相約男友一起去左呢間店食自助餐, $238 真係幾抵!!
環境幾靚,幾大!! 枱與枱之間隔得好開,坐得好舒服, 一如食評所講, 不錯!不錯!

食物方面:
長腳蟹 - 新鮮, 好食! 不會只有 salt 味..
虎蝦好大隻
翡翠螺都新鮮
上湯龍蝦仔 - 推介! 好好食!! 是晚食左5隻
三文魚都新鮮, 好味!
避風塘龍蝦拑 - 好食!!
乳豬都好味!
片皮鴨-味道唔錯
天婦羅蝦不錯!
焦糖布甸超好味! 食左4次!!
仲有大量haagen dazs icecream 供應呀!! 有一枝枝的棉花糖!!!
還有即炒意粉, 即造PIZZA, 又有咖啡茶/橙汁等任飲!
雖然只係得2個鐘, 初時以為有d趕,
當大家都有8-9成飽的時候, 都仲有成40mins 先夠鐘

總括來說, 十分滿意, 以這價錢, 都幾抵食, 難怪是晚 full house!!