！


今晚既份量岩岩好，係舒服既飽，而食完辣又唔會覺得好口乾/好涸，價錢又唔係特別貴，所以點解食辣都會諗起佢。

去咗中環想同老公慶祝生日， 我想靜靜地有啲格調嘅就嚟咗呢間餐廳。 一入到去就見到好多金絲雀，裝修好有格調。 紅蝦湯 先來兩隻開邊嘅蝦，上面配上魚子，嚟到之後廚師職場淋上咖喱法式濃湯。第一次飲咖喱味嘅湯，但係唔會覺得好搶口，反而好特別。 Kuih Pie Tee: Toro Tartare, Grape, Dashi and Lemon Jelly (2pcs) $128 Kuh Pie Tee: 外層係蛋撻殼，一咬落去好脆，餡料好fushion,有呑拿魚，中拖羅粒，加左wasabi啫喱粒，為呑拿魚加一層口感，再入啲有昆布、鰹魚乾 。上面加左好甜既切片嘅青提子，清新又開胃。 "Chrysanthemum Pu'er": Pu'er B. Chrysanthemum Ice Cream, Ca Cheesecake, crumble, Raspberry 係菊花味嘅雪糕，非常特別，配呢個cheese cake嘅感覺又唔油膩 ，感覺非常清新。 Beef Short Ribs: Mustard Green Soba, Satay Bernaise Sauce, Chicharrón 牛小排配酸菜蕎麥麵。蕎麥麵非常有驚喜，加上酸菜食落好地道既感覺。有牛小排配上港式沙嗲醬，成件事好fusion。 Zhangjiäng Chicken Ballottine: Tachin, Romanesco, Jujube Jus 慢煮雞胸肉，加無骨雞肉卷。雞髀入邊有一層雞肉味嘅Moose， 配菜係好似飯咁嘅蛋糕，係來自伊朗嘅米糕，配雞肉食，絕對一流。 Delas Viognier Rhone Valley, France Viognier象徵白桃和紫羅蘭香氣，口感豐富厚實，白色花香伴隨著柑桔、麝香與蜂蜜氣息。酸度低，但酒精度高。