好耐冇出手寫，因為之前唔見咗部電話，搞到完全冇心機，廢話講完😂 佢係得星期一至三先有呢個放題，所以一早就約咗，但係留到食飯前一兩日，朋友竟然話唔食生嘢😮‍💨 約咗就無謂取消，所以自己一個人都照去 比張單大家睇吓先，我有加$58無限飲酒精飲品，但係最終只係飲咗一樽sake 🍶一罐可樂🥤 一坐低就茶碗蒸味，味道正常，嫩滑到度都正常 個底有一粒細細嘅帶子（硬過你腳板底塊皮） 呢個都係佢自己自動上嘅，所有食材都好新鮮，唯獨是有個白色魚碎嘅壽司見到佢個樣咁 我就唔想食啦，但係吞拿魚係入口即溶嘅 佢本身有跟一個miso soup之後我哋無限揀多個蜆肉麵豉湯，顯係新鮮嘅，四粒都好飽滿，絕對可以接受，嗰刻幾驚佢俾四粒急凍蜆肉我😂 左：蟹膏蟹肉 正常發揮 中間：明太子 不錯，鮮味 右邊：海膽。好鮮甜，所以我其中食咗三嚿 手卷，配料只限影果d，即係話個底冇再多嘅配料 吞拿魚蓉就有筋 呢個沙律真係唔錯，以前有一隻熟嘅蝦，爽口，沙律有正宗沙律菜（有啲餐廳會用生菜嚟代替）非常之足料 有吞拿魚粒、三文魚粒、青瓜粒、牛油果粒、甜蛋粒、蛋黃醬、佢個仔係類似有啲酸酸地嘅汁好似係柚子醋 呢一個好新鮮，配搭又好，我食咗兩個 見到隔籬枱有嗌咁我咪叫囉 唔使揀，一珠本身包晒咁多嘢哈、：紫蘇葉、椒仔、帶子、蝦、冬菇嗰炸炸醬都好薄嘅，最好食係個帶子 工作人員不停問咗我好多次，我係唔係一個人食，其實一個人都冇問題啦，呢啲叫做me time 哈哈 題外話：我食完之後返屋企肚痾，之後好肚痛，琴晚屙咗三次，第二日屙咗一次，我自己本身都係好少食咁多生嘢，可能我自己嘅腸胃體質問題純粹個人分享絕，無任何其他意思

而家放假梗係平日呢朝聖啦 以為會人山人海(諗多咗)所以有好多時間影靚相 地方空間感夠，好寬敞，光線充足 喺泰國每日飲一杯當水飲 而家喺香港試下佢個咖啡先 大路， 咖啡唔可以少冰 只有奶茶可以 朋友嗰杯嘢正常發揮冇大驚喜啦 冬陰功炒飯，飯比較硬，似生米，但夠濃味，份量偏小 麵包份量夠，有焗過，微暖，脆脆地 咖哩絕對唔辣，偏甜，香港人口味 餡料唔算多：2個薯仔，5-6嚿雞肉；洋蔥就大量 食物就唔會encore 我都係飲番佢啲飲品算啦

第一次係朋友介紹我食嘅，知道我係黑芝麻， 我隔咗一日，心癮起又去買埋佢其他嘢。簡直一食返唔到轉頭，我好後悔唔記得問負責人拎電話 黑芝麻流心布甸其實入面即係布甸入面個流心係加咗芝麻糊（我個人認為 如有錯請更正） 布甸唔會太甜，唔係入口即溶嗰款 芝麻味夠 芝麻糊買咗返屋企雪咗一日，明顯食得出係真材實料，夠濃稠，唔會分離兩層， 甜味適中亦都食到磨得好幼細的芝麻 絕對唔係坊間水汪汪嗰種放得耐水同芝麻會分離 黑芝麻豆漿其實入面亦都包含咗白芝麻 佢唔係好順滑好水嗰種，亦都係飲得出好幼細嘅芝麻喺入邊， 所以其實佢都好濃稠 黑芝麻卷， 冇得輸㗎喇 實心 未食已經聞到濃郁黑芝麻 芝麻卷限量發售 我建議食唔曬記得放入雪櫃 所以我決定每一次我全部都會買曬🤣 佢都係太子地鐵站一出行少少就到 當然嗰度絕對唔係旺區同購物區 大家經開太子真係要去買嚟試下 個人喜愛排行榜 🥇芝麻糊 🥈芝麻卷 🥉芝麻布丁 豆漿

夠曬涼爽，好最鍾意啲舖頭有吊扇 空氣流通 朋友叫的王牌粥，我覺得好大路，原來菜頭只是新鮮菜心。 但係十分足料嘅👍 瘦肉絲都醃得好入味，拆得夠幼，粥底都綿嘅，食完唔會口渴 見到冇師兄師姐食牛腩我，梗係要做個勇者幫大家試下喇 不得了❤️份量十分之足，亦都好入味 簡直到唔夠喉 河粉都唔會好淋，夠爽口 係幼河粉 出面好少見 識食，梗係食蝦米腸炸兩喇 入面嘅油炸鬼都仲脆嘅 蔥花同蝦米🦐都充足唔會孤__寒 close up 茶走，大__樂貨色，大家可以唔使嗌喇 皇牌炸3寶 水餃唔錯，係我啱我嘅口味 炸雲吞就曳囉，個皮又大，個餡料又少我食淨雲吞好過 炸片頭還好

