先講個裝修先好吸引，好似去咗日本居酒屋， Menu有好多款嘅選擇，我哋每樣都叫啲嚟食， 刺身沙律 刺身大大片，有三文魚同油甘魚等，沙律菜新鮮爽口，勁開胃。 松葉蟹肉炸海老卷 每舊卷的面頭勁多蟹肉碎，海老亦都好鬆脆，口感好豐富。 松葉蟹肉溫泉蛋配胡麻醬冷烏冬 烏冬爽口彈牙，撈埋個蛋黃食好邪惡，加埋新鮮嘅松葉蟹肉味道再昇華。 五花腩串燒 即叫即燒，外脆內軟，肉汁鮮嫩，肥瘦平均。 豚肉年糕卷 肉味都幾出，味道幾特別，有嚼勁。 免治雞肉骨串 大大嘅雞肉串，配埋先蛋黃撈埋一齊食都幾邪惡。 吞拿魚三色丼 赤身同埋中拖羅勁厚切，入口即溶好新鮮，仲有吞拿魚蓉撈飯同埋紫菜自己包嚟食，大大碟勁抵食，推介 和牛他他 肉質鮮嫩，牛肉味好香濃，唔使點汁已經好有牛肉味，仲要入口溶化

元朗好多魚蛋粉麵食，又要好食又要開得夜，我見呢間好似幾好。 呢間啲嘢食好似幾大件， 。餐牌都好多選擇，除咗粉麵仲有飯 招牌崩沙牛腩飯 崩沙腩嘅份量好多，好林好入味，加埋牛腩汁夠晒足料，仲有聞到好入味牛腩，仲有蘿蔔墊底！飯嘅份量亦都足。男仔都可以食到飽飽。 魚蛋河 大大碗，魚蛋係正宗潮州魚蛋好彈牙好有咬口，又爽口，河粉煮得剛剛好。魚片都算厚切。，湯底唔算好清淡有啲魚味。 凍奶茶 食潮州粉麵點少得飲品。凍奶茶個茶底好香濃，夠哂醒胃。

見到有好多狗狗係餐廳，我又帶左我隻去食，仲可以坐入面。 Pancake 好吸引，仲有正餐食。 三文魚芫荽青醬意粉 意粉軟硬適中，份量好足好大碟，醬汁好creamy，芫荽味好突出，煙三文魚係一卷卷，幾精緻。 蜆肉意大利粉 蜆肉分量多，味道鮮甜。蜆肉嘅鮮味滲咗入啲意大利粉度，幾清新。 香蕉海鹽焦糖班戟 嚟到一定要食班戟，即叫即整，班戟有三舊，陣陣嘅蛋香搖落去動L動L，好梳乎。配料亦都好豐富，一定要試下。 蜜桃柚子茉莉綠茶 茉莉綠茶帶陣陣的果香，酸酸甜甜，味道清新。

環境燈光非常優雅的西餐廳，坐位間隔十分舒適。 主菜 1.日式甲羅燒虎蝦蟹棒手工意大利麵 甲羅燒鮮甜creamy，虎蝦新鮮爽口，蟹棒亦實肉唔鬆散。手工意粉最為特別，有嚼勁，食落有口感，亦都好掛汁。 2.軟殼蟹虎蝦蟹籽粉紅汁手工意大利麵 原隻軟殼蟹，炸到脆卜卜。虎蝦同樣爽口，醬汁好濃厚，手工意粉同樣岀色。 另外餐廳可加錢配不同Set，我地就加左有頭盤甜品嘢飲 頭盤 選左巴拿馬火腿配蜜瓜及龍蝦湯。份量都大大份，性價比亦都好高。推介龍蝦湯，飲落去龍蝦味道好香濃，夠哂creamy。 飲品仲可以揀咖啡、cocktail等等，款式都好多。 甜品就揀咗朱古力蛋糕同芝士蛋糕，成個set食完好full，價錢亦夠晒親民。

元朗新開左一間車仔麵，咁啱經過就去試吓。 可以揀自己鍾意嘅餸，逐樣計錢。 食車仔麵點少得食油麵，我就叫咗黃金豬頸肉、秘製牛筋腩、新鮮豬腸、瑞士雞翼。 醬汁可以選兩款，我就揀咗沙嗲汁同腩汁，兩樣汁夾埋都好夾。 豬頸肉係香煎過嘅，爽口。Tracy牛筋腩葉得好入味牛筋亦都爽口，豬腸亦都處理得好好，沒有任何異味。啲餸嘅份量同質素都唔錯。 另一半都係食油面，咖哩魷魚、通菜、黃金豬頸肉、牛柏葉。 咖喱魷魚入味，爽口彈牙。又得唔錯。通菜焯得岩岩好，綠綠的。牛柏葉亦都爽口彈牙。 調味料有菜脯好正！

