喺旺角始創中心地下果層有唔少食肆，但係呢間台灣麵應該係新開嘅，裝修幾靚，入邊仲有天燈，九份、台北市等等嘅風景作為餐廳嘅裝飾，又唔算好逼就入咗去食。 呢度最特別嘅係雙排雙格餐，一個飯可以選擇A+B 或A+A 之類，咁樣就每一種都有半份，加埋就係一個全分。例如你可以要半個紅燒牛肉麵，再加半個滷水豆腐肉燥飯等等。所以就可以一次過滿足幾個願望。我哋兩個人食叫咗一個招牌紅燒牛肉麵再加滷水雞翼肉操飯，另外要左一個糖心滷蛋豆腐肉燥轉左台灣米粉，配蒜香雞翼飯。兩個人嗰餐仲各自有一杯嘢飲我哋叫咗一個芋香牛奶同埋一個珍珠奶茶。個份量就真係好唔錯，食完兩個半分好似仲多過一個餐，雞翼都各自有兩隻，個牛肉麵仲不得了牛肉又軟，有台灣風味之餘又夠食，舔舔脷！另外不得不提嘅係佢哋主動唔俾膠飲筒，要先至問佢哋攞返，夠晒環保意識啊。👍🏻👍🏻👍🏻

成日嚟The One食嘢，都唔知道地庫原來有好嘢食！😆呢間博多拉麵係香港都有唔少分店，有拉麵、小食同甜品，位置都唔少！啱晒行完街嚟食！每個拉麵都即叫即整，好野係值得等待嘅🤤 同朋友一人叫咗一款拉麵嚟試，一個係豚骨湯麵，一個係蝦味噌豚骨湯麵，兩個風味都唔同，但共通點都係好味！枱上仲有好多醬汁及配料自行調配👍🏻🤭 小食我哋都係各叫一款嚟試，兩個都唔錯喎！小龍蝦蟹子沙律真係有小龍蝦肉👌🏻沙律醬夠晒match! 餃子就煎得剛剛好😁

一入到韓珍，就已經有韓國人招待，感覺已經係好正式嘅韓國燒肉。呢度位置寬敞，每一張枱有一個燒烤爐，亦都有好多位擺放嘢食，而且會吸走晒啲油煙，係高級韓國燒肉嘅感覺😍 同姊妹兩個人驚食唔晒，只叫咗一客八珍燒肉拼盤，只係五百零蚊，份量多到食唔晒，女仔3個食會好啲！呢一個拼盤包括四色五花肉、護心肉、調味排骨、豬頰肉同豬頸肉，一個拼盤已經可以試到非常多唔同嘅口味，推介👍🏻我最喜歡蒜蓉五花肉，蒜香加上油脂剛好嘅五花肉，簡直一流！ 其他前菜、配料、煎蛋都係附送嘅😍前菜可以任添，生菜就有一碟，用黎包住燒肉食👌🏻 叫咗荔枝味燒酒，一大壺😙👍🏻同燒肉好夾，唔會太甜，推介荔枝味👍🏻

莆田一直以佢嘅蟶子而出名，今日終於預約到尖沙咀呢間莆田一試喇😍果然名不虛傳，非常值得嚟食！大部人都會叫呢個最扺食嘅套餐，$198就試到2款唔同煮法嘅蟶子，總共有8種食法咁多，我哋就揀咗好多人推介嘅鐵板鹽焗蟶子、蒜蓉蒸蟶子。蟶子好大隻、數量又多，好扺吃！呢兩款都好好味，食到蟶子嘅鮮味。另外嘅菜色都唔失色，好高水準，特別係興化炒米粉，好足料，亦好惹味。扁肉湯好多細細嘅肉係入面，又幾好味👍🏼荔枝肉好有獲氣，亦夠晒多，加埋荔枝就啱晒呢排嘅天氣！冰浸苦瓜連我呢個唔鍾意食苦瓜嘅都覺得值得一試，師傅刀功超好，每片都好薄，加上蜜糖真係幾好！

平時食餃子去八方雲集就食得多姐，喺中環第一次食到又平價又好食嘅餃子店。本身以為只係得餃子食但係入到黎先發現，你仲可以選擇組合，例如餃子配烏冬再配一個小食，或者係餃子配餃子等，共有三個組合嘅選擇，當中你當然仲可以選擇加配唔同嘅配料係烏冬或者飯入邊。 我哋兩個人就梗係要左兩個餃子加烏冬再加小食嘅套餐啦，最近用咗咁多力。 不得不提嘅係大阪燒餃子，簡直係一個好有創意嘅fusion菜，係煎餃子嘅上面加上大阪燒嘅木魚同埋沙律醬，係另一番風味！另外烏冬方面除咗比較傳統嘅鰹魚醬油烏冬之外，仲試咗一個豆漿蝦皮烏冬，有幾得意喎。 小食方面要左一個餃子雞翼同埋炸花枝丸，個人覺得每樣野都少少哋可以試到唔同類別又夠飽又好食，店主真係好有誠意，餃子好出色,係一個好唔錯嘅選擇。

