圓方內的餐廳價錢比較貴， 想要吃得經濟一點， 我推介地鐵層往機場快線那邊有一間唐包點， 有點心、蒸包、蒸飯、港式風味飯。 價錢亦十分親民 蒸包餡料非常豐富，包皮軟熟， 獨立包裝而且熱辣辣，叉燒包非常惹味。 秘制豬軟骨飯，豬軟骨夠軟和入味👍🏻 還有我很愛吃的白蘿蔔，白飯和餸是分開裝的， 所以白飯也可以維持到粒粒分明 燒賣及鮮竹卷熱辣辣非常正🤤 每粒燒賣也有一隻蝦，鮮竹卷份量夠而且飽肚 但是沒有桌子堂食， 要在外面的椅子坐下食。

經朋友介紹話係我附近有間可以chill既好地方 平日都好full，感覺好有情調，環境都坐得舒服， 侍應生都好有禮貌。 要左Angus rib eye 加$35 upgrade 有餐湯，蒜蓉包，沙律同甜品 Angus rib eye 份量很多，wedges好大條，岩岩炸起脆卜卜， 安格斯牛扒7成熟，肉眼扒肉質香濃嫩滑，瘦肉和肥肉兼有我最鐘意食肉的同時會有蔬菜伴碟以解油膩感。 Fusion蒲燒鰻魚水波蛋堡 頗特別的燒鰻魚漢堡，麵包底有烘烤過，所以有點香脆，夾著水波蛋、長鰻魚、 蕃茄、蔬菜、鰹魚碎，用叉輕輕一篤，蛋黃彭湃溢出，觀感味道都好正 Tiramisu作為句號， 如果同朋友慶祝生日， 還可以寫Happy Birthday 字眼伴碟

雅都商場番新後變成go go mall 1樓變成美食街 但想坐得舒服D，就去左象泰食Thai food 芒果及火龍果沙冰 上層加了邪惡芝士奶蓋 正我比較喜愛火龍果，夠清新。 炭燒豬頸肉 第一次食豬頸肉會有慢火保溫， 食到最後一塊都仲出緊煙， 正因為有火烘烤，豬頸肉油脂更加香口 泰式金柚子蝦沙律 調味非常好，加了小蝦米，酸酸甜甜帶點咸香，十分開胃。 香葉辣椒肉碎飯配荷包蛋 其實食親泰國菜，有肉碎荷包蛋飯， 我必點，肉碎唔乾，下飯一流 泰式飛天炒芥蘭 面頭放上炸蒜及咸豆豉，簡單而惹味 員工勤快，一叫即到 除左gogo mall 置樂都有分店

聰少甜品旁邊開了一間新的飲品店 飲品非常有特色 左:金鳳梨綠研奶蓋 是新鮮水果茶加上芝士奶蓋， 淡淡的菠蘿香和綠茶，仲有粒粒菠蘿肉， 在沒有order少甜的情況下也不會過甜， 清爽的飲料加上邪惡的芝士奶蓋， 配搭不錯 右:抹茶黑糖波波 抹茶味夠濃，內有黑糖漿，珍珠大粒有咬口， 同樣地也不會過甜。 仲見到蛋糕口味既，如果唔係岩岩食完糖水，一定試蛋糕系列，見到有抹茶，紅豆配抹茶，蛋糕珍珠同黑森林，下次會試下蛋糕系列 紫芋黑糖波波都好吸引

新恆褔雖然是大排檔，但環境舒適， 當日我同朋友大約10:32到，原來佢地10:30last order，收11:30，好彩老闆同師傅非常友善，令我們沒有白行一趟。 潮式滷水鵝(例牌) 例牌份量都很多， 鬆軟的鵝肉滲透陣陣滷水味， 滷得很入味，配以酸酸的醬汁， 味道再昇華。 XO醬小炒皇 韭菜花拌腰果，加入蝦乾，魷魚，香酥銀魚等等材料加上鑊氣十足！鹹鹹香香，輕微辛辣，惹味十足，岩曬送啤酒 生炸腐皮卷 餡料十分豐富，調味及口感配合得很好很美味，配以香酥炸皮，必推 新恆褔還有很多特色菜，下次早點來。

