同朋友黎九龍城搵食，食個平平地食車仔麵先～～

我就揀左食碗仔翅湯底
姜汁好立克    $18 原本覺得兩樣野大纜都扯唔夾，反而出奇地匹配，而且姜味出得黎又唔會掩蓋到好立克既香。出面好少見到呢款飲品既配搭，值得一試。

菜脯煎蛋      $12 菜脯份量岩岩好而且好香同好爽口。而煎蛋既熟程度岩岩好唔會太老，記得上左菜之後要趁熱食。

雞絲碗仔翅湯底(配一麵底)    $28 中意烏冬！不過要加$4，配料就有雞翼尖、蘿卜、雞翼尖、芝心丸、百葉豆腐，個湯底都係比較特別，而且逢星期六日先有。一開始食覺得有啲淡，但係慢慢食落其實個濃度係岩岩好，而且碗仔翅湯底都係好足料所以好飽肚👍🏻而配料方面，芝心丸係特別推介，比出面既芝心丸更加多芝士。而雞翼尖都好入味，至於百葉豆腐反而因為唔夠香口而比較遜色。

同朋友行街行到攰，又未夠鐘去睇戲，朋友諗起話香港郵意係尖沙咀都開左間分店，所以就走上去坐下，食個tea，順便打發下時間,最緊要係不限時,你想坐幾耐HEA幾耐都得。 呢度地方闊落，有一個角落充滿本土文化特色，有唔少POSTCARD，仲可以寫完即時寄。 以CAFÉ黎講，食物同飲品的選擇都多，無加一服務費，每人最低消費一杯飲品就得。自助形式去櫃枱買野食後， 自己搵位坐，食物準備好時會有個ALARM提去拎野食，食完野就要有手尾D，幫手執返好D餐具。 雖然話係TEA，但係陣間睇對戲果陣已經係晚飯時間，就順便當食埋DINNER，2個人叫左下面嘅野食︰ 1.All day breakfast $88 份量好大，每樣食物都堆到差唔多滿瀉出隻碟。有香腸、炒蛋、炒菇、煙肉、牛角包、蕃茄仔同沙律菜。牛角包微暖，夠哂鬆脆。煙肉煎到香口，沙律菜有淋上黑醋，配搭得幾好，蕃茄仔同菇都有煎煮過，但係就係偏油，炒蛋油得黎都係有D”鞋”。 2.Carbonara $68 意粉個份量望落唔大，但係食落就知原來好大份。雖然佢係叫Carbonara，但就唔係Carbonara的汁，亦無蛋，用料偏多洋蔥，但面頭就有一埋芝士，佢地幫個意粉改返第2個名會好D。因為意粉只係微暖，拎到返去，D芝士已經凍左，但食落個意粉都唔錯，唔會煮到好淋，都有咬口。 3.鮮奶朱古力 $48 朱古力偏甜，朱古力味都濃，趁熱飲幾好。 總體黎講，呢度地方夠大，座位夠多，又無限時，想悠閒地同朋友坐低傾下計，就咁叫一杯野飲就可以任坐，係尖沙咀地區黎講算係唔錯。下次有機會都會同朋友仔返黎呢度坐,,你想坐幾耐HEA幾耐都得

食放題一定要食一間有信心保證同質素好啲既，極尚大瀛喜真係成日都聽朋友講同介紹，個個都話好正，今日終於同友人黎一試真假！


環境 都幾大間，而且唔係得點紙既任食，仲有自助區，同埋真係好多人！

剌身 唔好見點解個盤得咁少剌身，因為同行友人已經食左第一round(第一張圖) ，而呢一盤只係叫左張紙剩餘既剌身種類。北寄貝，希靈魚同生蝦，肉質甘甜，肉質鮮美，口感極佳，味道清新。

壽司 香蔥拖羅蓉軍艦:呢個要特別一提，比較少見拖羅係剁成蓉配壽司上，呢點亦成為較可惜既一點，放入口好鬆散拖羅口感唔算特濃。蜜糖芥末大蝦卷: 正正常常，蜜糖芥末味道可以更加出，可以更好出。