九龍城一向都好多泰國菜可以選擇，橙象係眾多之中出色、環境又坐得舒服！ 我最推介大家星期一嚟食，因為$1優惠係超大份又扺食嘅明爐烏頭啊😍成條烏頭上，啖啖肉，加埋菜、豬肉等等配料，非常推介。泰式豬頸肉撈金邊粉 - 豬頸肉出色！金邊粉加上特製醬汁，非常醒胃！椰汁青咖哩雞 - 青咖哩一直係我最喜愛泰國菜，橙象嘅青咖哩辣度剛剛好，好香濃咖哩味，食晒成碗飯啊！飲品選擇多，我們選擇咗鹹檸雪碧跟特選椰青，椰青好大一個，很多椰子肉！

又有新開嘅放題，價錢好似幾吸引，所以就嚟咗試一試。呢間放題喺油麻地站步行大約幾分鐘嘅路程就到啦，非常就腳。 我哋就選咗$198火鍋放題套餐，附送刺身😋肉可以任叫、火鍋配料飲拎、飲品特飲都可以任叫👍🏻真正無限制嘅放題，好扺食！ 放題嚟講，呢度算好多野食選擇，食物擺放整齊，refill同整理得好密，而且環境都好乾淨，無論係拎野食嘅地方同枱面都👌🏻三款可以任叫嘅肉質素都幾好，湯㡳選擇夠晒多。任食嘅扺食之選👍🏻

Happy Lemon都係APM開咗好多年喇，亦搬過舖位，近年轉咗名，Menu又經常推陳出新，吸引咗我去試吓喇。特別呢排天氣咁熱，係APM電梯口嘅Happy Lemon就夠晒就腳! 近年興黑糖XXX，HappyLemon都有跟上呢個潮流！今日我就叫咗黑糖4.3鮮奶試試，$32就有大杯，而且任選兩種配料，我就揀咗珍珠同仙草。 另外一杯朋友就叫咗益力多晶鑽綠茶，中杯，甜度同冰度都可以自己選擇，益力多加綠茶卡路里就低好多，啱晒注意飲食嘅美女們😋 見到佢仲有得叫外賣，係附近返工不妨可以試吓叫🥰

放工想鬆一鬆，新蒲崗就冇乜酒吧選擇。喺MiKiki嘅呢一間德國餐廳係唔錯嘅選擇，座位有室外，有室內，環境舒適。 話明係德國菜，一定要試嘅就係豬手同埋腸仔啦。呢度嘅德國菜果然正宗、好食，啱晒一班同事朋友嚟Happy hour。 德國豬手配酸菜及薯仔沙律 - 豬手即叫即整，外皮夠晒脆，份量好多，薯仔沙律都不錯！ 德國香腸拼盤 - 有4款唔同嘅香腸，煎得剛好，加埋薯條👍🏻👍🏻 香草醬煙三文魚意粉 - 意粉好大碟！用橄欖油煮得好香👍🏻👍🏻 芝士奶蓋茶蜂蜜綠茶味 - 除咗啤酒外，唔飲酒嘅朋友可以試吓呢度嘅奶蓋，水準高!

今日同屋企人喺沙田搵食，見到沙田河畔有一間台灣菜，癮起想食就不如試吓啦。 見到餐牌寫住廚師精選軟殼蟹芒果米紙卷，加上OpenRice咁多人都讚好，就一於點一個啦，另外仲叫咗台南咖喱牛筋腩手抓餅，豬手，紅燒半根半肉麵，珍寶三色冰粉。嗰個咖喱牛腩不得了，除咗有唔少嘅啖啖肉牛腩之外，仲有牛筋同埋薯仔，差啲想叫碗飯撈埋啲唔辣有惹味嘅咖喱汁。紅燒半斤半肉面都不得了呀，有得揀粗面定幼面，又唔算好辣，好好味，牛腩入口即溶，屬於必點之選。至於甜品本身諗住嗌窩夫，但係又驚食唔晒會浪費，所以叫咗一個珍寶三色冰可以三個人分，個份量三個人食差唔多，驚喜係個底竟然有啫喱，唔係成碗糖水，老人家食都健康啲。食咗咁多嘢埋單都係$300咋!!