今日適逢3月8婦女節，同朋友行完山之後去咗好值得懷緬嘅雍雅山房。睇完個Menu都有啲想掉頭走嘅感覺。因為一碟乾炒牛河$198好似搵笨咗啲🫣🫣。如果唔係今日婦女節，想藉此慶祝一下。又見到內裏環境好靚，可以一覽無遺維港景色。所以大家決定入去一試😊😊睇完menu 大家一致決定一齊食乳鴿，有頭盤沙律or 煎釀豆腐 or 餐湯。乳鴿仍然保持良好水準👍👍，變的只是價錢太貴。服務如果收這個價錢作午餐的話，只能說是還有很大進步空間。隔離枱有小朋友周圍跑和叫，也有點影響氣氛。 如果套餐包含頭盆和湯，甜點🍮就比較值得再去。

晚上去東大街搵飯食，亂咁撞咗入嚟。入到去先知原來呢間食店上過飲食節目。侍應叔叔細心介紹咗d冇得輸嘅菜式俾我哋。我哋叫咗手撕雞鴨髀，細細碟好快食晒😋 豬潤酒煮蜆，估唔到可以咁夾。蜆肉鮮味同酒味加埋豬潤好爽，下次都真係要再食。不過唔太啱小朋友食，因為酒味都幾濃。仲有賴尿蝦腸粉，瀨尿蝦居然可以連個殼都食埋。都好好食🤤不過份量唔多。煲仔飯好香火喉到位。大廚心思直得一讚，非常有特色的菜式。4個人食係貴左少少囉

有個服務員態度非常非常惡劣，已經不停催我哋上菜。話說有支香檳係套餐包埋嘅，我哋成班食開年飯，當然要飲番杯啦。見我哋開香檳，阿姐已經埋嚟串我唔好射到周圍係。我都冇搖支香檳又點會射到周圍係呢。（掃興）😮‍💨 再問呀姐攞香檳杯，你估佢點答呀⋯⋯（眼見其他枱都有香檳杯）佢話我哋啲香檳杯唔俾你過喎。我心裏一堆問號？？接着說因為你打爛咗，要你陪$98 1隻㗎。佢語氣好差，之後拎咗啲鐵杯過嚟。哈哈，老實講我打爛咗一定會陪俾你，既然你咁驚客打爛點解又拎出嚟啦。你個柸鑲金？就算你話用晒洗唔切都冇問題。好似講到我賠唔起咁，又或者我一定會打爛嘢。嘈完一輪後，佢有死死地氣拎d柸過嚟。 出奇嘅事出現⋯就係佢上菜時，碰到我隻杯險些倒瀉我杯酒。我終於發現佢唔想原因，其實係唔想佢自己打爛。 超級壞嘅體驗，一定唔會再幫襯，感覺超級受氣。 而且貴妃蚌好多沙。

西灣河碼頭附近的西餐各式各樣，比墨西哥TACO吸引咗，餐廳環境優雅，望到海景都幾浪漫。叫咗支啤酒，蘑菇湯，蒜香焗田螺，薄餅，半隻燒雞。蘑菇湯奉上是有熱辣辣的餐包，磨茹湯有很多胡椒，但都合我口味。香草燒雞燒得好香，第一啖雞髀位夠嫩滑本來好滿意，但可惜雞胸位置非常鞋口，而且啲肉都好老。所以有半隻都食唔晒，反而覺得墨西哥Taco 好好食，啲牛肉有燒烤嘅味道，少少辣汁配上鮮蕃茄牛油果，生菜絲，真係食過返尋味

朋友一行12人，約定限聚令當日一齊解禁。想來凡高厨房，用行動支持一下小店。餐廳氣氛非常浪漫，柔和音樂，裝飾擺設都配合尤如在畫廊中用餐。提前兩日特意叫總廚為我哋安排手製菜單，想食啲特別啲嘢。頭盤廚師精選沙律，芝士焗生蠔非常正。香煎法國鵝肝伴菠蘿amazing配搭清新，重頭戲海鮮塔，底層係燴銀雪魚，中間係鮑魚，仲有Cocktail蝦，魚子。海鮮非常新鮮，汁底做到非常有心思，真係食到連汁都撈埋。多人聚會去凡高有保證，唔會令客人失望。