熟食 雞軟骨，蟹粥，鹽燒海蝦，蒲燒鰻魚，芝士蘑菇釀雞翼，一口芝士。一口雞軟骨，相信大家都見怪不怪，有點兒可惜既係上碟個陣已經冧哂，調味亦略淡。蟹粥：相信用上花蟹但少少失望，因為隻蟹實在太細，而蟹味相比起其他放題餐廳提供的蟹粥較淡。鹽燒海蝦：一份有兩串既海蝦，蝦殻被滿滿既粗鹽包裹住，所以習慣用口剝蝦殻既就會覺得好咸，但蝦肉鮮甜。蒲燒鰻魚：相信港人對鰻魚既熱愛都唔洗多講，cheese 蘑菇釀雞翼，咬開入面有濃濃 cheese 香 蘑菇與cheese 比例 剛剛好，相映成趣。cheese 迷必叫其中一樣，一口咬哂，cheese 味可以再重D 就好。熱湯烏冬：略為清淡既一碗。

甜品 放題常見既意大制品牌雪糕就搵唔到啦不過有常見同好受歡迎既melon ice cream bar 既士多啤梨味，三種味道既雀巢雪糕杯同埋乳酪雪糕機。心太軟奇貌不揚，意外地好食，至於檸檬撻就不值得一試了。
自助區 有非常大路既沙律菜，泰式鳳爪，中華沙律，魚香茄子，南瓜，螺肉同無人問津既車哩茄，枝豆都算受歡迎，而得一款既時令生果就略為失望。唯一可取之處係蟲草花膠魚翅雞腳湯，足料又好味，連同行友人讚不絕口，話要番屋企試下煲。

好豐富既一個晚上，選擇不少，而且食物款式有質素，推介同朋友黎聚餐又或者一家大細加埋老一輩黎食都岩。

價錢參考：

安靜又有景既bar唔多，仲要有好野食既，朋友介紹左呢間比我同肥仔撐台腳 燈影紅曲米牛腱 牛腱入味，食落好香牛腱的味道，仲帶有陣陣的紅米味。 櫻花蝦避風塘茄子 好似磚頭咁，咬落去好脆，一啲都唔油膩，仲好香茄子味。 花膠螺頭片波士頓龍蝦湯 超超超級香濃的龍蝦湯，竟然仲有香滑花膠同螺頭片，絕對係好補身。 竹笙如意海皇羹 除左西湯，仲有超級充料的海皇羹，有蝦肉、蟹肉等等，味道香濃。 脆皮意大利風乾火腿蘿蔔糕 炸到好香脆，完全感覺不到油膩，風乾火腿同蘿蔔糕的味道好夾。 竹碳金箔蝦餃 超級豪華的蝦餃，皮薄餡多，蝦好爽口 阿拉斯加蟹肉金柱蛋白燴飯 炒飯底好香，蟹肉鮮甜。 金莎芥末鴛鴦蝦球一款係黃金蝦球，另一款是蜜糖芥末蝦球，各兩件。蝦球好爽口彈牙，好入味，個人喜歡蜜糖芥末，特別得黎味道都令人一試難忘。 Passionate Dance 熱情果香味重，帶陣陣橙香，加上有酒香，入口香甜，賣相精緻 Rose cheek 荔枝味道香濃，帶花香，這杯酒香較重，但又不失荔枝的香味 最後店員仲送左支精緻的法國美酒比我地試下，係法國直送!!! 雖然得兩啾, 但係都好重酒味，唔難入口。

觀塘有好多好野食，肥仔好想食生蠔，之前係尖沙咀都同佢食過一間又平又正既，今日去kwun tong 食多次！

呢間店都有分店又專食海鮮，仲可以200蚊左右嘆生蠔飲酒，sofa又幾大幾舒服。
menu好多野食!
原來仲有下午茶 生蠔拼盤(連白酒一支)$198 必點生蠔，開得乾淨，好鮮甜，還有淡淡海水味，仲幾CREAMY。 +48升級白酒(法國mellie Louise blanc chardonnay 2016)
易入口，不會太甜，還有檸檬的氣味。

