同老公去食燒肉，有set叫，又似日本店。 SET C 燒肉組合拼盤 長龍牛舌 勁長勁厚嘅牛舌，成隻手咁長。燒落好爽口，肉質柔嫩，必點。 厚燒豚五花 肥瘦各半的五花腩，油脂好靚，咬落勁多肉汁，好juicy 鳳梨牛肋條 牛肋條肉味香濃，咬落去有嚼勁爽口，推介 摩登雪花肉 肉質鮮嫩，咬落去油脂四溢 雞腿肉 雞肉肉質幼嫩，唔使點醬都有濃厚嘅味道 薯仔、三色腸拼盤 食咁多牛肉都要中和番 水冷麵 冷麵夠晒凍，消暑一流，流心蛋亦都好入味，酸酸甜甜勁開胃 識咁多嘢梗係要飲返多啲，叫咗兩杯鴨屎香手打檸檬茶，檸檬茶味道香濃，鴨屎香亦都好突出，打卡一流

香港都有烤魚可以食啊！唔使再返深圳食 ， 8月優惠12:00 - 17:00 任食配菜，見到都勁吸引。一入去嘅感覺勁有夜店feel！ 自己QR code落單，可以揀魚， 鹹蛋蒜香酸菜味烤魚 勁香濃的蒜香酸菜味，啲湯係會好想飲哂佢。烤魚好大條，索晒啲汁。真係好想叫到碗白飯 有好多燒烤嘢食，我哋叫到拼盤，一共有48串串燒，有魷魚、牛肉、雞肉、雞軟骨、粟米等等，份量勁多，調味都好入味，好抵食 雞絲青瓜拌麵 用紅油撈的拌麵，勁香勁辣，配搭雞絲、青瓜等新鮮食材，味道更加清新。 至尊水果茶 勁足料嘅水果茶，個杯好大，水果好多，水果茶亦都好香甜。 芒果沙冰 好絲滑的沙冰，芒果味道濃郁，面頭仲有果肉，夠晒冰涼

元朗高質西餐廳，環境優雅，座位都好闊落，坐得好舒服。 主菜揀左 1.日式甲羅燒虎蝦蟹棒手工意大利麵 甲羅燒好新鮮，虎蝦爽口彈牙，有蝦味，蟹棒亦都實肉，有蟹味。特別嘅係手工意粉，軟硬適中，有嚼勁，有厚度，食落口感一流，而且意粉吸收晒啲醬汁，十分推介。 2.軟殼蟹虎蝦蟹籽粉紅汁手工意大利麵 軟殼蟹好大隻，炸到好鬆脆。虎蝦同樣爽口彈牙，醬汁好Creamy。同樣的手工意粉好突出，口感豐富。 另外轉做Set只係+58有頭盤甜品嘢飲， 。頭盤五選一，我哋揀咗巴拿馬火腿配蜜瓜同龍蝦湯。前菜嚟講份量偏多，質素亦都好好。特別係龍蝦湯，夠creamy，龍蝦味道亦都好香濃。 飲品仲可以揀咖啡，我哋叫咗柚子咖啡同朱古力咖啡，質素亦都好好。 甜品係兩款蛋糕二選一，我哋就每樣叫咗一個，是日甜品係芝士蛋糕同朱古力蛋糕，味道唔會太甜，亦都唔會好膩。 整體感覺性價比都好高，食物質素亦都好好，會再幫襯

元朗yoho的一人一鍋，自己可以揀鍾意嘅湯底，唔使就來就去 藥膳椰子清雞湯底及藥膳花雕清雞湯底 任食prime grade肩胛肉眼及西班牙無激素豬肉片。肉眼質素非常好，淥幾下已經食得，入口香濃，豬肉片都好香口。 雖然人手添加豬牛肉，上菜速度非常快， 仲有其他火鍋配料，例如菜類(特別有萵筍)、丸類等。 依間台式火鍋店仲有好多特別嘅台灣熟食，例如 飲品方面真係種類都好多，有好多清熱的飲品，任君選擇。 最重要仲有雪糕雪條，呢度有movenpick 雪糕，一定要食。

係好多串燒又有酒吧feel既餐廳！ 同老公去食下先。 有好多選擇。 炭燒豬頸肉(串） 肉質肥厚，燒到外皮脆脆的 鹽燒雞翼（2只） 雞翼外皮燒得脆，火喉剛剛好。 韭菜燒(串） 韭菜勁長勁入味 香蒜燒鮮鮑魚 勁多香料，鮑魚都鮮甜爽口 香蔥燒半殼扇貝（2隻） 新鮮香甜，燒岀黎的扇貝汁連埋香葱食好夾。 味增甲羅燒(隻） 熱辣辣嘅蟹膏加埋新鮮蛋黃，撈埋食好香口 鹽燒鮮白鱔串 極度推介，白鱔好厚身，外皮燒到好脆，肉質新鮮爽口而且香濃，性價比極高。 燒三文魚鰭（串） 外皮香脆，魚油香味重 招牌燒法國鵝肝(串） 勁juicy ,鵝肝煎出金黃的表面好易入口。 鹽燒雞軟骨(串） 好脆口，又唔會好乾身。 生燒鴨舌(串） 簡單開胃，座酒最岩。 蒲燒原條鰻魚珍珠飯 鰻魚魚香十足，肥而不膩，燒得剛剛好，食完串燒食埋個飯已經好夠飽。

