喺沙田區有間CP值幾高嘅雞煲牛尾煲火鍋放題，佢就係《二鍋頭》 @hotpot2f 又大又闊落，仲周不時會有唔同嘅新搞作 . 沙田分店獨有午市火鍋放題，而且有90分鐘 或120分鐘火鍋放題可供選擇，港式兩小時任飲任食 . 有惹味雞煲、黑椒豬手煲、秘製火焰牛尾煲、期間限定嘅酸菜魚，差唔多10款嘅火鍋湯底任君選擇。 . 自助區有多款火鍋配料、蔬菜、飲品亦包括有罐裝啤酒同埋雪糕無限量供應 . 我尤其鍾意火焰牛尾煲，一來佢落烈酒點火勁吸睛，二來牛尾超腍勁入味 . 記住食晒呢啲煲先，之後先可以打邊爐 .

終於到我試啦！！ 睇谷友介紹知道L1fe cafe老闆前幾個月喺何文田重開餐廳，以前食過幾次L1fe cafe覺得好好味，知道老闆開新餐廳立即bookmark定，終於今個月有朋友生日，就趁呢個機會去試下。 餐廳環境非常好，極開揚又舒服，有好好嘅空間感，而且餐廳冇限時間，可以慢慢同朋友舒服享受聚餐。 食物主打係fusion菜式，比起出面其他餐廳好少見，有特式之餘都好好味。 一行4人預先訂枱，亦預先 “叫雞” 🤣，因雞雞烤燒需時最少 30分鐘。開揚玻璃窗廚房，睇晒廚房運作，最正係睇到隻雞喺個爐度慢燒，勁期待。 另外幾款都好有特色。 Overall係一個好好嘅用餐體驗，一定會再有下次！

早幾日約個friend食dinner，試咗呢間 2 soon cafe 裝修、環境都係行打卡路線 日頭係 cafe 形式，晚上就變成 bar & restaurant . . 我哋叫咗二人 dinner set ($488) 出餐有少少耐嘅 頭盤：(有齊四款 唔使揀) 伊比利亞火腿忌廉薯餅 西班牙青椒仔 煙三文魚蕃茄牛油果沙律 蒜片欖油大蝦 啲蝦幾新鮮
主食： 明太子忌廉煙肉菠菜大蝦扁意粉 少少辣，幾惹味，唔會太膩 慢煮焦糖豬腩配香烤飯團及烤藕片 甜品： 加錢叫咗自家製西班牙油炸鬼 炸得夠趣，唔會太甜 飲品： 可以叫酒精，不過我哋兩個都唔飲酒，所以要咗 mocktail . . 整體嚟講都好豐富 頭盤有齊四款 可以試多啲唔同嘅嘢食 . .

“餓媽家姐” 呢間唔係食omakase嘅 而係食burger同腸粉嘅 仲有多款小食、小炒 即叫即整 已經決定下次要試埋 XO醬炒腸粉系列 . . 芝士泡菜安格斯牛堡 ($64) 佢係用黑竹炭包，泡菜係偏辣嘅，夠惹味；安格斯漢堡幾厚身同juicy，份量幾大 . 日系脆芝士春卷 ($39四條) 滿滿嘅芝士，一咬落去就會湧出嚟 . 脆炸魷魚鬚 ($39) 非常爽口彈牙，炸粉夠哂薄，一條接一條，好快食晒成兜 . (見到係一家人一齊經營嘅，爸爸媽媽負責廚房同樓面，同埋見到個小妹妹，相信佢就係”家姐”) .

醒起原來已經好耐冇去Urban Café 旺角店探吓貓店長們 仲要佢哋搬咗新舖去兆萬 面積大咗好多 唔會好似以前咁逼夾 . . 夏威夷薄餅 $98.0 : 即叫即整，大約等咗15分鐘。脆口熱辣辣，pizza批底幾鬆軟，唔會太硬 三重芝士肉醬闊條麵 $98.0 : 新鮮熱辣，份量都幾多，味道調得幾好，係好食嘅 日式忌廉蛋卷配雪糕 $58.0 : 應該係自制嘅，蛋卷皮好薄，同出面現成買到嘅唔同 URBAN CAFE 精選特調咖啡 $38.0 : 每次嚟都係飲佢呢杯 house coffee，啱我口味 . .