為咗唔想同人迫，提早一日慶祝父親節。行完金魚街又熱又攰，大家匆匆趕上去始創中心來一個hightea。本人極度鍾情烤鷄，今次都算冇失望。此店的烤鷄也算是皮脆肉滑，雞胸部份如果覺得唔夠味，都有四款醬汁任君調製，芥茉醬、茄汁、辣醬、還有最特別的薑蓉也提供埋，果然啱晒中國人口味。反而burger就有啲失色，嗰包用咗甜軟包來做，食落真係怪怪地而且burger調味不足要自己加鹽，仲有餐廳仲欠我一杯凍檸茶埋單也未能送上，不過服務員都好有禮貌嘅。下次都會再來幫襯

喺OpenRice度搵咗好多間日式放題，終於朋友介紹咗大本贏。其實兆萬有好幾間日式放題，d間我之前都試過。不過，今次食過又覺得啲嘢進步左。魚生好新鮮，仲要好過酒店buffet。壽司即叫即包，啲紫菜仲好脆嘅。值得一讚係隻燒蝦，係上等嘅大虎蝦非常鮮。食物都好多選擇，兩個鐘頭同朋友傾偈都覺得唔係好夠，切埋蛋糕夠。老闆很好人，還幫我哋個蛋糕點上煙火蠟燭，雖然非常之趕時間，不過大家都非常之飽，值得推薦。👍

今日又去咗柴灣，諗住去睇番塲戲，點知全部舊片。仲唔可以入塲食嘢，所以去隔離薯仔屋嘆完先入塲。餐廳開陽又望住公園，感覺舒泰環境又乾淨。價錢非常實惠，不過要自己去落單先，之後有服務員送餐，去叫咗個大蝦帶子扁意粉，加$5仲有沙律蒜蓉包。蒜蓉包熱辣辣好好味，沙律係雜果薯仔沙律也不錯，估唔到個扁意粉都好有水準。香煎大蝦，大蝦煎得恰到好處。扁意粉軟硬度都啱啱好。朋友就叫咗個牛柳串燒，佢都話好正冇介紹錯，喺柴灣有呢啲水準嘅餐廳仲要咁平真係要多啲去。

朋友生日好難得先約齊人一齊食飯，我book嗰陣時已經吩咐要坐長枱，點知上到去居然分開咗兩張枱。已經有啲失望，好彩食物尚算OK。不過魚生望落去就唔係好新鮮，奄過嘅食物例如雞翼，豬頸肉嗰啲都好入味。牛肉都好多選擇不過如果要食和牛就要額外加錢啦。雖然已經係用咗電腦自己入單，但係都成日漏單無出。成晚都聽到生日歌播出，心諗都唔錯喎，應該好多人喺度慶祝生日。到10點左右又播生日歌，個侍應捧住個蛋糕過嚟我哋張枱搵邊個生日🎂，仲要點埋蠟燭，搞到我哋O晒嘴，當時有朋友去咗廁所未齊人，個蛋糕又未插生日牌。我哋好突然問佢點解咁快出蛋糕又冇通知我哋，佢即係話我哋多數last order後就會出蛋糕，其實你要出蛋糕唔緊要，但係都要通知一聲囉。咪好似趕客走咁，下次不再來了。

今晚係公司食春茗，成班人柴娃娃去咗佐敦食日式放題，地點難搵啲。一坐低就當然大家急不及待要出去睇吓有咩酒飲，紅白酒成支俾我哋拎走唔客氣啦，唔止喎仲有清酒，梅酒，連我最鍾意嘅柚子清酒都有。味道清新，險些飲大。 打頭炮就係刺身拼盤一出場個個嘩嘩聲，新鮮海膽，生蠔，長腳蟹肉身有啲乾，日本（喜之次）有返咁上下價值嘅魚，居然係放題有得食，肉身油脂分泌平均，用作BBQ鮮味無窮。大蝦，大扇貝差不多噏得出嘅海鮮富有。👍最喜愛澳洲和牛西冷，無限量供應，對於我呢班蝗蟲式同事，呢間日式放題簡直大讚。雪糕甜品又有Movenpick 焦糖燉蛋味、又有Dreyer’s 雪條。真係好過去高級酒店多多聲。今晚仲包咗間VIP房俾我哋班嘩鬼，點嘈都唔會尷尬。大家都玩得非常盡興呢！