一直都好鍾意食牧羊少年，但尖沙咀呢間就一直都未試過，今次一試就好鍾意成個氣氛、菜式。
📍地點好易搵，去到文化中心地下就會見到，餐廳空間好闊落，好適合傾計。今次2個人總共叫咗3樣菜式，2個主食、1個小食🍽️海膽醬魚子醬蟹肉貓耳朵粉 $188
👍啖啖蟹肉，有好濃厚嘅海膽味，推介！🍽️清酒昆布湯煮本地蜆 $148
點嘅時候冇諗過係香辣嘅昆布湯，都幾惹味，蜆數量好多👍🍽️烤加拿大豬鞍 配 烤新薯 及火灸粟米 伴 芥末籽蘋果醬 $238
👍👍👍非常推介豬鞍，好軟熟，肥瘦適中，加上蘋果醬好夾

呢間喺旺角上海街嘅餐廳，地方大座位闊落，好適合同朋友靜靜地咁傾吓計。嘢食同飲品選擇都幾多，份量都好大，我哋就選擇咗比較抵食嘅二人餐，兩個女仔食到勁飽。 餐湯同沙律好快都上咗，沙律有三隻色嘅蔬菜配搭，夠晒健康，另一個前菜我哋覺得非常有巧思同抵食，係4件多士上面分別用咗唔同嘅配料，我哋覺得最好食嘅係蟹肉牛油果🥑，水牛芝士巴馬火腿，麵包好香脆添！ 主菜我哋兩樣都選擇咗海鮮，一樣係軟殼蟹蟹膏忌廉意大利粉，原隻軟殼蟹新鮮炸好，意粉好重蟹膏味。另一個主菜選擇咗原隻芝士波士頓龍蝦配香草牛油薯茸，龍蝦烤焗嘅時間啱啱好，咬落仲係有汁嘅，薯蓉就勁香，夠晒肥仔😋 甜品Cream brûlée，跟餐嘅甜品嚟講都唔算細份，表面烤得好香脆，不過焦糖可以再多少少😋 總括來講都係一個好抵食嘅選擇😋

疫情完咗之後，終於可以出街搵食😋尖沙咀the one呢間the point 都開咗一段時間，終於搵到機會一試！ 同朋友選擇咗呢個Set dinner for two，$448就有兩個頭盤、兩個主菜、兩個甜品同野飲，抵食過散叫好多！見到好多其他枱叫龍蝦二人餐都好似好抵食，不過我哋唔食太多海鮮就冇選擇到嗰個set。 頭盤嘅龍蝦湯同火腿香腸水牛芝士拼盤好快就黎到，拼盤好精緻，份量剛剛好又試到唔同火腿乾。 主菜我哋就揀咗M5澳洲和牛肉眼牛扒同埋烤雞黑松露忌廉醬Pizza，pizza兩個女仔食唔晒啊，份量夠晒大份，料又夠多，黑松露醬香味好出，仲有我最鍾意食嘅火箭菜😋牛扒就好嫩滑，啖啖牛肉汁，茄子都烤得好好食，仲有唔少薯蓉！ 最後仲有是日甜品，忌廉泡芙！為呢餐飯畫上完美句號🤤

荃灣呢間牛扒經常滿座，今日一早嚟到終於有位，試到名不虛傳嘅扺食牛扒👍🏻 呢度服務好貼心，一坐低就有圍裙仔，一陣唔驚比油彈到，仲介紹唔同牛嘅部位嘅分別，我哋就叫咗兩個抵食嘅「五選三套餐」，一款牛、三款小食👍🏻🤤 我同朋友分別叫咗200g嘅牛側腹扒同小牛柳，牛側腹扒好嫩、小牛柳就牛味好重，份量黎講，女仔食嘅話都已經好夠，兩種牛上菜嗰陣都係偏生，自己可以調節熟嘅程度，怕太熟就拎開先😛跟餐嘅薯條都炸得剛剛好，咬落去係好足料嘅薯仔🤤

呢間台灣小食身處於觀塘工廠大廈入邊嘅，距離地鐵站大約5分鐘嘅腳程，位置幾方便。食物種類多，分量大，十分抵食。 呢排大家出街食嘢都好小心，呢度就準備好消毒嘅措施，每張枱上面都有消毒酒精，亦可以比客人選擇用即棄餐具，店員亦好細心清潔枱面。 我就叫左台灣五寶拼盤肉燥飯，有台式香腸、鹵水雞翼、鹵水豆腐、貢丸同花枝丸，飲品就選擇咗百香果QQ。一個飯就可以試晒五個小食，份量亦好多，叫咗少飯先食得晒。飲品百香果都唔會過甜👍🏻扺食之選🙌🏻

