星期日去灣仔維景酒店食自助午餐，餐廳環境舒適地方不算大。
冷盤：三文魚生、什錦壽司、什錦凍肉 ﹒﹒﹒﹒﹒
熱食：黑椒牛仔骨、炸魚柳、炸蟹蓋、蔬菜、燒牛肉、燒排骨、柚皮鴨胸、炒飯、燒雞﹒﹒﹒﹒
其他：紅豆沙、中、西湯、沙律、﹒﹒﹒﹒﹒﹒﹒
飲品：咖啡、紅茶、凍檸檬茶。
食物味道：炸蟹蓋味道幾好不過細隻、黑椒牛仔骨好味、其他都係普通無特別。
服務方面：侍應服務態度幾好，收碟幾快，食物補充不算很快但係有轉新款。
總括來說：第一次光顧都算幾好。

聖誕節放大假去北角麗東酒店飛嗚閣食自助午餐，餐廳環境舒適地方都幾大。
冷盤：三文魚生、什錦壽司、凍蝦、什錦凍肉、日式什錦小食﹒﹒﹒﹒﹒
熱食：中式燒味、蒸魚、炒蟹、籃青口、帶子炒什菜、火雞、冬菇扒生菜﹒﹒﹒﹒
其他：熱香餅、牛肉粥、中、西湯、沙律、﹒﹒﹒﹒﹒﹒﹒
飲品：橙汁、蘋果汁、汽水、咖啡、紅茶。
食物味道：凍蝦幾鮮味、炒蟹味道幾好不過細隻、熱香餅同麥記果差不多、牛肉粥好淡無味、其他都係普通無特別。
服務方面：侍應服務態度幾好，收碟幾快，食物補充很快但係無轉款。
總括來說：其實幾個月前都光顧過一次食，不過當時食物選擇不多，今次有小小改善。

聖誕節放大假去香味屋食自助午餐，餐廳環境幾好地方很大。
食物方面：主題係一口和牛加國際美食。
日本式：三文魚生、什錦壽司、冷麵、和牛、爐端燒﹒﹒﹒﹒
印度式：印度薄餅、咖喱羊肉、咖喱雞、咖喱魚柳﹒﹒﹒﹒﹒
泰國式：泰式炒河粉、魚柳、冬蔭功﹒﹒﹒﹒﹒﹒
西方式：凍蝦、生蠔、青口、火雞、什錦凍肉、香草魚柳、會牛肉、沙律﹒﹒﹒﹒﹒
中國式：蒸魚柳、干燒伊麵、什菜鮮尤、蟹柳蒸水蛋、竹笙什菌、小籠包﹒﹒﹒﹒
食物味道：和牛、凍蝦無味唔爽口、青口普通、蒸魚柳幾滑、其他都係好普通無特別。
服務方面：侍應服務態度幾好，要食和牛只要將台號牌交去鐵板燒櫃台，煎好後就有侍應送到。
總括來說：其實去年聖誕節，公司請食自助晚餐都來食過覺得幾好，今次食埋個午餐真係唔錯。

聖誕節放假去官塘景褔宮食韓國燒烤加火鍋自助餐，
餐廳環境普通地方不算大，燈光比較暗。
食物方面分火鍋料和燒烤料重有熟食同甜品、飲品。
熟食物有：炸薯條、魚蛋、豬腳薑、中湯、糖水、什錦壽司、多款朝式冷盤小食。
燒烤料有：雞肉、牛肉、豬扒、雞翼、腸仔、秋刀魚、尤魚﹒﹒﹒﹒﹒
火鍋料有：冬菇、豬紅、生根、肥牛、豆腐卜、多款麵食﹒﹒﹒﹒﹒﹒
食物味道：豬腳薑夠味、雞肉幾滑、其他都係好普通無特別。
服務方面：侍應服務態度就麻麻黑口黑面，見到我用手機影相就話“喱度唔比影相駕！”
我袋返部手機落袋去野食，佢重係度眼望望。但係我睇來睇去都無告示牌話唔比影相！
總括來說：其實我經常都來光顧，食物、價錢方面都可以，但係侍應服務態度就要改善，
唔知係唔係因為佢隔離果間，漢和韓國燒烤執笠，無競爭有關？
評分方面：本來今次想比個OK佢，但係侍應態度咁差要比個喊樣佢，希望下次有改善啦！