難得出到城，咁梗係食多啲嘢啦 跟住呢期好想食蠔🦪所以記得有呢間嘢就嚟試吓啦今日落住雨舖頭都唔算好多人 叫咗兩樣嘢！第一個係串串金蠔仔！到嘅時候都尚算飽滿嘅，應該係面頭加少少砂糖，再整熱佢 都鮮嘅好味，少少甜 都係我衰啦⋯⋯次次都係食完先記得影 一碟五小粒 即炸蠔餅 同我哋平時食開嘅嗰啲質地唔同，佢質地係實好多嘅，蠔🦪都算多，都脆，但食到有粉 俾個側面大家睇吓 魚露一包包嘅獨立包裝，非常之好，方便衛生 行過路過都可以食下嘅，但係專登嚟就唔需要啦

入去攞飛仔，夠大夠空間 佢啲三文治嘅款式好有誠意！只可惜返工日日 都食包所以見到三文治都唔敢嗌啦 佢竟然話可以飽到三點 決定下次如果再有機會佢 本身想食老闆娘米線，但係真係迫爆所以唯有叫呢個止下癮 嚟到嘅時候，個湯底唔熱嘅！啲雞尚算嫩 但係完全冇味，仲要附送小烏蠅一隻 明顯個紅棗係臨時先落去，因為完全唔淋同極都唔出味。不過算啦，裝飾嚟嘅啫，嚇我唔到嘅 個湯底係好飲嘅，椰子味足，鮮甜 想要但係個肚冇位 老母大人的焗咖喱牛肉飯！老母大人讚佢有炒底因為出邊一般茶餐廳要炒底要加錢但呢一間唔使 但伯母彈佢哋點解一舊薯仔都冇嘅？點解一啲洋蔥都冇嘅 sorry我都唔知點答佢好 凍奶茶，大佬，冇茶味，唔係我鍾意飲嘅凍奶茶，伯母杯凍檸茶佢話合格 但係其實伯母嘅準則係一時一樣所以大家可以聽完就算 呢碗價錢嘅米線，我出去可以食得更好

真係失禮死人啊！附近食完個午餐唔係好夠飽 結果要補多一飛，我最愛嘅肥妹西多 睇落就好似好大份！嗰包好厚 但係其實花生醬都唔係價鋪滿晒成個西多 四邊冇醬，所以我切走咗啲 冇花生醬嘅西多！食來幹什麼？ 不過好彩佢真係夠熱！ 如果佢嚟都係凍嘅我應該會反枱 凍飲唔使加錢！又大大杯。 茶走就好飲，不過阿姐我唔記得嗌少甜 朋友叫的豉油王雞髀！去茶記竟然唔食炸髀 我簡直係10萬個為什麼 甜甜的，雞肉尚算嫩 雪味都處理得唔錯 但係真心隻雞髀唔係肥美嘅 兩個餐連埋凍飲都係$64冇投訴啦

哥哥仔話佢哋每兩個星期就會轉一轉餐牌！非常好有新鮮感 今日餐湯係南瓜湯🎃所以冇咩大興趣就唔叫啦 我又想食咖喱，又想食春雞 哥哥仔一講完，我當然食埋最後一日嘅Menu春雞啦 凍檸茶冇咩茶味，熱飲就細杯咗少少 花茶係茶包 正路 生啤 春雞嚟到喇！ 熱嘅，但係個皮唔脆 脆雞肉尚算嫩滑，唔算太重味，我呢啲重口味嘅朋友要靠隔離嗰碟胡椒鹽嚟吊吊味 我唔係好食得飽 朋友叫咗個肉盤！大路 但係個薯菜好好食 男士都表示唔係好飽 呢度啲裝修都幾特別，開門嗰首 手把位係一把菜刀 好搞笑

難得出城，梗係搵啲新餐廳又靚又打卡able去食啦 門口有得坐住等位 呢一度上一間鋪係買名牌袋嘅twist 設計一樣 問職員有冇Menu之後就比呢張單我自己落單 我坐呢張枱:隔離 識揀，梗係揀冇得外賣嗰款啊 我揀：多芽菜、少粉 對於我呢啲重口味嘅朋友，我問佢攞一碗佢哋自家製嘅魚露 聞聞👃好香、食落亦都唔會死鹹 真係真材實料 芽菜脹卜卜 湯底好清但係未去到好好味真心 喺加拿大時，已經好鍾意食越南法包 嚟到香港最好食嘅我只會選佐敦道嘅添記 由細食到大，不停加價都冇阻我去食 見呢度有發包！我梗係會一會佢啦 點知我頂個包都唔熱嘅，亦都冇搽牛油 料係好足嘅，但係個包唔熱真係好扣分囉 材料都尚算足夠，佢加咗少少豬肉鬆配搭都幾好味 鵝肝醬做得好好 基於個包太冇誠意，所以我放棄咗佢嘅上半身 跟住影過來俾大家睇吓 好食嘅，行過路過可以食！ 但係唔使專登嚟啦特登除非你好想打卡 佢嘅價錢絕對唔平我覺得佢唔係值回票價

晏就冇嘢做就行去食個午餐加晚餐啦！
原來呢間有得用app去攞位，下次想食嘅朋友可以先攞位




本來想食隔離間越南菜，兩間都攞咗飛，就睇吓個天決定我哋食邊間呀，最後呢一間有位先咁就係你啦飛雲。

煙鴨胸，出奇地幾好味！微暖，皮微微脆，好食。唔會死鹹，唔會口渴，個飯就個米
質地唔靚，味道正常

加個怡寶芽菜做小食！芽菜係脹卜卜嘅，味道就一般啦，唔會encore

斑蘭牛油多士！牛油夠厚嘅，但係斑蘭醬就少咗啲啲，唔夠香，所以加起來都係麻麻地

重點係個多士都唔熱嘅


本人的海南雞「慘慘」
！雞份量唔算多、入味、好味
湯底都正常

朋友飲食冇我咁揀擇，杯嘢飲到一半就唔飲啦
你估到咩料啦

總結一句：唔會再嚟！