到底馬鞍山係咪好似傳說中所講 係美食沙漠呢？ 咁啱喺烏溪沙開工 出於好奇心 就試吓喺烏溪沙站連接住嘅迎海薈食lunch 試咗呢一間西餐「CHOWTIME」 見到有啲貓貓logo同掛牆畫 . . 突然好想食羊架 就叫咗炭烤澳洲羊架 ($218) 揀5成熟 羊架有3件 幾嫩滑 羊味重 有少少騷 個醬汁調得幾好 配餐湯加飲品 叫咗熱玉桂風味鮮奶咖啡 (加$12) 非常極之重玉桂糖漿味 飲唔出係咖啡 . . Lunch set 有平有貴 由60到200幾都有 . .

尖沙咀厚福街藍馬商業大廈差唔多成幢都係食肆 約咗個friend試吓【一方堂居酒屋】 我哋比較早食 餐廳唔多人 唔會嘈到傾唔到偈 . . 超多選擇 卷物、寿司、刺身、天婦羅、酒肴、串燒等等 蟹肉蟹膏軍艦 ($52) 蟹味極濃 魚子壽司 ($58) 唔腥，魚味足夠 和牛壽司 ($88) 牛味幾香，不過比較細件 大葱($18) 好清甜 京葱雞肉($30) 雞肉韌咗少少 牛肉蘆筍卷($48) 蘆筍好新鮮 大蝦天婦羅 ($98) 炸粉好薄，一啲都唔油，好食 北海道豚肉炒麵 ($88) 即叫即炒熱辣辣，夠鑊氣 . .

我中學就係喺尖沙咀柯士甸路三角公廁附近嗰間 呢個area由好耐以前開始已經非常多餐廳 最近行過見到【小清邁】呢間泰式外賣小店 就試咗三樣嘢 落咗單大約10分鐘就煮好 非常快手 . . 有好多選擇 炒飯炒粉麵、唔同款式嘅咖喱、海鮮、菜、串燒、小食、甜品、飲品 脆炸春卷 ($68) : 好脆身，有十嚿，抵食 泰式炒飯 ($78) : 份量大，夠鑊氣，炒得乾爽 芒果糯米飯 ($45) : 芒果夠甜，綠色糯米飯係斑蘭味 比較少有，椰漿唔會過甜，啱啱好 . .

行過銅鑼灣見到呢間【永年士多】 坐滿客又有幾個人排隊買外賣 仲有部自助點餐機 同朋友決定試一試佢 . . 原來係快餐類自助模式 先落咗order就自己搵位坐 嘢食整好會叫號碼 再自己出去拎 食完拎返餐盤去回收區 . . 我哋叫咗紫菜、肥牛、麻辣豬耳撈粗麵 小辣夠哂惹味 牛腩、流心蛋、魚皮餃時菜底，有菜底好好呀，啱晒唔想食咁多澱粉質嘅朋友 仲有小食麻辣牛柏葉 加多個腐乳通菜 飲樽仔奶茶 唔怕俾冰溝淡晒，茶味好夠濃，但係甜度就冇得揀 熱咖啡都幾厚同滑

去咗黃大仙搵個friend食飯，佢話呢間【嚐館 Cityfresh Bistro】餐廳好抵食。餐廳環境都乾淨又好坐 . . 見佢食物都好多元化，中西合璧，有啲茶餐廳食物又有啲café 食物。 . . 叫咗雞胸凱撒沙律 Chicken Chop Caesar salad ($78)，勁多雞！幾嫩滑，唔嚡口；而且勁多菜，新鮮好爽口。 滑蛋雞扒飯 fried scrambled egg and roasted chicken with rice ($73)，個蛋煮得好，唔會過火，雞肉同樣嫩滑；碗飯份量多 好夠食。 熱奶茶 茶味濃，幾香滑