星期日去仁民飯店食自助午餐，餐廳的燈光太暗感覺麻麻，地方都算大檯不算密。
食物方面：冷盤有：多款魚生、什錦壽司、日式冷麵、火雞、煙鴨胸、凍蝦、青口。
熱食有：炸雞翼、炸豆腐、蟹子蒸水蛋、炒什菜、魚柳、咖哩雞。
薄餅、 會牛肉、春卷。
甜品有：桂花糕、鮮果撻、幾款蛋糕。
其他有：自選湯粉、麵、自選生滾粥、沙律、中、西湯。
食物味道：凍蝦鮮甜、青口好味、炸雞翼、沙律麻麻。
其他食物味道都是一般，但是款式不多但補充很快。
幾個月前食過都覺得可以，當時只要１０８加一，不過今次因為將近聖誕節加價，
要１２８加一，仲以為多野食，不過食物同上次差不多真有點失望！
但當日全場六成滿，總括來說食物也可以，不過都係上次抵食！！

星期日去灣景國際酒店灣景廳食自助午餐，餐廳的環境舒適，地方都算大檯不算密。
食物方面：冷盤有：三文魚生、什錦壽司、日式冷麵、什錦肉類冷盤、。
熱食有：蒸魚、油麥菜、生炒排骨、芝士焗薯蓉、茄汁火腿焗飯、牛仔骨、脆皮腸。
炸豬扒、炸三文魚件、豬腳薑、皮蛋瘦肉粥、星州炒米粉、牛肉燒買。
甜品有：紅豆沙、什果涼粉、多款蛋糕。
燒烤有：燒豬腿。
其他有：自選湯粉、麵、沙律、雪糕。
食物味道：豬腳薑普通、星州炒米粉、燒豬腿幾好味、茄汁火腿焗飯。
其他食物味道都是一般，款式不多又無轉款，但補充很快。
但當日全場九成滿，總括來說食物也可以，侍應服務態度不錯，也是普通的一餐。

星期日去銅鑼灣海景酒店食自助午餐，環境都算舒適，地方都算大檯不算密，今次坐窗口位可以看到街景。
食物方面：冷盤有：三文魚生、吞拿魚、什錦壽司、海哲、日式冷麵、八爪魚、螺肉。
熱食有：魚柳、牛仔骨、冬菇鴨掌、炸魚餅、 燒排骨、蔬菜、炒飯、炒河粉。
甜品有：班戟、蛋糕、雪糕。
其他有：自選湯粉、麵、粹牛肉粥、中、西湯、沙律。
食物味道：食物味道都係普通，但是補充很快，不過沒有轉款。
其他方面：不過甜品款式不多，但侍應服務態度很好。
但當日全場八成滿，總括來說是普通的一餐。

星期六去紅磡紅茶館食早餐，見佢只係收２２蚊，就去試。
入到裡面地方很細不過都算舒適，跟著去食物，其實選擇不多，
食物只有腸仔、蝴蝶粉、茄汁豆、曼頭、蔬菜、蒜蓉包、白粥、什菜湯。
自製格仔餅、橙汁、咖啡、奶茶。
味道方面好普通，什菜湯好淡、白粥夠棉、格仔餅好味不過沒有牛油，只有練奶、沙糖調味。
埋單只係收２２蚊，仲係任飲任食，也不能要求太高。

星期日去山景閣食自助午餐，餐廳地方不算大，但係都算舒適、上次食過下午茶，今次試午餐。
食物方面：冷盤有：生蠔、什錦壽司、日式冷麵、煙鴨胸、滷水牛、海南雞。
熱食有：炸雞中翼、泰式炒青口、日式海鮮蒸水蛋、炸三文魚、牛柳絲炒西蘭花。
椰汁咖喱紅立魚、生炒糯米飯、海鮮春卷、豬腳薑、。
甜品有：紅豆沙、多款蛋糕、雪糕。
其他有：雪菜肉絲米粉、自選生滾粥、沙律、中湯、西湯。
食物味道： 日式海鮮蒸水蛋、海南雞、泰式炒青口
菜式選擇算多， 其他食物味道都一般、侍應服務態度很好。
當日全場九成半滿、食物補充很快，連加—都係９８幾抵食 。

星期日去麗景酒店咖啡亭食自助午餐，餐廳地方很細只有六、七十個座位，但係都算舒適。
食物方面：冷盤有：三文魚生、鵰魚、八爪魚、凍蝦、青口、翡翠螺、龍蝦仔、什錦壽司。
熱食有：燒羊架、炸魚柳、炸雞件、叉燒、燒牛肉、白汁會海鮮。
蔬菜、白汁意粉、北菇蒸雞飯、。
甜品有：朱古力噴泉、糖水、多款蛋糕、雪糕。
其他有：自選湯粉、麵、自選三文治、沙律、中湯、西湯。
食物味道： 燒牛肉好韌、八爪魚、翡翠螺OK、
菜式選擇不算多， 其他食物味道都一般、侍應服務普通。
不過連咖啡、茶都沒有真係差、當日全場只有十九人，所以菜式無添加及轉款。
但係都要１３８再加—真係唔抵，在同區差不多價錢的不如去、城景閣、磨坊咖啡室、重好過！