日本熊本霜降西冷$198 食肉瘦出沒! 肥仔叫左牛扒七成熟剛剛好，煎到幾香，但係賣相就一般，如果可以再厚身d就好d。

蒲燒日式鰻魚$98 呢個幾推介!一條有20幾cm既鰻魚!鰻魚燒到好香，上面好多紫菜，肉身較厚，都幾嫩！

加拿大海膽刺身$58 海膽刺身好鮮甜，好厚身，!!

overall $600左右兩個人，最抵食係蠔加白酒！可以無限再黎食過！

晚上8時要排隊15分鐘左右，

由於餐廳新開張，入面都爆晒人，

餐廳的裝修帶有30年代的上海風，加d 現代既吊燈,感覺不錯。

可惜位置有點迫，可能太多枱。同肥仔兩個人點了4樣野食:

1.     話梅花雕醉雞$72
前菜，雞件選用上脾為主，較為嫩滑，亦有雞翼，一共大概都有10件以上，兩人份量都夠食。花雕酒味濃，唯話梅味不夠突出。但好值得一試。2.     上海小籠包 $36
即叫即蒸，小籠包最緊要皮薄，肉汁多湯夠熱，

下面有片青瓜怕痴底，擔心食客一夾會爆，細心加分，

唯湯汁不夠多，但價錢份量合理。3.擔擔麵 $48

花生和芝麻味香濃，可以選擇大、中、小辣。肥仔點了小辣，食落也少少麻辣既味道。唯有湯汁較多，但價錢也是十分合理。4.京蔥扒鴨 $118

見到呢個推介，又冇人介紹過，就叫黎試下先！

鴨肉味濃，醬汁味亦非常惹味，配上冬菇、冬笋、京葱，食完啲鴨也要想叫多碗飯去撈汁食。兩個人＄300左右, 價錢合理,食到好飽

油麻地D出口附近有新商場，叫譽發廣場，果到好多層都係做食肆既，我地揀左間食越南、泰國野。

店舖面積唔算太大，有20張台左右，亦有大台，見到有學生食下午茶餐，應該都幾吸引到附近學校既學生黎食。晚上六時左右，人流不多。

打開MENU，有好多選擇，平至$4X貴至$300都有，任君選擇。

越式拼盤 Vietnamese Platter$118

拼盤有炸春卷 , 蒸粉包，蒸札肉片，燻蹄 ，烤豬肉蝦片及濱海，另外仲有生菜，最好食既係燻蹄，冰鎮的，脂肪比例恰好，略嫌蒸粉包皮太厚。串燒豬肉 /$ 12

串燒安格斯牛肉 $ 18 
串燒係極力推介！　串燒安格斯牛肉肉質好嫩，唔會硬實實咬唔開，加上沙嗲汁好香口，必點！

相比之下，串燒豬肉冇咁吸引，肉質冇咁嫩，但唔會死實實咁，咬落去都有肉汁，呢個價錢都抵！香茅豬扒撈檬$58

香茅豬扒煎得好香，加埋d汁，正常都唔會難食得去邊。桂花BB鴿$88

BB鴿即叫即做，等左15分鐘左右，黎到估唔到係蒸既，雖然係另一種食法，冇咁熱水，但黎到肉質會比較嫩滑，但相比之下，似係滷水味多過桂花味。煎留心芝士肉餅$52

推介！肉餅即叫即蒸，都係等左15分鐘左右，但佢既肉餅係蒸完再煎！黎到估唔到肉餅厚到十足！起碼有手掌咁厚咁大，中間有很多芝士流出，口感豐富，仲好IN UN TIM呀!喜歡芝士和肉餅的朋友一定要試下!$45 越南蒸咖啡

咖啡好正宗，等佢5分鐘左右已經蒸完，蒸餾完既咖啡加上練奶，唔需要加糖都會帶出咖啡既香甜，識欣賞咖啡既人一定唔會話佢苦！椰汁冰 $35

椰汁味不夠重，不夠椰肉，但係都好新鮮。食到好飽....