天文台道有咁多好野食，今次就試咗呢間8Five2 Restobar，8點前有happy hour，同好姊妹啤一啤。 咁耐冇食過墨西哥菜，當然要叫盡佢，呢度食物份量都唔細，兩個女仔都食唔晒啊！ Avocado on toast - 好多牛油果🥑，加上香脆嘅多士，非常醒胃 Ceviche (Tuna) - 吞拿魚同檸檬汁好夾，食到停唔到口！ Tacos (Pork) - 豬肉加上香濃嘅BBQ汁，Taco皮亦都有淡淡嘅粟米香，每件都好足料。 Enchilada (Chicken) - Enchilada係我最鍾意食嘅墨西哥菜，雞肉加上入面嘅cream cheese，面頭又輕輕焗過，加上微辣嘅醬汁，推介啊 Corona 心太軟 - 最後當然唔少得甜品，心太軟嘅香濃朱古力味，再加上芒果雪糕，為今晚畫上完美句號。

呢間係Deli2嘅梨滿園，方便就腳，有得食韓燒、炸雞、湯飯，你講得出嘅韓國野都有😋😋 🐮特選牛肋骨（醃） 份量夠晒多，牛肋骨醃得好入味，肥瘦啱啱好，簡單燒一陣就可以食喇🥰叫牛肋骨仲會附上生菜，包住嚟食就可以冇咁油膩👍🏻 🐔炸雞（小）（蜂蜜/芝士） 叫咗份細嘅炸雞，因為怕食唔晒，但份量都係好多！約有十件，炸得好香脆，醬汁又好味😋 🐂牛肋骨湯 呢個牛肋骨湯好高水準，牛味夠晒出，加埋入晒味嘅粉絲+蔬菜，真係好想添飯啊！ 而家仲有90分鐘任食炸雞優惠，百幾蚊食幾多炸雞都得，韓食愛好者一定要嚟試吓👏🏻

顧名思義 mad for garlic 就梗係咩都有 garlic 你食架啦。睇睇個Menu先，其實除咗佢所有菜式都會有各式各樣嘅蒜頭之外，佢同一般西餐廳一樣，都會有各式各樣嘅starter, pasta, pizza, rice 同 steak 。仲有一d主打海鮮的菜色，蟹肉龍蝦意粉，香煎帶子，海鮮pizza，西班牙海鮮飯等等。其實都算係fusion菜。 咁我哋就叫咗 Ragu steak Fettucine，Garlic steak，Stir fried triple mushrrom。個牛真係入口即溶好正再加埋蒜頭山真係不得了。另外個海鮮飯係其實就係飯粒咁嘅pasta嚟嘅，又有蝦又有青口，食得出仲係用高湯煮添。其實唔好諗話叫多幾個餸啊，佢嗰啲份量其實都幾多。反而可以諗下會唔會都食佢嗰啲那些好似都幾抵架，有頭盆有湯有main dish再加甜品添! 鍾意食蒜頭嘅你唔使諗啦一於過嚟食啦。

又喺觀塘嘅工廠區度搵好嘢食，今次呢間i kitchen只係離APM 3分鐘嘅距離，非常就腳方便，但就可以享受到安靜舒適嘅環境，同埋抵食西餐。 呢度選擇多，Menu排到密密麻麻。我哋諗左好耐就選擇咗叫兩個主食、一份小食，結果都幾飽，因為呢度嘅西餐份量都算適中。 香檳忌廉煮紐西蘭托托蜆 - 超推介，鍾意食海鮮嘅人就唔好錯過，每一隻都有掌心咁大，肉非常嫩滑，有咬口，加埋香檳忌廉湯底，托出蜆嘅鮮味，好出色。 芝士海膽醬焗龍蝦配龍蝦汁天使麵 - 半隻龍蝦啖啖肉，好新鮮，加埋芝士海膽，天使麵又好入味，好高質素。 香煎美國黑豚豬肉眼 - 好嫩滑嘅豚肉，加上好可愛嘅伴碟😍 埋單每人$250 ，冇叫酒精飲品，價錢算合理。

呢間榕記之前係九龍城好出名架！原來搬咗黎觀塘，係APM後面嘅大廈，仲就腳👍🏻 星期六嚟到，都有唔少客人黎幫襯支持，但老闆仍然好熱情招待，又介紹餐牌又介紹呢度嘅special！ 我就叫咗自選車仔面，揀咗胡椒豬肚湯底，好足料！餸就揀咗鮑汁花膠、豬肚同蘿蔔，推介花膠，煮得剛剛好，加埋鮑汁，完全唔係普通車仔麵level啊！ 另外叫咗個小食，雞絲碗仔翅，再加咗酒香藥膳底，呢度嘅藥膳真係好出色，必試！ 跟餐嘅中國茶都唔係頹貨，好香茶味👍🏻 老闆話呢度有個special限定！就係夜晚可以係出面outdoor嘅場到BBQ，係市區有得懶人BBQ，食材仲要由老闆精挑細選，下次一定要嚟試試。