講到漢堡包 係香港我最愛係Burgeroom 原來尖沙咀美麗華都開左分店 仲好有美國風格，坐得好舒服 有自助區，可自行取調味料及水 記得在澳洲時， 我最喜歡就是在賣雞專門店買炸雞條食， 係香港真係好少地方有得食， Burgeroom亦做到外皮脆卜卜，但雞肉還保持到嫩滑，再沾BBQ sauce，好好味 芝士旋風薯條 必推就算放涼了，薯條都是脆的， 芝士味咸香，而薯條本身有少少調味， 我朋友再加上茄汁，好味到停唔到口 大烤菇芝士牛肉漢堡&菠蘿煙肉牛肉漢堡 平時對不好麵包的我，也想讚Burgeroom做得好好，所有食材新鮮，仲好juicy，就算是麵包都認真制作，包底烘得微焦香脆，帶有牛油香及少少甜， 厚厚的牛肉充滿肉汁，煙肉香脆，烤菇juicy，就連番茄都好甜，2個漢堡包都好好味 同朋友食完都好滿足

同friends等緊個朋友放工 落雨又唔想行 見到沐白小農有得坐下 就入去飲杯野 仲意外地有得免費充電 好欣賞沐白小農堅持 飲得都放心D 草莓鮮奶小芋圓(半糖) 鮮奶入口順滑，加埋新鮮士多啤梨肉， 每一啖都充滿果香，微微的酸，再加埋小芋圓， 口感十足 大甲芋頭鮮奶(半糖) 將台灣大甲產地的芋頭打成蓉，口感綿密且滑而不膩，再配上鮮奶，更加香滑 抹茶鮮奶(半糖) 抹茶味香濃，因為沐白堅持用鮮奶， 所以又滑又濃 小芋圓系列仲有其他選擇 仲有打卡區

同朋友路過置樂見到，全部豆腐花款式9蚊 就入左去食 加2蚊仲可以換砵仔糕1個 他們只有黃糖味選擇，有豆或無豆選擇， 即刻勾起童年回憶，記得細細個超級唔鐘意有紅豆。 砵仔糕香甜軟糯有嚼勁 芝麻糊豆腐花很滑，豆味夠，芝麻香， 食到一半先記得影相 記住要自己加糖漿 喳咋 10蚊碗 同平時吃的配料不同 這碗是什豆喳咋，有眉豆，綠豆，紅豆，松豆，紫米，西米等等，口感十分豐富，食完都有少少飽 極度推介客家糍粑 6蚊1粒 15蚊3粒 皮薄但一咬開會爆餡 食個陣記住要用手墊住 黑豆豆漿&黃豆豆漿 甜度屬於少甜，感覺都健康D

我一向也很支持本地小店 晚餐不知道想吃什麼 在屯門新墟見到此日本小店便入去試下 三文魚壽司:睇圖以為好薄，食落口好有質感，三文魚夠肥美 劍魚腩壽司:質柔軟脂肪多，鮮甜而不油膩 炙燒左口魚壽司:火炙過後魚油香突出，入口即溶感 炙燒帶子壽司(鹽燒):微炙燒令帶子的鮮味同口感大大提昇 原條鰻魚壽司:很厚的一條，口感柔軟，入口溶化，極度推: 甜蝦刺生:鮮甜甘香，入口質感嫩滑 豚肉生薑燒 已包含一碗麵豉湯及日本珍珠飯 醬汁調味剛剛好，帶有薑汁的味道很下飯 小小的一間店但選擇都挺多的

午餐時間和同事來到公司附近的泰國菜館吃午飯， 點了一個炒飯、冬蔭功湯和生蝦刺生， 炒飯味道濃郁，炒到粒粒分明。 冬蔭功湯底因為比較多椰醬，所以導致質感較杰身，味道酸酸辣辣非常開胃，不會很辣。 而生蝦刺生很新鮮，肉質都飽滿，加上泰式辣醬和蒜片非常好吃，很有泰國的風味。 我和同事都很滿意這間餐廳，我們都決定會經常來吃，因為這裡又抵又好食，份量都很多，重點是點餐和送餐的速度很有效率，所以很推介給像我們只有一小時吃飯的上班人士。