話說上一間餐廳執左一個月左右，就開左間新既。

呢頭食中式粉麵唔多，但附近都有間勁既對手　Ｘ昌，
呢間主打食牛，咁就去試下。

平均下午30幾蚊有埋野飲，幾抵食
叫左牛腩麵，Ｄ湯好清同鮮，
Ｄ牛腩都幾入味，　呢個價錢係九龍城食都OK!!
加多幾蚊有野飲!! 至少唔駛好似對面咁，單叫野飲咁貴!!

加油！！！

事緣本人做hw 時候,查到有關太平館既歷史,
見到老闆咁多年一代一代既經營都e舊多人食...一定有佢箇中原因。

即日book位,好彩都ok,可能係因為星期一至五, 7:30入坐。

因為唔係好知食咩好, 所以叫左個 2人套餐,$ 3xx左右(好似36幾?)

有一碟菜,湯,雞翼,抄牛河,2杯野飲,都幾抵咁。頭盤d菜唔講啦, 講呢d,
瑞士汁乾抄牛河,

其實本人真係好少食, 因為聽聞一碟成3千個卡路里..
聽到都唔想食, 但係見到真係好吸引牙...(雖然係黑蚊蚊)
好香既瑞士汁, 個人覺得咸左小小小小,
不過同出面果d冇得比, 出面成日都係白色(唔上汁)/ 痴埋一夠夠
呢到連d牛肉都入晒味,真係招牌菜!!!瑞士汁雞亦

呢個等得比較耐,因為真係即整, 約20分中架.
但同上面果個一樣瑞士汁好豐富!!! 好入味!!!
仲有係雞全亦...冇得輸!!雖然都已經幾飽, 但冇理由唔叫!!!

岩岩坐係出疏夫里既位 既出面,
見到佢一次過 焗好4-5個一次過出, 好好笑,
大到 遮住左d 廚師個頭,哈哈!!

其實咁大個都係「噱頭」, 個人知道同明白疏夫里好難整,
不過真係覺得本身佢冇咩味..
加上真係好飽, 雖然佢整到好易入口, 啖啖好似食空氣既感覺,
不過最後都係食唔晒!! 成 $108架好似!!!

2人埋單, $5xx左右, only套餐都抵,個疏夫里唔係好抵

俾我既感覺間野係荃灣好遠既地方, 不過聽聞好平又抵食...放假咁得閒,未黎試下

遠睇間野好大間架, 不過等位都等左9個字..
其實都唔明白,點解可以平到咁,d 款式仲要唔少..好多pizza同pasta你擇..全部廿幾蚊..仲有咩高要求

叫野食服務都唔差,即刻有人黎,仲會問你加唔加12蚊任飲

:牛肉pizza
有4片, 唔係等左好耐(通常pizza要等好耐),
廿幾蚊, 牛肉唔少, 有芝士底,個餅底唔燶.. 雖然唔可以話啖啖芝士
但係真係okay, 抬抬點都有個pizza仔

吞拿魚意粉
雖然只係得吞拿魚好似好dry咁, 但係吞拿魚既份量都唔少
d意粉幾幼細易入口, 意粉之間都有吞拿魚... 唔錯!可以推介 !

芝士肉醬長通粉
長通粉其實唔太入味, 不過肉醬入左d通粉到..
唔太酸,okay啦!

青口
有4隻,上面有d蒜粒,香口,而且唔會太難咬出黎..

overall, 門口好多人吹快d,個接待都笑笑口..冇咩黑面,要讚
第2, d野平2個人都係百幾蚊.. 水準正常
不過份量就份量都唔大..自己一碟應該會唔夠食
所以最好share食。