元朗有分店，好想再食，啲飲品幾好飲又長期多人排隊。 現在是自助落單的，可以慢慢揀。 紅燒牛肉麵 麵質幾爽口彈牙，牛腩都多鮮嫩，勁多牛筋，仲要好爽口。紅燒味好夠，湯底加埋麵好易入口 鹽酥雞扒滷肉飯 鹽酥雞扒大大塊，仲要切埋。滷肉飯嘅肉香同肉汁都好夠。仲要加埋足料入味嘅燉湯，性價比好高 桂花雞翼 大大隻嘅炸雞翼，配埋香甜嘅桂花汁，味道好新鮮 蜜桃烏龍多多 益力多，同烏龍嘅味道都好夾，又唔會太甜 芝士奶蓋桂花烏龍 奶蓋味道香濃，而且厚實。茶香亦都好出。

新開日本野，有食過其他分店。見到元朗有，即刻去食！ 門口有好多日本野，有野賣。幾特別。 一開始叫咗三樣串燒 鴛鴦翠玉瓜 沖繩黑糖燒菠 武士辣醬燒雞翼 三款串燒即叫即燒，特別推介燒雞翼 什錦炸物拼盤 有吉列炸蝦、炸蠔、炸雞、炸薯條。所有雜物到好鬆脆，特別係炸蠔，蠔味香濃，食落好鬆化，仲有三款醬汁俾你點，包括沙律醬、黑松露醬、茄汁 常滿卷 常滿卷嘅面頭充滿着新鮮的海膽及勁多三文魚籽。仲有厚厚的油甘魚、三文魚、赤蝦等等，中間仲有牛油果、青瓜，口感非常豐富，鮮味十足 海產細味六杯 淨係睇賣相已經十分吸引，有三款不同醬汁嘅生蠔。三款醬汁帶來不同的風味，生蠔本身已經好新鮮，食落去creamy。

見到入邊裝修勁靚，比平時嗰啲好唔同。 二人套餐 是日餐湯 或 Bistro田園沙律 叫左 蘑菇忌廉湯 及沙律 各一，水準之上，餐包十分吸引。 烤新西蘭草飼牛柳配烤新醬及紅酒汁 牛柳好厚身，肉味香濃，有嚼勁。火喉剛剛好，配菜十分精緻。 Bistro招牌海鮮飯 有青口、魚柳、海蝦、蜆、魷魚等海鮮，材料好豐富，個飯好香口，因為即叫即整，所以等咗一陣，不過幾大碟夠兩個人食，好入味。 仲有甜品兩客，雲呢拿雪糕味道十分軟滑香濃。 餐飲就升級左兩杯咖啡，性價比好高。 個雪糕勁抵食

去觀塘工廈食新開嘅餐廳，見到佢dinner勁抵食！ 一入去見到勁大又有飛鏢玩又有Beer pong 兩個前菜及餐湯 烤鐵板吞拿魚沙律 吞拿魚有3片，調味剛剛好，仲有好多沙律菜。 意大利黑醋配巴馬臣火腿沙律 巴馬臣火腿有2片，加大量沙律菜好惹味。 餐湯粟米蘑菇忌廉湯，南瓜湯。 粟米忌廉，超濃郁。南瓜湯好滑。 主菜 紐西蘭頂級肉眼，+78 切開都幾香，有着勁。都好大塊幾抵食。 阿根廷虎蝦蜆肉番茄意粉 虎蝦大大隻！係超級大隻呀！仲要幫你整走咗蝦嘅屎，加蜆肉。 仲有是日甜品，熱情果芝士蛋糕。 面頭的熱情果啫喱與芝士蛋糕味道好夾，食完甜品好飽。 另外，叫咗兩杯cocktail。 特色調製，一個係用烏龍茶整嘅另一個炒米好香濃如果你需要嘅話都可以叫bar tender親自為你調整一半。

去咗中環想同老公慶祝生日， 我想靜靜地有啲格調嘅就嚟咗呢間餐廳。 一入到去就見到好多金絲雀，裝修好有格調。 紅蝦湯 先來兩隻開邊嘅蝦，上面配上魚子，嚟到之後廚師職場淋上咖喱法式濃湯。第一次飲咖喱味嘅湯，但係唔會覺得好搶口，反而好特別。 Kuih Pie Tee: Toro Tartare, Grape, Dashi and Lemon Jelly (2pcs) $128 Kuh Pie Tee: 外層係蛋撻殼，一咬落去好脆，餡料好fushion,有呑拿魚，中拖羅粒，加左wasabi啫喱粒，為呑拿魚加一層口感，再入啲有昆布、鰹魚乾 。上面加左好甜既切片嘅青提子，清新又開胃。 "Chrysanthemum Pu'er": Pu'er B. Chrysanthemum Ice Cream, Ca Cheesecake, crumble, Raspberry 係菊花味嘅雪糕，非常特別，配呢個cheese cake嘅感覺又唔油膩 ，感覺非常清新。 Beef Short Ribs: Mustard Green Soba, Satay Bernaise Sauce, Chicharrón 牛小排配酸菜蕎麥麵。蕎麥麵非常有驚喜，加上酸菜食落好地道既感覺。有牛小排配上港式沙嗲醬，成件事好fusion。 Zhangjiäng Chicken Ballottine: Tachin, Romanesco, Jujube Jus 慢煮雞胸肉，加無骨雞肉卷。雞髀入邊有一層雞肉味嘅Moose， 配菜係好似飯咁嘅蛋糕，係來自伊朗嘅米糕，配雞肉食，絕對一流。 Delas Viognier Rhone Valley, France Viognier象徵白桃和紫羅蘭香氣，口感豐富厚實，白色花香伴隨著柑桔、麝香與蜂蜜氣息。酸度低，但酒精度高。