周年紀念嘅原因所以就喺open rice book咗嚟呢度慶祝 食物方面 叫咗2個set menu再加個seafood platter 個seafood platter唔錯 但未到話特別好 牛柳反而唔係好特別 覺得係正常 反而係個lobster tail同crab cake係非常出色🤤🤤🤤 Truffle fries同mashed potato都好味 不過好飽🤣🤣 仲送埋慶祝梳乎厘tim 服務方面 Menu係customise咗印咗名嘅 職員服務周到 會主動加水清理檯面 仲會主動幫你影相 送埋兩張即影即有比你 總括嚟講 慶祝嘛 豪一次 兩個人開心係值得嘅🤠

星期六嚟觀塘區做完啲嘢 就特登上嚟試吓呢度啲set lunch 2個人原本想試個海膽意大利飯 但可惜賣晒 咁就叫個鴨脾 + 青口，特別再叫多個雞翼 個油封鴨脾幾正 仲有薯蓉 2件雪梨伴碟 外皮夠香口 油脂分布唔錯 肉質唔柴算滑 青口都唔錯 可接受 但唔算太特別 個法包用嚟點白汁都算幾可口 小食雞翼都幾好食 外皮煎香咗 入面有芝士釀咗入去 加少少黑醋點綴 整體成餐環境都舒適 空間寬躺闊落 侍應服務唔錯 有主動加水 喺觀塘工廠區一帶值得一試平價嘅高質😙

由於疫情關係 好多食肆都好難做生意 早排有一日路經 見到佢門口貼住特價dinner set 既然平時見貴唔會去💰 就不如趁機會試吓😆 入座前會量體溫 亦有消毒酒精提供 由於冇人幫襯嘅關係 可以坐窗口位 麵包籃 正路幾好食 夠暖😌 前菜係smoked salmon 內面有cream cheese 連魚子醬味道偏淡 尚可 再嚟就係龍蝦湯 足料 但味道可以再濃少少 (比較嚟 港島香格里拉 龍蝦吧 更好) 主菜就係芝士焗龍蝦意粉 喺蝦頭部位內藏蘑菇 都好食嘅😙😋 最後就係 cream brûlée 呢個又係正常🙂 總括嚟講 所有嘢都係正常 無大驚喜 以特價set嚟講 係唔完美但可接受🙂 Side note: 全晚先得兩台客 真係好嚴峻😔

喺非常嚴峻時期嘅情人節 當然都要食好少少 相聚一刻 為咗避開人流 & 正日天價 特價揀咗呢度食 預計唔會人多 亦唔使捱天價 yeah!👻 夜晚7點去到 唔使等位直入 叫咗個乳鴿套餐 跟牛脷意粉 另加瑞士雞翼 最後當然要叫梳乎厘啦🤤 整體質素非常唔錯 食物好味 夠熱 上枱快 乳鴿夠脆夠香口 牛脷汁好味 瑞士雞翼更加唔使多講 梳乎厘夠大蛋味香 服務好好 主動收碟 又肯幫手影相 嚟錯咗吉列豬扒意粉又講晒唔好意思 食到中途 主動問要唔要叫梳乎厘因為要等 A good evening! 🤠

久仰大名 但次次都係見到條長人龍就唔想排 好在喺星期六朝早 ☀️ 因緣際會可以喺荃灣0900等開門 就當然有位啦😆😆 原本想叫鮮牛蛋治但無❌ 結果2個人就叫咗咸牛治 + 火腿奄列 + 華田冰 + 雞翼 🐥+ 谷咕🥤 啲嘢一嚟到 就立即試上口 咸牛治同火腿奄列都係足料超大份 夠新鮮 有蛋香🤤 華田冰就都有啲特別 口感似沙冰 第一次試 味道唔錯 雞翼都好夠入味 仲有埋泰式辣醬比你點 食完都超飽 下次想試埋佢嘅雲吞😅 雖則未到話超好味 但絕對可以一試呀🤠

Booking
可以做 online reservation 非常方便
又可以留 special request
早一日會打電話比你 confirm booking


Food
weekend brunch 高質 特別好食包括有:
頭盤 - 鵝肝, scallop wrapped with ham, abalone lobster soup main course -  beef cheek, crab cake, risotto, lobster and scallop mac n cheese dessert - tiramisu

birthday dessert is available! (please make special request in placing reservation)

Service
Good! 主動 refill drinks, helpful in taking pictures!
restaurant manager will come out and say happy birthday to guest!

落雨天嘅星期六無心機行街 就早啲啲1900去咗呢度食嘢試吓 唔使等但都ok full吓 結果叫咗紅燒牛肉麵、麻辣半筋半肉牛肉麵、珍珠奶茶、滷水拼盤 (甜不辣, 豆干, 百葉) Overall 嚟講質素唔差 上菜速度算快 唔洗等太耐 啲牛肉麵都唔錯 不過牛肉可以再淋啲 滷水夠入味 珍珠奶茶唔係死甜 有少少茶香 店員友善有禮貌 不過「唔係好到價」咁就2個人埋單$223 性價比一般 相比起元朗嗰間士林牛肉麵抵玩好多 (當然係因為地點因素啦) 試一次就好 未邊會再試啦

由於之前喺首爾試過一次超好味忌廉咖喱烏冬 所以係做完運動之後就去試一試啦😝 今次係喺1245去到食lunch Order咗個lunch set 一次過試晒兩樣野 就係忌廉咖喱烏冬+吉列燒牛 忌廉影相幾呃like📸 食落表面好滑 但稍嫌唔夠「傑身」😶 對比下都係上次喺首爾食嗰個好食啲 至於吉列牛 相對起之下都係上次喺荃灣間「秘」食嗰個好食啲 可能因為先入為主啦😙 今次2位評審 意見一致😆 都係fair 未試過嘅都可以試吓 但係唔好有太高期望啦😌

食日式牛肉 出面市區食起碼over$150 呢度就唔使啦 呢日約咗3個好耐無見嘅朋友meet up 就揀咗呢度試新嘢 人人叫一set 全部都話好味 煎set當中最好味就係吉列牛 外脆內軟 安格斯牛都唔錯 薄薄哋有啲焦香 鰻魚飯條鰻魚都好大條吓 牛肉鍋啲牛有啲似牛腩 超入味 服務唔錯 主動加水換火 又有禮貌 Overall嚟講堅值得推薦! 仲要唔收加一!! 唔使喺市區食咁貴嘅🤠!! 注意: cash only! 鋪頭細要排好耐㗎 人齊先入得! (參考: 星期六1915去排咗一個鐘)

由於上堂course fee包咗嘅關係 今日嚟呢度食set lunch 由於第一次嚟 一入去覺得地方好大感覺唔錯 夜晚應該會有live band 但講到食物方面 就普普通通不過不失啦 Size方面 份ribeye睇落好大塊 但其實係薄切 至於味道方面就稍嫌grill得唔夠焦香 個dessert焦糖蛋其實唔錯但細份囉 Overall嚟講就普普通通啦🤨