元朗有間台灣嘢好多人食，入去叫咗幾樣嘢食。 三盛紅燒牛肉麵 湯底牛味十足，份量亦都好足，有牛腩牛筋牛展，台灣麵麵口彈牙，亦好掛湯。加錢仲可以配埋上湯時菜 紅燒腱心牛肉麵 牛肉味道香濃，帶嚼勁，份量亦好足，紅燒湯底帶微辣，好開胃。加錢可配手拍青瓜。酸甜酸好合口味 芝士奶蓋桂花烏龍 奶蓋十分濃厚，桂花烏龍味道平均，好抵飲！ 夏日水漾鮮果茶 材料豐富，味道清新，唔會太甜，我都唔同水果入邊，味道好豐富。 兩個人埋單，唔使$200感覺好

新開西餐廳！就係劇院附近，一於去食 見到又平又靚，好抵食。 香辣白酒蜆肉意粉 意粉賣相十分好，有擺盤，意粉軟硬適中，蜆肉爽口鮮甜，辣得來帶酒香，性價比高，而且好香口，都好推介。 帶子墨汁意大利麵 帶子煎到金黃色，墨汁好creamy，味道香濃。意粉亦都好有水準 黑松露薯條 面頭好多黑松露，配埋個黑松露醬，味道好豐富。薯條亦都炸到好香脆，熱辣辣！ 水牛城雞翼 雞翼夠晒正宗，辣得來夠香口，肉質亦都非常嫩滑。 Mocha 咖啡味道香濃，朱古力味道亦同咖啡好平均

超高格調嘅串燒，以為自己食緊西餐！ Mizu 串燒288 呢間好高級嘅串燒店有廚師發辦嘅串燒。 我哋叫咗兩set，Mizu串燒，燒鳥廚師發辦。 2道前菜、5串串燒、主食及味增汁， 前菜係螢光八爪魚，仲有橋頭， 酸酸甜甜開胃八爪魚，仲要好新鮮 秘製雞肉棒棒 醬汁超好味，又入味 一骨手羽先 呢個超推介。雞翼燒得恰到好處外皮又脆，又有鹽味。 新鮮白鱔 白鱔嘅皮燒得好香脆。 安格斯牛小排 估唔到肉汁幾多，而且又唔超熟。 日本青椒仔 幾搞笑，細細條，仲有少少辣味。 主食係 關東煮 仲有個係個飯團。 燒鳥串燒 2道前菜、6串串燒、1道和食 主食及味增汁 佢有個最出名既，入邊勁多料。 啤酒，惠比壽啤酒一定唔少得， 食串燒唔少得要啤酒。 秋刀魚 $188, 一整條燒得恰到好處， 仲要魚皮，勁香脆，外脆內軟。

隱世屯門嘅煲仔飯，我哋終於入嚟食。 叫咗個二人餐，有前菜有餐湯有串燒拼盤有炸物拼盤仲有一個煲仔飯，我哋揀咗玉子蟹肉蟹柳蟹膏大混戰煲仔飯。 個威士忌燒蠔好正，唔會太熟仲保留緊蠔嘅海鮮味，脹卜卜好易入口，好Creamy！ 炸物方面有炸魷魚圈多春魚同埋雞件， 勁鍾意食魷魚，因為入邊有成條魷魚嘅感覺好新鮮炸粉又唔會太多。 串燒拼盤超抵食，有和牛，有燒車厘茄燒豬腩肉仲有燒菠蘿。 終於到個煮食係玉子蟹肉蟹柳蟹膏大混戰煲仔飯！超大條玉子蟹柳，然後勁多蟹膏+1個生蛋撈埋一齊口感，好豐富，每一啖都食到有蟹肉，啲飯啱啱好有少少飯焦好香口！估唔到呢度嘅煲仔飯就係咁隱世。 飲咗杯米酌，同黎明來到。 食吓串燒，再望吓四周圍寫住唐伯虎點秋香，原來呢間舖頭嘅名就係甘黎。

又去到元朗串燒場！經過門口都好吸引，所以一月去食！ 入邊佈置都酒吧，咁好吸引。除咗串燒仲有其他煮食。 招牌鹿兒島A5肉眼珍珠飯 珍珠飯配搭A5和牛好夾 ！ 主導五成熟左右非常嫩口，加埋照燒汁食到好開胃。 串燒方面叫咗幾串， 燒菠蘿勁多汁，熱辣辣外脆內軟。 燒韭菜必食！ 條條都好入味仲有少少辣，唔會好乾身。 鹽燒雞翼，亦都係必食，燒到恰到好處唔會太硬，但係個雞皮好脆。 燒帶子，勁鍾意食海鮮，加埋啲蔥花蒜頭好入味。 叫咗杯Salty caramel，入邊成份有Bailey Carmel ，好易入口，仲有cream喺面頭女仔實鍾意。 另一杯係Tequila pop，加7喜，成杯野好Fresh。